!!نتيجة تعاطفكم من العاملين فالمحلات و المطاعم>> قبل شوي ضرابة عند طيبات الشام ..

الموضوع في 'مركز أخبَار وقَضَايَا مُحـَافَظة البـُريمِي' بواسطة مجنون في حب داري, بتاريخ ‏14 أكتوبر 2010.

  1. مجنون في حب داري

    مجنون في حب داري ¬°•| عضو جديد |•°¬

    السلام عليكم جميعا..
    بدخل فـ الموضوع بالمرة..


    قبل شوي كنت واقف عند دكان الشيشة وشوف اللي يشتغلون فـ طيبات الشام متولفين على واحد عماني هو و عياله و يبون يضربونه.. ويالسين يسبونه ومسكين هو بروحه واقف جدامهم..المهم سرنا انا وربعي وهناك كانو شباب 2 واقفين عدال المقهى اللي عدال المطعم ونزلوا يحايزوا وعقب يئ واحد بعد يحايز.. و تولفنا تقريبا 7 عمانيه جدام 15 زلمة من مطعم طيبات الشام.. موضوع السالفة عن العماني طلب عصيرة وشافه انه مب فرش وعقب قال حق الزلمة ردة.. قام الزلمة يرد عليه و بلفاظ مب حلوة وعاد تموا يتشاتموا وعقب ادازو .. نحن حاولنا نحل الموضوع وكنا عارفين ان الزلمة هو الغلطان بس حلينا الموضوع عشان العماني من صحار وكان شال عياله فـ السيارة و الوقت كان الساعة 1 فليل.. المهم يوم بغى يسير العماني قام واحد من الشباب اللي كانوا يحايزو و يحلوا السالفة يتكلم مع الزلمة اللي مسوي السالفة بس الزلمة مصخها قام يشاتم ويعلي صوته ويسب و خلاف قام يدز ويضارب..و يوم خلصوا مضاربين طلب هالريال الشرطة والزلمات شردوا صوب شقتهم.. المهم يات الشرطة وشلوا بطايقهم وتحول الموضوع للشرطة....

    الزبدة من الموضوع انا بقولكم شي ومثل ما شفته من اهل البريمي.. انا شفت ان اهل البريمي وايد متعاطفين و وايد يغلطوا عليهم وهم ساكتين (اقصد يغلطوا عليهم اصحاب المحلات ).. ياخي ما بقى حد من اللي يشتغلون فالبريمي ما سو راس وبطر علينا .. ياخي انا ما اقولكم كونوا عصبين على الزلمات و الهنود بس يا خي لا تسكتوا عن حقكم.. عيل اللحين واحد زلمة يغلط على ولد البلاد جدام عياله.. والله نحن من البريمي استحينا من الريال.. مسكين ياي من صحار ويقوم الزلمة يسبه ويهدده.. انا بصراحة يربت مطاعم البريمي مال الشاميين كلهن وبصراحة يعاملوك جنك انت الوافد وهم اهل البلاد.. واللحين بعد نص الهنود سولهم راس.. يا خي منو يرضى ينذل فـ بلاده من واحد وافد.. يا خي بسكم تعاطف .. اليوم يات على واحد من صحار وباجر بتيي من واحد من برع البلاد.. يا خي اي زلمة ولا هندي شفتوه قليل ادب لا تسكتوا عنه وعلموه الادب.. .. والسموحة منكم..
     
    آخر تعديل: ‏14 أكتوبر 2010
  2. البارونه

    البارونه ¬°•| عضو مميز |•°¬

    ي
    يه هذا الي صاااااير الحين .. من ثبتو وجوهم كبرو علينااااااا..


    ماصار التعامل مثل قبل مادري ليش ..


    وماااحس انه فيه رادع ولا ماوصلنا لهذا الحال..
     
  3. ندى الصباح

    ندى الصباح ¬°•| مُشرفة سابقة |•°¬

    هذولا بيالهم هزاب وبيعتدلوا

    الله لا حطكم ب هالموقف

    انا صارلي كذي كنت متصلة اطلب من المطعم

    وسدت التلفون فويهي أونها بزي وأنتظرتها لحد ما يابت الطلبية

    وشرشحتها عشان مرة ثانية ما تسوي هالحركة لا لي ولا لغيري

    الحين من تشوفني دقلي سلام من يعيد

    فخاطري اقول ما يبالج غير العين الحمرة
     
    آخر تعديل: ‏14 أكتوبر 2010
  4. صقر الديرة

    صقر الديرة ¬°•| عضو مميز |•°¬

    السلام عليكم ورحمة الله وبركاتة
    شكرآ لطارح الموضوع

    أدش في الرد مباشرة وبدون مجاملة ولا زعل
    قبل عيد الفطر المبارك دشيت محل الحلاقة ومعي اولادي بارك الله فيهم لحلاقة الرآس وعددهم ثلاثة وأنا الرابع أعوذ بالله من كلمة انا ولكن لحلاقة الرآس واللحية وبعد الإنتهاء من الحلاقة قال الحلاق لولدي الأكبر سنآ قل لابيك حسابكم سبع ريالا وخمس مئة . رد عليه ليش قال هذا المبلع الحالي وباختصار أخرجت مبلغ وقدرة -- ريالين ونصف وأعطيت المسئول هناك فرفض إستلام المبلغ فقلت له إتصل بالشرطة أو اربابك فانا لا زلت موجود بالمحل لأعرف من رفع الأسعار --- وبعد ما يقارب الخمس دقائق قال صاحب المحل خلاص صديق روح انا ما يريد زيادة سوري أنا غلطان


    فياء شباب البلد لا تكونوا كريمين لمن اراد ان يستغلكم فانتم شباب المستقبل فكونوا يدا ليد


    والسموحة منكم وموه الفرق بين حلاقة اللحية حلاقة عادية وخنجرية على شان تكون اللحية الخنجرية اغلى باي شباب المستقبل خليكم يد بيد وخبروا ربعكم بالموضوع
     
  5. مروض الكهان

    مروض الكهان ¬°•| مَشْرف سابق|•°¬

    أنــــا معاكــ

    الزلماتــ مكبرين راسهم

    والناس اذا طلبوا والطلبيه كانت بايته ما يردون عليهم ولا يتصلون بالمسؤول عنهم

    يعطوون الموضوع طاااف

    والهنود مب أقل عنهم مستوى

    صايرون يقولولنا الحاجه حقك اذا تبى خذت واذا ما تبى توكل
     
  6. »̶»̶̥ м̽ɐ̲łќ 3̨̐τ̅н̲

    »̶»̶̥ м̽ɐ̲łќ 3̨̐τ̅н̲ ¬°•| طالب مدرسة |•°¬

    لا الهنود و لا الزلمااات فيهم خير



    اعدموووهم :bacco:
     
  7. ""فـوشـهـ""

    ""فـوشـهـ"" ¬°•| عضــو مــهــم|•°¬

    لا تعليــــــــــــــــــــــــــــق :cry::cry:
     
  8. غالي الأثمان

    غالي الأثمان ¬°•| مراقب سابق|•°¬

    كل شي يصير في هالزمن....
     
  9. هيباتيا

    هيباتيا ¬°•| عضو مبتدى |•°¬

    بدون تحيز لأي الفريقين

    حتى الشباب مب سهلين !

    حطوا نفسكم بمكانهم في غربة ، اكيد في خواطرهم يقولون ما بنسكت عن حقنا ويشبونها حريق يوم حد يشارهم !


    وأنتوا تتعاملون بها المنطق ... وهات يا ضرايب كنتيجة طبيعية لقناعة الطرفين بهالشي !


    الأسلوب الحسن يخمد كل شي .. !
     
  10. shadow

    shadow ¬°•| اسْتًغْفِرُ الله |•°¬

    المشكلة من الوافد نفسه ،

    يمكن هم كذي تعاملهم مع بعض فبلادهم :74:
     
  11. |[ اليآزيهـ ]|

    |[ اليآزيهـ ]| :: إدارة الفريق التطويري :: إداري

    انا ماراح اتحيز لاي طرف
    ولكني بعد لاحظت ان تعامل الوافدين مستوي ماصخ
    صاروا اصحاب البلاد ونحن الوافدين^^

    ما اقول غير
    الله يسامح لي كان السبب
    وكبر راسهم علينا^^

    ولي عوده
     
  12. مستشار

    مستشار ¬°•| عضو مميز |•°¬

    هذي مشكلتنا ف عمان ... طيبين وطيبين .. نحن طيبين بس طيبتا صارت تجلب علينا ان بغيتون الصدج...
    ف العين هالوافدين ان كانوا زلامت ولا غيره يعاملونهم كأنهم ولا شي.... وهذا منطق...

    يقول الشاعر ( لاتشتري العبد الا والعصا معه... ان العبيد لأنجاس مناكيدوا)
    ولي ما عايبنه يراجع غيري .. طيبتنا صارت تحرقلنا اعصابنا يوم نسمع مثل هالسوالف وياريت كنت عندكم يوم صارت السالفه...

    ياي من صحار وبعده عياله عنده؟؟؟ وبسبة عصير؟؟؟ ع بالي طالب ب 1000 ريال مشاوي...!! اه يالقهر
     
    آخر تعديل: ‏15 أكتوبر 2010
  13. السَعيدي

    السَعيدي <font color="#ff0000">¬°•| إداري سابق|•°¬</span></

    بسم الله الرحمن الرحيم


    اولا اشكرك على طرح الموضوع واهتمامك بمثل هالمواقف والأمور المتعلقه بالمحافظة واهلها


    الموضوع مش مثل ما تتصوره اخوي

    أحترام العاملين في بلادنا بمختلف جنسياتهم لا يعتبر ضعف او تحريض لهذا العامل على التمرد

    هالشي من طبيعة اهل البلاد وعاداتهم
    والحمدلله هالشي معروف عن اهل هالبلاد
    التواضع واحترام الغير

    طبعا الموقف لي تكلمت عنه مؤثر وما يرضينا

    لكن الاهم من هذا ان البلاد محكومه وفيها قانون
    والمشاد بالكلام ما يؤدي إلى أي نتيجه
    لان كل شخص مقتنع برأيه حتى لو كان غلط

    كان الأجدر أخبار الجهه المختصه فور حدوث الخلاف
    وانت بروحك قلت انه اول ما اتصلتو بالشرطه العمال هربو وهذا دليل على أنهم غلطانين ويعروف انهم بيتعاقبوا


    أنا شخصيا اوصي بالأتزان وعدم التهور أبدا

    وحل الأمور بحكمه هو خير تصرف يقوم به الأنسان

    ونتمنى عدم حدوث مثل هذي الامور عندنا
     
  14. AL W$WAS

    AL W$WAS موقوف

    كم مره وانا اقول لارحمه بعد اليوم ومحد يفهم
    ياحبايبي في ناس اذا تحترمها تحترمك...
    وفي ناس اذا تحترمها ـــــــــــــــــ انتو عارفين الباقي
    قال صدام من يحترم يوحترم

     
  15. Ąℓŋ3αỉмỉ

    Ąℓŋ3αỉмỉ ¬°•| مُراقب سَابق ومطور |•°¬

  16. عليا العلوي

    عليا العلوي ¬°•| منظمة تفاعل لأجل البريمي|•°¬

    يا اخواني وخواتي...خلكم عاقلين وفكروا بعقلانيه.....المشكله مش في زلمه او هندي او عماني .....المشكله ف عقولنا وطريقه تفكيرنا وكيف نحسب الموقف.....لا فرق بين أعجمي...وعربي إلا بالتقوى....وفي ناس لا من اصلنا ولا هم يحزنون ومعاملتهم..حلوه وتشرح الصدر.....اخواني المعامله الطيبه تقربك من ناس والمعامله الخشنه تبعدك عن ناس.....يعني لو صادفت بحياتك كم واحد زلمه يعاملك بطيبه ...بتقول هاذوله الزلمات طيبين وحبوبين...ولو صادفك كم هندي معاملته طيبه بتقول يحليلهم لو انه هندوسي بس معاملته احسن عن العربي....يعني على حسب الأشخاص...تنحب عشاير وقبايل.....هالعماني بيروح صحار وضايق صدره وبيعامل كل زلمه على إنه ما عنده أخلاق..وبتصير عنده عقده..وبيكره كل الزلمات ...شوفوا كيف شخص واحد خرب عالباقي؟؟؟؟؟؟قولو لا إله إلا الله...كلنا بنوقف بين ايدين رب العلمين وبنتحاسب......ولا تنحازوا لأي طرف.....الي تربى صح بيعامل الناس كلها بأدب وأخلاق بغض النظر عن الأصل...ولا تنتظر الناس تعاملك بأدب المهم أنت تكون صافي القلب ومعاملتك عطره وحلوه....وخلى الباقي على رب العلمين ..واستهدوا بالله
     

مشاركة هذه الصفحة