أكبر شركه للمتسولات . فالبريمي

الموضوع في 'مركز أخبَار وقَضَايَا مُحـَافَظة البـُريمِي' بواسطة •¦[محمد السعدي]¦•, بتاريخ ‏21 نوفمبر 2010.

حالة الموضوع:
مغلق
  1. •¦[محمد السعدي]¦•

    •¦[محمد السعدي]¦• :: فريق التغطيات التطويري ::

    طبعاً كثرة المواضيع الي تخص التسول وللأسف الجهات المختصه ماتسوي شي ومادري ليش فالمحتاج ماراح يتسول معني عمري ماصدفت حريم يتسولن من البلاد أكثريتم من دول ثانيه اللي تقول أبي أرجع بلدي بعد ما تمشيت خلصت فلوسي ولي يقولن انهن يديدات عن البلاد وساكنات بالأجار ومايعرفن من وين يصرفن على عمارهم أما الرجال فحدث ولا حرج الى يقول سيارتي خربانه وهو ريحته كحول ولي بعد يقول انه توه يديد على البلاد ومايعرف كيف يدبر اموره هذا بالنسبه للعرب أما ألأسيويين ، فناتك الي أييب تقرير طبي مادري من وين ، أونه اربيعه ريله منكسره ويبي يوديه أبلاده والغريبه أنه يتم أكثر من ست اشهر يجمع حق التذكره وهذا واقع ، والأطفال الله يعينهم لن اهاليهم مب مهتمين فيهم ونعزل عنهم اللي يبيعون فالطرقات لنهم صج شكلهم محتايين ومادري ليش يبيعون من الأساس بس ربي اعلم ،،

    بس بعد التفكير المطول قلت خلني أفتح شركه للمتسولين بدال شغلي المتعب مدام حكومتنا ماتقول شي ولاتحاول القضاء على هذي السلبيه ،، فالأرباح بتكون كالأتي

    لنفترض أني راح أشغل 4 حريم كبدايه وكل وحده تشتغل 4 ساعات فاليوم :

    وبنقول اليوم نص الشهر ومعظم الشعب مفلس والحريم مابدخلن شي راهي بس بعدني بحسن مكسب حرمه وحده :

    بنقول هذي مقروده مسكت شارع هدايا العين وهي تمشي لين ماوصلت بنك مسقط ، قابلت في طريقها 300 شخص ، 50 منهم ماعطوها ويه مثلي و 50 تمصخرو عليها وسمعوها محاضره طويله ، و 50 عطوها الخرده الي فجيبهم طبعاً ماراح احسبها ، باقي 150 شخص بنقول 110 منهم عطوها أقل من 500 بيسه أو خلونا نقول 200 بيسه معنه فيه أكثر ، و 10 منهم لاقتهم عند بنك عمان وكل واحد سحب عطاها ريال و 10 عند صراف البنك الوطني وكل واحد سحب عطاها ريال . و10 عند بنك ظفار وكل واحد سحب عطاها ريال ، و10 عند بنك مسقط وكل واحد سحب عطاها ريال ماعادا الأخير 100 بيسه بس ، وراه مصاريف بيت ، المهم بنحسب

    دخلت من الـ 110 أشخاص : 22 ريال
    ومن البنوك كلها 40 شخص : 39.1 ريال

    22 + 39.1 = 61.1 ريال عماني بنقول 100 بيسه علبة ماي من محظه ( ندعم المنتج الوطني )

    61 ريال لحرمه وحده خلال اربع ساعات بنص الشهر ( هذا أفتراضي بس الي يطلعونه وايد )
    61 ريال * 4 حريم = 244 ريال عماني فاليوم ال
    واحد ( اكثر من راتب موظف حكومي ، توه متوظف بنقول الدرجه ال15 وتحت )

    244 ريال عماني دخل يوم واحد * 7 ايام من الأسبوع ، ولا اقولكم 5 أيام يبون اجازه بعد ،

    244 * 5 = 1220 ريال عماني في أسبوع واحد ، ( أكثر من معاش واحد شاد حيله فالدرجه السابعه فما فوق )

    1220 ريال عماني * 4 اسابيع فالشهر = 4880 ريال عماني ، ( والله وصلنا لمعاش وزير )

    4880 ريال عماني نشل منهم أجر التكسي اللي كل يوم يوصلهن 50 ريال عماني شهريا

    4880 – 50 = 4830 ريال ، نشل منهم اجار مقر الشركه 150 ريال شهرياً مع الكهربا والماي

    4830 – 150 = 4680 ريال عماني ، نشل منهم رواتب الحريم الأربع ، 2000 ريال لكل وحده 500 ريال عماني.

    4680 – 2000 = 2680 ريال عماني ، لاننسى راجو الي ينظف ويسوي الشاي راتبه 80 ريال معن رواتبهم لاتتعدى الـ 50 ريال بس انا كريم ،

    2680-80 = 2600 ريال عماني صافي الربح


    2600 ريال فالشهر وانا قاعد فالبيت أكثر من ماياخذه الكثير في الوظايف الحكوميه أو القطاع الخاص ،،


    فمن بيشتغل معاي والمعاش 500 ريال عماني وكل ماذاد الشغل زاد الراتب والسكن والوجبات الثلاث علي ولا فيه كيك كل يوم ،، والمواصلات مكيفه و العلاج من عندي لكل افراد العائله في العيادات الخاصه خلكم من مستشفى البريمي وأقدم قروض بدون فوايد تصل الى الـ 10000 ريال والدفع ميسر مايهمني لوتدفعون 10 ريالات شهرياً ، وراح اكفلكم في أي وكاله تبون تاخذون سياره جديده فيها ولا ربع المبلغ علي ، وأشتراكات في حضانه للأطفال والمدارس الخاصه بعد ،، فرصه الي تبي تزيد دخلها بشغل أضافي أو عاطله فهاذا الشغل راتبه حلو بدل القعده من الصبح لين المسى عشان 200 ريال ..


    فيا حكومتنا اعيدي النظر في هذي السلبيه واتخذي الاجراءات الازمه لردعها وهذي حسابات وهميه أما الواقع فشي خيالي فلنقتنع أن هذي وسيله للحصول على لقمة العيش وليست لاشخاص تضوروجوعا ،،

    والسموحه ،، مًحٍّمًدًٍ آلسٌِِّعًٍ ـدًٍيَ
     
    أعجب بهذه المشاركة أ…أ¤أ“أ‚أ¤أœﮧ
  2. |[ اليآزيهـ ]|

    |[ اليآزيهـ ]| :: إدارة الفريق التطويري :: إداري

    خخخخخ اول باركن . .:99:
     
  3. إنسآنـﮧ

    إنسآنـﮧ °• الفريق الأخباري التطويري للمحافظة •°


    خخخخخخخخخخخ.....بصرآحة...


    أول شي أنا ضد ظاهرة التسول لو شومايكونــ...........................

    بس حساباتك يالعرين وكرمك فالرواتب والوجبات والكيك........!!!

    معقولة هالكثر.....بيرد المتسول فاليوم....

    عيل هذيلا حالتهم أحسن منا نحن المتوظفين ونكد ونعب..........

    موضوع ابهرني بحساباته....دآم إبداعك وفكرك المتيقظ

    ما شاء الله عليك

    تستاهل الستار.........^^
     
  4. •¦[محمد السعدي]¦•

    •¦[محمد السعدي]¦• :: فريق التغطيات التطويري ::

    شكرا لتواجد والتقييم

    الحسابات سويتها بواقع مش مني والدرب

    أعرف عايله عندهم سيارتين موديل هالسنه وكاله .. والله ان أفلوسها من التسول طبعا غير الأشياء الثانيه
    وانا صارلي قرن اشتغل ولا قادر ابدل السياره مالتي
     
  5. إنسآنـﮧ

    إنسآنـﮧ °• الفريق الأخباري التطويري للمحافظة •°

    والله قهر.......

    وأنا ياأخوك أشتغل ولآ قادرة اتعلم السواقة....:frown:

    وهذيلا سيارات من الوكالة.............

    آخ ياااااااااا القهر

    الله كريم
     
  6. لمسة إحتراف

    لمسة إحتراف ¬°•| عٌضوٍ شَرًفِ|•°¬

    حسابات مضبوطة 100 %

    أبهرني موضعك اخي العزيز

    انا من فترة قمت بعمل بحث عن المتسولات التي تأتي الى منازلنا وقدرت خلال فترة وجيزة اميز اللي محتاجه صدق واللى بطرانه

    وقدرت اخذ منهن معلومات قوية وخطيرة

    عرفت من الكفيل وشو الدوافع وعرفت اشياء كثيرة جدا وخطيرة تمس سمعة شركات كبيرة فالبريمي

    وصلت لدرجة اني هددت المتسولات بالابلاغ عنها في حالات رجوعها للتسول انتصرت على هالظاهرة

    بس اخرتها طلعت سمعه على عمري بين المتسولات ان هذا بيت الشرطية المتخفية :batman:

    وكنت مصممه اقدم البحث كامل عند وحدة صديقتي تشتغل فالشرطة اخرتها تراجعت لان بدخل في متاحات كثيرة مالي فيها وانا بنت


    بس حساباتك جدا صحيحة مرات يجن عندنا متسولات الذهب تارسهن وانا حليلني الا طقمين عندي ولا قادرة اشري غيرهم
     
  7. لمسة إحتراف

    لمسة إحتراف ¬°•| عٌضوٍ شَرًفِ|•°¬

    صح ...


    :182fd25f9b06446ba41
    تستاهل التقييم :0-10.jpg:
     
  8. نـــــانو

    نـــــانو ¬°•| عضو مبتدى |•°¬

    هههههه


    سولي واسطة وشغلني معاااااك خخخ


    معااادلة حــــــلوة وواقعية


    انا محد يغمضني كثر اليهااال المنتشرين على لحدود


    حرااام يبدون حيااتهم بتسوول وشحااتة



    تسلم خيوووو على الطرح الراقي
     
  9. •¦[محمد السعدي]¦•

    •¦[محمد السعدي]¦• :: فريق التغطيات التطويري ::

    شكرا للأضافه اختي لمسه

    أحيانا أين متسولات ( فتقول لها ماعندي فلوس بتاخذين عيش وطحين ، وبوصله لج البيت أذا ماتقدرين تشلينه )
    وايد يرفضون هالشي لأن هدفهم الفلوس بس

    شي جميل أن يكون هناك بحث عنهن . ماقصرتي
    وشي جميل سمعه الشرطيه المتخفيه على الأقل ماشي ازعاج

    وشكرا على التقييم
     
    آخر تعديل: ‏21 نوفمبر 2010
  10. •¦[محمد السعدي]¦•

    •¦[محمد السعدي]¦• :: فريق التغطيات التطويري ::

    ولا يهمج اختي قدمي طلب وظيفه وبنشوف المؤاهلات الي عندج

    وشكرا على المرور
     
  11. غازي

    غازي ¬°•| مصّور هآوي |•°¬

    موضوع جميل

    :h035: يليت ان محد يعطيهم

    الي يعطيهم يشجعهم على هذه الظاهره

    والوم على الجهات المختصه

    لا رقيب ولا حسيب

    قبل كانت هذه الظاهر في الدوله المجاوره منتشره بشكل كبير

    والحين ضاق عليهم لامر وميقدرون يمارسون هذا الشي لكثرت الرقابه عليهم

    انتقلوو الى البريمي

    لقوا انه محد يردهم ولا حد يكلمهم

    يااااليت بس المسؤلين انهم يهتمون على هذه الظاهره

    ودى
     
  12. AL W$WAS

    AL W$WAS موقوف

    التسول صار هذا الزمان احتراف وفن.... ( اسمحولي على هالكلمه )

    أغــــــراء... والكل عرف
     
  13. •¦[محمد السعدي]¦•

    •¦[محمد السعدي]¦• :: فريق التغطيات التطويري ::

    بالفعل اصبح الأغراء عند البعض وسيله جيده لتسول
     
  14. •¦[محمد السعدي]¦•

    •¦[محمد السعدي]¦• :: فريق التغطيات التطويري ::

    شكرا للاضافه والمرور الجميل
     
  15. •¦[محمد السعدي]¦•

    •¦[محمد السعدي]¦• :: فريق التغطيات التطويري ::

    مالكم حل الي تقرون وماتردون بكل ثقه
     
  16. ماكس العين

    ماكس العين ¬°•| عضو فعّال |•°¬

    بصراحة اخوي العرين ابدعت
    فعلا هاذيلا المتسولون يطلعون وايد والله من يومين وحدة اصغيرة وشايله معاها بنت اصغيرة
    واتدور على البيوت
    فعلا شغلتهن متميزة
    ما يصير اخوي اتشغلنا عندك
    انت كريم ونحن نستاهل
    يوم ماشي شغل بنشتغل عندك
    واو بطلع وايد:7btain:
     
  17. •¦[محمد السعدي]¦•

    •¦[محمد السعدي]¦• :: فريق التغطيات التطويري ::

    شكراً للأضافه والمرور الجميل أختي
     
  18. قيادة حرس الرئاسة

    قيادة حرس الرئاسة ¬°•| ђάсқεя~4έṽέя |•°¬

    الله يستر بس ..
     
  19. Jύsт sмιℓε

    Jύsт sмιℓε ¬°•| أسْتًغْفٌر اللـّهْ|•°¬

    ههههههههههههههههه
    أستغفر الله
    :i-can-fly:
     
  20. •¦[محمد السعدي]¦•

    •¦[محمد السعدي]¦• :: فريق التغطيات التطويري ::

حالة الموضوع:
مغلق

مشاركة هذه الصفحة