(( ~قصه شاعريه~ ))

الموضوع في ',, البُريمِي لِلقِصَص والرِوَايات ,,' بواسطة شيخ الشباب, بتاريخ ‏16 أكتوبر 2010.

  1. شيخ الشباب

    شيخ الشباب ¬°•| عضو مميز |•°¬

    قـصـهـ شـــــاعـريه
    ـــــــــــــــــــــــــــــــــــــ


    عاتبتني وجادلتني من بين آلاف الحضور..
    لجل ابتسامه شقت الويه البشوش..
    ما عطتني فرصه اشرح لها الوضع العنيد..
    حتى الابتسامه صارت بويه الانسان عيب وممنوع..
    لا صارت من قلب طاهر ونية انسانٍ سليم..
    اشهد اني ما تبسمت الا ما ابدع ربي الجليل..
    قلت ساعتها سبحان من صور وابدع فالعبيد..
    اخنقتني حيل عبرتي وما تمالكت العبوس..
    قلت هي الابتسامه في وجه العدو صدقه كيف بالمؤمنين..!!
    الله واكبر على النوايا لا صارت دسيسه..
    مثل سم الباري في الحشايا صار هشيش..
    لا اعتلى صوتها قلت يا فلانه صوت المرآءه عوره فاخفضيه..
    وش اسوي من ابتسامه صارت بوجه البشر فيها الف ليه وليه...؟!!
    قلت السموحه يا بنت الاجاويد مقصدي ما هو مثل تحترين..
    هي بسمه طاحت بوجه سموح..
    وش عاد لا صارت غمزة عين..؟!!
    اشهد انها اطرحتني قتيل..
    روحي مكانج الله لا يهينج ولا تهينين..
    لا صار الانسان مسوي لك قدر وتحشيم..
    احشمه ولا بغيت تجادله جادله باللين..
    هي جمله قالتها وراحت بلا تبرير..

    (منقود الرجاجيل تطالع فالحريم)..

    وراحت بعدها ولا لها آثر بس لها علي الف تآثير..
    قلتها فصدري كذى البنت ولا بلاج تكون..
    دافعت عنها ولكن ما احشمت قلبي الحشيم..
    درت افكر هو الغلط مني لجل بس تبسمت بوجهها..؟!!
    خلوها على ربنا الكريم يعلم بالنيات المستقيم..
    كذى البشر في فهمهم للطرف الآخر دوم في تهين..
    "صدفه" تكرر اللقآآ بيوم من ايام الجموع..
    قلت اناظرها من بعيد لبعيد..
    ولا عيني تجي عينها بالكثير..
    قلت اتجنب المشكله قبل يوقع ضررها..

    (لا للتبسم ولا هم يحزنون)..

    بس صار العكس صحيح ..!
    ناظرتني واتبسمت وقالت :ممكن يا حشيم..؟
    تفسح لي الطريق...
    قلت : سبحان ربي مغير الانفس الى اللين والطيب..
    قلت: ي..
    قالت:دام فضلك...
    والسموحه منك عن ذاك اليوم اللي فيه اهنتك بالكثير..


    انصدمت منها بالآحرى كثير


    قلت: لا ما اسمح وليش لوجهي تتبسمين؟؟
    والف ليش وليش..؟؟!!
    وابي التبرير اللحين...

    وانا ميت ضحك وهي مثلي بعد..
    وقتها اعرفت ان مقصدي كان خير والنيه سليم..
    وادركنا الوقت..وكلن منا اخذ بالرحيل
     
  2. فنتكـ

    فنتكـ موقوف

    :cute:


    كلامت داعبت مشاعري
    :cute:
     
  3. صقر آلبريمي

    صقر آلبريمي ¬°•|مـכـتـآر [آכـبـﮗ]ولآ [آטּـسآﮚ]ـ |•°¬

    ناظرتني واتبسمت وقالت :ممكن يا حشيم..؟
    تفسح لي الطريق...



    تسلم فزاع على طرح الموضوع ​
     
  4. عليا العلوي

    عليا العلوي ¬°•| منظمة تفاعل لأجل البريمي|•°¬

    ياربي شو حلوه القصه....ترى مرات صدق الناس تفهم الإبتسامه غلط ولو كشرنا قالوا هاذي نكديه ما يعرفوا ان الوحده تبا تبعد عن نفسها العيون والتحرش بالعبوس...والله يعلم بخافيات الأنفس.....وتسلم ع القصه الشاعريه الجميله
     
  5. شيخ الشباب

    شيخ الشباب ¬°•| عضو مميز |•°¬

    مشكورين على الرد الحلو منكم وانشاء الله كل جديدي بيكون في منتدى البرمي
     
  6. شووق قطر

    شووق قطر ¬°•| مراقبة عامة سابقة وصاحبة العطاء المميز |•°¬

    رووووووووووووووعه آلله يعطيك العآفيه

    ونآطرين يديدك
     
  7. شيخ الشباب

    شيخ الشباب ¬°•| عضو مميز |•°¬

    شكرااااااااااااااا على الرد الطيب
     

مشاركة هذه الصفحة