ســياحة ولكن لا تنسى الـنظافه

الموضوع في ',, البريمي لـِ مساحة حرة ,,' بواسطة بنت محضه, بتاريخ ‏20 ديسمبر 2010.

  1. بنت محضه

    بنت محضه ¬°•| صاحبة التميز|•°¬

    السلام عليكم ورحمة الله وبركاته
    تزخر بلادنا الحبيبة عمان بالعديد من الأمـاكن السياحية الجميلة ذات الطبيعة الخلابة...التي تبهج الأنظار وتريح النفوس..
    فتكثر فيها الأودية والافلاج والبحيرات والأخوار والحدائق والشواطئ النظيفة,بالإضافة إلى الأماكن الجبلية ومناطق الكثبان الرملية,,والعديد العديد من الأماكن المنتشرة في ربوع بلادنا...
    والإنسان العماني محب وشغوف بالسياحة خاصة السياحة الداخلية,,,
    ليس هذا هو موضوعي ,,موضوعي عن نظافة الأماكن السياحية..
    العديد من الناس اللي يطلعوا سياحة او رحله أو تنزه عقولتهم...يخلو الأماكن اللي جلسوا فيها كلها زباله لدرجة انم حد يقدر يروحها مره ثانيه...
    كل شي يرموه فذاك المكان حفاظات الاطفال وبقايا الاكل والعبوات الزجاجيه وكل اللي يخطر في بالكم...
    حتى الاكل يرموه ويدوسوه بعد...ما يحترموا النعمه..
    طيب ليش كذا؟؟؟ليش كل واحد ما يخلي المكان نظيف؟؟؟يكون له ولغيره ويحافظ على نظافة البيئه ف مثل ماهي تعطينا حنا لازم نعطيها...
    بتقولوا مافي اماكن عشان تحطوا الزباله...البلديه الحين مامقصره حاطه فمعظم الاماكن زباله...
    واكيد كل واحد طالع سياحه بشيل معه اكياس ..طيب من تخلصوا خلوا الزباله فذيك الاكياس...
    حتى بامكانكم تشيلوا كيس زباله ..ذيلاك اللي لونهن اسود واذا ماتعطيكم البلديه اشتروا من أي محل ترا يبيعوهن...اقولكم بصراحه احنا لما نطلع انظف المكان اللي جلسنا فيه ومانخلي فيه ولاذرة وسخ....
    ماهو بمدح ولكن هذي حقيقه...وأتمنى يكون الكل كذا...البعض بيقول ماشي منه هالكلام لكن والله انا شفت اماكن وااايد وسخه ...والله بعد مال الزباله جدامهم لكن مايحطوا فيه بس مخلينه تذكار..ههههه

    كان ودي أصور لكم كيف المنظر...بس المشكله خلصت بطارية جوالي
     
    آخر تعديل: ‏20 ديسمبر 2010
  2. مكتب الشبــــــلي

    مكتب الشبــــــلي :: مكتب خالد الشبلي لتخليص المعاملات::

    تسلمين خيتو موضوع مميز بس الحمدلله صح بعض الناس مثل ماقلتي مايحافظون على نظافة بلدهم بس مع هذا بلدنا نظيف ويجب على الكل يحافظ على بلده
     
  3. بنت محضه

    بنت محضه ¬°•| صاحبة التميز|•°¬

    المفروض الكل يحافظ ع النظافه...
    خاصة الحين عاد اجازات والجو حلو والناس وااايد بيطلعوا
     
  4. ماشاء الله موضوع جميل ومميزه
    وبالفعل مشكلة النظافة ورمي المخلفات في الاماكن العامه
    صارت تؤرق الجميع
    والمشكله انه محد يقدر يجلس نفس المكان وناس كانو جالسين قبل بسبب المخلفات
    وهذي ثقافه ليست من السهوله يستوعبها الناس


    درس جميل ومميز
     
  5. غالي الأثمان

    غالي الأثمان ¬°•| مراقب سابق|•°¬

    شي اكيد انه السلطنه تحتوي على العديد والعديد من الاماكن السياحيه الجميله.. والبلدية ماقصرت ابدا فهي تخصص اماكن خاصة لرمي المخلفات.. ونتمنى من اي سايح بعد الانتهاء من الاكل ان يرمي المخلفات في الاماكن المخصصه لها..

    الف شكر لك اختي على الطرح الرائع..
     
  6. بنت محضه

    بنت محضه ¬°•| صاحبة التميز|•°¬

    البلديه ما مقصره لكن السياح ..يوسخوا المكان
     

مشاركة هذه الصفحة