مأساة الحدود .. لين متى هالمصخرة؟؟

الموضوع في ',, البُريمِي للِحِوار و النقَاشْ ,,' بواسطة بو مترف, بتاريخ ‏30 أكتوبر 2010.

  1. بو مترف

    بو مترف <font color="#1ea3ef">¬°•| Kiηģ oƒ Ẹηģlisн |•°¬</s

    سلام شباب / بنات
    شخباركم ؟؟

    حبيت اناقش هالموضوع لأن وااااااايد قاهرني

    الصراحة انا كل يوم اشوف باصات طالبات جامعه يوقفونهم بالساعات ويفتشوهم ومادري شو ماعرف ليش كل هالمصخرة يعني حتى حرااااام يأخروا الطلاب عن جامعاتهم ودروسهم

    واحيانا يردوهم ويضطروا انهم يرجعو بمركز هيلي يعني عايشين معاناه هالطلاب والسواق
    المفروض انهم يوفروا السهولة ف هالموضوع عشان الناس ماتطفش تودي عيالها جامعاتهم ومدارسهم

    واايد الناس تبهدلو بسبة هالموضوع
    يعني مرة اختي رايحه الجامعه يابولهم كلب يفتشوهم .. عاد مب لها الدرجه الصراحه ..
    بس شو نقول محد يسمعنا !!

    شكيتلكم الحال بالنيابه عن جميع الناس المارة واليايه كل يوم واللي عايشين الوضع السئ ..

    سلام
     
  2. |[ اليآزيهـ ]|

    |[ اليآزيهـ ]| :: إدارة الفريق التطويري :: إداري

    هههـ شو نقول
    الف مره رمسنا في هالموضوع
    ولكن هب بايدنا. .

    انا ارجع من الكولج اكون عند الحدود الساعه 3 الا ز .
    ادخل البريمي اربع ونص
    عادي الامور طيبه هع . . .

    مادري شو صاير هناك
    بس اعتقد اشياء مد يعلمها :bounce:

    الله كريم
     
  3. جرووح دفينه

    جرووح دفينه ¬°•|مُشْرٍٍفة سابقة |•°¬

    الله يعينااا اخووووي

    والله نتبهذل وااايد عند الحدود خااصه فايام الاربعااء والخميس

    ااااكثر الحالات نرد من خطم الشكله

    الله كريم

    وان شاء الله تعدي ها الازمه
     
  4. بو مترف

    بو مترف <font color="#1ea3ef">¬°•| Kiηģ oƒ Ẹηģlisн |•°¬</s

    تسلمون ع مروركم نورتواا

    الله يعين الجميع وتنحل هالأزمة

    ذاك اليوم راجع من العين ابا ادش البريمي من مركز المضيف وكان السيد واصل لين بعد اللولو من الزحمة
    فأنا من القهر يلست ادق هرنات عسب الي يالسين ف الكبينات يسمعوا ويمشوا السيد
    وعقب شوي كل اللي وراي وجدامي آزروني ويلسوا يدقوا هرنات واحتشروا هع هع والحمدلله مشا السيد

    جربوا هالخطة تراها والله تنفع واايد اسويها
    احين اي هرن تسمعوه ف الحدود بتعرفو اني انا خخخخخخخخ
     
  5. قيادة حرس الرئاسة

    قيادة حرس الرئاسة ¬°•| ђάсқεя~4έṽέя |•°¬

    الله يعينا واايد زحمه والمشكله أحيانا يفتحون سيد واحد أو سيدين وزحمه واايد ولا بعد مراات يتأخروون ف التفتيش .. خااصه إذا شاافوو شباااب يخبصوهم خبااص تفتيش ... ماادري أمكن يحسوو ان الشباب مجريم ما ادري شو سالفتهم ..

    نحن لما نسير العين انا والشله دووم ما يقصرو عندنا :icon_smile_angry:
     
  6. ح ــــميد . . !

    ح ــــميد . . ! ¬°•| عضو مميز |•°¬

    لييييييييييييييييييييش........!


    واااااضحه وضووووح الشمس....

    بس ما اقدر اتكلم هني
     
  7. بو مترف

    بو مترف <font color="#1ea3ef">¬°•| Kiηģ oƒ Ẹηģlisн |•°¬</s

    هههههههههه وصلت يا حميد

    تسلمون ع آراءكم
     
  8. رهييب

    رهييب ¬°•| عضو شرف |•°¬

    مشكلة الحدود هذي في نظري لا اساس لها من الصحه ...

    عن نفسي العين ما اطبها اذا ابي شي اسير دبي من الروضه.

    اللي اعرفه كل باصات البنات مزودات بكشوفات مختومه من الجامعات اللي يدرسو فيها .... بس ترا هذا اللي يسوا فالمراكز نوع من التحرش اللا منظور..

    كثرت تشابه الاسماء والناس لي دشو السجن بسببها ....

    هذي إحدى منجزات مجلس التعاون الخليجي.... ههههههه

    لي يبي يشوف الفرق فالمجالس الاوروبيه ما تعرف انك تدخل الدوله متى وتطلع منها متى.
     
  9. مروض الكهان

    مروض الكهان ¬°•| مَشْرف سابق|•°¬

    المفرووض سالفه الحدود اتشيلونها من بالكم


    يعني خلاص تعاملوا معامها على واجب او فريضه


    لان الوضع محال انه يتغيــــر
     
  10. سفاح العين

    سفاح العين ¬°•| عضو مميز |•°¬

    انا متعود ايي البريمي كل اسبوع ,. ^ــ^ ,,,~>يعبي الموتر بترول ^^"
     
  11. المغرم الهاوي

    المغرم الهاوي ¬°•| فخر المنتدى |•°¬

    خلاص تعودنا انا يوميا ادخل من بالحدود

    ماراح يتغير شي
     
  12. عيوز مزيونة

    عيوز مزيونة ¬°•| عضو فعّال |•°¬

    صدق الله يعينا ع الحدود ..

    بصراااااحه كلنا نعيش هالمأساه وبذات فالويكند
    ونقعد بالساعات ..

    بس نقول الله كررررررررررريم
     
  13. Ąℓŋ3αỉмỉ

    Ąℓŋ3αỉмỉ ¬°•| مُراقب سَابق ومطور |•°¬

  14. الريانه

    الريانه ¬°•| عضو مبتدى |•°¬

    ,r waoow it is dificult way when we go to the boundery cente
     
  15. مبدعة

    مبدعة ¬°•| عضو مبتدى |•°¬

    ولا تزعلووووووووووووووون
    بعدكم ماشفتوا التعاون خخخخخخخخخ
     
  16. دلع بسنع

    دلع بسنع ¬°•| عضو فعّال |•°¬

    الله المستعان في مره بسبت الزحمه في واحد يبي يغير مساره وهو فالهزحمه ع باله السيد اللي عداله يمشي اكثر الا وهو صادم السياره اللي جدامه بس حظه حلو اللي صدم سيارته ما سوا مشاكل نزل شاف سيارته وراااح اموره طيبه والله انه نشمي الله يكثر من امثاله ولا لو واحد ثاني بيوجف السيد اكثر ما هو واجف
     
  17. شوق العـــامري

    شوق العـــامري ¬°•| عضو مميز |•°¬

    بسم الله الرحمن الرحيم
    المشكله الاكبر انهم صاااروا يفتشون كل شي يعني كل شي
    واسمحولي اني اقولكم كل واحد يشل صليب فالسياره
    لان الايات اللي نخليها والمصاحف يتم تصديرها

    هذي مصخره ولا شو قلنا امن ما قلنا عبط
    وطبعا اللي عنده جواز بو صقر عادي يطوووف
    المشكله لو شال حد وياااك يتم تفتيشه تقول ارهابي من متى نحن صرنا جي نحن بلاد وحده شو اللي تغير وينك يا زااايد تشوف عيالك شو سوا فرقونا ونحن حيييين

    وعلى طاري الموت للاسف نحن صارت عندنا المقابر بالقبايل فقط واللي امه جنسيتها غير اسمحلي سيتم تصديرك لو توفيت لا سمح الله
     
  18. مس بنوته

    مس بنوته ¬°•| عضو مثالي |•°¬

    الله المستعان :afkr:
     
  19. AL W$WAS

    AL W$WAS موقوف

    في حل واحد ...
    نفخخ سياره ونفجرها على الحدود
    ولازم نهدد ونحن جادين...
    مشكلة الحدود مالها حل
     
  20. ندى الصباح

    ندى الصباح ¬°•| مُشرفة سابقة |•°¬


    حتى أهلنا اللي فالعين استوينا ما نزورهم

    والسبب زحمة الحدود ما تخلص

    الله المستعان

    اصبروا بعد الصبر فرج أن شاء الله
     

مشاركة هذه الصفحة