عن إذنكم يالإدارة : حطيت لكم طلب زواج .

[bintsur]

موضوووووووووووووع خطير بصراحه .... واعتقد هالمواقع كلها كذب ف كذب ....
رحبوا فيني هاي اول مشاركه لي :bounce02:

 

[حكاية روح]

للرفع ..
الإشراف الذاتي ..
.
.
​

 

[العاثرة]

باااااااكـــ


سوري يعني ما مداني اقرا كل الردود
بس للي قال شو الناس بتقول لو قالوا انهم تزوجوا عن طريق النت
يعني انته ضروري ترز انك تزوجتها بهالطريقه فبطايق العرس مثلاً!!!


وللي قالت انه مب حلو البنت تعرض عمرها..!!
واللي الامهات يسونه ما يعتبر عرض؟
مثال:
تيي الام لولدها والله بنت فلانه يتوصفوبها طويله وحلوه وتشتغل كذا وطباخها ولا اروع
هذا كله مب عرض؟؟؟


ياخي غريب والله
البنت لا يلست فبيت ابوها قالوا بارت فبيت ابوها وعانس واكيــــــــــــد فيها عيب
ولو شافها واحد فشغلها وخطبها قالوا اكيـــــــــــــــــــد سوتله عمل ولا صار بينهم قصة حب (لاقدر الله)
ولو يا وخطبها من اهلها وهو مايعرف عنها شي ..قالوا هاااي امها ما داهنه سيرهم عدل..


فالاخير الحسد معمي قلوب الناس .. انا ما اشوف فيها اي شي غلط
دامه قرا معلوماتها وعقب تواصل ويا اهلها ويا وخطب .. وين العيب و وين الغلط اباا افهم؟؟

 

[قيادة حرس الرئاسة]

بالتوفيق لك .. خيوؤوو​

 

[غزلان البريمي]

ما ظنتي حد عااقل ومسلم يآخذله وحده عن طريق النت هذا إلا إذا جااان مب صااحي

:afkr:

يسلموا خيوو ع طرحك الزيين والله يوفجك ان شاء الله :afkr:

 

[غلاها]

انا ضد هالمواقع

كيف الواحد يتزوج وحده عرف معومات عنها عن طريق النت
طيب احتمال كبير تكون المعلومات غلط
وكيف وحده تتزوج واحد عن طريق النت
ما تعرف اخلاقه وطبايعه

ما في حد يكون فيه عيب ويقول انا فيني كذا وكذا
يعني كل شي بينكشف عقب الزواااج


ما اعتقد بتكون موجوده ثقه بين الطرفين
صعب تنوجد بينهم
واذا صارت بينهم ثقه مابتكون بطريقه سهله

شو حلاته الزواج التقليدي والله

هذي وجه نظري

 

[حصر الحلا]

السلام عليكم ورحمة الله وبركاته:imuae50:

فيه عندي ملاحظات خارج النص: اختي العاثرة صورتج الرمزية مضايجتني
والله انها مب شي
وأدري انج ذوق وهالصورة ابدا ابدا ما تعبر عن شخصيتج
بس شكلها نشاز في المنتدى
واعذريني ع الدفاشة ..

أخوي ذيب : تسلم ع الموضوع وأحسه جذب انتباه الجميع..

نرجع لموضوعنا...

بصراحة ياجماعة
مادري المشكلة من منو؟؟
من المجتمع او من الناس او من المواقع

انا شفت هالمواقع والبنات اللي فيه تقريبا لقيت أعمارهن 19 - 20 - 21 - 22
يعني هالبنات (عوااانس) مثلا؟؟!!
لاا..

بس البنت صارت تسمع كلام وايد من المؤثرات الخاجية وتكبر على هالكلام
من المدرسة - الجامعة - اربيعاتها - جيرانها - وحتى من أهلها
يعني وايد مكبرين الموضوع
البنت صارت تخاف من كابوس اسمه ال(عنوسة)
وتبا تبتعد تستر على عمرها من هالمجتمع ال(خربااان) واسمحولي ع الكلمة
بس صدق عالمنا اخترب.. الحين الزنا عيني عينك.....
وانتو تعرفون أكيد شو اللي أقصده
وقالت عيل بلحق على عمري قبل لا يطوفني قطار الزواج ولا انخرط في هالمجتمع
والانسان طبعه يحب ايجرب كل جديد وبدون تفكير ممكن انه يقع في الغلط وبعد فوات الاوان يكتشف انه غلط
وبتندم وبتقول ياليت اللي حصل ما صار

وعشان جيه الحين ظهرت قنوات ومواقع الزواج والتعارف
طبعا الانسان الجاد ع نياته بيسجل ع اساس يدور نصفه الثانه بغرض الزواج
وبنلاقي في نفس الوقت من الطرف الاخر واحد فاضي داش يتسلى او يلعب بمشاعر الآخرين
وهنا تحدث المشكلة...وهذا بنسبة خلنا نقول 90% إذا تفائلنا
والباقي اللي يحالفه الحظ ويتزوج أو بعده في مرحلة البحث أو يقتنع ان النصيب بييه الى بيته وينتظر

يعني المشكلة في الناس وليست في المواقع والقنوات يا اخواني:182fd25f9b06446ba41

والكلام مابيخلص عن هالموضوع مهما كتبنا فيه
وأتمنى تقبلون رايي

والسموحة منج يالعاثرة
وتسلم ذيب ع الطرح النااايس:Afkr:

 

[عاشق البريمي AM]

هذا الموضوع ما صار ف مجتمعنا

وما أظن أن عاداتنا وتقاليدنا تسمح بهالشي

وسموحه يا خوي​

 

[شوق العـــامري]

بسم الله الرحمن الرحيم
عساك بخير ومرتاح ان شاء الله
انا موافقه انت قلت فوق ال18 عاد ما قلت اقل من ... يعني العيايز مسموح لهن

بصرااحه موضوع واايد حلو
وتسلم يمناك

طبعا رأي
انه البنات المفروض ما يستهويهن موقع مثل هذا لان نحن نعرف انه اغلب اللي يصير عن طريق النت او القنوات مجرد اشياء ظاهره يكون الهدف منها التسويق او الترويج
يعني لو بغيت اتزوج مثلا عندنا فالعين واايد خطابات وممكن اننا نوثق فيها لانها من اهل البلد
ومجرد انها تشاور الام بس يعني مالها خص فالشباب
يعني السالفه اتم بين الاهل فقط

والزواج عن طريق هالمواقع انا ما أأيده لانه يبعدك عن الواقع والمصداقيه اللي المفروض تكون فبداية أي علاقه
ومن سوى من عمره سبوس لعبت فيه الدياي

يعني البنت لو تبتعد عن هالمواقع احسن

والسموحهـ

 

[قيادة حرس الرئاسة]

الله يوفقكم ..

أنا ما راح اتزوج أعتزلت النساء هع ​

 

[شوق العـــامري]

مايكل احسن شي بتسويه بس ليش

 

[خفوق القلب]

اممممممم انا اشوف انه عادي طريق الزواج من النت لانه اذا كان فيه نصيب محد بيرده
يعني تخيلي وحده ما عندها اهل ولا حد مسول عنها
او واحد ما عنده لا ام ولا خوات وهو حاط مواصفات خاصه في باله وشافها فالنت وتعرف عليها وعيبته وعيبها وراح وتقدم لها شو الغلط الحين فيها ماشي غلط وبعدين الحين كل شي تغير ومب لازام يخبر العالم والدنيا انه خطبها من النت او شي
ويسلموووو

 

[امبراطورة القطبين]

أشكرك خيوووووووو ع موضوعك الرهيب ..

وأنا أكره وبشده هذه الطريقة للزواج لأنها غير موثوق بها اطلااااااااااقا ..

وأتمنى تحصل بنت الحلال الي تناسبك وتسعدك ..


تقبل مروري :: الامبراطورة

 

[عسووولة]

,,,, أنا ضد الزواج عن طريق ألنت ,,,يأخوي البنات واااااايد يعني لأزم أتعرف عليها وتصير قصه حب عقب أتزوجها ,,

المشوار واااايد بيطوووول ويمكن توصل لطريق مسدود ,,,وهذي المواقع تصير فيها نسبه قليله والمعظم يتسى ,,,



ع فكره أنا بعد حسيت أنه كلامك مناقض يعني طرحك للموضوووووع كان شي وعقب كانت ردووودك شي ثاني ,,,


أنت ما عارف شو تريد أصلا ,,,


نصيحتي خلى أحد من أهلك أمك, أختك ,عمتك ,خالتك اي أحد تثق فيه واااايد وأأأأكيد هى ما راح تقصر معاك ,,

وراح تختارلك البنت بكل الواصفات الي تباها ,,,والله يسعدك يا رب ,,,


والسوحه أذا غلطت أو جلت كلمه أزعجتك أو أزعجت القراء,,,

 

[ابتسامة ملاك]

لا تعليـــــــــــــــــــق :boggled:

 

[دانة غزر]

يمنع رفع المواضيع القديمه

يغلق