التسوق الشبكي ....مع او ضد ؟؟؟

الموضوع في ',, البُريمِي للِحِوار و النقَاشْ ,,' بواسطة جامعية, بتاريخ ‏28 أوت 2010.

  1. جامعية

    جامعية ¬°•| عضو مميز |•°¬

    مرحبا ... شحالكم ...

    من خلال تجارب شخصية حبيت اشاركم هالموضوع "" التسوق الشبكي """ يعني الشراء والبيع عبر الانترنت ... انتوا مع او ضد هالظاهرة؟؟

    عن نفسي مع وضد .... اولا الظاهرة لها ايجابية كبيرة انها تريحك من انك اتم ادور البضاعة ...تحصلها بسرعة واحيانا بسعر احسن من سعر السوق...وثانيا انها توصلك لحد البيت مايحتاي تروح لها

    لكن سلبيتها ان احيانا تطلع البضاعة مغشوشة وبصراحة ها يعتمد ع ضمير البايع او المسوق ...

    ويعتمد ع نوع البضاعة اللي تاخذها .. ع نفسي ممكن اخذ الاشياء اللي ماتحتاج للتدقيق او تحديد لون او نوع معين لكن بعد الاستشارة والسؤال عن المعروض يعني مافر بيزاتي بحر .... مثلا اخذ اغراض او بضاعات حتى اكسسورات لكن ثياب وميك اب لا ....

    90% من اللي شريت منهن كان تعاملهن راقي واسلوبهن حلو وبضاعتهن ممتازة ... اما الباقيات مابين بين ...

    انتوا شو رايكم :

    جربتوا التسوق الشبكي؟؟؟؟
    انتوا مع او ضد ؟؟؟

    وليش؟؟؟


    وسلامتكم
     
    آخر تعديل: ‏28 أوت 2010
  2. جامعية

    جامعية ¬°•| عضو مميز |•°¬

    يعني الموضوع ممل ولا شو؟؟؟

    عنبوا 7 زيارات ولا رد واحد ؟؟؟


    شدعوا عاد!!!!
     
  3. ᗩl - ᗰaha

    ᗩl - ᗰaha ¬°•| لـآ إلـﮧ إلـآ آللـﮧ |•°¬


    مرحبآبج أختي..
    شحآآلج / عسآآج مآ تشكين بآآس ..~

    ..


    جذبني الموضووع .. لأن رفيجآتي دآيم يشتروون عن طريق " التسوق الشبكي "
    وأحيآآن مآ أأيدهم .. لسبب إللي قلتيه لنآ ~> البضآعه مغشووشه ..~

    ..


    فديتج هذولآ 90% إللي شريتي منهن ~>> دزيلي ع الخآص موقعهم أو هيك شي ..~


    ربي يحفظج ومشكووره ..~
     
  4. جامعية

    جامعية ¬°•| عضو مميز |•°¬

    يامرحبا الساع اختي ....

    معناته رفيجاتج مايتعلمن من الدرس والسموحة ع هالرمسة ... لانج من التعامل مع اول شخص غشج ثاني شخص ثالث شخص خلاص بيصير عندج خبرة وتعرفين تتجنبيهم ...


    ولا يهمج بس ترا ها الموقع مب معناته كلهم 100% صادقين ... لا انتي عرفي شقايل تتصيدين البضاعة الزينة وتساومين عليها ..

    موقفة ...
     
  5. ᗩl - ᗰaha

    ᗩl - ᗰaha ¬°•| لـآ إلـﮧ إلـآ آللـﮧ |•°¬

    هههههههه
    لآ هم أحينه بآآرعين
    وهدووني هديه من البضآعه وترتوووب هههه

    ..


    انتظرج يدووتي ومشكووره ..~
     
  6. جامعية

    جامعية ¬°•| عضو مميز |•°¬

    يدوتي مرة وحدة :bigsmile:


    رسلت لج بس مايروح ع الخاص غريبة :65:

    برد احاول

    تسلمين عالطلة
     
  7. ᗩl - ᗰaha

    ᗩl - ᗰaha ¬°•| لـآ إلـﮧ إلـآ آللـﮧ |•°¬

    فديتج اظن لآزم تكملين 200 مشآركه ..~
     
  8. قطوة البريمي

    قطوة البريمي ¬°•| مُشرِفَة سابقة |•°¬

    مممممممم مدري والله ولا مره جربتها ..

    معنه خاطري اسويها مره واشتري بهالطريقه..


    بس اخاف من سلبياتها اكثر من ايجابيات ..

    يعني اخاف انغش ف البضاعه.. انا من النوع اللي ما يخلي حد يشتريله الا اذا سرت وشفته بعيني ^^

    عسب جيه ماحب استعملها^^
     
  9. الساهي

    الساهي ¬°•| عضو فعّال |•°¬

    شوفي اختي جامعيه

    اول شي

    موضوعك في قمة الروعه لان فيه تنبيه اكثر من انه مفيد


    ثاني شي انا جربت هذا التسوق بس الصراحه يجيون لك اول شي بضاعه ممتازه وبعدين يجيبون نفس البضاعه بس ما تدوم زي الاوله

    والله مو عارف هو عش منهم او سو استخدام مننا

    بس تبين الصدق ارتحت كثير من التعب والمشاوير بالاسواق
     
  10. جامعية

    جامعية ¬°•| عضو مميز |•°¬

    لا فديتج مشاركاتي كاملة بس يوم ارسلج يطلع لي " هذا العضو غير مسجل بالمنتدى" مايتعرف ع نكج :ar15firing:....

    مياااااااااوووو جربي افا عليج حلو الانسان يجرب ترا الحياة مرة وحدة .... وسلبياتها اقل ف نظري من ايجابياتها ...

    الساهي تشكر ع رايك بس انا من النوع اللي اشتري البضاعة مرة وحدة .. يعني مايلي اشتريت شي من حد ورديت اشتريته مرة ثانية الا لغيري وبالاغلب اللي اطلبه مايكون شي ممكن يتلف او تقل جودته هوه هوه واذا شفته من اول مرة مو مثل ماابي او مو مثل ماهو ف الدعاية ما اعود اتعامل مع الشخص...

    وتسلمون
     

مشاركة هذه الصفحة