حـــيــاتــي ..~> shadow

الموضوع في ',, البُريمِي لـ/ يوميات الأعضاء' بواسطة shadow, بتاريخ ‏30 أوت 2010.

حالة الموضوع:
مغلق
  1. shadow

    shadow ¬°•| اسْتًغْفِرُ الله |•°¬

    السلام عليكم ورحمة الله وبركاته..

    قررت اسوي يوميات فريدة من نوعها ..

    تحكي عن مراحل حياتي منذ نعومة اظفاري" لين استويت جعرية " :i-can-fly:

    [​IMG]

    بحكيلكم عن فرح هالحياه :1: ومآسيها :298b5a831e8a667c2ba..

    وعن الصعب والسهل

    وعن القبيح والجميل

    يعني بالمختصر بسوي يوميات نيو ~> هع كم مرة سويت ؟

    بس هالمرة غير :confident:


    وبس



    ملاحظة : سرت اسوي هالموضوع فاليوميات وما صار .. شسالفة ؟ ..
     
    آخر تعديل: ‏30 أوت 2010
  2. shadow

    shadow ¬°•| اسْتًغْفِرُ الله |•°¬



    مستشفى الواحة

    يوم الاثنين

    الموافق : 20 -7-1992

    الساعة 8:30 مساءً

    وبالتحديد غرفة رقم 7

    shadow ولدت

    وسط فرحة الاهل .. :012:

    [​IMG]




    احم ..

    عشت طفولة غيير شكل ،:facepalm:

    وما اتوقع حد عاش مثل عيشتي ..

    ربتني امي 4 اشهر وبعدها انفطمت من الرضاعة فذاك الوقت:81:

    وصرت اشرب حليب صناعي ~> عشان هيك العقل والله انه ..! :b020:

    امي كانت مدرسة تربية اسلامية ..:afkr:

    وكانت تداوم وتفرني عند خالتي وبناتها الاربع و ولدها الوحيد

    بس عيال خالتي كانوا كلهم يداوموا فالمدارس ، فكانت خالتي تسير السوق وتشلني وياها ..

    كنت صغيرة عمري فالأشهر .. خالتي كانت تييب كرتون موز وتحط داخله شرشف وتحطه فالكرسي اللي عدالها وتيلسني فيه ..:imuae76:

    (الحاجة ام الاختراع)

    وكل ما اتم اصيح ، توقف سيارتها فمكان وتشلني لين اسكت ..

    ...

    يوم بديت احبي .. امي وابوي ساروا الحج ..

    وطبعا انا تميت عند خالتي وبناتها و ولدها ..

    ويوم ردوا امي وابوي ماعرفتهم ..:364370309157ae42e12

    حتى ما طعت اسير عندهم ~> هيه كيف يخلوا بنتهم الوحيدة ومايشلوها تحج عندهم ؟

    بس بعدين تذكرت انهم امي وابوي وسرت عندهم ..

     
    آخر تعديل: ‏30 أوت 2010
  3. shadow

    shadow ¬°•| اسْتًغْفِرُ الله |•°¬



    خافق احساس




    في يوم من الايام ..
    ذهبنا الى مسقط لنزور احدى خالاتي :003:
    ومن بين المعزومين ( خالي ابو خافق ) وعياله
    " خافق كان عمرها 3 سنوات " ..


    اول ما وصلنا قامت امي وفرتني فأقرب كرسي فالصالة
    عشان تسير تصلي
    يمكن كنت نايمة والله اعلم عشان هيك امي فرحت وشردت عني

    مسكين حالي :cry:

    ومحد كان فالصالة
    يات خافق ماعرف من وين
    شافت حد صغيرون راقد فالصالة ..
    اقترب مني
    وكانت تتأملني بنظرات غريبة ..:eek:
    اخيرا يات امي وتذكرت انها والدة بنت:lll-_-:
    لفت خافق صوب امي و استفهام كبير فوق راسها .. وقالت :


























    " من اشتراها هذي ؟ "

    :imuae55:



    هذا كان اول لقاء بيني انا وخافق .. ^^"~


    :91:
     
    أعجب بهذه المشاركة special
  4. shadow

    shadow ¬°•| اسْتًغْفِرُ الله |•°¬

    اغلب الحياه اللي عشتها كانت فبيت خالتي وعيالها

    لان امي كانت تداوم

    وابوي كان يداوم

    وعماتي اللي فبيتنا كلهن يداومن ..



    :001:
     
    أعجب بهذه المشاركة special
  5. shadow

    shadow ¬°•| اسْتًغْفِرُ الله |•°¬

    special

    تاريخ الميلاد 1-2-1992

    مستشفى العين

    تعيش فمسقط ..

    لقبها : صرصورة

    هع
    ..

    [​IMG]

    سبيشل بنت عمي الوحيدة اللي كبري
    ومن يوم صغار ونحن نطقم فكل شي


    بس ما كنت اشوفها وايد الا فالمناسبات والاعياد

    لانها فالشرق ( مسقط ) ونحن فالغرب ( العين ) ..هع


    ما اذكر اول لقاء

    لأنا من يوم تونا مولودين ونحن مع بعض :187:
    ..
     
    آخر تعديل: ‏2 سبتمبر 2010
    أعجب بهذه المشاركة special
  6. shadow

    shadow ¬°•| اسْتًغْفِرُ الله |•°¬


    بادي ارهابي

    13-3-1994

    اعتقد مستشفى توام

    لقبه : الالكتروني :315921608f80a798bcc
    ..


    [​IMG]

    بعد سنتين .. صار عندي اخو وطبعا دوومه يتعذب:19:
    كنت وايد اغار منه لانهم صاروا يهتموا فيه اكثر مني ..:65:
    واللي يزيد الطين بله .. انه امي استقالت عشان تربيه !
    يعني اشمعنى هو ؟


    :boggled:


    مسكينه انا :cute:


    صرت وكأني طفلة مشرده
    ومنبوذة من المجتمع

    ...




    في يوم من الايام .. وبينما الكل مجتمع فبيت خالتي
    ~> طبعا فرحانين بالاخ بادي ارهابي
    كنت امشي فالبيت بلا هدف
    وكلما خطفت بالغرفة التي فيها ذلك الاخ
    تتلامع اعين الغيرة
    ولكن لا احد يأبه بتلك النظرات ..
    ابتعدت عنهم ..
    فوجدت باب البيت مفتوح ..
    خرجت من البيت وانا ابحث عن احد يلعب معي:imuae20:
    واذ بيد دفشة تسحبني من قميصي
    التفت الى الوراء لأجد ولدا يكبرني بسنتين تقريبا يبتسم ابتسامة :eh_s(6):" من انتي ؟ "
    لم اجبه .. فلم اكن استطيع الكلام بطلاقة
    " انزين وين بيتكم ؟ "
    اكتفيت بالسكوت والنظر اليه باستغراب :boat:
    " تلعبي عندنا ؟ "
    عندما سمعت كلمة لعب .. فرحت وذهبت معه ..
    كان معه اخ يصغره بـ ماعرف كم سنة ..
    ذهبت معه .. وكان بيتهم قريب من بيت خالتي
    اوقفني عند الباب الخارجي
    " لحظة بستأذن من امي وبدخلج "
    اكتفيت بهز راسي بالموافقة
    جلست اراقبه من طرف الباب وهو يبتعد
    ذهب الولد الى المطبخ
    حيث كانت امه مشغولة بتجهيز الغداء
    دخل المطبخ
    " امي حصلت بنت عادي اييبها فبيتنا تلعب :imuae59: "
    الام كانت مشغولة ومالها بارض وتحسبه يمزح:18:
    " انزين سير "
    عاد الولد فرح
    المهم دخلت البيت
    وسرنا فغرفة ترسها العاب
    هذا اللي كنت احلم فيه .. العاب وحد يلعب عندي :89:

    يلسنا نلعب وحالتنا حالة
    بعدين دخلت الام الغرفة عشان تناديهم للغدا
    الام انصدمت بولدين وبنت
    فتحت عيونها للآخر :bal:
    تحيد عمرها والدة ولدين بس :crazy:
    البنت من وين يات ؟
    سارت عند الولد الكبير اللي ماذكر شو اسمه
    قالت : غربل الله عدوك ، من وين يبت هالبنت ؟ اكيد اهلها يدوروها ..
    الولد : امي شفتها برا يمكن ضايعة ..
    المهم ماذكر شو صار بالضبط
    ساروا يدوروا اهلي وانا ماعندي خبر باللي يصير :243e747ad5d97ead8f1
    كل مرة يسيروا بيت و يقولوا الناس هذي مش بنتنا
    وفنفس الوقت كان ولد خالتي يالس يدورني من الحارة
    وماعرف وين
    تداعمنا
    وانا والولد وامه فـ ولد خالتي
    قال وهو يمسح عرق جبينه : انتي وينج كلهم يدوروج ؟ كنا بنتصل بالشرطة !
    عاد الام خبرته باللي صار
    انا فرحت
    اخيرا طلعوا مهتمين فيني هع



    المهم ريدت البيت وماذكر شو صار


    همسة : القصة حقيقية .. بس الاحداث بالتفصيل والحوار ملفق هع
    حلو الواحد يزيد بهارات
    "​
     
  7. shadow

    shadow ¬°•| اسْتًغْفِرُ الله |•°¬


    دبلوماسي

    (crazy)

    تاريخ الميلاد

    11- 1992

    لقبه : شرشبيل

    ..

    ولد العم..
    كنا نعيش فنفس البيت فترة من الزمن
    دخلنا نفس الروضة

    [​IMG]

    وعلى اي شي نصيح ~> هع صياحين
    لا والغم يحسبونا اخوان
    يعني يوم حد يصيح يقولو للثاني اخوك يصيح
    كانت حياتنا فالروضة غير شكل
    وجودنا والعدم واحد
    صوتنا ما ينسمع غير يوم نصيح :61:

    ههه ذليتكم بالصياح

    بس ماعرف ليش الكل علينا
    شافونا هاديين وماندافع عن انفسنا

    عاد انا كنت خوافة
    و كريزي بريء وينرحم

    ..

    اذكر مرة من المرات يوم كنا روضة ثانية (تمهيدي بالعماني) ياتني بنت ، وهالبنت من اول ما شفتها ما ارتحتلها
    شريرة والشرر يطلع من عيونها
    كنت يالسة في امان الله الون
    وكريزي ماعرف وين كان
    ياتني وحطت يدينها بقو عالطاولة
    " وين كريزي ؟ "
    انا اول ما سمعت السؤال وطريقة طرحه قلت هذي ناويه تقتله
    قلت : مـ .. ماعرف :333:
    ما تجرأت اسألها شو تبا منه:lll-_-:
    قالت : ليش ما يلعب عندي وشو يقربلج ؟
    قلتلها وانا انتفض : كـ .. كريزي ولد عمي
    انا استغرب من سؤالها
    اول مرة اشوفها هالبنت .. وليش ما تسير هي وتلعب عنده
    ليش تستأذن ؟

    هع المهم طنشت :hehe:

    مرت السنوات وكبرنا
    طلعنا من الروضة وصرنا صف اول وفرقونا
    كل حد سار مدرسة ..
    والطامة الكبرى اكتشفت انه هذيك البنت بتكون فصفي ><"
    انا يوم اشوفها ماقدر ارقد
    كيف ابقى وياها نفس الصف سنة كاملة ؟
    و انصدمت انها ساكنة فنفس حارتنا بعد ><
    حياتي صارت جحيم ..

    في يوم من الايام كان عندنا فاليوم الثاني املاء
    ياتني ونفس الشي حطت يديها عالطاولة بقو :flex:
    " اليوم بيي بيتكم و بندرس انا وانتي "
    عاد انا خفت وشوي وبصيح
    كيف تعزم عمرها فبيتنا ؟ المكان الوحيد اللي ما توقعت تحصلني فيه
    المهم يلست تتحرطم وتتحرطم وقالت اخر شي : انزين ؟
    قلت وقلبي بيطيح : انزين بخبر امي
    رديت البيت وانا في حالة لا يرثى لها
    يلست فالصالة وماجهزت كتبي ولا شي
    (صف اول شدراني بالدراسة؟)
    المهم يات هي واختها اللي اكبر منها
    اختها طيبة مش مثلها ><
    ما اذكر انا درسنا شي بس تمينا نلعب


    ..

    وفي يوم من الايام عزمتني انا اسير بيتهم
    انا خفت اكثر
    رديت البيت وخبرت امي
    امي ماعرف كيف حبت هالبنت ، يمكن لانها وايد مهتمة بالدراسة
    وطبعا وافقت وانا اتراها ترفض عشان تكون حجة
    قلت مستحييل اسير المذبحة بروحي لازم حد عندي
    سرت عند اخوي بادي ارهابي
    وتميت اترجاه واحبب ريوله عشان يسير عندي
    وهو مطنش ما فاضلي يبا يسير الدكان :36:

    سرت عند كريزي والغريب انه وافق
    ~> السالفة فيها حواطه هع



    وصلنا البيت
    وقفنا عند الباب وتونا يايين ندق الجرس
    الا وتقوم وتنقز ماعرف من وين
    ~> الاخت من متى تتريا
    اذكر انها يوم شافت كريزي فرحت :asd:
    وطنشتني وسارت تييبله فواله:giving-up:
    (الفواله عباره عن شبس من الدكان)
    يلسنا عندها شوي وانا ما تجرأت اسير العب عندها
    اكتفيت اني اراقب كريزي المسكين وهو يتعذب عندها
    اذن المغرب
    وهذا كان نهاية وقت زيارتنا

    رديت البيت وانا اتنفس الصعداء
    واعتدلت دقات القلب
    وانتظم معدل التنفس

    :imuae27:

    ملاحظة : هالسالفة قديمة من 11 سنة تقريبا
    يعني ما اعتقد اني ذكرت تفاصيل صحيحة
    "
     
  8. shadow

    shadow ¬°•| اسْتًغْفِرُ الله |•°¬

    شعشبونة ..

    تاريخ الميلاد

    11-11-1995

    مستشفى توام

    ..

    نسيت اخبركم عن شعشبونة ..
    my sis
    من انولدت شعشبونة ماشفت الخير
    ادفش عن هالمخلوقة ما شفت :34:
    اللي اذكره انها كانت تاكل قوطي ورب وتسوي لحية بيضة ترس ويهها بالروب
    والكشة من صوب هع :a036:
     
    أعجب بهذه المشاركة special
  9. shadow

    shadow ¬°•| اسْتًغْفِرُ الله |•°¬

    صانع الاوهام
    Gin


    لقبه : سمعتهم من زمان يسموه حمورة ههه ماعرف ليش :icon_smile_approve:

    ..

    [​IMG]

    ولد العم ..

    هالانسان غريب الاطوار بشكل غريب :b020:

    اذكر انا كنا دوم نراقبه ونندس ورا شي من الخوف ..:006:

    ونتيجة المراقبة نكتشف اشياء عبيطة فشخصيته :facepalm:

    ونكتم ضحكتنا عن ننقتل !



     
  10. shadow

    shadow ¬°•| اسْتًغْفِرُ الله |•°¬

    البطرااان

    من مواليد 1994

    لقبه : المطوع

    اخو سبيشل

    ..

    هذا الانسان كنت اشفق عليه
    هو من هذيلاك الناس اللي يسموهم ( المعذبون في الارض )
    وصور طفولته تشهد !

    طبعا فكل صورة لازم سبيشل موجوده عنده
    يا انها يالسة فوق ظهره
    او انها واقفه وراه مثل الجنية تخوفه بالكشه
    و اشياء وايده سوتهن هع

    بس هذا طبيعي
    الاخوان لازم تكون عداوة بينهم
    ولا مابيكونوا اخوان هع
     
  11. special

    special ¬°•| اسْتًغْفِرُ الله |•°¬



    بخصوص حياتج
    تصدقي رحمتج .. حالتج كسيفه مثلي..
    عشنا طفولتنا ومحد اهتمبنا كأنا مشردين :61:

    الاولاد يهتموبهم اكثر عنا.. صدق بدوو وتفكيرهم جاهلي:( ~

    خاصة Gin ولدهم المدلل كان -__-"

























    بخصوص خافق احساس :00100:
    اسميها فطستني من الضحك لين طلع مصيري :f61e5c27a3216ead2f5
    عجيبة هالبنت من يوم يومها ههه :aa_france2:




    بخصوصي هع ..

    صرصورة فعينج :ashamed:











    بخصوص بادي ارهابي ..

    :nocomennt:













    بخصوص كريزي ..
    حياتكم صعبة كان كلها صياح

    :Bored_Whackin:









    بخصوص شعشبونه ..
    هيه اتذكرها كانت دلووعة :027:







    بخصوص Gin ..
    ههههههههههههههههههههههههه
    :imuae55:











    بخصوص البطران ..
    ماعرف من المسكين -__-"

    ما عرفتوه زين هالاخ :mara'9:

    وتقوللكم الشاعرة سبيشل :

    عندي اخٌ لا يفهم ُ
    حين تراه تتعجبُ !
    يضرب اخته ويشتم ُ
    واخته المسكينة تتعذبُ
    حقا انه لا يفهم ُ
    احمق غبي لا يعقل ُ !



    وسلامتكم ..















    موضوع جميل :00100:

    متاابعه .. ^^"​
     
    آخر تعديل: ‏1 سبتمبر 2010
  12. لحن غجري

    لحن غجري ¬°•| مَـآلـكَم حـلَ |•°¬

    حلووو

    رديت !!

    واصلي أخيه
     
  13. shadow

    shadow ¬°•| اسْتًغْفِرُ الله |•°¬

    ههههه

    سبيشل : ماشاء الله مندمجة الاخت ..
    شافت اسمها موجود :503601dbefe7863c5f6



    لحن غجري : ههه اهم شي رديتي عالموضوع

    اريد تقييم كمان :gd:

    ~> طرار ويتشرط هاع


    لي عودة ~
     
  14. المشاعر

    المشاعر ¬°•| مراقبة سابقه |•°¬

    وتقوللكم الشاعرة سبيشل :

    عندي اخٌ لا يفهم ُ
    حين تراه تتعجبُ !
    يضرب اخته ويشتم ُ
    واخته المسكينة تتعذبُ
    حقا انه لا يفهم ُ
    احمق غبي لا يعقل ُ !


    هههههههه امحق شعر .. :f61e5c27a3216ead2f5


    ضحكتوني غربة بليسكم انتي وشدووو ..~

    كنت مابا ارد بس عقب شد انتباهي الشعر ماقدرت اقااوم الابداع ..~

    :f61e5c27a3216ead2f5
     
  15. shadow

    shadow ¬°•| اسْتًغْفِرُ الله |•°¬

    في احد الايام ..

    وكالعادة في بيت خالتي ..

    كنت اتمشى في الحديقة الواسعة ..~

    لمحت خافق احساس تنظر لأسفل وهي تهمس ..

    :huh-:

    ترى ماذا تفعل ؟

    اقتربت اكثر

    " شو تسوين ؟ "

    خافق : اكلم الحشرة :imuae27: ..~> :243e747ad5d97ead8f1

    شادو : حتى انا اريد اكلمها

    خافق : يلا كلميها ..

    اقتربت من الحشرة وصرخت : هلااا :mh0033:

    خافق : لاا مش كذييه .. بتخبقيلها اذنها ! .. لازم بصوت واطي .. :imuae55:

    شادو : انزين ..

    جلست اتحرطم مع الحشرة و خافق تنظر الي .. وعندما انتهيت ..

    خافق : شو قلتيلها ؟

    شادو : قلتلها ليش ما نكون اصدقاء ؟ :artist:




    هههههه لاتعليق !


    نحن من يوم صغار متأثرين بالرسوم وخيالنا واسع :503601dbefe7863c5f6





    الله يذكر ذيك الايام بالخير :gd:
     
    آخر تعديل: ‏1 سبتمبر 2010
  16. خافق احساس

    خافق احساس الفرَيق الإدِاري إداري

    :blushing: شدوو ~ لو نذكر طفولنا و لو نذكرها

    ما بنخلص

    كله اكشن ~

    بشارككم الحديث عن ايام زمان لووول

    بس تفادوا الفضايح لوول
     
  17. shadow

    shadow ¬°•| اسْتًغْفِرُ الله |•°¬

    بو هناد ..

    من مواليد 1994

    اخو كريزي + Gin

    لقبه : بو سنّة :a3b0b00b4e:

    ......

    من شلة المعذبون في الارض .. -__-"
    اللي عاش وياه بيقول مسكين حاله ..:frowns:
    انسان بريء وماله خص فالعالم ~> ها من كم سنة مب الحين :ena:
    ودوم تصيرله حوادث ومشاكل خارجة عن ارادته :mara'9:

    يعني بالعربي كان دومه يمثل دور الضحية ..
     
  18. shadow

    shadow ¬°•| اسْتًغْفِرُ الله |•°¬

    خافق احساس .. :a3b0b00b4e:

    زين كان بتشاركينا الايام لانه الذاكرة والله انها .. ^^"~

    لنا عودة :artist:
     
  19. المشاعر

    المشاعر ¬°•| مراقبة سابقه |•°¬

    هع متابعه:bicycle:
     
  20. shadow

    shadow ¬°•| اسْتًغْفِرُ الله |•°¬

    ضميري حي ..

    اخو خافق الاكبر ..

    ......................................

    يوم كنا كتاكيت كان دوم يسويلنا مسابقات والعاب ..
    وكان دووم يلعب ويانا لعبة الكنز اللي انقرضت الحين :bicycle:
    وفي يوم من الايام سوا عصابة اسمها عصابة القط الاسود !
    وانا طبعا اشتركت عندهم ~> دوم لازقة فالاولاد كنت ناسية عمري اني بنت !
    وسوالنا شعار وهي عبارة عن صورة قطوة سوده ..
    وانا شعاري صورة القطوة اذكر انه زادلها ربطة ورديه فوق راسها :imuae12: اونها بنت
    عصبت قلت ما ارييد :mad:.. ما احب البنات وماعرف شو ~> بطرانه ..
    المهم في الحلقة الاخيرة قص على اصغر فرد وخلاه يبادلني بشعاره
    وطبعا كنت البنت الوحيدة وسط 6 اولاد :bicycle:

    ماخبرتكم شو فايدة هذي العصابة ..

    الله يسلمكم جيران قوم خالتي عندهم ولد كرييييه الكل يكرهه ..
    وعنده شلة اولاد ~> اولاد خاله
    وفيوم من الايام اتفقنا ع ضاربه ~> ههه متأثرين بالتلفزيون
    وتدربنا وكل شي عشان نضاربهم

    وطبعا خافق احساس وبنت خالي الثانية روح زايد بعيد عنا
    هذيلا بنات رقيقات ههه

    وكانو دوم يراقبونا من بعيد ..



    المهم اذكر انه بعد التدريب وماعرف شو ما سرنا بيت خالتي فاليوم الموعود

    بس زعيم العصابة وباقي الشلة الفاسدة ههه

    وما اذكر شو هببوا
    بس زين ما كنت موجودة ولا بكون فخبر كان ..:ea7c3893b48cfc59205
     
    آخر تعديل: ‏1 سبتمبر 2010
حالة الموضوع:
مغلق

مشاركة هذه الصفحة