طيحوا من عيني اكثر !!!!!

الموضوع في ',, البُريمِي للِحِوار و النقَاشْ ,,' بواسطة غيثة السحايب, بتاريخ ‏3 أوت 2010.

  1. غيثة السحايب

    غيثة السحايب ¬°•| مُشرفَة سابقة |•°¬


    السلام عليكم كلن بحاله


    اذا غاب القطو العب يا فار >>>> هذا الي اشوفه

    بصراحه انا انصدمت لما رديت عبالي ان كل شئ اوك لكن الي اشوفه العكس

    المواضيع الي تحطونهن ولا شئ تقول منتدى حق اليهالوه والنفاق والمجاملات ماله حد ليش جذا ؟؟؟

    وين المشكله لو قلت رايك او رايج بكل صراحه ؟؟

    عيل ليش مسمين هالقسم بالاسم حوار ونقاش حاد انا مااشوف شئ موليه

    كان خاطري ارد ع موضوع ماحصلت كلهن تافهات ومالهن معنى موليه ليش عاد ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

    ولا زاحمين القسم بشكل فضيع ع شو ماادري كل واحد يحطلي اكثر من موضوع مره وحده جي انتوا ردوا ع المواضيع

    قبل خلاف حطوا مواضيعكم

    اتنمى من كل الاعضاء انهم ينتبهون اكثر من جي واغلبهم يحطون مواضيع منقوله وانا اكثر من مره نبهت الاعضاء

    بس مافي فايده

    سمحولي بهالكلام لكن اختلاف الآراء لا يفسد للود قضيه

    والسمحوه ع القصور ​
     
  2. mixrix

    mixrix موقوف

    ....... خلينا نبدأ ف موضوع الردووووووود .... هذي هي ردوودهم :

    يسلموا ع الطرح المميز

    تسلمين اختي

    اخوي ابدعت وتشكر ع الموضوع

    ..............................!!!!!!!!!!!!!!!!!@@@@@@@@@@ يا خي مو طااالب صدقااات منكم الريااال او البنت اللي منزلة الموضوع .!!!!!!


    ثاني شي .......... سالفة النقل :

    والله كرهتها كره من خااااااااااااطري .......... موضوع والله العظيم من سنة جدي .... وحاطينها ليييييييييش ؟؟؟

    واللي يزيد كرهي اني قد رديت عليهن ف منتدى ثاااااااني او اني شفت الموضوع واستفدت وخلاص قريته ...لكن لااااااااااااا:h035:

    يرجع لج العضو هذا وينزل الموضوع مرة ثااانية وبعد شهر يجي واحد ثاني وينزله مرره ثالثة ........ ههههههههههه مع ان الموضوع اصلن ماله اي دااااعي وماله اي خص ف مجتمعنا او ف بلدنا ...........!!!!!!!!

    متى انقل المواضيع .؟؟؟؟

    * انقل المواضيع يا عمي اذا الموضوع مهم .. وجديد ...ومش من 4 سنين الناس متكلمين فيه ..!
    * انقل المواضيع اللي فيها حلول لمشااااكل موجوده بالفعل ,,
     
  3. الــــ ع ــــنــــود

    الــــ ع ــــنــــود ¬°•| مُشرِفَة سابقة |•°¬

    هلا فيج اختيه

    من ناحيه الردود حدث بلا حرج

    ومن ناحيه المواضيع انتي مشرفه وتعرفين القوانين عدل

    اي موضوووع منقووول غلقيه ونقليه لقسم المنقول يعني م يحتاااي تصدعين راسج

    وهالقسم صراحه جاان من احلى الاقساام عندي

    بس من ناحيه تفكير بعض الاعضااء مدري كيف صرت اذا دخلته ارد ع موضووع او موضوووعين وبس

    نحن تعبنا من هالرمسه نزيد ونعيد اقروا الموضووع قبل وبعدين حطوا رايكم او ردكم

    لان احيانا يحطوون ردود ماله اي خص بالموضوووع وانتي تعرفين بااجي الردود كيف م يحتااي اقوولج


    تحيااتي لج
     
  4. !الـغ ـروب!

    !الـغ ـروب! ¬°•| مُراقِبة سَابقَه |•°¬

    .
    .
    .
    هلا ومسهلا فيج اختي غيثة السحائب
    لو كل واحد دش وقرأ راح يرجع السبب الأول والاخير على مشرفين ومراقبين القسم بسب عدم المتابعه
    وهالقسم بصراحه يحتاي تكثيف مراقبة حتى المشرف الواحد مايقدر يعطي فيه ... ادري ان لكل انسان ظرف بس هاذي امانه بعد


    النقطة الثانية كل رد يعبر عن شخصية الفرد .. وهالردود حرية الشخص نفسه الاهم انه اخذ معلومه تنفعه ..


    النقطة الثالثة :. المواضيع النقولة تحذف مباشرة لــــ ووجود قانون عدم النقل

    وكل الامور طيبة والحروب اللي تشوفونها هي بداية النصر [​IMG] .. ومرحبا فيج اختي غيثة

    وان شاء الله بتعاونا نحن راح نقضي على هالشيء
     
  5. اثير

    اثير ¬°•| مشرفة سابقة |•°¬

    انا اشووف اغلبيه المواضيع منقووله
    وكلها عن حب
    وكلها عن زواج
    مافي شي يخل يالواحد يتحمس ويرد ع المواضيع


    ع الاقل طرحو مواضيع تستاهل الواحد ينااقش فيها واللي يقهر اذا حد كتب وتعب ع موضوع واحد وبالاخير الرد سطحي

    لازم العضو جي لا بينزل موضوع هادف ولا هم يحزنوون

    ياجمااااااااعه حطو مواضيع هادفه اذكرو مواقف وافرضو رايكم وشوف راايك بعضكم ..
    اتمنى تحطووون قانون وتلتزموون فيه ..
    اي رد سطحي لاتنحسب عليه مشاركات .. ويحذف..
    واي موضووع منقوول يحذف
     
  6. مشاكل وبكيفي

    مشاكل وبكيفي ¬°•| عضو مميز |•°¬

    هههههههه الله يعيينج ع البلوه الي ياااتج
    لا تخااافي بتشوووفي وبتشبعي بعدج ما شفتي شي
    ومحد قالج تصيرين مشرفه خخخخخ
     
  7. غيثة السحايب

    غيثة السحايب ¬°•| مُشرفَة سابقة |•°¬


    مشكوره الغلا ع المشاركه

    ومثل ماقلتي الردود السطحيه تقهر من الخاطر ولا انتي تكوني تعبانه ع الموضوع ويج رد سخيف

    والمواضيع المنقوله تعبت وانا احذف واعدل بس ماشئ فايده

    ولا موضوع هادف كله خرابيط

    يسلمووو​
     
  8. قيادة حرس الرئاسة

    قيادة حرس الرئاسة ¬°•| ђάсқεя~4έṽέя |•°¬

    ايه والله كلااااااااامكم صح %100%
     
  9. سعيد راشد البادي

    سعيد راشد البادي ¬°•|خدافس والجروح من ضلو

    طرح مميز ..


    واهنيج على هذا الطرح ..


    فـي هذا النقاش انتي صادقـه والأهمـية كانت قليلة أختي العزيزه ..

    وماعرف شو ارد عليج لأنه الموقف مب من صالحي ..


    الموقف من صالح الأداره ومشرفين القسمَ ..


    والسمـوحـه ،
     
  10. مروض الكهان

    مروض الكهان ¬°•| مَشْرف سابق|•°¬

    هديــــ أعصااابج شوي شوي


    بالتفاااهم كل شيء ينحل


    الي اشووفه في قسم الحوااار اغلب المواااضيع شخص يحط الفكره ويناااقشها اروحه

    يعني يكتب الفكره ورااايه


    وبعدين ما يرد يشوووف شو كتبواا الاعضاء

    واذا رد عليهم يقولهم شكر ا


    غير انه اغلب المواااضيع غير نقاااشيه
     
  11. غيثة السحايب

    غيثة السحايب ¬°•| مُشرفَة سابقة |•°¬


    المشكله اني اعيد وازيد ولا حياة لمن تنادي هذا الي صاير

    ويسلموو الغلا ​
     
  12. القناص الماهر

    القناص الماهر ¬°•| عضو مميز جدا |•°¬

    :4f7c50bc2e7eee3c450 شت قوية
     
  13. متغطية ببرقع امايه

    متغطية ببرقع امايه ¬°•| عضو مميز |•°¬

    الاسباب وايد واضحة للمنقول والردود

    انا مابا اقولها لان اكيد بنشات برع المنتدى

    من اول ما دشينا والحال على بعضه حب وزواج .. وليش يرقمون ^ ^
     
  14. آل يذوه

    آل يذوه ¬°•| ناقد شعري |•°¬

    عليج السلام والرحمه وبركاته


    مرحبا بالمشرفه غيثه طرح جريء وعليه كم ملاحظه



    السموحه لاني انا دشيت الموضوع وبعبر عن راي في طرحج وهذا من حق اي عضو في المنتدي



    عتبج على الاعضاء في محله وانا وياج في هذه النقطه فقط



    ولكن عندي كم سؤال حقج بعد اذنج طبعا



    هل غيثه كانت تشجع الاعضاء على طرح مواضيع للنقاش فيها ؟؟



    هل غيثه كانت تدعو الاعضاء لدخول القسم والرد على المواضيع فيه ؟؟



    ماذا فعلت غيثه لتنشيط القسم ؟؟



    وبخصوص الردود السطحيه من الاعضاء لا اتوقع توجد مواضيع فيها نقاش ومميزة في نظري ولو وجدت سوف توجد ردود مميزه ولو كانت بسيطه ومن كم عضو



    وانا الى اشوفه ان بعض المشرفين رده يكون ابسط من العضو نفسه





    الحين برجع حق الطرح اختيه عندي كم ملاحظه عليه بعد اذنج



    اذا غاب القطو العب يا فار



    احس هذا الوصف ما وفقتي فيه




    المواضيع الي تحطونهن ولا شئ تقول منتدى حق اليهالوه والنفاق والمجاملات ماله حد ليش جذا ؟؟؟



    ما ادري شو القصد من هاي الجمله



    عيل ليش مسمين هالقسم بالاسم حوار ونقاش حاد انا مااشوف شئ موليه



    ما اظن اسمه قسم النقاش الحاد



    اظني هذا اسمه اذا هب غلطان



    ,, البُريمِي للِحِوار و النقَاشْ ,, طاولة حوار هادىء - مناقشة جادة - إبداء الآراء




    انتي يااختي سمحيلي على ردي لاني احب اتكلم عن كل شي في الموضوع

    اتمنى اكون عبرت عن راي


    آل يذوه
     
  15. مس كلوزر

    مس كلوزر ¬°•| عضو مثالي |•°¬

    واله ل انا هالقسم ماحدره احينه بالمره
    مب من شي
    من الطرح البايخ
    ماعندهم شي يرمسون عنه ومسويين عمرهم شريفين مكه
    انامعاج فكل رمستج
    واللي يقول غيثه شو سوت
    يبوكم شو بتسوي بتغير عقول الناس بعد؟؟
    جي هي الا ادميه
     
    آخر تعديل: ‏8 أوت 2010
  16. الــــ ع ــــنــــود

    الــــ ع ــــنــــود ¬°•| مُشرِفَة سابقة |•°¬

    استغرب من بعض الاعضااااء يقولوووون ليش وليش وليش


    خلوا عنكم كلمه ليش......... انتم اعضااء هالمنتدى يعني انتم ترفعووون المنتدى بايدكم

    يعني لا تنتظروون بقيه الاعضااء يطرحوووون مواضيع هادفه

    طرحوووا مواضيعكم وخلوا الاعضااء البقيه يحسووون ان هالقسم قسم للابدااع

    اذا تم كل عضوو يقوول صح م شي اعضااء يطرحوون مواضيع بسالهم هذيلا سؤال

    انتم ليش م تطرحوون مواضيع هادفه ..........؟

    هل تم تعينكم فقط لمراقبه ع المواضيع وعمل احصاائيه للمنقووول والمواضيع الغير هادفه .........؟

    هل تحسوون بان القسم لا يليق بطرح ابداعااتكم ...........؟
     
  17. غيثة السحايب

    غيثة السحايب ¬°•| مُشرفَة سابقة |•°¬


    مشكورين ع كل من رد ع موضوعي ويسلمووو

    ولو انه ف ناس قاصر لا يصفعوني خخخخ

    وماعليج زووود مس كلوزر

    والله لو تعرفون بلاوي هالقسم ماكنتوا حتى رمستوا

    وممكن اكون قصرت لاني ماكنت احدر ع طول بسبب الظروف لاني ماكنت متفيجه موليه

    المهم ثانكس ع التواجد بصفحتي ​
     
  18. ولد صحـــار

    ولد صحـــار ¬°•| عضو مميز |•°¬

    بصراحة مليت من المواضيع المكررة حتى حفظتهن من زود اقراهن

    تبغوني اسمعلكم ؟؟؟

    احسنلي اخطف كذا على المنتدى واشوف شي استفيد منه بلاش ارد على الواحد
    إلا اذا كان الكاتب يريد رأي او ننقاشه فيه


    عيل موضوع عن الحب موضوع نقاش ؟؟؟؟؟؟
    والله ملينا
     
  19. GAME _OVER

    GAME _OVER ¬°•| مُشْرفِ سابق |•°¬

    وعليكم السلام ورحمة الله وبركاتة

    مشكورة أختي غيث السحايب على هذا الأهتمام

    بس من المفروض أن كل مشرف قسم يأدي واجبه بأكمل وجه

    يتابع المواضيع أول بأول

    يفعل القسم باسلوبه وفكرتة

    ما يترك القسم ولا يدري عنه وعن مواضيعه

    عن نفسي شفت بعض الأعضاء والمشرفين لهم بصمة في بعض المواضيع بأرتقاء

    انتي يا غيثة السحايب لا تنقهرين من شي وتعقين كلام على الأعضاء يعور القلب تعالي بأسلوب غير أسلوب يدخل في عقل العضووو اللي راح يشارك في هذا القسم ويحط مواضيعه بكل أمانه انه هب منقول وانه هادف

    بالتشجع والكلام الحلو يرفع هذا القسم بالمواضيع الهادفه

    وتقدرين تتحددين المواضيع اللي تشوفينها مب هادفه بمنعها في هذا القسم واللي راح يحط موضوع ممنوع ينحذف

    وأنا بصراحه ألحاظ أن في أتهامات على الشباب من بعض البنات على أنه الشباب يجاملون وينافقون وايد مابي اذكرر واحدد منوووو؟؟؟؟؟

    أختي غيثة السحايب بأمكانج تفعيل هذا القسم بالحوار الهادف وبالمواضيع المفيده بأسلوب أرقى من هذا واسمحيلي على هذا الكلام لأني صريح
     
  20. نملة متحنية

    نملة متحنية ¬°•| مُشرِفَة سابقة |•°¬

    اشفيج خيوويتي بعدكم على هالموواضيع الحب وغيرة خلاص دشينا ف عصر يديد غيروو مواضيعكم واذا على الردود تراه المواضيع ماتشجع الواحد يرد عليهااا ...

    غيثة اي موضوع منقول ولا مكرر دليت بدوون عوار الراس لانة تعبنا من الكلام وهم مايشوفوون مكنوب ممنووع النقل

    واسمحووووولي .....اناصح غبت فترة لاكن احس المواضيع بعدها ماتغير فيها شي ابداا؟؟
     
    آخر تعديل: ‏28 أوت 2010

مشاركة هذه الصفحة