جديد وحصري من لسعة عذاب

الموضوع في ',, البُريمِي لِلقِصَص والرِوَايات ,,' بواسطة لسعـۃ ع ـَـَذآب, بتاريخ ‏9 جويليه 2010.

  1. لسعـۃ ع ـَـَذآب

    لسعـۃ ع ـَـَذآب ¬°•| عضو مميز |•°¬


    اليوم حبيت احط لكم هالقصة
    و هالقصة صارت في أحد العزب

    ملاحظــة : اغلب المصطلحات بالقصة .. مصطلحات ثراتية
    ..××..××..××..××..×× ..××..××..××..

    فارس الحب ( بو كرشه ) : دلوءتي قومي جدامي بنسير عند المدير، المصخرة دي ما تمشيشي عندنا في العزبه هنا هو ..........

    الرحال ( المدير ) << -- متفيزر ع حصير تحت الغافه وفارش مواعينه وقراطيسه.

    ودخل الاستاذ فارس الحب (بو كرشه ) ساحب وياه معاذ الشحي ( صنقور ) و عمار الشحي( بلال ) <--انتوا طاعوا الاسامي بس كم تسوا...

    فارس الحب ( بو كرشه ) : اندوك هايلا مش عاوزهم في كلاسي .. يتكافخون بالتكي، وجلعوا البنكه

    وجبوا غوري الزعتر وخيسوا لاب توبي عصير جت وشعير، وعندهم شيط ميط وفلعوني

    بالتيله ع مناخيري، ما يصحش الكلام دا .. دول بيخربوا اثاث العزبه.

    وقرر الرحال ( المدير ) معاقبتهم بأنهم يصطنون ع العرقوب وتصقعهم الشمس ويرفعون ايديهم

    ويلبسون سويتر، ويوقفون ع ريل وحده ويعلقون يونية بصل في اذنيهم لين صلاة الفير

    لكن هيهات هيهات .. معاذ الشحي ( صنقور ) و عمار الشحي( بلال ) ما يازتلهم الرمسه

    بطوفهم مباراة محضة وحتا اللي في ليوا، ووراهم خط من سويحان لين ليوا ..

    عمار الشحي : يا ريال حرقتني الرمضه ورويلاتي عورني

    معاذ الشحي : خلني افكر في حركة حنيشية عشان نشرد و نتلاحق المباراة

    عمار الشحي : الله ياخذ بليسي نسيت سالفة المباراة

    معاذ الشحي : ابويه شغل هاليحه ابركلك وفكر ويايه

    طوطـيـنــــــــــــــــــــــــــــــــــق

    عمار الشحي : انزين مب نحن نبى سيارة ؟؟

    معاذ الشحي : يس يس

    عمار الشحي : شو رايك نهف سيارة الرحال ( المدير ) اليديدة عشان يتادب مره ثانيه ما يوقفنا في

    الشمس ..بنسرح بها وبنردها قبل صلاة الفير وبنرد نصطن ع العرقوب ولا جنه استوي شي

    معاذ الشحي : انته ثور ولا ثور ، شقايل نسرق السيارة، دايركت بيعرفون انه نحن لانه ما بنكون موجودين .. بلاك مستوي ذكي ؟!

    عمار الشحي : جوف يا معاذ الشحي ( صنقور ).. بنقلص صخلتين من درس العزبه

    وبنلبسهن كناديرنا << اسميهن بيعيّدن..

    وبنعلق يواني البصل في اذنيهن ..

    لكن المشكلة شقايل نتفجج من فارس الحب ( بو كرشه ) النشبه ... !!!!!

    معاذ الشحي : عادي بنشغل له حسين الجسمي ( ايه يعني غرامك ودعني ) بيستلبس ولا بيدري بالدنيا اسميه بيتعذب بيتذكر مُهقه --------[ هههههههههههههه ]

    وتمت الخطة بنجاح .. وضربوا خط لين ليوا

    وخلصت المباراة بعد فوز حتا ع محضة صفر صفر ..

    اسميهم رشوهم رش .. واستوت ضرابة خاري بين مشجعين حتا ومحضة وقاموا

    يتفالعون بغراش الماي والفراخ .. معاذ الشحي ( صنقور ) و عمار الشحي( بلال ) يلقطون الفراخ المتنثر اونه مؤونه حق الدرب ..

    في الدرب .. معاذ الشحي ( صنقور ) قام ينود ويشوح ويلات بالسيارة مره يمين ومره ريوسي ومره

    عكاسي و عمار الشحي ( بلال ) متيبس في محله وميود السيت لين ما نشع السيت من محله ..

    حرج معاذ الشحي ( صنقور ) وقال وراسك خلني اسوق انا عنك وانته انقز ارقد في الكرّيل .. و

    قبض السكان يتحسب عمره يلعب بالسوني ..

    ويعطيه فول ريس والقيج وصل 240 ...و لا يدري انه الرادار يصوره عسب يحط عليه

    مخالفات .. يتحراه كيمره تصوره عشان يسووله يواز ..

    وصلوا سويحان قبل لا يقول الديج كوكوكوكو .. صفوا السياره تحت الغافه

    وتلثموا بالسفره وربعوا صوب العرقوب وينقزلهم فارس الحب ( بو كرشه ) وهو لابس صروال مخطط

    ويا جاكيت برتقالي وكافخ اب هالحزام عشان ايود هالكرشه ..

    و ايير الحزام عشان يشلخبه ابهم ..

    واذا بي

    طاحت الكرشه .. ويتوهق بو كرشه ..

    انها فرصه ليس كمثلها فرصة ..

    وغبروا عليه عطوها شرده معاذ الشحي ( صنقور ) و عمار الشحي( بلال ) .. << -- الشرده نص المريله

    ورقوا العرقوب..

    وقف عمار الشحي يراقب معاذ الشحي سار يلقط حنظل عشان بيبدون الحرب ..

    لحقهم المصري فارس الحب ( بوكرشه ) .. لكن ما رام يرقى العرقوب .. كل ساعه يطيح ع خشمه

    قالوله : تبى تزخنا.. اول تلعب ويانا حرب بالحنظل انته ومديرك الرحال هذا بو الفول ..

    واذا نحن فزنا انتوا تصطنون بدالنا وتلبسون سويتر وترفعون ايدكم وتعلقون يونية بصل في اذنيكم.

    فارس الحب ( بوكرشه ) :حاضريين حاضريين .. اروح اناديه دلوءتي

    عمار الشحي :اقولك .. ع دربك هاتلي عصير بيبسي وانته سراب شو تبى ..<-عصير بيبسي اونه

    معاذ الشحي :ابى عصير جوكليت ..<--ها متطور

    وتيمعوا المفلع ع راس عرقوب .. والشباب ع راس عرقوب ثاني ..

    وكل فريق مزر يوانيه حنظل وكنكري ..

    وبدت الحرب .. اول حنيظله << -- تصغير ويراد به للتقرب والتحبب ..

    رست ع قرعة بو الفول تفجير فجراوي ..

    تفجير فجراوي بو الشباب وقال الا افلعهم مثل ما فلعوني و ارد الصاع صاعين .. ويسحبله

    حنيظله .. ويريوس ويريوس ويريوس اونه يبى يصوب .. وبعد يريوس ويريوس

    واذا بي ..

    يندبغ ع راسه ويدربح من فوق العرقوب لين تحت .. وتستوي بلاوي زرقا في

    قرعته .. عراقيب وعرايين وخس ورويد شرا اللي يبيعونه ع درب راس الخيمه

    وهذا اول انتصار للشباب .. افتكوا من واحد وباقي واحد ..

    تبريد فارس الحب ( بو كرشه ) في محله وتم يتنافض من الزياغ ..

    و عمار الشحي قابض الشيط ميط ويفلع فارس الحب بو كرشه بالحنظل ع كرشته لين ما استوت هريسه

    و معاذ الشحي يصفق << -- التيس تيس لو قال ميااو

    وطاح فارس الحب ( بو كرشه ) ع خشمه متأثرآ بجراحه والحفر اللي استوت في كرشته ..

    وفاز فريق قوم معاذ الشحي ( صنقور ) و عمار الشحي( بلال ) ..

    وعقب الحرب ..

    عمار الشحي ويّه صوب تفجير فجراوي ( بو الفول ) وسحبه من اذنيه .. وهو يغني ..

    "مصيرك يا طير توقع في الشبك وتطلب الغفران مني وذا محال"

    ويحطه في درس الهوش ويصك عليه الشبج ..

    و معاذ الشحي سحب فارس الحب ( بو كرشه ) من كرشته وربطه تحت الغافه عشان يلقط سماسيم ويعاريف ..

    و فسدوا تواير البيك اب x5 ..

    وكل واحد سحبله عنز وركبها وعطووه ويييل

    وشغلوا المسجل وجااان يبغم ميــحد ويقول :

    صوب دار الخل انويت السفر​
     
  2. Ąℓŋ3αỉмỉ

    Ąℓŋ3αỉмỉ ¬°•| مُراقب سَابق ومطور |•°¬

  3. شووق قطر

    شووق قطر ¬°•| مراقبة عامة سابقة وصاحبة العطاء المميز |•°¬

    تسلمين قلبووووووووووووووو ع القصه
     
  4. بدر العلي

    بدر العلي ¬°•| عضــو شرف |•°¬

    الله يعطيج العافيه ماشاء الله عليج مبدعة في كل المجالات وما عليج زووووود والله يحفظج
    مشكووووووره
     
  5. حلاتي غلاتي

    حلاتي غلاتي ¬°•| عضو مميز جدا |•°¬

    يسلمو ع القصة الحلووه
    ههههه

    دمتي بود
     
  6. لسعـۃ ع ـَـَذآب

    لسعـۃ ع ـَـَذآب ¬°•| عضو مميز |•°¬

    يسلمو جميعا ع المروور الطيب
    وربي لاهانكم يالاحشام
     
  7. فنتكـ

    فنتكـ موقوف

    ما شاء الله عليج

    من ابداع لابداع
    ربي لا هانج
    وربي يقويج ويحفضج ويزيد تالقج من يوم لليوم الي وراه

    ابو كرشه فطسني ضحك هههههههه الله ايديم هاي الروح المرحه فيج

    واحلا شي

    صوب دار الخل انويت السفر

    تقبلي مروري اخوج فنتكـ
     
  8. محمد المرزوقي

    محمد المرزوقي ¬°•| مجموعة تفاعل لأجل البريمي|•°¬

    تسلمين أختي ع الطرح


    ويعطيج العافيه
     
  9. لسعـۃ ع ـَـَذآب

    لسعـۃ ع ـَـَذآب ¬°•| عضو مميز |•°¬

    ثااانكس
    جميعا ع المرووور الغاوي
    ويعطيكم الف عااافيه
     

مشاركة هذه الصفحة