إلى كل غالي غايب (قصيـدة بـلا عنـوان)

الموضوع في ',, البُريمِي لِـ/ للشٌعرٍوالْقصِيْد,,' بواسطة لسعـۃ ع ـَـَذآب, بتاريخ ‏14 أوت 2010.

  1. لسعـۃ ع ـَـَذآب

    لسعـۃ ع ـَـَذآب ¬°•| عضو مميز |•°¬

    السلام عليكم ورحمة الله ووبركاته

    اشحالكم يا حلوووين

    اليوم فتحت دفتري الحزين كالعاده
    وافتر راسي وانا اكتب القصيده





    تعاندني هموم الليل ..وتسايـر علـى الكتمـان= تجاريني على صمتـي وثمّـن تحنـي ضلوعـي

    على ما ذقت تشكي لي..ولا يشكي الظما رويان=تخط فصفحة الذكرى رسايل حبرهـا دموعـي

    أفا ما قد هقيت البعد ياخذ عن غـلاي انسـان=وأنا اللي دايم أتحسب مـرد المقفـي ارجوعـي

    رحلت ولين هاللحظة أقول فخاطري مـا بـان=بعده..و مندفن فيني صداه بصـوت مسموعـي

    بعده فخافقي غالـي.. ولا لـه بالغـلا أثمـان=بعده فخاطري حاضر.. ولا بالذكـر مقطوعـي

    ألا يا غالي/ن ذكره ..عليك من الغلا تيجـان=معك قلبي ولك روحي وكل الشـوق مجموعـي

    إلين اليوم أنا أرقـب تعـوّد خافقـك ولهـان=إلين اليوم فـي قلبـي غـلاك ينـور شموعـي

    إلين اليوم..وانته دوم في عين الغـلا تـزدان=يطيب لعيني اتشوفك وباقـي الخلـق ممنوعـي

    ألا يا وقت ما يرحم علامك زدتنـا هجـران؟=علام ان جيتك أشكيلك ترد القلـب موجوعـي؟

    أشوف الموت لي أهون..ولاتفرق علي خـلان=حلاة الموت لو باعيـش فالهجـران مفزوعـي!

    أنا بي كل دقة قلب شاعـر هاجسـه ظميـان=يناشد عن روى روحي..ولاغيرك شقا روعـي

    كتب في كل طيف يمر من طيب القوافـي دان=سقاها من صميـم القلـب بالأشـواق ينبوعـي

    تمنى بس لو يقدر يوالفـك بلقـا.. لـو حـان=لعل يسد في لقيـاك مـن بعـد الهيـر جوعـي

    تمنى يزهر بحبك من أطياب الزهـر ريحـان=تمنى من بعد ظلمـا تباشـر شمسـك اطلوعـي

    أواسيني بقولة "ياعسى"..يالين صبـري هـان=على طول التريي واطلعت الأشعار عن طوعـي

    دخيلك..كيف بس اختم قصيدة مالهـا عنـوان=وأنا عفت القصايد دام عنك الذكـر مرفوعـي؟

    دخيلك..مابقى فيني سوى روح/ن بليا انسـان=تسلّيهـا علـى الفرقا..بقايـا قصـة ارجوعـي
     
  2. Ąℓŋ3αỉмỉ

    Ąℓŋ3αỉмỉ ¬°•| مُراقب سَابق ومطور |•°¬

  3. لسعـۃ ع ـَـَذآب

    لسعـۃ ع ـَـَذآب ¬°•| عضو مميز |•°¬



    صح لسانك

    ويسلمو
    ع المروووور الغااوي
     
  4. بدر العلي

    بدر العلي ¬°•| عضــو شرف |•°¬

    أواسيني بقولة "ياعسى"..يالين صبـري هـان=على طول التريي واطلعت الأشعار عن طوعـي

    دخيلك..كيف بس اختم قصيدة مالهـا عنـوان=وأنا عفت القصايد دام عنك الذكـر مرفوعـي؟

    دخيلك..مابقى فيني سوى روح/ن بليا انسـان=تسلّيهـا علـى الفرقا..بقايـا قصـة ارجوعـي


    ما أروع ما خطه لنا قلمكِ
    كلماتٌ مخملية وإبداعات متميزة
    قصيدة تحاكي قلوب متيمه متعبة من فرقا الحبيب
    ومفعمة بأمل اللقاء والوصال مع من نحب
    هكذا هي المشاعر تأخذنا بعيداً لعلنا نجد واحة في هجير الحياة
    الله يعطيج العافيه ويبارك فيج
    وننتظر جديدج
    ومشكوووووورة
     

مشاركة هذه الصفحة