حالي غدا بالهوى يكسر الخاطر

مزيونة قطر

¬°•| عضو مميز |•°¬
إنضم
2 يوليو 2010
المشاركات
420
الإقامة
بـــداري وعــــزي
يا آبوي حالي غدا بالهوى يكسر الخاطر
القلب به متيم و الروح منه مكسوره
أبتليت في حُب شخص(ن) بهواه يكابر
يحبني أدري و أنا لغلاه بس مأسوره
يا أبوي طيحتي ماهيب طيحة الشاطر
طيحتي ترا ......... ولا أقول خلها مستوره
يعشقني و هو بعشقي له ترا خابر
و مع هذا يلعب بقلبي لعبه للكوره
يحبني و مغلق قلبه مدري وشلون تتناظر
و كني بعد شفته كاتب عليه منطقه محظوره
و أنا فتحت له قلبي و بنا لحبه به عماير
و كتبت بالحبر دمي هذي منطقه له محصوره
سلبي بحبه بموقفه سلبي بعد صاير
و انا صابره على حُبه على كبرياءه على جوره
جار على قلبي على حُبي و نسى تحكيم الضماير
آه يالبيه ياعيونه لا ناظر بحده و صرخ علي أسوره
صحيح عصبي لاكني القطها على الطاير
لا صرخ يعني خلاص في غنجك ترا علي خطوره
وآه يا عذابي منه لا قال أصبري يجي باكر
أبصبر واجرني يارب العباد و أجعل الحال معه ميسوره​
 

الساهي

¬°•| عضو فعّال |•°¬
إنضم
26 يوليو 2010
المشاركات
157
الإقامة
الرياض
يعشقني و هو بعشقي له ترا خابر
و مع هذا يلعب بقلبي لعبه للكوره

صح لسانك على هذه الابيات الروعه

واخترت هذا البيت لاني اعرف ماذا يعني لعبة الكوره هههههه

والله انك تجيبيها في الصميم بس متخوفه

وانا احس انك يا مزيونه عندك ما هو اجمل من كذا بكثير

الي الامام بهذا التميز
 

مزيونة قطر

¬°•| عضو مميز |•°¬
إنضم
2 يوليو 2010
المشاركات
420
الإقامة
بـــداري وعــــزي
ما عليك زووود يالساهي ..وتسلم الشيخ ع المرور الطيب ..
لا هنت ..
 

بيـاض السحـب

¬°•| مُشْرِفَة سابقة |•°¬
إنضم
2 يناير 2009
المشاركات
2,367
مزيونة قطر

أبيات بقمة الروعة والجمال

ولكن غلاتي هل هي من كتاباتك أم أنها منقوله ؟

ولي عودة باذن الله تعالى

لك تحيتي ومودتي
 

مزيونة قطر

¬°•| عضو مميز |•°¬
إنضم
2 يوليو 2010
المشاركات
420
الإقامة
بـــداري وعــــزي
ما عليكم زوود وتسلمون يا ربي ..
وبصرااحه يا ختيه بياض السحب هااي مب من كتباتي ..لكنها وااايد عيبتني ..لانه وااايد تشبه شعر لي ..وحتى أني مسميته بنفس الاسم الاختلاف بسيط ..وحبيتها ونقلتها لكم .. والسمووحه اني ما كتبت أنها هب من كتاباتي ..
 
أعلى