الله خلق والرب فند

الموضوع في ',, البُريمِي لـ القَصائد المنقولة' بواسطة تنتــــووون, بتاريخ ‏4 أوت 2010.

  1. تنتــــووون

    تنتــــووون ¬°•| عضو مميز |•°¬


    مدخل :
    أحبك لو يزيد البعد .. !
    وفالي يشتبك بالياس
    انا مقدر على هالصد .. !
    ولا أقدر على الهوياس
    حبيبي لك غلا ممتد .. !
    ولك فالخوافي ماس !
    ولو كان الغلا منهد .. !
    ودرب الحب به دساس
    أنا مقْطعْ حبال الود .. !
    وثابت ع العهد بالساس !​



    القصيدة
    الله خلق والرب فنّد
    سبحان من سواك فالناس
    ما فالخلايق يا علي سدْ
    فن وجمال ومرهف إحساس
    زيزوم فالشطات تنعد
    ومن القروم الوافية راس
    غنّيت لك مالشوق والوجد
    ومن الحبر خطّيت قرطاس
    لن الغلا عندي تولّد
    وأضحيت أشل بكل هوياس
    ماجور يا من حاله اشْتدْ
    وفحالته خاواه هالياسْ
    أمْن الصّبر يا كم تجلّد
    ويا كم ذاق المر بالكاس
    جافاه خلّه ولا نوى يْردْ
    وقام الحزن ينْهال به راس
    طيفه فوسط العين ويْلدْ
    عن الْوجيه أب كل مرْماس
    لو مر ع الحيين سدّدْ
    أسْهام موت ب وسط الأنفاس
    ولو مر ع الأموات يقْصدْ
    قاموا وهم في وسط الأطعاس
    وله نظْرةٍ تقْتلْ و ترْعدْ
    وألي نظرها صار غطّاس
    يغْطسْ ف لجّة بحْره وْ مد
    وتلْطمْ به الْأشواق فالساس
    ثم يفْتكرْ به ودوم يسْردْ
    أمْن لْجزيله فْكل كرّاس
    يا لين حاله من الوله حدْ
    حد الضلوع العوج ب احْساس
    الله يسامح لي نوى الصد
    لا باس ثم لا باس لا باس
    وعديت لك مالشعر وبا عدْ
    أمن الفريدة لكل الأجناس
    ماني من الي دوم يشْردْ
    يوم الوَضعْ ثايرْ وحسّاس
    حرٍّ لا منّه طار ثم هدْ
    يقْلبْ لك الأتْراح نوماس
    وألي على بفعله تفنّد
    هذا الذي تفخر به الناس ​

    مخرج :
    الحظ يا صاحبي اليوم ذا بار
    من بعد ما كنت له وافي وبار
    قم نقصد الزين ونسري إلى البار
    في وسط قلبي وننسى ما فيني​
     
  2. بيـاض السحـب

    بيـاض السحـب ¬°•| مُشْرِفَة سابقة |•°¬

    تنتــــووون

    قصيدة رائعة واختيار اروع

    سلمت اناملك على نقلها لنا ووضعها في متناولنا

    وسلمت ذائقتك الجميلة على الاختيار

    فدمت ودام تواصلك معنا


    تنقل لقسم القصائد المنقوله لأنه الانسب لها
     
  3. رواضي

    رواضي ¬°•| عضو مميز جدا |•°¬

    يسلموا وما قصرتي ...
     
  4. أم أحمـد

    أم أحمـد ¬°•| ~~سُوِيْرِهُ السَّعِيْدِيّ~~|•°¬

    احببت المخرج والمدخل
    يسلموووووووزن
    القصيده ترتووب ونقل مميز
    احتراماتي
    سويره
     

مشاركة هذه الصفحة