من الي يتزوج البنت ولا الاهل؟؟!!

الموضوع في ',, البُريمِي للِحِوار و النقَاشْ ,,' بواسطة ميت بعد ترك احبابي لي, بتاريخ ‏14 ديسمبر 2010.

  1. ميت بعد ترك احبابي لي

    ميت بعد ترك احبابي لي ¬°•| عضو جديد |•°¬

    سم الله الرحمن الرحيم ​
    ودي اشوف آراأكم في هذا الموضوع............
    طبعا نحنا نعرف ان كل انسان راح يتزوج........
    بس السؤال هو هل للشخص رأي في موضوع زواجه(بالاخص البنت)؟وشو مدى تأثير رأي الأهل على الزواج؟
    راح اخبركم قصه حصلت لأحد اصدقائي المقربين
    هذا الشخص حب بنت وهي حبته وقررو يتزوجو بعد ما ينهو داستهم وبعد فتره من تعارفهم تقدم شخص للبنت والبنت ما كانت تريد هذا الشخص لأنها حاطة شخص ثاني في بالها(الشخص الي تحبه)بس للأسف ما كان لها كلمة في هذا الموضوع
    كل شي بأيد اهلها اذا وافقو تتزوجه غصب عنها واذا رفضو خلاص.......كأن الاهل هم الي بيتزوجو مب البنت!!!
    المهم........الاهل وافقو وودعت البنت حبيبها في جو كله دموع وحزن
    طبعا البنت نست الشخص الي تحبه بعد مرور الايام بس الشخص هذا ما نساها ابدا وضلت في باله وما قدر ينساها لانه حبها من كل قلبه وحبها بجنون لدرجة انه كان مستعد يضحي بحياته عشانها
    بس للأسف الظروف والعادات والتقاليد الي في بعضها تكون شديده وغير منطقيه حرمت شخصين كانو يحبو بعض من انهم يعيشو حياتهم مثل ما كانو مخططين لها............
    طبعا انا ما الوم البنت الوم الاهل لانهم ما شاورو بنتهم ابدا.........
    ودي اشوف تعليقاتكم على الموضوع بس ياريت تكون التعليقات حول هذا النوع من العادات والتقاليد وما تشمل القصة
     
  2. crazyheart

    crazyheart ¬°•| عضو مميز |•°¬

    تسلملي ع الموضوع

    اعتقادي اهلها يندرجو في قائمة التسعينيات .. أيام كانو متمسكين بالتقاليد بيدهم ورجولهم ..
    أخوي ها الأيام كثير ياما أسمع أذا تقدم للبنت من أهلها يعني مثل ولد العم أو ولد العمه ... الوالد مابيجصر
    وبيتكلم عن الولد كأنه يبي يغصب البنت تاخذه ولو ماتبيه .. أو ولد الخاله أو الخاله ... الوالده بتصير نفس الوالد
    بتكلم عن الولد وبتمدحه كأنها عارفه عنه كل حاجه ... وبتكون حيات البنت ماتنطاج وبتحصلها أكثر الوقت يائسه
    وأذا سألتها بتجول .. أهلي ماخلولي راي فحياتي ... وبتحصلهم يتحكمون في البنت ... تصدج ليش .. لأنه البنت
    ظعيفه في بعض الأمور ... واتمنى من كل أهالي البنات .. يخلو راي للبنت في أختيار الزوج ... هذا أذا كانو ما متحضرين ..

    وشكراً أخوك قلب مجنون
     
  3. نظر عيني

    نظر عيني ¬°•| عضو مميز جدا |•°¬

    بصراحه لحد أحين أذا شافو الولد
    زين بيزوجونا حتى لو ما نباه
    شو نسوي أهلنا لحمنا ودمنا
     
  4. همس الشجون

    همس الشجون ¬°•| عضو مثالي |•°¬

    أصلا لازم يشوفوا راي البنت لانها هذي حياتها وهي الي بتزوج وبتم معه طول حياتها انا الصراحه اعارض انهم الاهل يدخلو في هذا الشيء الا في حالة يكون الولد ما زين هذيك الساعه يدخلو
     
  5. GAME _OVER

    GAME _OVER ¬°•| مُشْرفِ سابق |•°¬

    السلام عليكم ورحمة الله وبركاتة

    تسلم اخوي على هذا الطرح الرائع

    وأنا بقول اللي اشوفه الصح في نظري

    في نظري ان البنت غلطانه والولد غلطان

    في زمنا هذا صار انتشار العلاقات والحب يسبب مشاكل كثيره نحن في غنى عنها

    الولد يمكن يحب اللي يريده لأن الكلمه فأيده الأختيار فأيده بس البنت لأ

    مب دوم يكون الأختيار في أيداها ولا تقدر تجبر أهلها على شخص حبته

    ويمكن ما تقدر تصارح أهلها بشخص تحبه وبالذات الأب أو الأخ

    ف ليش تبني هذي العلاقة وتحب وتدخل عمرها في متاهات يمكن تتعداها ويمكن لا

    ليش ما ترضى بنصيبها من غير حب وعلاقات ؟

    ليش نحن دوم ضد العادات والتقاليد ؟

    الله يهدي كل أنسان مسلم ومسلمه

    ويبعد عنهم هذا الطريق
     

مشاركة هذه الصفحة