في خاطري كلمة ويمكن تبكيك , !

الحالة
مغلق و غير مفتوح للمزيد من الردود.

بقـــ gro07 ــايا

¬°•| عضو مميز |•°¬
إنضم
27 مايو 2010
المشاركات
268
الإقامة
..........
وشلون ماأحبك ولا عدت مغليك
............... وانت الدوا لـ انسان دونك يعاني


وشلون رحت وكل صوتي يناديك
............... ياهيييه اسمعني ترى العمر فاني


ماقلت لك من قبل ماني مخليك
............... ياكيف تنساني ــ وقلبك نساني ؟


كتبت لك في صدر الايام ... ابغيك
............... وكتبت لي :.. خلاص غيرك خذاني


حتى جدار الصمت لو التفت فيك
............... بكيت من صمته .. وضيق الثواني


عشقت كل لحظات عمرك وماضيك
............... ومعك : عرفت ان الأماني .. أماني


وسويت لك في داخلي شي يرضيك
............... وان كان مايرضيك ؟؟ ... سويت ثاني


نزعت فرحت خاطري .. ليت تكفيك ؟
............... وزرعتها في داخلك .......... ماكفاني


ضحكت لك وآنا من الحزن أسليك
............... وحبست دمعي لجل أقدم حناني


وصديت وقت الضيق .. مابيك مابيك
............... تشوفني أضحك .. وأنا اللي أعاني


ياهـ الزمن تكفى - طلبتك - وأرجيك
............... لاتبخل بـــ وصل الحبيب الـ أناني


قد قلت له : مقدر أفارق وأحاتيك
............... وقد قلت له : هـ البعد ياما كواني


لكن حسافه كل صوتــ (ن) يطريك
............... ياما معا نفسي ذكرتك .... أغاني


بـ ايديك كل اللي حصل اييه بـ ايديك
............... بديت احسك شي ... خااارج زماني

ودامك زرعت انسان غيري بـ أراضيك
............... فـ أنا ماحب يكون غيري ..... مكاني


بـ تغيب ؟ غيب ولكن اسمع محاكيك
............... قبل السفن تنوي بــــــ هجر المواني


في خاطري كلمة < ويمكن > تبكيك
............... ابيك تسمعها / . دقايق عشاني


لو الزمن يعطيك - ماهوب معطيك
............... شخص يحطك بين عوج المحاني !!
 

عسووولة

¬°•| عضو مثالي |•°¬
إنضم
13 فبراير 2010
المشاركات
1,094
الإقامة
فالبريمي تاااج رأسي



هذي الكلمات من كتاباتج يا بقايـــــــــــــــــــــــــــــــــــــــــا ,,



بصراحـــــــــــــــــــــــــــــــــــــــــه طررررررر ,,


تستاهلين التقيم ,,,:get-1-2009-oef8ifpj:get-1-2009-oef8ifpj
 

رواضي

¬°•| عضو مميز جدا |•°¬
إنضم
3 يونيو 2010
المشاركات
848
الإقامة
.©«-.¸¸.-»© في بيت ابويه¶© «-.¸¸.-»©
ناااااااااااااااااااااااايس..:get-1-2009-oef8ifpj
 

مزيونة قطر

¬°•| عضو مميز |•°¬
إنضم
2 يوليو 2010
المشاركات
420
الإقامة
بـــداري وعــــزي
الغلا
هنآإ أبحرتُ معك في جمآإل البحور
لنرتشف عذب الأحآإسيس
قررتُ المكوث
لـ أغرق ببحر الإبدآع

لعلي أرتوي منه
فـ أصل لمستوآكِ

كلمآت رآئعه

بالتوفيج يا ربي
 

النعيم

¬°•| عضو فعّال |•°¬
إنضم
30 يناير 2009
المشاركات
110
الإقامة
بـيروت
لو الزمن يعطيك - ماهوب معطيك
............... شخص يحطك بين عوج المحاني !!

10/10

مشكورة يالغلا
 

So0oso0o

¬°•| عضو مبتدى |•°¬
إنضم
18 مايو 2011
المشاركات
10
العمر
31
الإقامة
.........
كلمات في قمة الروعة ..

كلمات أعجبتني كثيرا ..

هكذا تُوصف المشاعر ..

وهكذا ما يرسمه جو الحزن ..

أختي االغاليه لقد أتقنت الكتابة والوصف ..

أهنئك على هذه الكلمات الجميله والرائعه ..


أحسنت إختيار الكلمات حيث انها أعطت جرسا رائعا تجعل القارئ يعيش الموقف ..

إستمري والى الأمام ..

تحياااتي لج

 

عزتي بذاتي

¬°•| عضو مميز جدا |•°¬
إنضم
8 مارس 2011
المشاركات
531
الإقامة
ف،بيتناااا
بـ ايديك كل اللي حصل اييه بـ ايديك
............... بديت احسك شي ... خااارج زماني


خطيــــــــــــــــــــرة هالقصيدة

لاتحرمينــــااا من ابداعج أختي

اتريــــاااااااااااااااج
 

شووق قطر

¬°•| مراقبة عامة سابقة وصاحبة العطاء المميز |•°¬
إنضم
29 سبتمبر 2009
المشاركات
27,429
الإقامة
قـــلــبي""الـــدفــــنــــه""
يمنع رفع الموآضيع الجديمه

يغلق
والسموحه للجميع
 
الحالة
مغلق و غير مفتوح للمزيد من الردود.
أعلى