ليش ذاب الصدق بقلوب الرجال ؟!

الموضوع في ',, البُريمِي لـ القَصائد المنقولة' بواسطة »اماراتـ ﮓسرتيم ـيه™«, بتاريخ ‏2 أكتوبر 2010.

  1. »اماراتـ ﮓسرتيم ـيه™«

    »اماراتـ ﮓسرتيم ـيه™« ¬°•| عضو فعّال |•°¬

    ليش ذاب الصدق بقلوب الرجال ؟!


    ليش انا قبل الزواج كنت اناديها "الغلا "
    وكنت اناديها "الغرام"
    و "بعد أُمي وابوي"
    و "ضحكتي ... وابتساماتي ... وبلسم جرحي المفتوح وجروحي"



    وعقب ما ربي جمعنا ...~
    واجتمعنا
    وصرنا أُسرة
    وصرت انا واياها جميع
    نصحى وننام
    ونشرب بكاس الغرام
    ويوم اناديها تجيني ما تأخر
    وتقول "ســم...! "
    و "لبي قلبك يا بعد قلبي انا"





    صرت اناديها عقب ذاك الغلا
    "هيه... وينك يامره...؟!"






    ليش انا قبل الزواج كنت اكلمها
    واسولف
    واقضى ساعات وزمان
    واحتريها
    وحتى لو تأخرت ... او اخلفت ميعادها
    ما ازعل عليها



    لاآآآآ



    ولا حتى اعاتبها شوي
    وكنت اشوف عيوبها بعيني جمال
    ونقصها بعيوني هو معنى الكمال





    ويوم صرنا مع بعضنا
    لو حكت لي كلمتين
    او سولفت ... او مازحتني وضحكت
    قلت :كافي ... بس ... ما ابي قلة ادب
    " واعتقد يكفي كلام وبربرة ...!! "





    يااااااااااااااااااااااهـ !!
    بعد ماكان الحكي بشفاهها ينقط عسل
    صار بتاليها حكي...؟!
    لآآآ
    وليته حكي ...
    صار اسمه " بربرة ...أو ثرثرة...!! "








    ليش اراضيها منوّليوم تزعل
    وما آتحمل بس لو لحظة زعل
    وكنت ادللها
    واموت بضحكها
    واقول "آسف يا غلاي "
    واكتب [اجمل بيت شعر ] لعينها لين ترضى



    وعقب ما ربي جمعنا



    من تزاعلني اقول لها
    " في بليس ... طقي راسك بالجدار أنتي حي الله بقرة...!! "



    وربي احنا صدق [[مرضى عشق]]
    واشواق
    ومشاعر
    وعشقنا من دحدرة في دحدرة
    ماعرفنا وش معنى البنت ~
    ولا عرفنا قدرها
    ولا وفاها بصدرها
    وما حكينا عن غلاها
    ولا صفاها
    ولا هواها
    ولا دفاها



    بس نتكلم على
    ثرثرتها
    وبربرتها
    وحكيها السامج



    ما نخاف الله يعاقبنا وهي
    عطر دنيانا وهوانا ~
    بدونها تظلم سمانا ... بدرنا في خدها ~
    وصبحنا في قدها ~
    وشمسنا بكفوفها ~
    وربي وردة ... يا سعد من شمها ~
    وغيمةٍ تمطر حنان ... والحلا في دمها ~
    وشكل بسمتها جنان ... والكرز في فمها ~
    وبن عمتها المطر ... وغيمة الشوق أُمها ~
    و ولد خالتها الربيع ... والزهر هو عمها ~
    وخصرها دنيا لحاله ... حظ صدرٍ ضمها ~
    وريقها نكهة عسل ... والعطر في كمها ~





    وشهي الدنيا اذا مابه بنات...؟!






    صحراء مافيها ربيع !
    وعيون كاسيها الوجل !
    و وجيه ما فيها امان !
    وطفل يبكي !
    وشيخ يشكي !
    ودنيا مافيها رفيق !
    وصحبة ما فيها وفاء !
    وقلوب ما فيها حنان !
    وما احدٍ يرحم احد !





    برحمتك يارب ... " خل لنا البنات "
    بضحكهم
    وهبالهم
    وخبالهم
    ودموعهم
    وشموعهم
    ويا حلو تدليعهم
    ويا حلو تدليلهم


    منقوول


    عيتني ابيااته :excited:
     
  2. تـعـبـت اكـتـم الـحـزن

    تـعـبـت اكـتـم الـحـزن ¬°•| فخر المنتدى |•°¬

    السلام عليكم ورحمه الله وبركااته


    برحمتك يارب ... " خل لنا البنات "
    بضحكهم
    وهبالهم
    وخبالهم
    ودموعهم
    وشموعهم
    ويا حلو تدليعهم
    ويا حلو تدليلهم


    تسلمين على الابياات الجميله ووكلج ذووق ووسمووحه..
     
  3. عليا العلوي

    عليا العلوي ¬°•| منظمة تفاعل لأجل البريمي|•°¬

    كلام جميل وحلو....بس برد عليج ليش؟؟؟اي ريال اذا حب وحده ما يفكر بالبدايه بالزواج...من كذي يهيم فيها عشق وغرام ولا نزار قباني شراته...ذيك الساعه....وتكون عنده اللعبه صابت صابت...خابت خابت...ولو طلعت الحرمه ذكيه تقدر تسحبه للزواج..بكل ما اوتيت من جبروت وقوه...ودموعها أحلا سلاح...ولا قنبله هيروشيما...وبعد ما يصير الزوج بحكم القانون ببيت الزوجيه..اول 3او 4 شهور او حتى سنه الكلام الحلو موجود..وما في بينهم غير لغه الحب...وتنقلب الآيه من بعد البيبى الأول..الحرمه تعبانه من السهر ومتطلبات البيت...الكلام الحلو يخف تدريجيا...وبعد ما يصير البيت متروس عيال تصير لغه الكلام ...مصاريف البيت والمشاكل على التربيه والدراسه....ذيك الساعه الريال تطلع عيونه بره يدور حرمه تسمعه الكلام الحلو ويعيش معاها..لحظات..عاشها فى البدايه مع زوجته..لكن يتناسى الريال حزه ما يبى يتناسى....اختى كنى طولت كثير...كلامى ما يخلص...لكن تذكري الحرمه شراه الورده يشتريها الريال..بس ما يعرف بحافظ عليها...من كذي تذبل بسرعه...وتيبس وطيح....إلا إذا كانت الحرمه ورده بأشواك..تدمي إيدين أي ريال ..وهاذي حال نادره الوجود
     
  4. »اماراتـ ﮓسرتيم ـيه™«

    »اماراتـ ﮓسرتيم ـيه™« ¬°•| عضو فعّال |•°¬


    ربي يسلمج من عذاابه

    ربي لاهانج ع المرور العطري :001:
     
  5. »اماراتـ ﮓسرتيم ـيه™«

    »اماراتـ ﮓسرتيم ـيه™« ¬°•| عضو فعّال |•°¬


    :61: :61: اممم بس تعرفين اختي ترى الريايل يحسوون بحرمه بس يكتموون مادري ليش

    مب لازم تكون ورده بأشواك لازم تكون ورده مب ذابله لوو كانت تعاني لازم تبين عكس كل شي ترى الريال يحب الحرمه القويه مايحبها ضعيفه وماتقدر تعتمد ع روحها و دووم تشتكي :a033:

    اسعدني راايج واايد


    ربي لاهانج ع الخطفه
     

مشاركة هذه الصفحة