بالراض علينـا يالريايل

الموضوع في ',,البريمي لـ المواضيع العامة' بواسطة العاثرة, بتاريخ ‏14 جويليه 2010.

  1. العاثرة

    العاثرة ¬°•| عضــو مــهــم|•°¬


    قمت يوم السبت الساعه 7 على صوت حشرة اليهال
    أجازه .. و قمت قبل الساعه 11 !!!!!!
    ما يصير ..يعني هي مزة الويك اند فرقدة الصبح وسهر الليل

    انفتح الباب على مصرعيه ودشت أمي
    فلانه قومي اريدج توصليني اخذ كلوركس
    تطلع يوصل مسج على الموبايل من اختي اللي فالغرفه المجاوره <<< حركتات يا فصيييحه
    اريد سوبر قلو كسرت شباصتج ..ولو ممكن ابا لمبه
    فجأه ينسحب لحافك وتسمع صرخت البشكاره
    بيسم الله ...ليش مافي شقوول؟
    <<<ودك ساعتها تصرخ لأن اليوم اجااااااااااااااااااااااااااااااازه


    بعدها تقوم وتتغسل وتتنشط وطبعاً يبدا الشوط الثاني :
    يهال فوق الثلاجه
    يهال على السطح
    يهال تحت الشبريه
    يهال مأذيين اليران
    تشرب شاهي و تشوف خمسه يلعبون كورة قدم بدون اي حارس وبدون مرمى
    كل شوي يكسرون لمبه ويصرخون .. جزاز ..جزاز ..لبسوا نعوول

    يأذن الظهر تقوم تصلي
    توك بتسلم الا تييك تفله من ياهل واقف عدالك
    تكلمه يتفل عليك
    بتلاعبه ..يضحك.. يتفل عليك
    تضربه يتفل عليك
    يروح يصيح لأمه تراضيه ..يتفل عليها


    :
    :
    :

    لمتى بنستحمل هالحال؟


    [​IMG]

    بعدكم تستغربون ليش البنات يصرخن ( نباااااااا نتزوج )
    يبن يطلعن من بييت اهلهن ويفتكن من هالصدعه .. طبعاً الشبابات المحترمات <<طلع عرقها العيمي
    برا البيت طول الوقت فما يحسون بهالمعاناه .. بس للبنات اللي عقهن الحظ فبيوت ما تخلا من اليهال
    وعوايل من الحجم الكبير (مثل اغلب عوايلنا ) .. بيفكرن يسون وايد وبيكون اسلم فكره اتيي فبالهم هي الزواج
    طبعا ويا الزواج اتيي مسؤاليات وغيرها بس ماااااااااااايهم
    دامهم بيظهرون من بيت ابوهم وبيفتكون اي بييت ثاني بيكون جنه
    اكثر وصايا الرسول كانت ع البنات
    واكثر خوف العرب كان من البنات
    واكثر جنس فهالدنيا ينظلم هن البنات
    قال صلى الله عليه وسلم :"من كان لهُ انثى فلم يئدها ولم يُهنها ولم يؤثر ولده عليها أدخله الله الجنة "

    وقال صلى الله عليه وسلم :" من كان له ثلاث بنات وصبر عليهن وكساهن من جدته كُن له حجاباً من النار"

    شو تبون أكثر من جذي
    وترا فيه غيرها واا يــــــــــــــــــــــــــــد اللي على الاقل بياخذ عشر صفحات عشان اذكرهن


    عموماً
    انا ما أعمم على الك
    بس انا ارمس عن اللي يحسن جذي
    لاحد يداريهم وكله حاطين عليهم طبخن غسلن هاتن ودن لا تضحكن تغطن تعدلن ...الخ
    كل حد يبا يمشيهن ع كيفه .. وهن بينفذن بدون اعتراض ولما بيطلبن شي فالمقابل بنرزور ربيعتي بروح الصالون
    نطولهن بالشواهيق ..لا ..عيب.. منقود .. حرام .. فضيحه ..

    شو تتوقعون من هالبنات ..يا انهن بيصيرن تافهات ..ما يهتمن بغير الامور السطحيه
    او انهن بيتخبلن على الزواج وكل ما عرست وحده من ربيعاتهن صابهن اكتئاب
    او انهن بيصيعن

    السؤال هو....
    هل نحن نريد اي من هالامور تصير حق خواتنا؟


    طبعاً محد بيرضاها
    فقصروا الشر من البدايه
    و take good care of ure sisters and daughters
    اذا مب الحين عيل متى بنتغير؟
    والاهم متى بنطبق دينا ؟


    اتمنى ان المعنى يكون واضح
    وانكم تستفيدون من موضوعي
    طولوا بالكم علينــا و بالـــراض على خواتكم وبناتكم :523c674c20b8112b223
    السمووحه طولت عليكم

    سلااااااماتي لكم نفراً نفرااا

    العاثـــرة
     
    أعجب بهذه المشاركة SaD G!Rl
  2. ترحال

    ترحال ¬°•| عضو مميز جدا |•°¬

    تسلمي والله ع الموضوع الحلو ....


    والله صدقتي ف كل كلمة قلتيها واتمنى الناس يستفيدو ويتغيرو شويه ....


    تقبلي مروري....
     
  3. العاثرة

    العاثرة ¬°•| عضــو مــهــم|•°¬

    انشاالله حد يستفيد
    وهذا هو السبب اللي يخليني اكتب عسى حد يستفيد ويتغير ولو 1%

    مشكورة على المرور يالغلا
    لاعدمتلج هالطله
     
  4. SaD G!Rl

    SaD G!Rl ¬°•| عضو مميز |•°¬

    ،،،

    يو يو يو ،،، صدقتي

    بييج عقب ، احين خلصت غسيل الملابس

    تعبانة ومنهد حيلي وحاسة عمري سكرانة:3:

    برد على موضوعج الغاوي عقب ان شاء الله،،،

    :::

    لي

    عـــودة
    ،،،

    ،،،
     
  5. رماد الشوق

    رماد الشوق ¬°•| فخر المنتدى |•°¬

    بــــــــــصرآآآآحه معآآج حق أختي العاثرة

    بس منوو بيسمعج ,,

    انا ما حب صدعة اليهاآآآل فالبيت خخخ

    والله كله مضاربهه ولعب وضحك (عايشين حيآتهم)

    يسلمووووو
     
  6. العاثرة

    العاثرة ¬°•| عضــو مــهــم|•°¬


    يعطيج العافيه يالغلا
    :)
    بس جان قلتيلي قبل لاتغسلين عندي كومة غسيل فالأنتظار من سنة كح وصقع راسكـ فاليدار

    اترياااا عووودتج على احر من الشسمه اللي مايتسمااش
     
  7. العاثرة

    العاثرة ¬°•| عضــو مــهــم|•°¬


    :lll-_-:

    لو بتم اقول منو بيسمع ومنو بيستفيد
    جان محد نطق بحرف بس دايم نكتب وننصح على أمل ان في شخص ما
    في مكان ما ..بيستفيد

    مشكووورة على المرور
    نورتي
     
  8. غرشوووبه الوووسمى

    غرشوووبه الوووسمى ¬°•| عضو فعّال |•°¬

    خخخ عيبنى وااايد الموضوووع بس لاحياه لمن تنادى اونه
     
  9. الحب خالد

    الحب خالد ¬°•| عضو مبتدى |•°¬

    تسلمي أختي مواضيعج دائما متميزة
    يعطيج العافية
    أما انا الحمد لله مرتاحة من الحشرة بس من يو عيال أخوي بالعافية أتحملهم
    شو اسوي طبيعتي هادية واحب الهدوء
     
  10. العاثرة

    العاثرة ¬°•| عضــو مــهــم|•°¬


    :e025fb6133:

    سبحان الله
    محد يعلم
    :)
    مشكورة على المرور
    لاعدمتلج هالطله
     
  11. العاثرة

    العاثرة ¬°•| عضــو مــهــم|•°¬

    :bounce:

    الله يعينج
    انا متولفين عندي من كل صوب
    هم وناسه ويسوون جو بس مال ساعه ساعتين مب 24 ساعه

    :)

    لاعدمتلج هالطله خيتوو
     
  12. القناص الماهر

    القناص الماهر ¬°•| عضو مميز جدا |•°¬

    مع أحترامي الشديد بس الموضوع ماااااااااااااااااااااااااااااااااصخ ولا يله أي هدف علمي ولا يله فائده تربويه .....
     
  13. العاثرة

    العاثرة ¬°•| عضــو مــهــم|•°¬

    عفواً اخوي انا عمري ما كتبت موضوع بدون هدف
    بس لو كلفت عمركـ وقريت لحد النهايه جان عرفت المغزى

    على كل حال وجهة نظر واتقبله
    :)
    ومشكور لأنكـ رديت على عكس غيركـ اللي مروا مرور الكرام


    عساكـ ع القوة
     
  14. SaD G!Rl

    SaD G!Rl ¬°•| عضو مميز |•°¬

    ،،،

    عدنا والعود أحمد :flex:

    لو قلتي لي قبل جان ساعدتج في الغسيل

    مستوية دوبي تراني دام عندي اجازة :298b5a831e8a667c2ba

    ،،،

    المهم نرد للــ main ،،،

    دعيني أبدأ بالقول ياأخوان رفقاً بالبنات،،،

    نحن أصبحنا دمى ،،، فقط يديروا المفتاح ونحن نتحرك

    أليس لنا مشاعر ألسنا بشر ؟

    ألا نملك قلباً كقلبهم ؟

    نعم نحن بتنا خادمات في بيوتنا،،،

    ومربيات طبعاً لأطفال ،،،

    صدقيني ختيه يوم أقول لهم طيب هاتوا خدامة

    عالأقل تنظف وأنا وأختي بنربي العيال الأشقياء

    24 ساعة هاليهال ما يسكتوا ما شاء الله عليهم

    ينطوا ويتعوروا ويصيحوا ويشلو الدنيا فوق رؤسنا

    الصغير يضرب الكبير والكبير يفتح حلجة وما يسكت

    وصدعة يا ربي ،،،

    وهناك يدتهم يا فلانة سكتيهم ، وأمهم عاد يالسة جدام

    التليفزيون ولا على بالها ،،،

    طبعاً ما نقدر نشتكي ولا شوفي أمي كيف تزعل

    ياخي حسوا فينا ،،،

    بعض الأحيان أقول زين عسب نتعلم ونعرف شقايل

    نربي عيالنا في المستقبل،،،

    وعلى الأقل نعرف شغل البيت أحسن من البنات

    اللي ما يعرفن شيء ،،،

    بس صدقيني تعب لين ما نوصل بيت الزوج بنكون

    سكراب ،،،

    والله يسهل أمرنا فديتج ،،،

    اتصوري يبنا خدامة وأخواني راغوها ،،،

    ما يحبوا الخدامات ترانا اهني ،،،

    بس بعد ما نروح شو بيسووا ؟

    يالله الحمد لله على كل حال ،،،

    وتسلمين يا الغالية عالموضوع ، كل مواضيعج

    بأمانه لها هدف معين وواقع نعيشه ،،،

    بعض الأحيان نقول يا الله ليش نحن جي

    أكيد غيرنا مرتاحين بس صج نحن كلنا

    نعيش هالواقع الجميل والمر في نفس الوقت ،،،

    والله يستر علينا وعلى خواتنا ويهدينا ويهدي

    أهالينا وأخواننا وحريمهم وعيالهم وكل الشعب :cry:

    آمين ،،،

    بارك الله فيج يا الشيطونة العاثرة

    ودمتي بألف خير ،،،

    ،،،
     
  15. العاثرة

    العاثرة ¬°•| عضــو مــهــم|•°¬

    :)
    اسعدني رجوعج يالغلا
    نورتي بحضورج (المميز) كالعاده

    الواحده عمرها ماتكون خدامه فبيت اهلها ولا بيت زوجها
    بس كل اللي نحتاجه هو بريكـ وفرصه عشان نتنفس


    مشكورة على المرور يالغلا
    لاعدمتلج هالطله
     
  16. QUEEN.B

    QUEEN.B ¬°•| عضو مميز جدا |•°¬

    بيونسي تتكلم...

    تسلمين العاثره ع الموضوع الجميل...


    :get-1-2009-7lydrpf4


    صراحه وبصدق هالموضوع اللي لازم الواحد


    يلتفتله ويتكلم فيه


    بس شو فينا نعمل


    ما فينا نساوي شي

    وترا خلاص معضمهم جذي طبعهم


    واذا وحده حاولت تفهم اخوها ولا ابوها


    يعتبرونها تتعلى عليهم وما تسمع كلامهم


    الله كريم....



    مشكوووره زود ونتريا منج اكثر واكثر من هالابداع والرقي :approved:


    ولا عليج من احد :2ef0feb6691ddf055e6
     
  17. QUEEN.B

    QUEEN.B ¬°•| عضو مميز جدا |•°¬


    يا مستر ...

    لو سمحت اذا الموضوع ما عجبك

    فيه اسلوب ارقى من جذي للكلام

    انته داخل مكان محترم وله ناسه ومقداره

    مو لازم تتعامل بهالاسلوب السوقي والرجعي

    بس في مثل يقول :

    " اذا جاك العيب من اهل العيب ... ما يصير عيب "
     
  18. العاثرة

    العاثرة ¬°•| عضــو مــهــم|•°¬


    ايه خيتوو ماعاد فينا نحكي ولا نرمووس << لبنانيه رابيه فالبريمي
    :blush2:

    عموماً مثل ما فيه بنات يهمهن يتعلمن عن امور ومواضيع مختلفه بعد فيه رياييل بالمثل
    <<<<للحيــــن عندها أمل


    وبنسبه لردج عشان الشسمه اللي مايتسماش
    مشكووورة
    وههااااي هههاااااي

    :)
     
  19. أم أحمـد

    أم أحمـد ¬°•| ~~سُوِيْرِهُ السَّعِيْدِيّ~~|•°¬

    مميزه الطرح كالعاده
    لج حظوور ومواضيعج لها صداها
    ولكن يبقى السوال هل من متعظ ..؟؟؟
    حقاا هذاا ما نتمنااه
    لن اتحدث عن اسلووبج الي دووم يجبرنا انا نكمل للنهايه
    مها كان طوول الموضوع
    ولكن لندخل الى صلب الموضوع
    تدرين يوم تحسين بالتشرد انا جي احس حالياا
    يهال فوق راسج تحت ريلج
    وين تمشين << صارت ما تعرف تمشي هع
    ولكن الحمدلله .. انا بصرااحه اشوفهم زينه
    واحمد ربي مليوون مره انه يهالنا شةي مرابايين
    يهال غيرنا الله بالستر .. يعني موضوع تربيه وتقليد وتعويد
    وعن موضوع الكرااف والمكرووفين .. اس ما يخص العرس
    حتى الزووج له متتطبااته وكرافه هو وعيااله
    يعني بالمختصر

    انا فهمت انه انتي تبين توصلين رسااله
    رفقا بالقوارير
    يخي صدق حسووووووو

    ^^
    احتراماتي
    سويرة ​
     
  20. غيثة السحايب

    غيثة السحايب ¬°•| مُشرفَة سابقة |•°¬


    هههههههه حلوه

    تراج انتي ف ياليابان بيسمعونج ولا بياخذون شورج >> لا تنحبطين ودوم كتبي جذا

    المهم يااختي وااااايد ناس عقليتهم جذا اونه يخافون عليهن وهم مايدرون انه هالشئ بيحطمهم

    ومن وراهم يخدمن بلاوي

    المشكله ف المجتمع نفسه وياما نطري هالمواضيع ومحد يهتم بس مثل ماقلتي ان شاءالله حد يطول باله

    ويهتم شوي

    يااخوانا او رياييلنا ليش ماتمشون اهلكم شوي سيروا تغدوا بر او دشوا سينما وطبعا ادري شو بيكون ردكم

    عيب ومنقود هذا الي فالحين فيه

    يسلمووو الغلا ​
     

مشاركة هذه الصفحة