يومياتي الجميله^^

الموضوع في ',, البُريمِي لـ/ يوميات الأعضاء' بواسطة unknown, بتاريخ ‏28 ديسمبر 2010.

حالة الموضوع:
مغلق
  1. unknown

    unknown ¬°•| عضو مميز |•°¬


    بسم الله الرحمن الرحيم

    الاسم : مب لازم
    مواليد : 1997الباقي مب لازم

    هذه هي يومياتي الجميله :imuae52:و الي الكل يستمتع بقرائتها<<هذه اول مره اكتب يوميات^^"


    يتبع>>
     
    أعجب بهذه المشاركة special
  2. unknown

    unknown ¬°•| عضو مميز |•°¬

    في الروضه

    عندما كنت فالروضه كنت امشي بامان الله وبينما انا امشي اذا باحد ما يقذفني من الوراء واسقط و ينشرخ الهيلا هب مالي و يطلعلي دم من ركبتي ووقفت و لفيت على وره الا وشوف واحد من لاولاد يضحك علي هو و ربيعه وعصبت و سار اونه مامسوي شي عصبت و لحقته و دزيته و طاح <<طلعت سوبر مانه :batman:~ المهم رحت اصيح عند الابله داخل عشان تضربه و مالقيتها طلعت مره ثانيه ولقيت كل اطفال المدرسه مجتمعين وسرت اشوف شو مستوي ويوم سرت لقيته يصيح وكل قميصه دم طالع من خشمه و قلت : الحين ها انا مسوتنه <<بصوت خفيف عشان محد يسمع و سرت كاني مامسويه شي ولابله الي كنت بصيح عندها لقيتها عنده قلت خلاص مب لازم يوم شفت الدم ارتاح بالي


    وبس
    :012:
     
    آخر تعديل: ‏28 ديسمبر 2010
    shadow و special معجبون بهذا.
  3. unknown

    unknown ¬°•| عضو مميز |•°¬

    بيت خالي

    في يوم من الايام كنت رايحه ازور بنات خالي التوئم و يوم كنا نلعب ملينا وقالت وحده منهم تعالو نسير فوق الصدح
    قلتلها ليش قالت : هناك في شي حلو فوق وسرت ويوم ركبنا قامت وحده منهم فجئه نقزت من فوق و انا مستغربه
    الا و الثانيه تقول : قومي ننقز ويها قلتلها ليش ما بنموت ؟ وقالت لاتستغبي وله بنخليج بروحج هني قلتلها نزين بس صبر بكتب وصيتي<<متفيجه انا علا وشك الموت وبعدني اتمسخر~ المهم قالت انا بترياج لين ماتنقزي وبنقز قلتلها كيف بنقز قالت: لاتستهبلي وله بدزج قلتلها تعرفي انه امي تباني وعصبت و كانت يايه دزني قلتلها خلاص بنقز بنقز و
    غمضت عيوني ونقزت وانا ماعرف كيف المهم بعد مانقزت نقزت الثانيه وراي وقمت من على الارض فرحانه مامصدقه اني حيه وانا اناقز اسمعهم يصارخن ويقولن :دم دم يالخبله شوفي يدينج سرت اشوف يديني ولا كلهن فيهن دم متشمخات و شلني عند امهم و ماكان خالي موجود عشان يوديني المستشفه وربطولي يديني بشي طويل ماعرف شو اسمه لونه بني المهم ما تبنا وقمنا و سرنى الصدح مره ثانيه عشان ننقز:29:

    مر على هذي الحادثه 5 سنين لكن الاثار بعدهم
     
    آخر تعديل: ‏28 ديسمبر 2010
    أعجب بهذه المشاركة special
  4. special

    special ¬°•| اسْتًغْفِرُ الله |•°¬

    أوووو تطورت العزبه .. :eh_s(6):

    مبروك مبروك ..

    بس أحط بصمتي عسب تطلعلي مدونتج فلوحة التحكم ~

    لي عوده :imuae54:
     
  5. shadow

    shadow ¬°•| اسْتًغْفِرُ الله |•°¬

    ههههه يوميات عجيبة واللهي

    احلى شي سالفة الروضة ،

    اول مرة اسمعبها

    ماعين خير هذاك الولد رحمته هو :333:

    ولا سالفة الصدح = السطح اعرفها من قبل :Frshah1:


    جميل جميل اووختي استمري :1:
     
  6. unknown

    unknown ¬°•| عضو مميز |•°¬

    شدو سالفة الروضه يوم كنت صغيره احيدني محفضتنكم اياها

    و ثاانكس عالمرور
     
  7. unknown

    unknown ¬°•| عضو مميز |•°¬

    رحلتي لدار المعوقين

    كنت في الروضه و يوم من الايام رحنى رحله لدار المعوقين و في وقت الغداء و زعولنا الاكل و يوم ينى نفتح الاكل
    قالو الاولاد حق بنات وانا منهم طبعا: لو كليتو هذه الاكل بتستو مثلهم معوقين << مستذكين علينا الاغبياء
    رديت و انا اتمسخر على هل عقل الي عندهم : شو يعني عاطين جينات فالاكل
    بعدين يلسنا نضارب البنات ولاولاد و زقرتني الابله ويوم رديت لقيت البنات بعد حاطات اكلهم فصوب
    قلت : حتى انتو تاثرتو بكلامهم هذيلا الاغبياء
    يالسو يشوفوني بعدين قالو البنات : لا تاكلي بتتحولي مثلهم << وبعد اتذكر قالو يتحول خيبه كيف يئثرو هذيله الاولاد
    وبعدين انا طنشتهم كنت متاكده من معلوماتي ما ريد اسمع معلوماتهم
    ويلست اكل وهم البنات متحربات لانا كنا يوعانين
     
    آخر تعديل: ‏28 ديسمبر 2010
    أعجب بهذه المشاركة أ”أڑأ”أˆأ¦أ¤أ¥
  8. unknown

    unknown ¬°•| عضو مميز |•°¬

    قولو مبروك حقنا اهل الامارات يوم حرقو اكبر واغلى شجرة كرسمس في العالم:2253446f49dd40fbf5e
     
  9. شعشبونه

    شعشبونه ¬°•|Her Highness|•°¬

    وليش مبروك تفرحي بهالشي الغبي ؟
    المفروظ تفرحي لانهم حرقوها
    الللي يسمعج بيقول مرتده
    يابنت مااايصييير نحتفل !!
    هالاجانب اللي فكل مكان خربو عقولكم :huh-:
     
  10. DESTROYER X

    DESTROYER X موقوف

    هعععععععععععععععععععععععععععععععععععععععععععععععععععع
    لا الصراح سالفة السطح حلوة والله يعينج من اللام الطيحه

    وتقبلي مروري وانشالله نترقب يديج شنو بتسوين فوق السطح ؟؟؟؟؟

    عاد عن تجربي تنقزي من فوق برج ايفل شدي حيلج يله يعطيج العافيه
     
  11. unknown

    unknown ¬°•| عضو مميز |•°¬

    نشاله اذا الله كتبلي بعد بنقز من فوق برج خليفه<<بايعه روحي
    ثاانكس عالمرور:2253446f49dd40fbf5e
     
    أعجب بهذه المشاركة ᗩl - ᗰaha
  12. unknown

    unknown ¬°•| عضو مميز |•°¬

  13. unknown

    unknown ¬°•| عضو مميز |•°¬

    عن شجرة الكرسمس هيه شباب من الشارقه بس الي حرام انه سجنوهم مؤبد
     
  14. unknown

    unknown ¬°•| عضو مميز |•°¬

    الله يعني وصلت صبيصل الى الاقاء بسير اجوف عمتي اقصد اسلم عليها:arg:
     
  15. DarkFireSlash

    DarkFireSlash ¬°•|مٌفكِر وُمبِدع تطوِري |•°¬

    لباس الزومبي مال رون سكيب للبيع -______________-
     
  16. unknown

    unknown ¬°•| عضو مميز |•°¬

    اقول ما لقيت مكان غير يومياتي الجميله عشان تشخبط فيها
    المهم انا كنت مشتركه بس مت عند الوحوش الله يرحمني:bicycle:
     
  17. DarkFireSlash

    DarkFireSlash ¬°•|مٌفكِر وُمبِدع تطوِري |•°¬

    اصلا انا اعتزلت احسن شي واسهل شي التدريب عند الفارات العودة نطلع من القلعة ونقتل ونشوي لحم -_-
     
  18. unknown

    unknown ¬°•| عضو مميز |•°¬

  19. shadow

    shadow ¬°•| اسْتًغْفِرُ الله |•°¬

    :imuae59:


    استغفر الله

    استغفر الله

    استغفر الله
     
  20. unknown

    unknown ¬°•| عضو مميز |•°¬

    بقولكم شو ستوالي يوم ماعرف اي يوم المهم انه فهذا الا سبوع

    كنانو الحيرم يالسات فبيت عمتي و كان هناك امي وام صبيصل المهم شفت ليت سياره و عرفت انهم صيصل و شدو لانهم قالولي من قبل نزين وسرت عندهم الحقهم و لقيت شدو الي تسوق وشافوني بتسمتلهم وشردت وسرت عند امي وقلتلها انه شدو يالسه تسوق << قلت حق امي كذي لانها ما طيع تخلي شدو تسوق :bigsmile:المهم رديت عند صبيصل وشدو وقالولي بتسيري عندنا قلتلهم : وين بتسيرا . قالو نتمشى فالحاره قلتلهم نزين وركبت << كاني ما حاشه عليهم قبل شوي . نزين وركبت وشدو الي كانت تسوق و انا يالسه اعايب عليها تحربت منها وقلت حق صبيصل اريد اسوق . قالت ما طاعت وقلتلها حرااااااااااام:cute:وبعد الحاح طال مدته ماعرف كم دقيقه طاعت بس قالت فالبيت بتخليني وقلتلها نزين المهم حطنا فالحاره كلها تقريبن وانا يالسه اتحرقص ابا اوصل البيت وبعدين ردينا البيت بعد فشاليل:005: << وله مب جي جمعها . المهم وصلنا وتبت مره ثانيه اسير مع هذيلا الحيريات الثنتين و صلنا عند الباب و ركبت من و ين يسوقوا و عيوني يلمعو و ارتجف << ماعرف من البرد وله لانه اول مره اسوق المهم بعد الشرح الطويل الي يالسه صبيصل تشرحلي اياه شغلت السياره وله ماواحي اسوق اله والقه بنت عمي الي صف خامس طالعتلنا ماعرف من وين و قلتلها ركبي وركبت وهي ما مستوعبه ناي انا الي اسوق المهم اول ماسقت وبابطء من البطيء قامن شدو صبيصل بدال ما يشجعوني او ينطموا عشان اركز يالسات يصارخن "بتدعمي "وما كان شي جدامي المهم درت نص دوره اله والقه بنت عمي الثانيه وركبنها وقالت صبيصل انتي قلتي بس بتوقفيها قلتلها نزين بس مب هني المهم درت ما عرف كم دوره اربع او خمس وقفت السياره وسرت اناقز فرحانه اول مره اسوق:2253446f49dd40fbf5e

    ملاحظه : للعلم ترى عمري 13 يعني تحت السن القانوني
     
    أعجب بهذه المشاركة special
حالة الموضوع:
مغلق

مشاركة هذه الصفحة