حركاتكم و شو كنتوا تسوي وانت صغير

الشيماء

¬°•| عضو مميز |•°¬
إنضم
12 أكتوبر 2010
المشاركات
222
الإقامة
الباطنة
الموضوع واضح من عنوانه
الكل منا سوى بلاوي
وهو صغير وحلوا اننا نجلس نتذكر
سوالفنا وما نعتب على الاطفال على شطانتهم
عاد بخبركم عن برنسيسة
تعرفوني من يوم يومي كنت فقيرة ومسكينه
والجطوة تاكل عشاي
انا البنت الوحيده في دفعتي كانوا كلهم اولاد
من جهة امي ومن جهة ابوي لكذا كنت المدلله
بس مالحقت اتهنى بامي بسبب اختي لملاجفه
المهم انا كنت متربعه على العرش ودلوعه لابعد الحدود
كنت اول حفيده لجدي (الله يرحمه)وجدتي لكذا كنت واجد متدلعه خاصه
على جدي الله يرحمه
واما ابوي انا واجد عذبته فصغري وفي كبري ربي
يأجرة ويجزيه الجنه عني الاني عنديه مثله واشد
كان يوم الاربعاء عندنا احتفال بمناسبة ابوي بيرجع من ابوظبي
نتعدل انا واختي كان البيت واسع قبل ما يجوا اخواني
ونجلس ننتظرة عند الباب
واول ما يوصل اتعلق في رقبته ويلبسني الكاب ماله وندخل
وعاد اجلس في حظنه وما انزل ولا اعتقه واعطيه النشرة
الاسبوعيه بكل الاحداث الي صارت في غيابه(وكاله انباء)
يوم الخميس امي تغسل شعري
واروح لابوي يسرحه لي واتليعن اقول امي تسرحه بقوه
كان يسرحه لي بكل لطافه عن اتوجع ربي يحفظه
الجمعه برنسيسة تجهز قائمه الطلبات الي
ابوي لازم يجيبها معه وهو راجع من الشغل
واذا نسى حاجه ما لازم اقول لكم شو بيصير له
بحكي لكم قصه ربع ابوي في جعلان بعدهم لتو يغايضوني فيها
كنت طالبه بطانيه حمرا(لحد الحين لما ابوي يروح يشتري بطانيات يجيب لبرنسيسة بطانية حمرا)
وابوي نسها 3 مرات واخر مرة هددته انه اذا ما جابها مابيدخل البيت
قال لربعه يذكروه بها وهمه فالطريق لسوق قال لهم شو رايكم اتصل بها
وشوفوا شو بتسوي
وفعلا اتصل وكان ما احد يقدر يرد على التلفون غيري انا
يعرفوا شو بيصير لهم
رديت وطلع رجال (ابوي متلثم عشان ما اميز الصوت)ونجح فيها
ما عرفته
قال من معي فلانه قلت مالك خص من تريد وليش تتصل عبيتنا
قاتل عجب اكيد فلانه جاب لك ابوك البطانيه الحمرا؟
هنا عاد انا طلعت اخلاق الاميرات وسبيته سب
و وال ما رجع ابوي خبرته انه فيه واحد قليل ادب اتصل
وقال ما جاب لك ابوك البطانيه الحمرا
ابوي مسكين كتم الضحكه وخبر امي
بفعايل بنتها ام لسان
اول يوم لي فالمدرسه ابوي وصلني
وشرالي كيس اكبر مني حلاوة وكيك وسفن اب
ووصى المدرسات على ذ فاطمه لما تشوفني تو تذكرني بها
كل البنات تصيح تريد امها وانا بديت اصيح
قالت ليش حبيبتي انتي
بعد تبي امك قلت لها
لا ابي ابوي
احداث كثيرة لا تمل من سوالفنا ونحنا صغار
ياريت تتشجعوا وتحكوا قصصكم لنا لنضحك
 

قيادة حرس الرئاسة

¬°•| ђάсқεя~4έṽέя |•°¬
إنضم
9 مايو 2010
المشاركات
9,144
الإقامة
AUSTRIA
طلعن البلاوي ..،،
ماشاء الله ..،،:asd:

خلونا ساكتين أحسن ..،،:asd:
 

الشيماء

¬°•| عضو مميز |•°¬
إنضم
12 أكتوبر 2010
المشاركات
222
الإقامة
الباطنة
ههههههههههههههههههه

ما شاء الله عليج خيتي

كنتي مسويه بلاوي

بس أسمحيلي أعتذر عن طرح قصة حياتي^^

شكلك مسوي مصايب تسلم على المرور
كان الواحد يعزمكم تدخلوا تدخلوا بس :Bored_Whackin::Bored_Whackin::Bored_Whackin
:
 

الشيماء

¬°•| عضو مميز |•°¬
إنضم
12 أكتوبر 2010
المشاركات
222
الإقامة
الباطنة
التعديل الأخير:

قطوة البريمي

¬°•| مُشرِفَة سابقة |•°¬
إنضم
18 يوليو 2008
المشاركات
7,113
العمر
33
خخخخ والله سوالف..

ممممممم

مدري من يوم صغيره وانا مشاغبه .. دايما كنا نتميع ونلعب ف الحاره وركيض وصريخ وحفلات نسوي عاد هب حفلات هع

وشو بعد ممممممم

يمكن اللي اذكره اكثر شي انه مره تضاربت ويا واحد وطر لساني فقدته عقب خاطوه لي اهئ اهئ

تميت ما اكل يمكن كم اسبوع .. بس كنت اشرب سوااائل هع

وبث
 

مردك لي

¬°•| عضو مثالي |•°¬
إنضم
5 أبريل 2010
المشاركات
1,977
الإقامة
متربع بقلب خلي
ههههههههههههههههههههههه
مشالله عليج يا الدلووووووعه


أممممممممممممم


انا اول يوم كنت صغير تقربيا كنت الصف الاول
كنت مابي اروح المدرسه كل يوم الصبح يوم امي تثورني للدوام ايلس اصيح اني مريض سويت هاي الحركه جم مره وبعدين عرفو السالفه .....

كنت غبي اول اقولهم اني مريض يوم بعدين ما اروح المدرسه ايلس العب خارج وفرحان ما فيه شى

وبعدين كشفوني ع حقيقتي ومن يسمع ابويه اني مابي ادوام اشوفه يجهز الخيزرانه وانا اركض اروح المدرسه




بس خلاااااااااااااااااااااص
وايد نحن سوينا يوم كنا صغار
ما اظن شى ما سويناه


بس فضاااااااااااااااااااااااااايح





السمووووووووووووحه ع القصور
 

الشيماء

¬°•| عضو مميز |•°¬
إنضم
12 أكتوبر 2010
المشاركات
222
الإقامة
الباطنة
خخخخ والله سوالف..

ممممممم

مدري من يوم صغيره وانا مشاغبه .. دايما كنا نتميع ونلعب ف الحاره وركيض وصريخ وحفلات نسوي عاد هب حفلات هع

وشو بعد ممممممم

يمكن اللي اذكره اكثر شي انه مره تضاربت ويا واحد وطر لساني فقدته عقب خاطوه لي اهئ اهئ

تميت ما اكل يمكن كم اسبوع .. بس كنت اشرب سوااائل هع

وبث

خيبه يالجطوه حصو لسانك
هي ذكريات لاتمل روعتها بتذكرها تسلمين الغاليه على تلبيه الدعوه​
 

الشيماء

¬°•| عضو مميز |•°¬
إنضم
12 أكتوبر 2010
المشاركات
222
الإقامة
الباطنة
ههههههههههههههههههههههه
مشالله عليج يا الدلووووووعه


أممممممممممممم


انا اول يوم كنت صغير تقربيا كنت الصف الاول
كنت مابي اروح المدرسه كل يوم الصبح يوم امي تثورني للدوام ايلس اصيح اني مريض سويت هاي الحركه جم مره وبعدين عرفو السالفه .....

كنت غبي اول اقولهم اني مريض يوم بعدين ما اروح المدرسه ايلس العب خارج وفرحان ما فيه شى

وبعدين كشفوني ع حقيقتي ومن يسمع ابويه اني مابي ادوام اشوفه يجهز الخيزرانه وانا اركض اروح المدرسه




بس خلاااااااااااااااااااااص
وايد نحن سوينا يوم كنا صغار
ما اظن شى ما سويناه


بس فضاااااااااااااااااااااااااايح





السمووووووووووووحه ع القصور
تسلم الفارس الابيض هي دعوه لترويح عن القلب دعوه للذكريات الرائعه المميزه بالطفوله والبرائهتسلم على تلبية الدعوه:cute::cute:​
 

غالي الأثمان

¬°•| مراقب سابق|•°¬
إنضم
16 مارس 2010
المشاركات
3,857
العمر
33
الإقامة
..[ المدينه الزرقاء ]..
هع هع عاد انا اخر العنقود والدلوع ههه..

اذكر اني لما كنت صغير كنت اطلع من الصبح ف الشمس وارد قريب العصر لاغدا ولا شي’ وعاد ادخل البيت شوي شوي كنت خايف اخوي الكبير يشوفني.. بس ف يوم من الايام شافني وكان ماسك العصا فايده وعاد طاح الضرب هههه ومن ذاك اليوم ولحد احين يضحك علي ويقول لي: تذكر العصا... هههههه

يسلموووو ع الطرح..
 

قطوة البريمي

¬°•| مُشرِفَة سابقة |•°¬
إنضم
18 يوليو 2008
المشاركات
7,113
العمر
33
وعاد طاح الضرب هههه ومن ذاك اليوم ولحد احين يضحك علي ويقول لي: تذكر العصا.

خخخخخخخخخخخخخخخخ اكيد ما بتنساه الضرب ههههههه
 

جوهرة البلوش

¬°•| عضو مميز |•°¬
إنضم
3 يونيو 2010
المشاركات
473
الإقامة
ف خلية النحل
انا عن نفسي اولا كنا نتسلق على يدار بيت الجيران وندخل داخل الحوش لما اهم ما يكونون في البيت
ونسوي عمارنا حراميه وكنت انا خيفانه وايد عن احد يشوفني ويخبر ابويه
وهذا طبعا تاثير الافلام
 

شنان الجابري

¬°•| عضو مبتدى |•°¬
إنضم
19 ديسمبر 2010
المشاركات
42
الإقامة
العين


هههههه ذكرباتج الغاليه تكفي اما عني لا تفشل يوم صغير دفش وفضولي ودوم في النخيل في الشريعه حافي في الشمس هههه شرده من المدرسه هذه روتين كان عندي هع هع خلاص عاد يكفي هذه السرد من طفوله :facepalm:
 

ماكس العين

¬°•| عضو فعّال |•°¬
إنضم
7 نوفمبر 2010
المشاركات
114
الإقامة
البريمي داري
ههههههههههههههاي
شكرا على الموضوع بصراحة ذكرتينا بطفولتنا
آحم آحم
انا بقووللكم شو كنت اسوي واني صغنونة هع
لما كنت صف الاول كان اتقوللنا الاستاذة الي يشوف احد ويسلم عليه ياخذ اجر
عاد ايكم انا ماخليت في الحارة لا هندي ولا شباب ولا شيوبة طبعا اسلم عليهم بايدي اشوه اني ما دقيتهم بخشوم المهم خطفت عليهم كلهم ويوم اتذكر عمري ايلس اضحك على خبالي لحد ألحين يوم اسير الحارة يجلسون ينكتون علي اونة ليش مابتسلمي علينا
:315921608f80a798(anti-spam-bcc:)315921608f80a798bcc

آحم أحم
اذكر بعد مرة قامووا الاولاد وقالوا بيروحوا يتسبحواا في الوادي قلتلهم بسيبر وياكم قالي اخوي تعالي
محد غريب غير عيال خوالي وخالاتي
المهم انا كنت صغيرة وتسبح من وين شوي الماي
وهم كبار كانوا يتسبحوااا في الغريق كان اقول لبنت خالي ليش اهم ليش مايغرقوا
قالت لانه مب غريق هع
قررت اروح اسبح صوبهم ومن نحاسة حظي محد شافني يوم سرت ويوم وصلت عند الغريق بغيت اموت
يعني غرقت لولا في اللحظات الاخيرة ولد خالتي شافني طبعا انا عقيت المصيبة على بنت خالي
هع هع:aa_france2:
وقام اخوي وفر بنت خالي في المكان الغريق مسكينة لحد الحين اضحك عليها
وبث اصلا مابخلص لو يلست اذكر طبعا عيال القرى كل المصايب فيهم
تقبلي مروري خيتووو:aa_france2:
 

ندى الصباح

¬°•| مُشرفة سابقة |•°¬
إنضم
25 يونيو 2010
المشاركات
4,045
الإقامة
البريمي
أذكر اأول يوم بصف أول يوم رن جرس الفصحة

شليت شنطتي وسرت البيت وأنا رادة مريت ع الدكان وتشريت

وايد اكشنات فالمدرسة لو بعددها بتعب
 

بدوي آلبريمي

¬°•| فخر المنتدى |•°¬
إنضم
27 أكتوبر 2010
المشاركات
7,160
الإقامة
البريمي
أنأ بذكر موقف وأحد بس والباقي بخليه مستور ..!


أول يوم لي فالمدرسه يوم كنت صف اول حطوني أول حصتين فصف وعقب نقلوني صف ثاني واذكر الطاوله تلوع يخييه لين الحين اذكرها وعقب شليت شنطتي ورديت البيت ركضضضضضض والحارس وراي هههههههه
 

شيخة الكل

¬°•| عضو مميز جدا |•°¬
إنضم
20 أبريل 2010
المشاركات
550
العمر
33
الإقامة
ف بيتين ومكانهن عند بيت الجيران
هههههههههه

والله الحياه الطفوووليه وحدها يبالها كتاب أيام زمان صغيرين هع

بصراااحه أنا وحدي حاله خاصه..لما كنت ‏
صغيره ‏
صارتلي ‏
واااجد ‏
مواقف ‏
والأهل لحد اليوووم يذكروووني فيها أنا الوحيده إلي ما نسوها سواالفي..
أنا دلوعة الماما عشت مع أمي والبنت المدلله لها آحر العنقووود
أووونه..
بس كانت جدتي معتنيه فيني الله يرحمها..يعني أمي الثانيه وصارت موااقف لها
كثير هي دايم كانت لما تخرج وتروح مع الحريم عزايم أو عزيات أنا أتعلق ‏
فيها بأسناني والكل يبطل وأنا خبر خير..إلى لما أستسلم أقولها زين أريد ‏
مائة بيسه وتراه ف النهايه بتعطيني وبسكت..
مره خرجت وقفلت عني البيبان وأنا بعدني أصرخ بس ف النهايه قحمت م
جدار بيتنا ما تتخيلوا كيف قحمت كلهم ع بالهم صارلي شي..ههه كنت شيطانه

وتعرفوا مره دعمتني سياره كله ذا عشان إنه رايحه عني ههه
ختى صف الأول دوووم صايح ولازم جدتي أسحبها معي المدرسه لانه
متعلقه فيها بأسناني ههه

وشو بعد الأهل عندهم ذكرى لي لأني كنت أنادي جدتي بكلمه بتقتلكم ضحك ‏
بس ماأخبركم شو هي لاني أنحرج أووونه هههه

وشو بعد كنت لما صغيره أمص أصابع رجولي هههه

وفيه ذكريااات كثييييره ما تنتسى..
أيااام جميله أيام البرائة..

عذرآ ع الإطاله..
وشكرآ أختي ع الطرح الرائع..
 

مردك لي

¬°•| عضو مثالي |•°¬
إنضم
5 أبريل 2010
المشاركات
1,977
الإقامة
متربع بقلب خلي
الغرقاااااااااااااااااااااااااااان
خخخخخخخخخخخخخخخخخخخخخخ
:icon_smile_eyebrows:icon_smile_eyebrows
 

الشيماء

¬°•| عضو مميز |•°¬
إنضم
12 أكتوبر 2010
المشاركات
222
الإقامة
الباطنة
انا عن نفسي اولا كنا نتسلق على يدار بيت الجيران وندخل داخل الحوش لما اهم ما يكونون في البيت
ونسوي عمارنا حراميه وكنت انا خيفانه وايد عن احد يشوفني ويخبر ابويه
وهذا طبعا تاثير الافلام

تسلمين الغلا
صراحه خاطري ارد صغيرة
بس عشان اجرب الطلعه فوق الجدران :imuae84::imuae84::imuae84::imuae84:
 
أعلى