على ذاك الطريق إلي يسمونه غرام أحباب ..

الموضوع في ',, البُريمِي لِلقِصَص والرِوَايات ,,' بواسطة shadow, بتاريخ ‏23 جويليه 2010.

  1. shadow

    shadow ¬°•| اسْتًغْفِرُ الله |•°¬



    بسم الله الرحمن الرحيم ..

    هذي الرواية عبارة عن تجسيد لواقع حياتي .،
    بس بأسلوب مختلف وبشخصيات ابتكرتها من خيالي .. فيهم شبه من شخصيات عشت معهم واندمجت و ..

    هع مااعرف اكتب مقدمة ..:Bored_Whackin:


    الزبدة :

    رواية من تأليفي ..

    استمتعوو :ijhu:

    ...

    في بيت بو سيف ..
    كانت ام سيف واختها ام سارة وبنت اخت ريلها مريم يالسين عالكراسي فالحوش يشربون شاي .، وعيالهم تارسين البيت الله اعلم شو يسوون ..
    ام سيف وهي ماسكة دلة الشاي : مريم .. ازيدج شاي ؟
    مريم : مشكورة ام سيف ، شربت وايد .. يسد !
    ام سارة : ما قلتيلي وين سيف وباقي الاولاد؟ ما شفتهم اليوم ..
    ام سيف : سيف من ساعتين طالع ويا ربعه ، اما خالد فبيت عمه وسالم فوق قال بيخلص شغله وبعدين بيلحق اخوه خالد بيت عمهم عند عبدالله ..

    ..
    قبل لا اكمل بعرفكم بالشخصيات المهمة فالقصة ..
    بطلة القصة اسمها مهرة وعمرها 18، شخصياتها اجتماعية وهادية وخجوووله بسكل محد يتخيله ..وطيبة بغباء ،لدرجة انه اي حد يقص عليها حتى اليهال عادت الثانوية العامة بحكم انها تييبنسبه .. والحين تتريا الصيف يخلص عشان تبدا تدرس جد ..
    ام سارة اخت ام سيف .. انسانة طيبة وحبوبة وتحب الاطفال ..وعندها 5 بنات
    سارة ..11 سنة \ هند 9 سنوات \ الريم 6سنوات \ دانة سنة \ عليا عمرها فالأشهر ..
    ..
    ام سيف تصير حرمة خال مهرة .. شخصيتها نفس شخصية اختها .. طيبة وحبوبة وتحب تهتم ببيتها بنفسها وما تحب تعتمد عالخدامات ..
    ابو سيف يصير خال مهرة وهم متعودين يزورون قوم خالتهم ام محمد اللي ساكنة عدال بيتهم كل اسبوع ،
    الحين بكلمكم عن عائلة بو سيف:
    اكبر ولد ، تعرفونه سيف .. عمره 23 سنة .. يدرس فكلية الشرطة ، اجتماعي وفضولي بشكل فضييع ودوم يرز بويهه بس طيب ويا خواته ودوم يلبيلهم طلباتهم ..
    اخوه اللي بعده ، سالم .. 19 سنة .. انساان هااادي ماله حس وطيب ، واللي يشوفه يقول ماله خص فالدنيا وبلاويها بس هو فالاصل فيه شوية خبث و نذاله ..
    بعديين اخوهم خالد .. عمره 14 سنة .. انساان طيييب وبسرعة ينقص عليه ودومه على نياته .. ودومهن يقصن عليه خواته وبنات عماته ..
    بعدين التوأم ريم وريما.. عمرهم 12 سنة .. عاد هذيلا البنتين شخصيتهم تختلف مع انهم توأم متماثل بس دومهن متفقين فالتدمير .. ريما من ناحية تفكيرها بريئة .، تفكيرها مثل اي بنت .. وفيها شوية دفاشة ،
    اما ريم .. انسانة دفففففففشة وشريرة وتفكيرها مثل الاولاد .. ودومها راعية مقالب وفضايح ..
    اخر وحدة .. اختهم اخر العنقود .. روضة .. عمرها 6 سنوات .. انسانة خجووولة ودومها لازقة فأمها .. بس اللي تتعود عليه الله يكون فعونه ، بتراويه النجوم فعز النهار ..
    هذي عائلة بو سيف ..
    ......






    يتبع

     
    آخر تعديل: ‏23 جويليه 2010
    أعجب بهذه المشاركة أ”أڑأ”أˆأ¦أ¤أ¥
  2. shadow

    shadow ¬°•| اسْتًغْفِرُ الله |•°¬

    نسيت اقولكم ..

    محد يكتب شي هني ..والا .. ~> ياية تضارب :b020:

    اللي عنده ملاحظات يرد فرسالة خاصة ..

    وبس

    :break:
     
  3. shadow

    shadow ¬°•| اسْتًغْفِرُ الله |•°¬

    في غرفة ريم وريما، اكبر غرفة فبيت بوسيف اليديد .. اللي تقريبا سكنوه من اسبوعين.. كانت مهرة ويا البنات فالغرفة مندمجين يلعبون اونو ..
    مهرة: يالغشاشين لا تتموا تغشو ولا ترا بنزل تحت عند الحريم وما بلعب وياكم ..
    شمسة وسارة وريما يطالعنها وعلى شفايفهم ابتسامة خبث ..
    ريم: خلاص اخر مرة .. دخيلج لا تسيري ، ~> مستوية بريئة
    مهرة تمت تطالع ريم بنظرات وفخاطرها ضحكة لانها تعرف انه ريم توسلتلها من ورا الخاطر ..بعدين قالت : خلاص بيلس .. بس بنعيد اللعبة .،
    شمسة : اففف لين متى بنتم نعيد ؟ .. خلاص بسير تحت اكل كيك عند الحريم ..
    سارة : بيي عندج ..
    ريما: خلاص بنلعب انا ريم و مهرة ..
    وكملوا اللعب ..
    وبعد فترة خلصت اللعبة بفوز ريم ~> طبعا كله غش ف غش ..!
    مهرة ترتب الاوراق وتحطهم فالكرتون مالهم : مبروك ريم.. اباج تعلميني الغش !
    ريم تبتسم ابتسامة عريضة ولا كأنها مسوية شي ..
    ..

    بعدين طلعت مهرة من غرفة البنات وهي تقول : بسير اشوف سعود وعلاو هالمخبل شو مسويين .. تذكرت انه مريم موصيتني عليهم ..( سعيد ولد مريم وعلي ولد اختها )
    ريم وريما بصوت واحد : بنيي وياج ..

    وطلعن من الغرفة ..

    وهم طالعين من الغرفة .. كانت مهرة متقدمتنهم وتوها ياية تنزل من الدرج .، لمحت غرفة مظلمة وبابها مفتوح شوي ..
    ياها فضوول قوي ، كان خاطرها تدخل وتشوف هالغرفة ..
    ريما من ورا : هذي غرفة سالم ..
    مهرة : صدق ؟
    ريم: هيه تبي تشوفيها ؟
    مهرة: ممم مادري .. من يوم سكنتوا شفت كل غرف البيت الا هذي !
    ريما : يعني هيه .. يلا تعالي ندخل
    مهرة : لحظة .. هو مب موجود ؟
    ريم : لا احيده ساير عند عبود الدب ..
    مهرة : اهاا زين .. بس ما بنطول بشوفها وبنطلع بسرعة ..
    البنات بابتسامة خبث ما لاحظتها : انزين !


    دخلت الغرفة .. وطبعا تنعرف انها غرفة اولاد .. الملابس ترست الارض والبطانية نصها تحت وقراطيس واشياء وايده فكل مكان .. بس بصراحة كانت احلا غرفة شافتها مهرة فبيت بو سيف بعد غرفة خالد .. لونها هادي وغامض تعبر عن شخصية صاحبها ..
    يلست تمشي وهي تتأمل المكان .. الا وتسمع صوت فالحمام وكأنه في حد داخل يتسبح ..
    خافت ولفت ع ورا بسرعة .. الا وتلقى الباب شوي وبيتسكر والمفتاح برا
    بعدين تسكر صدق .. ريم وريما يضحكن من برا ..
    خافت وبدت ترتجف .. وقالت فخاطرها : هالدبات الثنتين خلصن المقالب عنهن عشان يسوبي هالمقلب يعني ؟ .. يعرفن اني استحي من اخوانهن .. صدق نذلات ..
    الحين كيف بطلع ؟
    لو تكلمت بيسمع صوتي .. ولو فتحت الباب بدفاشة يمكن يتكسر ..!!

    بعد شوي ..
    تسمع الماي اللي فالحمام توقف ..
    تجمدت فمكانها وهي ترتجف!
    وبسرعة اقتربت من الباب وقالتلهم بصوت واطي : دخيلكم فتحوا البااب ><
    قالتها وهي واثقة انه هالشريرات بيعاندن وبيشردن ..
    وتمت تهلوس فخاطرها وتقول : ولو طلع من الحمام وشافني محبوسة فغرفته شو بيقول ؟
    لاا مش وقته الحين عشان اتخيل هالاشياء اللي تخوف ..

    بس الله هداهن وخلاهم يفتحن الباب .. وطبعا شردن .. وهي شردت .. ونزلت تحت بسرعة وكانت ترتجف وقلبها يدق بقو .. حتى لو خطف حد عدالها بيسمعه ..

    وصلت تحت .. وحست بالدموع اللي على خدها طلعن غصبا عنهن .. كان خاطرها تعطيهن كف هذاك الوقت ..
    بس مش وقته الحين .. حالتها لا يرثى لها ..
    سارت الصالة وطبعا محد فيها كلهم برا .. وهي ياية تطلع سمعت صوت حد يمشي وراها ..
    وايد باردة مسكت ايدها وسحبتها ..

    ومن الخوف لفت بسرعة تشوف منو هالحد ..

    طلعوا سعود وعلاو يايين يطلبو شي منها ..
    سعيد بكل برائة : امي قالتلنا نيي عندج عشان تخبرينا حكاية ..
    علي : يلا خبرينا الحين ..
    قالت فخاطرها: ما وقته الحين انا منهارة ..
    بس ما قدرت تقاوم نظراتهم البريئة واستسلمتلهم ويلست تحكيلهم فالصالة ..
    فهالوقت دخلت علينهم مريم .. و أول ما شافتنهم ابتسمت و تمت تأشر انها بتسير تصلي وبترد ..
    وبعد دقايق نزل سالم من فوق وهو يعدل سفرته.. وأول ما شافته تلعثمت وما قدرت تكمل القصة ..
    سالممن بعيد : السلام عليكم ..
    مهرة لافه ويهها : و .. وعليكم السلام ..
    بعدين نزل راسه وطلع برا ..

    علي وهو يتريا مهرة تكمل القصة: بعدين شو صار ؟
    مهرة : اوو نسيتكم .. هه بعدين الله يسلمكم ..... ( وكملت القصة وطبعا كلها ملفقة ) ..


     
    آخر تعديل: ‏29 جويليه 2010
  4. shadow

    shadow ¬°•| اسْتًغْفِرُ الله |•°¬

    يتبع .. :001:
     
    أعجب بهذه المشاركة point
  5. خافق احساس

    خافق احساس الفرَيق الإدِاري إداري

    ^^"~ تم نقل الموضوع للمكان المناسب ,, بواسطة خافق احساس

    احترامات
     
  6. shadow

    shadow ¬°•| اسْتًغْفِرُ الله |•°¬

    تسلمين خافق =)


    ..

    البارت اليديد بنزله عما قريب ..~
     
  7. shadow

    shadow ¬°•| اسْتًغْفِرُ الله |•°¬

    كح كح

    سنيين مرن ونسيت السالفة هه :523c674c20b8112b223


    يوم اتفيق بكمل :2253446f49dd40fbf5e
     

مشاركة هذه الصفحة