جامعات البريمي

الموضوع في 'كلية البريمي الجامعية |BUC' بواسطة بنت العين, بتاريخ ‏27 ماي 2008.

حالة الموضوع:
مغلق
  1. بنت العين

    بنت العين ¬°•| عضو جديد |•°¬

    بسم الله الرحمن الرحيم
    السلام عليكم ورحمة الله وبركاته

    اخواني واخواتي

    بغيت اعرف اسماء الجامعات اللي عندكم في البريمي .. ضروووووووري

    وشو رايكم فيها .. تنصحوني ادخلها ؟؟

    والله محتااارة
     
  2. كنوزالبلوش

    كنوزالبلوش ¬°•| عضو مميز جدا |•°¬

    هلا اختي الغالية

    عندنا كلية وحدة فالبريمي بس هي كلية جامعية.

    اسم الكلية:كلية البريمي(كلية جامعية)

    وبصراحة انا طالبة فهالكلية.واذا حابه تتدرسين فيها شي حلووو.

    الله يوفقج
     
  3. بنت العين

    بنت العين ¬°•| عضو جديد |•°¬

    اشكرج اختي كنوز البلووش عالرد

    بس احب استفسر منج :: شو من التخصصات في هالكلية ؟؟

    هل يوجد تخصص الشريعة ؟؟

    أو أي تخصص تدرس باللغة العربية ؟؟


    وهل يوجد المرحلة التأسيسة .. يعني يعطوج انجليزي بمستويات وبعد ما تخلصينها تبدين تدرسين بالتخصص اللي تبينها ؟؟ واذا فيه كم مستوى ؟؟


    وهل توفر هالكلية مواصلات للطالبات ؟؟ يعني انا بالعين صعب اروح للكلية بالسيارة ؟؟ وخاصة ان منطقتي بعيدة عن البريمي ؟؟

    وهالكلية مختلطة ولا ؟؟
     
    آخر تعديل: ‏27 ماي 2008
  4. كنوزالبلوش

    كنوزالبلوش ¬°•| عضو مميز جدا |•°¬



    لاشكر ع واجب يالغالية وهااا من واجبي.

    التخصصات:1/اداب انجليزي.2/ادارة اعمال.3/انظمة معلومات.4/المحاسبة.5/تنمية موارد بشرية.6/تجارة دولية.7/علوم مالية ومصرفية.

    لافديتج مافي تخصصات ادرس بالعربي.

    بس مااعرف بخصوص ادارة اعمال وعلوم مالية ومصرفية.لان تخصصات يديدة.

    اول ماادشين الكلية بيسولج امتحان تحديد المستوى بالانجليزي وان نجحتي فيه خلاص ع طول بدشين التخصص.

    وبخصوص التأسيسي فيه مستوين.وكله بالانجليزي بس التأسيسي سهل.

    والله يوفقج
     
  5. أبو قحطان

    أبو قحطان °•|كاتب وصحفي|•°

    النقل متوفر من العين للكلية وبالعكس ، بس في باصات خاصة لاتتبع الكليه ، يعني تدفعي مبلغ إضافي عن قيمة الرسوم الدراسية .
     
  6. كنوزالبلوش

    كنوزالبلوش ¬°•| عضو مميز جدا |•°¬

    اخوي ابو قحطان ماقصر قالج بخصوص النقل.

    الصبح بس بنات مب مختلط.اما المساء مختلط شباب وبنات.
     
  7. بنت العين

    بنت العين ¬°•| عضو جديد |•°¬

    كنوز البلوش

    أبو قحطان

    ما قصرتوا والله

    الله يجزيكم كل خير

    بس عندي سؤال ثاني .. والسموحة ثقلت عليكم بالأسئلة

    متى آخر يوم موعد التسجيل في الكلية .. اذا تعرفون ؟؟؟
     
  8. كنوزالبلوش

    كنوزالبلوش ¬°•| عضو مميز جدا |•°¬

    فديتج ماشي اخر يوم للتسجيل فالكلية

    اذا خطفتي من عدال الكلية بتشوفين لائحة كبيرة مكتوب عليها

    (التسجيل مستمر)

    اي وقت تحصلين فرصة سيري سجلي اوكي الغالية

    واذا في اي سؤال امري لاتستحين
     
  9. بنت العين

    بنت العين ¬°•| عضو جديد |•°¬

    اختي كنورز البلوش

    متأكدة ؟؟

    من شوي وحده قالتلي ان مركز القبول الموحد وقفوا التسجيل من تاريخ 1/6

    فهل هذا المركز له علاقة بهالكلية ؟؟
     
    آخر تعديل: ‏2 جوان 2008
  10. بنت شيوخ

    بنت شيوخ ¬°•| بنٺ نآڛ مآ ٺندآڛ|•°¬

    اختي

    اعتقد بما انج دارسه بالامارات اعتقد ماله علاقه

    بس بتاكد وبخبرج
     
  11. كنوزالبلوش

    كنوزالبلوش ¬°•| عضو مميز جدا |•°¬

    هلا اختي بنت العين

    لا انتي مالج علاقة في مركز القبول الموحد لانج دارسة فالامارات

    انا اقولج تعالي اي وقت وسجلي

    ومتأكدة من كلامي
     
  12. منوة الروح

    منوة الروح ¬°•| مراقبة عامه سابقه |•°¬

    الاخوات ماقصرن ويااج


    وبالتوفيج ان شاء الله ^^
     
  13. بنت العين

    بنت العين ¬°•| عضو جديد |•°¬

    مشكورات خواتي .. جزاكم الله خير

    وسؤال أخير ان شاء الله

    بغيت اعرف الرسوم الدراسية لهالكلية ؟؟ ^^
     
  14. دايم الشوق

    دايم الشوق ¬°•| مُشرف سابق |•°¬

    بالتوفيج انشاءالله .... واذا احتجتوا لأي شيء .. نحن ف الخدمة .. نعين ونعاون ..
     
  15. كنوزالبلوش

    كنوزالبلوش ¬°•| عضو مميز جدا |•°¬

    فديتج عااااااااد انا مااذكر الرسووووم

    بس مب غالي واايد

    انتي سيري الكلية والبنات الي فالقبول والتسجيل مابيقصرن
     
  16. جسووم

    جسووم ¬°•| مراقب سابق |•°¬

    الله يوفقج ع فكره نحن مغبرين يعني جديمين في كلية البريمي
    يعني اذا بغيتي شي فالج طيب
     
  17. كنوزالبلوش

    كنوزالبلوش ¬°•| عضو مميز جدا |•°¬

    هههههههههههههههه مغبرين ياخوي جسووووووووم

    يعني كلنا فالهوى سوى خخخخخخخخ
     
  18. دانة غزر

    دانة غزر رئيسة المشرفين إداري

    الله يوفقج اختى ويسهل دربج
     
حالة الموضوع:
مغلق

مشاركة هذه الصفحة