ضروري طلاب التربيه الخاصه محتاجين لكم

الموضوع في 'مركز أخبَار وقَضَايَا مُحـَافَظة البـُريمِي' بواسطة شموخ بريماويه, بتاريخ ‏30 أكتوبر 2010.

  1. شموخ بريماويه

    شموخ بريماويه ¬°•| عضو مميز |•°¬

    السلام عليكم ورحمه الله وبركاته

    اشحالكم كلن بحاله عساكم بخير ونعمه ...طبعا كنت كاتبه رساله طويله عريضه لمدير المنتدى استئذنه قبل ما اكتب الموضوع بس للاسف طلع المنتدى مايستقبل اي رسايل الا اذا كنت مكمله 100 مشاركه وللاسف انا عضوه يديده بقراطيسي حتى مشاركه وحده ما وصلت ... المهم هذا مب موضوعنا ... اتوقع الكل عنده فكره عن سالفه طلاب التربيه الخاصه والدمج الي صاير فالمدارس سواء مدارس عمان او الامارات ... بعد هذا مب موضوعنا ... الحمدلله ع النعمه الي الله عطانا اياها والله يشفيهم ويعافيهم ...دخلت عالمهم وتعرفت عليهم خاصه فئه الصم ماشاء الله عليهم ناس ماعليم كلام حتى يمكن اذكى من الطلاب العاديين ...واشكر الله اني غيرت تغصصي اقصد تخصصي وبديت ادرسهم ^_^ <<كأني ثقلت عليكم بقصة حياتي بس بعد هذا مب موضوعنا
    السالفه ربي يسلمكم ويعافيكم هالطلاب محتاجين لكم ... تعرفون المستوى المعيشي لهذيلا الطلاب مش ولا بد يعني محتاجين حد يساعدهم ويمولهم ويوفر لهم اجهزه ومادري شو ...الخ والله يرحمه بهوان كان طبعا موفر لهم كل شي بس بعد ماراح راح كل شي ... طبعا نحن المعلمات لو بغينا نسوي لهم شي مابنقدر نغطي ع الكل وماشاء الله اهل الخير وايد ....يعني مثلا الي نباه اجهزه سمعيه للطلاب تجهيز الصف و و و الخ و جمعيات او شركات او حتى المنتدى اذا يقدرون يمولون لنا مشاريع هالطلاب بمبالغ رمزيه وطبعا ها كله راح يكون فيه خطابات رسميه ...طبعا لاني يديده في هالمجال وفشله كأني قاعده اطر من حد بيزات قررت ادش المنتدى واشوف اقتراحاتكم وكيف ممكن ان نساعد هالفئه الموجوده فمجتمعنا ...وطبعا راح يكون في اسبوع اسمه اسبوع الاصم لازم نزهب له من الحين وندور ممولين له الاسبوع طبعا راح يكون في تكريم لهذيلا الممولين ودعايه لهم عن طريق المدرسه او المديريه لانهم سوو عمل انساني ...نحن كنا مخاطبين شركات بس للاسف كلها فمسقط وقالت انزين اذا بنمول بنمول مشاريع الطلبه فمسقط لانهم احق والبريمي اطلبو من الشركات الي موجوده بها او الدوائر انها تساعدكم وبصراحه مب عارفين شو نسوووي اذا تعرفون شي او حد افيدونا وساعدووهم ربي يساعدكم ويفرج عليكم ^_^ والسموحه منكم ع الاطاله
     
  2. مروض الكهان

    مروض الكهان ¬°•| مَشْرف سابق|•°¬

    ما شاء الله عليج اختي

    اشكـــر لج هذا الحس الي عندج

    ان شاء الله محد بيقصــــر

    بس ياليت لو تشرحين لنا وين ممكن من الأعضاء انهم يتبرعون ...

    علشان يقدر الاعضاء انهم يوصولون تبرعاتهمــ

    وبالنسبه للشركات

    تقدرين اطرشين لهم رسائل وان شاء الله

    الايادي البيضاء ما بتقصـــر

    وما اعرف اذا هيئة الزكاه بتقدر اتساعدكم
     
  3. شموخ بريماويه

    شموخ بريماويه ¬°•| عضو مميز |•°¬

    هذا واجبنا تجاه هالفئه من الناس ....لانهم ناس شراتنا بس المشكله ان محد مسولهم سالفه بمجتمعنا اقل حق لهم علينا ان نتعلم لغتهم ونتحاور معاهم يعني عن نفسي ما كنت اعرف اي شي عنهم لين ما بديت ادرسهم ^_^
    اما عن الشركات ماعرف منو نخاطب من الشركات صح من اهل البريمي بس ماعرف الشركات الي فيها او الي تقدر تساعدهم اذا تقدر تساعدنا ب اسامي الشركات بتسوي خير ^_^
    اما عن سالفة التبرعات ماعرف والله بشاور المجموعه وبخبركم اخاف اسوي شي عقب يقولون لي ليش سويتي جيه ^_^
    وتسلم اخوي ع مرورك وتعليقك يزاك الله خير
     
  4. مشاغب

    مشاغب ¬°•| <font color="#040000"> زçـــيم </font><font

    :013: :013: :013:
     
  5. |[ اليآزيهـ ]|

    |[ اليآزيهـ ]| :: إدارة الفريق التطويري :: إداري

    أختي بارك الله فيج . .
    هذه الفئه صح انهم فاقدين شي . . ولكن رب العالمين اودع فيهم من المةاهب اللي مب عند غيرهم . .

    أختي ياليت لو توضحين كل شي . . بطريقة رسمية . .
    عل وعسى حد من المسؤولين او اصاحب التميل يشوف الموضوع ويفمه بطريقه واضحه
    لان انتي الحينمنزله الموضوع واحسج تركضين وانتي تكتبين ههههههه

    يعني اسبوع الصم اللي بسوونه . .
    لو تنزلين موضوع خاص شو بتسوون فيه . شو بتحتاجون فيه . . وشو الاشياء اللي ناقصتكم ومن هالامور
    عسب الرؤية تكون واضحه لليميع . .
    لان لو اي شخص دش الموضوع وكان وده يتبرع . . بهالطريقه ماراح يتشجع
    لان الموضوع مب محدد النقاط والاهداف

    رايتج بيضا اختي ومب مقصره
    وان شاء الله تلقين الايادي البيضاء
    واللي فيه الخير بيجدمه رب العالمين


    بس انتوا بأي مدرسه؟
     
  6. شموخ بريماويه

    شموخ بريماويه ¬°•| عضو مميز |•°¬

    احم احم اذا برمس جيه علني بعض الناس بيشنقلوبي ......:brows: تسلمين الغاليه اليازيه والنقاط الي قلتيها كلها صح يعطيج الف عافيه ...طبعا ماكنت اعرف شو اكتب وشو اقول عسبت جيه الموضوع كله ملخبط وذكرت مليون نقطه فخط واحد .... جاري تعديل الموضوع وفالج طيب طبعا الرسايل والخطابات راح تكون رسميه من المدرسه وهاي المدرسه حكوميه وفالبريمي لان بعض الناس قالو نحن ما نقدر ميزانية الدوله ما تتحمل هالمصاريف واهل الخير وايد
     
  7. شموخ بريماويه

    شموخ بريماويه ¬°•| عضو مميز |•°¬

    سؤال الموضوع صح مكانه هني ؟؟؟
     
  8. شموخ بريماويه

    شموخ بريماويه ¬°•| عضو مميز |•°¬

    اولا : الفئه المستهدفه هم طلاب وطالبات الاعاقه السمعيه من ابناء محافظة البريمي ربي يحفظهم يبلغ عددهم اربع بنات و خمس اولاد وطبعا ينتمون لمراحل وصفوف عمريه مختلفه ومدارس مختلفه ويختلف مقياس السمع لدى كل واحد منهم ... بعد فتح صفوف الدمج في المدارس العاديه كان المفروض توفير اشياء كثيره من قبل الوزاره لهؤلاء الطلاب بس للحين ما وصلنا اي شي يعني لازم نوفر هاي الاجهزه نحن من عندنا ... وطبعا امكانيات المدارس ما تسمح بتوفير هذه الاغراض لانها غاليه نوعا ما ... الاجهزه الي محتاجينها الطلاب عباره عن سماعات معينه يحتاجها كل طالب عشان نعدل مقياس السمع عنده ولو بشي بسيط ع الاقل عشان يسمع الاصوات من حواليه .. وطلابنا وطالباتنا كانو يملكون هالسماعات بس للاسف ضيعوهن وبعضهم انكسرت منهم السماعات لسوء الاستخدام ... وكان في مشرف او طبيب موكل من قبل بهوان الله يرحمه كان يمر على المدارس على حساب بهوان طبعا ويعدل السماعات للطلاب ويوفر لهم سماعات جديده للي سماعاتهم ضايعه ...غير السماعات الطلاب محتاجين لشاشة عرض واجهزة ابروكسيما لاعتمادهم على البصر اكثر من السمع طبعا وكل شي يشوفونه يتوثق فمخيلتهم اكثر ...ويحتاجون لاجهزة تكبير الصوت ويحتاجون اجهزة فنيه ووسائل معينه لهم ...
    ثانيا عن اسبوع الطفل العربي الاصم ...عباره عن اسبوع من شهر ابريل يبدا من تاريخ 20 الى 27 وهو عباره عن فعاليات يقوم به الطفل الاصم بمشاركة زملائه السمعيين وراح يكون عباره عن ايام مفتوحه فالمدرسه وفعاليات وندوات ومشاغل وورش عمل يقوم بها المعلمين و الطلاب وطبعا راح نحتاج لتمويل الاشياء الي راح نسويها مثل المجلات والمطويات والهدايا والجوائز وراح انزل لكم صور لجزء من الفعاليات للسنوات الماضيه ...والسموحه منكم لي عوده بأذن الله
     
  9. |[ اليآزيهـ ]|

    |[ اليآزيهـ ]| :: إدارة الفريق التطويري :: إداري

    لافديتج
    بس من يحدرون المشرفين راح ينقلونه للقسم المناسب
    بارك الله فيج
    ولي عودة

    :imuae27:
     
  10. |[ اليآزيهـ ]|

    |[ اليآزيهـ ]| :: إدارة الفريق التطويري :: إداري

    بس سؤالي
    اللي مستغربه منه :
    دام الجماعه شدوا حيلهم وحطوا خطة انهم يضمون اصححاب الاعاقه ويدمجونهم مع المدارس الحوميه
    ليش مايكونون قد الشي ويكملون جميلهم؟
    لازم الواحد يعتمد على الصدقات والتبرعات ؟ ؟

    سؤال محير . .~

     
  11. شموخ بريماويه

    شموخ بريماويه ¬°•| عضو مميز |•°¬

    خليها مستوووره احسن هههه :9lam:
    واستانست بوجودج ونقاشج
     
    آخر تعديل بواسطة المشرف: ‏30 أكتوبر 2010
  12. ينقل للقسم المناسب ..وان شاء الله هناك جهات تقرأ كلامج وتمولكم ...
    والله يوفقكم يا رب على هذي الخدمات الانسانيه الرائعه اللي تقدمونها..



    عندي سؤال ...ما هو دور مركز الوفاء الاجتماعي دامكم استقليتو في مدرسه خاصه..؟
     
  13. شموخ بريماويه

    شموخ بريماويه ¬°•| عضو مميز |•°¬

    مشكور اخوي ع النقل للقسم المناسب والسموحه منك ماعرفت ووين اكتب الموضوع يعني سوري عبلنا عليك ... هممم هاي هب مدرسه خاصه هذي مدرسة حكوميه بس مسوين فيها دمج لمجموعه من الطلاب ومركز الوفى فيه حالات ثانيه من الاعاقه ...يعني الحين بمدارس البريمي فاتحين صفوف دمج اعاقه فكريه واعاقه سمعيه وطبعا الطالب يدخل حسب مؤهلات وشروط للمدارس الحكوميه يعني مب اي طالب معاق يقدر يدخل وراح افتح موضوع قريب ان شاء الله ابحث فيه عن الطلاب الصم فالبريمي ...لان للاسف الاهالي وايد يتكتمون على عيالهم وبهالشكل يحرمونهم من فرصه التعلم والاختلاط بالمجتمع العادي ...​
     
  14. علي بن سيف الساعدي

    علي بن سيف الساعدي ¬°•| عضو مميز |•°¬

    مشكوره اختي على اهتمامج بهذي الفئه

    عندج فكره كم تكلفة السماعات

    وكم تكلفة احتياجاتهم
     
  15. شموخ بريماويه

    شموخ بريماويه ¬°•| عضو مميز |•°¬

    هذا واجبنا ان نهتم فيهم .... السماعه الوحده والارخص شي في حدود ال 200 ريال وتسلم على مرورك
     
  16. mixrix

    mixrix موقوف

    اهل الخير وااااايد وان شاء الله بيساعدونج
     
  17. جمالـــ

    جمالـــ ¬°•| عضو مميز |•°¬

    الله يرحمك يا بهوان ويغمد روحك الجنان
    كم عددهم اعتقد ان في فصل في البريمي واخر في صحم واخر في السويق وفي مسقط لو نحسب عدد اللي يدرسوا ما اعتقد بيتعدو 200 طلب والوزاره شو تسوي اذا ما قادره تساعد وين الجهات المعنيه لمتى بنظل كذا عمل الخير ما ينعاب واللكل وده يسوي خير ويساعد محتاج وصدجيني الرساله الرسميه او االخطاب الرسمي من المدرسه الى اي شخصيه ذا منصب او والي او شيخ ... الخ او شركة راح يساعدوا بس رسليلهم رساله رسميه والله يعين
     
  18. شموخ بريماويه

    شموخ بريماويه ¬°•| عضو مميز |•°¬

    تسلم ميك ريكس ع المرور ههههه حد قالك قاعد اتشحت عسبت يساعدوني هههه
    مشكور اخوي جمال مثل ما قلت الله يرحمه بهوان والله الكل يشهد ع افعاله ويقولون ماكان مقصر بشكل دوري يطرش اخصائي من دبي يلف ع مناطق السلطنه كلها ويشيك ع الطلاب وعلى اجهزتهم ويعدل اي عطل فيها ومن راح راحت المكرمه ... مابدخل فسالفة الوزاره طبعا بيقولون ما يخلصهم يدفعون حق كل طالب 300 ريال بس عشان سماعه وانهم مب مكلفين ...و و و الخ .... نحن قلنا جيه بعد بنخاطب جهات بس الاشكاليه كانت شو الجهات الي ممكن نخاطبها فالبريمي وووبس تسلم على مرورك
     
  19. جمالـــ

    جمالـــ ¬°•| عضو مميز |•°¬

    اي جهه ومب لازم في البريمي حتى في صحار ترى الشركات في صحار ما تقصر حتى اصحاب المشاريع يحبون الدعايه لمنتجاتهم وبيساعدون نظير لوحه دعائيه لهم ...كذا
     

مشاركة هذه الصفحة