الذوق

[مزيونة قطر]

الذوق ذوقك وانتـي الـذوق كلـه

وشلون ذوق اللي لها الذوق ذواق

انتي كما نجم السماء فـي محلـه

وانتي كما الورده على كف عشاق

يا زهرة البستان مـا فيـك خلـه

يا زهرة البستان في وقت الاشراق

يا نور عيني يا الرموش المضلـه

يا دوحة اشعاري لك القلب مشتاق

مشتاق لك بالقلـب شـيءٍ يتلـه

قلبي كما الشجره وحبك كما الساق

حبك بدالـي مثـل نـور الأهلـه

واليوم مثل البدر وسط السماء راق

الحب يكبر وانت شمسـه وظلـه

وانت النسيم اللي مع الفجر ينساق

 

[صاحب الرنج]

حبك بدالـي مثـل نـور الأهلـه

واليوم مثل البدر وسط السماء راق

الحب يكبر وانت شمسـه وظلـه

وانت النسيم اللي مع الفجر ينساق


الله ع هالابداع ياخيتي لاهنتي ولاهان قدرج

 

[رماد الشوق]

صح لسانج مزيونة قطر
ابدعتي
نتريا يديدج ...

 

[بنت المقابيل]

صح لسانج

كلمات رائعة

دمتي بود​

 

[مزيونة قطر]

تســـــــلم صاحب الرنج ع المرور الطيب ..
ربي يعافيك ..

 

[مزيونة قطر]

صح بدنج (رمـــاد الشوق )
تسلمين فديتج ع المرور الغاوي ..

 

[مزيونة قطر]

صح بدنج (بنت المقابيل )..
ما عليج زوود يالغلا ..

 

[مجروحة المشاعر]

صح لسانج خيتي

ما شاء الله عليج ما عليج حيله

ربي يوفقج ومن ابداع لابداع

 

[مزيونة قطر]

صح بدنج فديتج ..
وتسلمين ع المرور الحلو ..وطلتج الاحلـــــى..

 

[الهنوف]

يســـــــــــــــــــــلمووو حبـــــ,وبة ع الكلمات الاكثر من رائعة....