أسوق هدأيآ عجمآن ..!

غ

غزلان البريمي

¬°•| عضو مثالي |•°¬
إنضم
19 أبريل 2010
المشاركات
1,953
الإقامة
في البريمي وضواحيها
هييه صح شفناه سوق الهدايا اليديد ترااه ماشي اسماء غير الهدايا
لكثرة احتواء اسواق البريمي ع الهداايا يمكن ههه:boni3:

يسلموا الشيخ ع الخبريه والطرح المثير للاهتمام:arigato:
 
م

مروض الكهان

¬°•| مَشْرف سابق|•°¬
إنضم
30 مايو 2008
المشاركات
5,795
اختيار الاسم حريه شخصيه

وطبعا خاضع لقوانين ..

واذا ما تعداها ماراح تكون هنالك مشكله


وطبعا كأسم انا احسه مب ذااك الزود .. وليش .. لان مثل ما قلت وااحد يسمي الاسم والبقيه يقلد

يعني ما شيء عقل يشتغل
انا هذا المحل ما اعرف حتى موقعه ...
 
ن

ندى الصباح

¬°•| مُشرفة سابقة |•°¬
إنضم
25 يونيو 2010
المشاركات
4,045
الإقامة
البريمي
سبحان الله

نفس السؤال طرأ عبالي

أول ما شفت العنوان

شدراني فيهم يتحروا عمارهم يوزعوا هدايا

بعدني ما شفته
 
ا

الزناتي

¬°•| عضو مبتدى |•°¬
إنضم
27 سبتمبر 2010
المشاركات
11
صيح غسيل الاموال في البريمي والحكومه رقده ........مصخرررررررررررررررررررررررررررررررررره
 
موزة النعيمي

موزة النعيمي

:: فريق إنجاز للتدريب ::
طاقم الإدارة
إنضم
29 سبتمبر 2009
المشاركات
7,757
العمر
34
الإقامة
في قلوب من تحبني
المصيبه هب في المسميات
المصيبه انه ملينا من الباضعه
كوبي بيست بس مافي شي راقي او شي جودته تنفع
كله مال قوم بو عبود ماينفففففففففع
 
ر

رماد الشوق

¬°•| فخر المنتدى |•°¬
إنضم
19 يوليو 2008
المشاركات
3,087
الإقامة
فبيـــــــتــنا
كله اسواق هدايا
والله طفرنا .... كانن اسعارهن رخيصه وماشي جودة واحين السعر عالي وبعد ما شي جودة والله ضاحكين ع الناس ..
الين متى ان شاء الله ... لا والقهر ان( اسواق هدايا العين ) الاسم مقتبس نصا من اسم المحل الموجود فالعين .. انزززين عاد لا تفضحوا عماركم سموووه ع الاقل اسواق هدايا البريمي
خلاص تعقدنا والله من هالاسواق ... كل مكان اسواق هدايا ... وبضاعتهم كلها تقليد ما تنفع طوووووووول ..
 
ع

علي بن سيف الساعدي

¬°•| عضو مميز |•°¬
إنضم
7 أغسطس 2008
المشاركات
378
العمر
39
nobalahmed قال:
تسلم اخوي بدوي علي هذا الموضوع
اول شي انا مب ضد الاستثمار الخارجي اللي يعود بالنفع علي البريمي بس انا ضد الاستثمار اللي لا يعود بالنفع علي البريمي وهذا هو الشي اللي صاير بالبريمي الكل يفتح نفس النشاط ويبداء التقليد وتغيب الجوده
مثال اسواق هدايا ....... واسواق هدايا ........ الخ......... وشاي الكرك ... وشاي الكرك ... الخ والخياطين وغيرها من المحلات الكل تقليد ولا يعود بالنفع علي البريمي واهلها بس اذا استوي تنوع في الاستثمار يعود بالنفع علي البريمي واهلها بجذب الزبائن من مختلف المناطق وتنشط التجاره
الشي الثاني انا اشك في ارباح هذي الاسواق ومدي جدوي هذا الاستثمار لان كم عدد سكان البريمي مقابل هذي المراكز المنتشره وكم القوه الشرائيه لأهل البريمي مقابل الكم الهائل من اسواق الهدايا الا اذا في ارباح واهداف خفيه لانعلمها للتاجر
والخوف من القادم اذا ما تداركت هذه الاخطاء
أنقر للتوسيع...

بالعكس اخووي كل ما زادت عدد المحلات كل ما كانت هناك منافسه والمحلات تبدا تبحث عن الجديد وعن اللي يريده المستهلك

القوه الشرائيه لاهالي البريمي كبيره واغلب اهلها يمتلكون مبالغ ماليه جيده او يمتلكون مصادر ماليه تعود عليهم بالربح الجيد

ولا تنسى انه الوافدين اللي يشتغلون بالعين ويسكنون بالبريمي يفضلون الشراء من البريمي اذا دخلوا فيها وخاصة من المطاعم والسوبرماركت ومحلات بيع الملابس وهالشي يوفر دخل اضافي للتجار

ولا تنسى اهل عمان لما يروحون الى العين او دبي للتسوق وبعد يقعدون بالبريمي لمدة يوم بالشقق المفروشه او الفنادق يشترون بعض الاشياء من البريمي وبعد ياكلون من مطاعم البريمي وهالشي بعد يوفر للتجار دخل جيد وخاصة بوقت الاجازات تشوف انه الشقق المفروشه والفنادق والمطاعم زحمه لانه اهل عمان يحبون يغيرون جو ويروحون جهة الامارات والبريمي

يعني هناك فرص للتجار بالبريمي ويحصلون على ربح جيد ولا كنت بتشووف المحلات والسوبرماركتات كلها مسكره

لكن ينقص البريمي انه اهلها يدعمون فيها التجاره وانهم يشترون من البريمي عشان يحدث هناك تنوع بالبضاعه وبعد عشان يساهمون في ارتفاع دخل اهل البريمي

وبعد يجب على الشباب بالبريمي والتجار واهل البريمي التكافل والتشارك والمساهمه في تاسيس الشركات المساهمه المغلقه في عدة قطاعات لانه هالشي بيفيدهم وبيزيد من دخلهم السنوي او النصف سنوي وبعد بيوفر لهم المنتجات اللي يحتاجونها بالبريمي
 
موزة النعيمي

موزة النعيمي

:: فريق إنجاز للتدريب ::
طاقم الإدارة
إنضم
29 سبتمبر 2009
المشاركات
7,757
العمر
34
الإقامة
في قلوب من تحبني
ينقص البريمي انه اهلها يدعمون فيها التجاره وانهم يشترون من البريمي عشان يحدث هناك تنوع بالبضاعه وبعد عشان يساهمون في ارتفاع دخل اهل البريمي
أنقر للتوسيع...

والله العظيم ورب الكعبه اني كل مره اسير ابغي افيد بلادي واقلل من روحتي للعين عسب اشتري اي شي
ولكن اللي في البريمي - رخيص الجوده - مع احترامي لاصحاب المحلات
الواحد يوم يبا يشتري بعد يبا يعق فلوسه في الشي الزين . .
وهذي المحلات المفتوحه تفتقر للجدوة والبضاعه الاصلية كلها رخصيه . . !

شو الفايده؟

نحن بالعكس نشجع التجار ونشجع كل شي ممكن انه يرفع اقتصاد البريمي لفوق . .
ولكن نحن كأهل البريمي هذي الاسواق ماتعجبنا قلنا محل محلين ولكن . . مش الكل يكون ع نفس المستوى ع الاقل واحد مال الاشياء البسيطه المستهلكه يوميا . . والثاني حق الاشياء اللي تكون شوي على مستوى . .

ملينا من البضاعه الرخيصه
مع احترامي - :Frshah1:
 
N

nobalahmed

¬°•| عضو فعّال |•°¬
إنضم
21 ديسمبر 2008
المشاركات
124
الإقامة
البريمي
تسلم اخوي الساعدي علي التعليق بس بالفعل البضاعه والمحل الجيد هو اللي يدعم نفسه صعب نطلب من المشتري انه يدعم المحلات لان المشتري يختار اللي يناسبه ولو وجد بضاعه فيها جوده والسعر معقول بيشتري بس المشكله لها جانبين الاول وهو الاهم ان التميز غير موجود بالبريمي او نادر الوجود لان اغلب التجار يفكروا انه لو فتح محل لازم تكون الاسعار رخيصه ولو فكر بالجوده مقابل السعر المعقول بتشوف الزباين كثر ,,,,,,,, اما الجانب الاخر فهو من جانب الزبون فكثير من الناس تولدت لديه قناعه انه اي شي يباع بالبريمي خالي من الجوده واذا تريد الجوده روح صوب العين تحصل الجوده فيشتري اشياء قد تكون مب ذاك الزود بس لانها من العين بتكون في ظنه ان جودتها عاليه
وانا ادعوا تجار البريمي الي تحسين خدماتهم واطلاق حمله لتشجيع التجاره والتجار من البريمي
 
أعلى