الشرطه في خدمة الشعب....؟؟

الموضوع في ',, البُريمِي للِحِوار و النقَاشْ ,,' بواسطة شوق العـــامري, بتاريخ ‏31 أكتوبر 2010.

  1. شوق العـــامري

    شوق العـــامري ¬°•| عضو مميز |•°¬

    بسم الله الرحمن الرحيم

    شحالكم ... عساكم بخير

    سؤال يطرح نفسه هل الشرطه في خدمة الشعب
    ولا لا

    ولا لازم نخدم عمرنا مثلا
    البارحه اتصل على الدوريه ابغيهم اييون يخالفون واحد موقف سيارته فنص الشارع
    قالوا نص ساعه وبنوصل
    وطبعااا طاف
    والمشكله لو دعمناه نطلع الغلطانين شو هالاستهبال

    وقبل بفتره قدمت بلاغ وبعد طاااف
    بس يوم اظهر فالشارع واكون ناسيه الليسن ما يسون طااف بالعكس بصدر رحب يرد ويقول عادي المره اليايه شليه وياج
    وتمر المره اللي عقبها واقول نسيته ويقول عادي

    شو السالفه وين الخدمه اللي يسونها ولو كان فمكاني واحد شو بيسون طبعا مخالفه
     
  2. قيادة حرس الرئاسة

    قيادة حرس الرئاسة ¬°•| ђάсқεя~4έṽέя |•°¬

    الشرطه في خدمة الشعب لاكن القانون لا يحمي المغفلين
     
  3. AL W$WAS

    AL W$WAS موقوف

    انا سرت ابلغ مره على ناس ساكنين يداد
    في حارتنا... كل ليله دق معلايه وكلهم جنس ثالث
    الله يعزكم طبعا...
    قالي الشرطي الي اكلمه تعال قدم بلاغ
    في المركز وسرت...
    الزبده قالي في بيتهم مانقدر نسويلك شي

    يعني لو انا غلط عليهم بشربها
    وعرفت ان الشرطه في خدمة الشعب
     
  4. AL W$WAS

    AL W$WAS موقوف

    والله كلامك صحيح
    انا الحلقه الاخير طلعت من المغفلين
     
  5. شوق العـــامري

    شوق العـــامري ¬°•| عضو مميز |•°¬

    ان صح القول الشرطة في خدمة النساء فقط
     
  6. سفاح العين

    سفاح العين ¬°•| عضو مميز |•°¬

    مب بس الشرطه الكل فخدمة النساء ,. ^ــ^
     
  7. كلي فداء البريمي

    كلي فداء البريمي ¬°•| عضو مميز |•°¬

    أما أنا الي اعرفه عن الشرطه فقد فالحين بس ليش ما لابس حزام
    وعندك المخفي زايد عن النسبه القانونيه ويحطون رادار طبعا لا تزيد
    سرعته عن اربعين واذا زدت رحت فيه وطي. ولا عندهم شغل ثاني.
     
  8. جمالـــ

    جمالـــ ¬°•| عضو مميز |•°¬

    انا اشوف ان الشرطه واجد شايفين عمارهم ورافعين خشومهم بس نصيحه (((الله على كل ظالم )))
    ياخي تصير مواقف غريبه منهم بصراحه نقاط تفتيش في اماكن الياهل بيعرف انه ما كان ما مناسب هذه نقطه من غير اذا ما عجبتهم بطلعولك 100 مخالفه مره خلفتني الشرطه اني واقف مكان خاطي مع العلم انها سكه لا شارع ولا شي وبالعكس مكاني كان مناسب وهم طافوا من السكه ورجعوا قالي الشرطي ليش واقف هنا تحرك قلت انتظر صديقي في مقهى النت دقيقه وبروح قال لا تحرك قلت له ما بتحرك شي المشكله الحين وعاد دخلني في راسه وقالي بند السياره وتعال اركب بنشلك المركز قلت له ما بركب معاكم بجي بسيارتي بس لحضه بخبر صديقي وبجيكم قالي لا الحين اركب وتحرك للمركز وانا اتحرك اتصلت بصديقي اخبره القصه المهم لما وصلنا المركز دخلوني عند الضابط وقالي الضابط انت واقف مكان خاطي وانت ما رابط حزام وتسوق وانت اثناء القياده استخدمت الهالتف وهذا كله في منطقه بلا شارع معبد مجرد سكه لعماره المهم صار اللى صار بغيت اوصلها للمحاكم بس لعنت ابليس ....
     
  9. |[ اليآزيهـ ]|

    |[ اليآزيهـ ]| :: إدارة الفريق التطويري :: إداري

    :bad:

    .....................


    نعم نعم في خدمة الشعب يوم يبون :giving-up:
     
  10. شموخ بريماويه

    شموخ بريماويه ¬°•| عضو مميز |•°¬

    والله لا خدمه الشعب ولا هم يحزنون ...حتى الحريم ما يحشمونهم وبالعكس بالعمد يخالفونهم عشان يبدون يسولفون وياهم ...هاييج اليوم ضاربين اشاره صوب هدايا العين حق الباركن وقفنا الشرطي وطبعا دوم الدوريه هناك تخالف خلق الله ولا تخيلو سخافة المخالفه اونه الوقوف في منتصف الطريق والتحدث مع شخص فالخارج متنا من الضحك اونه كنتو ترمسون راعي المطعم اي راعي مطعم هناك ومتى شافونا نرمس راعي المطعم ومره عشان ما حاطين حزام يعني بس مهمتهم فالحياه مخالفة خلق الله يعني كل ما كثرو المخالفات كل ماحللو معاشهم ماعندهم شغله ولا مشغله ....وماذكر مووقف يوم كنت صغيره صار لنا وحده مينونه ساكنه فالبيت الي عدالنا وكانت يالسه تولع نار فثيابها والشرطه وووصلت بعد ساعه للاسف ابدا مب شي شرطتنا...
     
  11. الاشواك الناعمه

    الاشواك الناعمه ¬°•| عضو فعّال |•°¬

    ما بعلق
    انا مافيني شده حق التبهديله
    اخاف انحط ف يونيه بصل
    هههههههه
     
  12. دلع بسنع

    دلع بسنع ¬°•| عضو فعّال |•°¬

    الشرطه ف خدمة الشعب لا وبالاخص فخدمة النساء

    والدليل مره وحده اتصلت بالطوارئ بس من الملل

    وجال لها الشرطه شو الشي الطاري عندك جالت له ملانه بس وجلت اتصل فيكم من الملل

    جال الشرطي كوني دايما اتصلي فينا جالت ليش ما اتنازعني لاني غلطانه

    جال الشرطي حشى ترانا حن فخدمة الشعب

    شوفوا كيف الشرطة ف خدمة الشعب
     
  13. شوق العـــامري

    شوق العـــامري ¬°•| عضو مميز |•°¬

    الدليل انهم في خدمة الشعب

    اتصلنا عليهم الساعه 1 وخبرناهم انه في وااحد يسوي حركات ومجمع الشله عند البيت وهيك
    تخيلوا السرعه اتصلوا الساعه 3 بالليل ويقولون مرينا وما لقينا حد استهبال ولا عبط ولا شو بالضبط
    ليش ما يحللوا رواتبهم حسبي الله عليهم
     

مشاركة هذه الصفحة