تعالوا تذكروا وياي

الموضوع في ',, البُريمِي للتُراثِ والحَضارات ,,' بواسطة بنت شيوخ, بتاريخ ‏25 ماي 2008.

  1. بنت شيوخ

    بنت شيوخ ¬°•| بنٺ نآڛ مآ ٺندآڛ|•°¬





    تذكرون.. يوم إيّيك واحد ماصخ من العايلة أكبر منك ويقول لك: تبا أرسم لك ساعة وانته تمد له إيدك ويعضّك هذيك العضة اللي تصارخ منها .

    ‏تذكرون.. يوم كنا نصوّر فوري عند مصوّر الجمعية وطبعاً غصباً عليك الخلفية زرقاء مب بكيفك ولازم تمشط شعرك بالمشط اللي عنده.. كله شعر.. وبعدين يغسل لك الصورة بالآلة اللي عنده أم ذراع والأطراف مشرشرة ‏ويعطيك الصور بعد أسبوع.

    تذكرون.. أول يوم دوام بالمدرسة كانوا يسلمونا الكتب كلهم مع بعض وصافينهم من الكبير إلى الصغير وطبعاً الكبير كتاب العلوم وكانوا يربطونهم بحبل عشان ما يطيحون مع 6 ‏دفاتر مجاناً.

    ‏تذكرون.. المعجون الصغير اللي ريحته تعوّر الراس ووياه عود لونه احمر وكنا نبطله بالمجلوب ونعصره ونلف العود عليه وننفخ عشان نسوي نفافيخ وطبعا ما تطلع النفاخة لين تطلع بلاعيمك وياها.

    تذكرون.. يوم كنّا نشوف افتح يا سمسم ونتأثر بكعكي اللي ياكل بسكوت ونشتري بسكوت كاكاو ونتم ناكل مثله

    ويا البسكوت المالح.


    تذكرون.. يوم الجمعة ... ‏نقوم من الصبح على شان نسمع أغنية في قصص الشعوب قصائص لا تنتهي

    وعالم حلو بهي يسكن في القلوب في قصص الشعوب
    .

    تذكرون.. تيلفون بوقرص اللي يتعب صبوعك وانته تتصل ويا ويلك يطلع الرقم مشغول لأنه ما فيه ريدايل.

    ‏تذكرون.. يوم كنا نربط الشرشف على رقابنا مثل سوبرمان ونصعد فوق الكبت وانط على الدواشق وآخر شي ناقز غلط ومنكسرة إيدك.

    ‏تذكرون.. يوم كنا نحط بالفريزر العصير الطويل بونصين عشان يثلج وكل ما تسير تبغي تاخذه تلقى الوالدة منزلتنه تحت وما ثلّج.. يا حسرة راحت الفرحة.

    تذكرون.. يوم كانوا الأولاد يغسلون الحوش بالبروش والصابون قمة الوناسة.. يمسك البروش أونّه بيساعد وآخر شي طايح له سكيتنج على الكاشي والزولية وفي الليل وارمة ريله.

    تذكرون.. يوم كنا نستقبل الحجاج من زود الفرحة واللهفة على الصوغة وآخر شي كم: مسواك وقحفيتين والكاميرا الحمراء وسيادة وللبنات قطعة خام مال الهنود وساعة.

    تذكرون.. يوم كنا نشوف مسرحيات الأطفال مثل السندباد والزرزور وألف باء تاء اللي فيها عبدالرحمن العقل ويوم الحرامي يكون وراه.. نصرخ من قمة راسنا: ورااااااك وراااااااك وهو يقول وينه وينه يميييييين يميييييين....

    ‏ياعيني على الاستهبال .


    تذكرون.. عزايم قبل والسفرة المفروشة على كبر الصالة اللي على صورة ميوه (‏فواكه) ‏وريحتها لازم مثل ريحة المطبخ وجالسين على الزولية اللي يوم تقوم تلقى ريلك كلها شخوط من الزولية.

    تذكرون.. أيام الدراسة قبل يعني يكون بنشد حيلنا بالدراسة ونشتري قلم فسفوري أصفر وإلاّ برتقالي عشان نظلل على الشي المهم وآخر شي مظللين على كل الكتاب.. وين الشي المهم؟؟ ما أدري!!!!

    تذكرون.. أول ما يسرقون الأولاد سيارة أبوهم كانت الريل اليمين على البترول والريل اليسار على البريك من الثوارة .... ‏ولازم طبعاً يمر على الربع في الفريج يصيّح ويلات عليهم....‏ويعطيه بريك وبترول
    تذكرون.. يوم كانت جائزة البيبسي سيارة في غطاة الغرشة كنا الظهر نسير وراء الدكان ونبطل الغراش كلها وبعدين نرد نسكرهم أي كلام تشوف الغازات كلها طايرة ومتبخرة ومستوي البيبسي ماي .
    تذكرون.. يوم يقول الأستاذ أو المعلمة ان هذي الصفحات ملغية
    تعال شوف الشخابيط اللي على الصفحة من فوق لين تحت وإلاّ نطرها من الكتاب.....‏ليش هالحقد عاد؟

    تذكرون.. يوم نتضارب مع ولد اليران وتقول له: خوز عن بيتنا وعن رصيفنا..

    يقول لك: مب رصيفكم هذا رصيف الحكومة
    كلام منطقي, ‏ويتم يحوس جدام البيت ويمر جدام ويقول لك ما جستك ما جستك.


    تذكرون.. يوم يسيرون الأولاد السوق ويّا أبوهم يشتري لهم قطع كنادير للعيد ..وآخر شي شاري طاقة كاملة نفس اللون وتشوفهم بأول يوم العيد من الوالد لين الأخو الصغير نفس لون لابسينه كلهم ‏تقول فرقة عيالة.
    تذكرون.. يوم يبغون الشباب يشلون حديد قبل يترسون قواطي النيدو اسمنت ويحطون بينهم بيب حديد وهووووووووب وآخر شي منكسرة ظهورهم.



    للعلم كنا انسوي بلاوي اكثر من جيه ^_^​
     
    آخر تعديل: ‏25 ماي 2008
  2. أيام أول هههههههههههههههه


    أختي أنا مب كل شيء شفته وعشته خخخخخخخخخخخخخ

    يسلمو ع الموضوع الحلو
     
  3. دايم الشوق

    دايم الشوق ¬°•| مُشرف سابق |•°¬

    هههههههههههههههههه خخخخخخخخخخخخخخخخخخخخ

    بصراحة .... ايام حلوة ... واشياء كنت اسويها قبل ..يوم كنا يهال يعني ..خخخخخخخخخخخخخخخخخخخخخخخ هههههههههههههههههه



    كل التحبة لج .....دايم الشوق
     
  4. الماسه بس حساسه

    الماسه بس حساسه ¬°•| عضو مميز |•°¬

    ههههههههههههههههههههههههههههههههههههههه اسمينه ايام لا تذكروني لحد اليوم كل ما يطرو ايام اول اشرد عنهم لانه كانت ايام وانا كنت وايد

    مشاغبه

    شكرا عالمووووووووووضوع
     
  5. منوة الروح

    منوة الروح ¬°•| مراقبة عامه سابقه |•°¬

    ‏تذكرون.. المعجون الصغير اللي ريحته تعوّر الراس ووياه عود لونه احمر وكنا نبطله بالمجلوب ونعصره ونلف العود عليه وننفخ عشان نسوي نفافيخ وطبعا ما تطلع النفاخة لين تطلع بلاعيمك وياها.

    <<< هذااااا انا ادوره من دكان لين دكاان اللى يبيعه دكانهم يطرش لي << ترى اتكلم جد






    هههههههه طبعااا انا هالاشيا كلهااا سويتهااا
    والله مت من الضحك وانا اقرى



    امممممممم شعوور غريب حسيت فيه يوم انا اقرى << بدت فالجد الحين .. من متى ؟؟؟ ههههه
    استانست يوم انا اقرى وضحكت.. بس بعد ضاااق خلقي .. والله انها ايام ماتتعوض
    لو بايدي جااااان رجعتها الحين .. ايااااام حلووة ماتنسى ابد



    مشكووووووورة حوور حبيبتي اثلجتي صدري بموضوعج اليوم


    لا تحرمينا من مواضيعج الطيبه


    اختج منوة الروح
     
  6. بنت شيوخ

    بنت شيوخ ¬°•| بنٺ نآڛ مآ ٺندآڛ|•°¬

    اختي اول من رد علي :)

    لا تفرحين وايد ومخليه عمرج ياهل حتى انا في اشياء ما لحقت عليهن بس سمعت عنهن خخخخخخخخ

    شكرا لج :D
     
  7. بنت شيوخ

    بنت شيوخ ¬°•| بنٺ نآڛ مآ ٺندآڛ|•°¬

    شكرا ع مرورك
     
  8. بنت شيوخ

    بنت شيوخ ¬°•| بنٺ نآڛ مآ ٺندآڛ|•°¬

    العفو اختي

    ياليت الطفولة تعود يوما :)
     
  9. بنت شيوخ

    بنت شيوخ ¬°•| بنٺ نآڛ مآ ٺندآڛ|•°¬

    هلا اختي منوه ايااااام ما تنسي :(

    يالله ضيفوا وياي ذكرياتكم في هالموضوع ;)

    شكرا اختي ع مرورج وتعليقج الكريم
     
  10. كنوزالبلوش

    كنوزالبلوش ¬°•| عضو مميز جدا |•°¬

    هههههههههههههههههه بصراحة ايام وااااااااااااايد حلووووووووة

    ومابنساها طول عمري.

    ودوم انا كنت الضحية لاني اخر العنقود.
     
  11. جروحــ دفينه ــي

    جروحــ دفينه ــي ¬°•| مٌشرِفة سابقة |•°¬

    بصراحه ايام اول احلى الايام وفيها ذكريات حلوه
    تسلمين على الموضوع:)
     
  12. بنت شيوخ

    بنت شيوخ ¬°•| بنٺ نآڛ مآ ٺندآڛ|•°¬

    كنوز البلوش

    مسكين انت الضحيه خخخخخخخخخخخخخخخخخخ

    مشكور ع مرورك
     
  13. بنت شيوخ

    بنت شيوخ ¬°•| بنٺ نآڛ مآ ٺندآڛ|•°¬

    جروحي دفينة

    اكيد ايام اول احلى والله ايام ما تنسي

    تسلمين اختي ع مرورج
     
  14. دلوع المهاجر

    دلوع المهاجر ¬°•| عضو مبتدى |•°¬

    ايام جميله ماتنسي ابدا
     
  15. بنت شيوخ

    بنت شيوخ ¬°•| بنٺ نآڛ مآ ٺندآڛ|•°¬

    دلوع المهاجر

    شكرا ع مرورك
     

مشاركة هذه الصفحة