يا ناس حر والمكيفات خربانه !

الموضوع في 'مركز البُريمِي للأخبَار المَحَلية و العَالميةّ' بواسطة بنت دار السلاطين, بتاريخ ‏7 ماي 2008.

  1. بنت دار السلاطين

    بنت دار السلاطين ¬°•| مشرفة ذاتية سابقة |•°¬

    السلام عليكم ورحمة الله وبركاته

    اشحالكم؟ وكيف الحر؟

    الصراحه هالأيام الحر ما ينطاق ، حتى المكيفات استوت ما تبرد شرات قبل

    اتخيلوا اختي اللي في المدرسة تداوم بس المكيفات اللي في صفهم واحد خربان ما يشغلونه والثاني حالته حاله ما يتوجه الا على بنت وحده لأنه ما يتحرك من الأساس. حرام والله ترد من المدرسة هلكانة وحالتها لله تكسر الخاطر اللي يشوفها يقول هاي كانت تركض فالصحرا. أكيد هالشي في أكثر من مدرسة وما أظني وزارة التربية والتعليم بتقصر لو درت بالخبر بس ليش إدارات المدارس جي! لأن اللي يده في الثلج هب مثل اللي يده في النار. ما بقول المدرسين لا لا وألف لا لأن المدرسين مالهم دخل بروحهم يموتون من الحر أثناء شرحهم للطلاب في مثل هالصفوف بس الإداريين ما يتكلمون لأن كل واحد في مكتبة والمكيف شغال يكرف كرف.

    صدق ان الحين نهاية السنة بس الموضوع المفروض يتداركونه الحين قبل لا تبدا السنة الياية وتبدا نفس المعاناه

    ربي يحفظكم ، وفداعة الرحمن

    خويتكم: بنت دار السلاطين
     
    آخر تعديل: ‏7 ماي 2008
  2. منوة الروح

    منوة الروح ¬°•| مراقبة عامه سابقه |•°¬

    صدقتي والله


    جني عرفت اختج افي صف خخخخخخخخخ

    اليوم بعد نكلم ابلتنا المكيفات حارة ونحن صيف !!!
    والصفين اللى يمنا مكيفاتهم خربانة .. ويى محمد << بشكار المدرسة ..

    يشووف الكهربا ... بس ولا كنه سوى شي


    ومثل ماقلتي البنات جنهن يالسات فـ تنووووور من الحرر منشويات حليلهن



    الزبدة >_< وين الجهات المسؤولة ؟؟
     
  3. بنت دار السلاطين

    بنت دار السلاطين ¬°•| مشرفة ذاتية سابقة |•°¬

    مرحبا مليار ولا يسدن وان زادن لا باس =)

    منوة الروح

    انتي حالج من حال اختي ، الله يعينكم والله !

    يقولون توه الصيف بادي وجي الحاله ، الله يعينا في الأيام اليايه

    ربي يحفظج ، وفداعة الرحمن

    خويتج: بنت دار السلاطين
     
  4. منوة الروح

    منوة الروح ¬°•| مراقبة عامه سابقه |•°¬

    اغلبيه المدارس تشكتي من هالشي

    ولا فالحين يوم اتيي اللجنه .. يصلحوون كل شي !!!


    انزين اختج ماكلمتت الادارة .. محد اشتكى عليهم ؟؟
     
  5. منوة الروح

    منوة الروح ¬°•| مراقبة عامه سابقه |•°¬

    اغلبيه المدارس تشكتي من هالشي

    ولا فالحين يوم اتيي اللجنه .. يصلحوون كل شي !!!


    انزين اختج ماكلمتت الادارة .. محد اشتكى عليهم ؟؟
     
  6. بنت دار السلاطين

    بنت دار السلاطين ¬°•| مشرفة ذاتية سابقة |•°¬

    مرحبا مليار ولا يسدن وان زادن لا باس =)

    منوة الروح

    صدقتي والله قبل لا تيي اللجنة المدرسة كلها تشتل والحاله حاله كل هذا للـ لجنة

    والطلبه عادي يستويبهم اللي يستويبهم ، ما تدرين ان اللجنة أهم من الطلبة في مدراسنا ؟!

    هيه بنات صف اختي رمسن الإدارة واونهم عدلو المكيف بس ما استواله كم يوم الا رد شرات قبل

    ربي يحفظكم ، وفداعة الرحمن

    خويتج: بنت دار السلاطين
     
    آخر تعديل: ‏7 ماي 2008
  7. بهوان ما قصر يو ركب المكيفات في كل مناطق السلطنه
    بس مشكله يلي يخرب المكيفات ويكسرهن...

    ايام زمان يوم كنا في الابتدائيه المروحه خربانه والثانيه على الواحد وكان تسوي صوت عاد تعرفون المروحه البطئيه يوم تدور ,,,

    أذكر مره كان علينا تسميع وكل الصف ساكت للا صوت المروحه ...كانت هذي السنه 94 والحصه الخامسه حصة عربي ....



    وان شاء الله أموركم تنحل ...وتحافظون على ممتلكات الدوله...
    وان شاء الله هم بعد يتحركون يسون فريق عمله تصليح المكيفات


    احترامي
     
  8. بنت دار السلاطين

    بنت دار السلاطين ¬°•| مشرفة ذاتية سابقة |•°¬

    مرحبا مليار ولا يسدن وان زادن لا باس =)

    عثاري

    اخوي ما بقول لك البنات ما يخربن بس مب لـ هالدرجة عاد، انا بقول لك ليش تستوي حالة المكيفات جي

    لأن المكيفات يبالهن صيانة بس المدارس ناسية أو أقدر أقول انها متناسية هالنقطة !

    ربي يحفظك ، وفداعة الرحمن

    خويتك: بنت دار السلاطين
     
  9. غريب الدار

    غريب الدار ¬°•| مشرف سابق|•°¬

    الله يعيـــــــنكم والله...

    اليوم يالس اسولف ويا حد من الزملاء عن باصات المدارس وهذيلا اخس من الصفوف لا مكيفات والطلاب متكدسين فيها ويحوط من بيت لبيت...

    نتمنى الحل من المسؤوولين اللي ما بيقصرووون...

    ويزاج الله خير بنت دار السلاطين..وخلي اختج تشل وياها مهفه ولا مروحه صغيره شرات اللي فالتكاسي :D

    تقبلي مروري المتواضع..

    :cool:
     
  10. أبن الحميقاني

    أبن الحميقاني ¬°•| مشرف سابق |•°¬

    اللهــ يعينكم ::

    والله الحر وما أدارك بالحر ::

    لحنا الحمدلله بمصر برد ::

    بس من كم يوم أجت موجة حر قويه :: كان الناس أكثرهم يدوخوا بوسط الشارع ::

    والله يعنكم أختي ::

    عسا أن تكرهوا شي هو خير لكم ::

    وتقبلي مروري ::
     
  11. الغــريب

    الغــريب ¬°•| نعم نعم |•°¬

    الله يعين

    المفروض تكون هناك صيانه للمكيفات لكل فتره

    الله يعطيج العافيه اختي ع الموضوع

    وتم تثبيت الموضوع
     
  12. بنت دار السلاطين

    بنت دار السلاطين ¬°•| مشرفة ذاتية سابقة |•°¬

    مرحبا مليار ولا يسدن وان زادن لا باس =)

    غريب الدار

    هيه والله صدقت الباصات بعد روحها سالفه بس عالأقل الباصات تتحرك والدرايش مفتوحة لفحة هوى تصيبهم

    فكرة المهفة تنفع هههه ، احيد أول كنا نسوي مهفات من ورق بسويلها وحده ^^.

    أبن الحميقاني

    لا حول ولا قوة الا بالله ، الناس يدوخون مره وحده !

    الله يعين ، وهذا نحن أول الصيف شو بنسوي عيل فـ عز الصيف :S

    الغريب

    الله يعافيك اخوي ، بس انت تقول "المفروض" لكن المفروض غير والواقع اللي نعيشه غييير

    وحبيت أشكرك على تثبيت الموضوع =)

    ربي يحفظكم ، وفداعة الرحمن

    خويتكم: بنت دار السلاطين
     
  13. دايم الشوق

    دايم الشوق ¬°•| مُشرف سابق |•°¬

    اغلبية المدارس جيه ... والله يعين الطلاب والطالبات ...........



    تحيااااااااااااتي ...
     
  14. بنت دار السلاطين

    بنت دار السلاطين ¬°•| مشرفة ذاتية سابقة |•°¬

    مرحبا مليار ولا يسدن وان زادن لا باس =)

    دايم الشوق

    ولأن أغلبية المدارس جي لازم يحلون هالمسأله في أقرب وقت !

    ربي يحفظك ، وفداعة الرحمن

    خويتك: بنت دار السلاطين
     
  15. قلب الأسد

    قلب الأسد ¬°•| عضــو شرف |•°¬

    السلام عليكم ورحمة الله وبركاته

    اهلا باختي بنت دار السلاطين

    وبالفعل هالمشكلة مو بس في مدرستكم والمديريات ما يقصرن

    ومثل هالامور لازم يتلافونها

    ممكن ترسلين اسم المدرسة اختي

    لان نفس هالامور يجب تلافيها

    وعدم التهاون بها خاصة في هالوقت الحر


    واذا الكل سكت ما راح تصلين الى نتيجة

    واختك والبنات والمعلمات راح يتعبن

    واكيد بياثر هذا ع تحصيلهن واعطاءهن حقهن ف التعليم

    اخوكم قلب الاسد

    ملاحظة: ارجو من الاخت اخطاري باسم المدرسة واي ولاية ع الخاص
     
    آخر تعديل: ‏8 ماي 2008
  16. سجين القلم

    سجين القلم ¬°•| مراقب سابق|•°¬

    هيه يعثاري صدقة ايامنا كانت مراوح في مدرسة فاروق


    وكانت ايك ايك ايك نسمع هذا الصوت في لحظات الهدو التام


    بس المروحه الله يهديها ما عندها وقت هدوا ولا كنا نطلع وخيس


    فشمس بعد لين ايك الباص ويوصلك البيت ولا كان احيانا يقولوا الباص


    خربان هايك الساعه امرنا الله نشمر سواعد الجد وتلقانا ندق صيم لين


    بيوتنا ولا وعاد الشنطه كنها قمبله عظهورنا




    بنت دار السلاطين مشكورة على الموضوع


    أولا يجب التوجه بشكوا للأداره من الطلبه وولي امورهم


    ومن ثم ان لم تستجب الادارة يجب ابلاغ من هم اعلا منهم منصبا


    حتى نصل لحل يناسب اطفالنا واخوتنا والذين هم شباب في الغد


    وتبنا على سواعدهم الدولة
     
  17. بنت دار السلاطين

    بنت دار السلاطين ¬°•| مشرفة ذاتية سابقة |•°¬

    وعليكم السلام ورحمة الله وبركاته

    قلب الأسد

    ان شاء الله خير اخوي ، وبالفعل لازم حد يتحرك ويسوي شي لـ هالمشكله !

    وبخصوص اسم المدرسة وفي أي ولاية بخبرك ، لكن انت شو ناوي تسوي ؟

    ربي يحفظك ، وفداعة الرحمن

    خويتك: بنت دار السلاطين
     
  18. بنت دار السلاطين

    بنت دار السلاطين ¬°•| مشرفة ذاتية سابقة |•°¬

    مرحبا مليار ولا يسدن وان زادن لا باس =)

    نايف السعيدي

    اخوي منو هم الأعلى منصباً ؟

    صدقني حتى اللي هم أعلى منصباً ما بيمر عليهم الموضوع بالساهل

    كل هذا عشان "مكيفات"

    ما اقول الا الله المستعان :S

    ربي يحفظك ، وفداعة الرحمن

    خويتك: بنت دار السلاطين
     
    آخر تعديل: ‏8 ماي 2008
  19. نـ ح ـوله

    نـ ح ـوله ¬°•| عضو مبتدى |•°¬

    بنت دار السلاطين

    تسلمين على الموضوع المهم

    والله هااي السالفه من ايامناا < قبل سنتين

    وشتكينا وحتشرناا بس مافي فايده >_< وجنه يازيد ماغزيت

    وعلى الفصل الثاني كسرنا خاطرهم ويآآ شكير << هذا بشكارنا على ايامناا منووه لوولز
    وزودااه بالغاز
    شهر ونص ورد مثل ماهو
    ...

    بختصار الكلاام كله مامنه فايده

    ........

    بـــــــس نحن نحااول

    وانشاءالله خــير ^__^

    وبصراحه الله يعينهم .. << فتكيت >_< من الحمام الشمسي خخخ
     
  20. بنت دار السلاطين

    بنت دار السلاطين ¬°•| مشرفة ذاتية سابقة |•°¬

    مرحبا مليار ولا يسدن وان زادن لا باس =)

    نــ ح ــوله

    هههه حلوه هاي "الحمام الشمسي" انا بعد افتكيت قبل سنتين الحمدلله

    بس متى بييهم الفرج عيال المدارس؟ الله يعينهم والله شكلهم كلهم بيذوبون لين آخر امتحان :S

    ربي يحفظج ، وفداعة الرحمن

    خويتج: بنت دار السلاطين
     

مشاركة هذه الصفحة