شآمسية البريمي
موقوف
السسسلآمً عليكمٌ ورحمةْ الله وبركٍآته ..
//
شحالكم خوآني وخواتي اعضاء البريمي ؟؟:e025fb6133:
،،
يقولكم من فتره رحناآ محضه ماعرف شو اسم المنطقه ..بس كان المكان رووعه ..والبقعه خضرا ماشاء الله ..
وهاي صور من الرحله :
//
واليوم وانا راقده ..يات السديم وصدعتني : نشششششي بنروح السيح ..:182fd25f9b06446ba41
وحبيت انزل لكم رحلتنأآ الى منطقة الواديين في محضه ..عشان تعيشون الحدث
وصلنأآ مركز خطم الشكله الساعه 11 الصبح ..ووقفنأآ عند مطعم هنأآك ..
كآتب على المطعم يوجد لدينا : جبن وبيص <~ لاحظوا الصاد خخخخ ..جأن اصور هالصوره ..بس للاسف مب واضحه ..:lll-_-:
وجأآن يظهر اخوي من عنده شال سندويجة بيص هأآع ..
وصلنأآ بالسلآمه ..
وبالمره ذبح يارنا الذبيحه ..وشووهأآ هع ..<~ طبعا متفرجه فقط واصور ..مامني فايده:lll-_-:
مسووين كبده ومصارين ولحم مشواي ..ومجبوس ..وعيش ابيض ..
ولا بد من الشاي والقهوه ..
وهذي قهوه سعوديه ..يارتنا سوتهأآ ..
هني اليهال الله هداهم ويلسو :dumb:
صلينأآ وعقبهأآ جهز الغدى .. بس مافيني احمل صورة اللحم ..يكفيكم العيش خخخخخ
عقب الغدى ..رحنأآ انا والسديم نمشي ..اسمينأآ غببببر انا وياها من التراب خاسن عبينأآ ..
شوفو السديم كيف تخمس ويلات بنعالها,,حشى تقول طالعه من مقبره خخخ:icon_smile_big: ركزا ع الريول
رحنأآ صوب هالنوق اونه عشان نصورهن ..جان تقول لي السديم ..شآآآآآمسيه هالناقه مب مربوطه عن تربع ورانا ..
وجأآآآآآآآن ادقها خيانه فالسديم ., واشخطهأآ شرررده ..يقولكم [ الشرده نص المريله ] ..ومن عين السديم ..
طحت ع ويهي انا وفوني ..والله ريولي وايديني نصهن تحت الارض اهئ ..من الخوف ما اسمع الا صوت السديم تضحك النذله ههههههههههههههههههههههههههههههههههههه ..
هاي الناقه اللي سببت كل هالحاله ..:007:
ماوكلي فوق الشجره
حافظوا على نظافة بلدكم .. [ مب نحن مسوين هالعفسه ] بس حز فخاطري هالمنظر ..
العتب ع البلديه اللي حاطه زباله صغغغغغيره ..والناس اللي مب قادرين يجمعون زبالتهم عدل ..:92:
هذا البرنامج برعاية : مياه محضه
اهداء هالصوره لناس من السديم هههههههههههه
وبسسس ..وبهيك رجعنأآ البيت بعد ما قضينأآ يوم ممتع كح ..
نلتقي في تقرير آخر ان شاء الله ..
