عن إذنكم يالإدارة : حطيت لكم طلب زواج .

الحالة
مغلق و غير مفتوح للمزيد من الردود.

~ ذيـــب بوظبـــي ~

¬°•| عضو فعّال |•°¬
إنضم
16 فبراير 2010
المشاركات
120
الإقامة
’’ღ..الله يادار زايد كيف محلاها ღ‘‘
السلام عليكم ورحمة الله وبركاته ..
إشحالكم يا ذربين الفعايل .. ربكم الا ابخير وما تشكون باس ..
المهم رديت لكم بعد غيبه طويله .. بس هالمره رديت لكم بشي
حصري ومن قلمي .. يعني هب منقول .. والموضوع حصري فقط لعيون
حبايبي ف منتدى البريمي ..

اليوم موضوعي غير عن كل المواضيع ..
أتمنى الأدارة ما تحذفه ولا يحصل فيه أي تغيير ..


أنـــا أبـــا أتـــزوج !!!

بس بشرط بحط لكم مواصفاتي واللي ترضى فيني حياها الله


أنا إنسان ملتزم وجاد ومرتاح من الناحية المادية ومن عايله معروفه،
موظف ف ديوان أحد الشيوخ طول الله ابعمره وعمري 24 سنه وطولي 178 سم ، وزني 84 كجم،
الحمدالله لا أدخن ولا أشرب الكحول ،
لم يسبق لي الزواج ومستوى تعليمي ثانوي
وأبحث عن إنسانه تقدس الحياة الزوجيه وأهم شي متدينة وتخاف الله وخلوقة
وتحترم أهلي وخاصة الوالدين ويفضل العمر فوق 18 .
وأتمنى إنها اتكون صادقة وياي من البداية وصريحه ف كل الأمور وصدقوني ما
يهمني الشكل كثر ما اتهمني أخلاق البنت وسمعتها الطيبة
للعلم اللي بتاخذني بتشبع من السفر لأن دوامي معتمد على السفر مع سموه ..


ظني قريتوا مواصفاتي عدل .. هااا شو رايكن فيني يالبنات ؟

بس السؤال اللي يخطر ف بالكم ليش ذيب بوظبي سوى هالشي ؟!!

أنا بقول لكم القصة كلها ..

من أيام كنت ملان ويلست أفتر فالمواقع .. ومن بين هالمواقع
لاحظت دعاية مكتوب عليها أبحث عن شريك أو شريكة حياتك ..
دخلت وشدني ديزاين الموقع ولاحظت فيه زحمة وعدد زواره ماشاء الله عليهم ..
عرفت إن هالموقع مختص بطلبات الزواج ..
من باب الفضول حبيت أسجل فيه .. والحمدالله أتممت عملية التسجيل بنجاح ..
ويلست أفتر فالموقع .. بعدين طلبوا إني اختار البلد
اللي أبا نصفي الثاني منه .. طبعا اخترت الامارات ..
فتح لي صفحة للراغبات فالزواج من الاماراتيات .. ماشاء الله
يعني زخيت راسي من عددهن ..
بس للأسف أنا ماقدر أراسل أي وحده والتواصل وياها إلا بعد دفع
رسوم رمزيه عبارة عن 125 درهم أماراتي فقط .. وبعدين بإمكاني
أشوف كل التفاصيل عن البنت الراغبه فالزواج .. من أيميل ورقم الهاتف
وعنوانها الكامل وكل شي يختص عنها ..
وقمت بالفيزا دفعت لهم المبلغ (كله من باب الفضول)
بعد ما خلصت التسجيل والمرحله الثانيه قمت أشوف الطلبات تنهال
علي .. اللي تبا الايميل واللي تبا تتواصل بالفون وغيره من ...
المهم طبيت الموقع وما دخلته غير مرتين بعد التسجيل ..
وبعد فترة طويلة من اخر زيارة لي قلت خلوني أشوف وين وصلت
أموري فالموقع هل لقيت بنت الحلال اللي تباني ولا بعدني ..

المهم دخلت الموقع وابصراحه الشي اللي شفته كان هب طبيعي
لقيت عدد زوار سيرتي الخاصة ف ملفي (231) راغبة فالزواج .
وعدد البنات الجادات للتواصل وياي (64) بنت .

زخيت راسي قلت ماشاء الله للدرجة هذي انا طلعت مرغوب ..

يا جماعة الخير صدقوني الموضوع خطير ..

تدرون ليش ؟!!


يمكن حد من ضعاف النفوس يستغل هالبنت المسكينه اللي على
نياتها ويتواصل وياها ويوهمها بالزواج وفالنهاية بتكون ضحية
لأنسان خاين وكذاب واستغل هالوسيله ف أشباع رغباته بطريقة غلط .

اللي أباه منكم ألحين ..


هل ترغبون بالزواج بهذه الطريقه ؟

شو رايكم فالمواقع والقنوات اللي تعرض طلبات الزواج ؟!

واللي عنده شي يضيفه ..



وهذا نموذج عشوائي لطلب وصلني :
( طبعا حذفت الرقم والايميل حفاظا على الخصوصيه )




للعلم الموضوع ساعه يلست أكتبه حقكم .. يعني بليز عطوني
ردود تستاهل واتكون على مستوى التعب اللي تعبته ..



والسموحه منكم على الاطاله ,,

تقبلوا تحياتي وخالص أشواقي أخوكم :

ذيب بوظبي
 
التعديل الأخير:

صقر قريش

¬°•| فخر المنتدى |•°¬
إنضم
13 أبريل 2010
المشاركات
2,391
الإقامة
في كل مكان
اول شي الله يوفقك اخوي وتحصل البنت الي تسعدك.لكن بصراحه فكرة الزواج عن طريق الانتر نت والكمبيوتر مب زينه ولا تليق بمقام الواحد خصوصا ان نحن مسلمين وعرب ولنا عادات وتقاليد.ومن وجهة نظري البسيطه اطلب الزواج بطريقه التقليديه يعني كلم احد من اهلك يشوفلك بنت الحلال الي تناسبك يكون افضل.

والسموحه
 

~ ذيـــب بوظبـــي ~

¬°•| عضو فعّال |•°¬
إنضم
16 فبراير 2010
المشاركات
120
الإقامة
’’ღ..الله يادار زايد كيف محلاها ღ‘‘
اول شي الله يوفقك اخوي وتحصل البنت الي تسعدك.لكن بصراحه فكرة الزواج عن طريق الانتر نت والكمبيوتر مب زينه ولا تليق بمقام الواحد خصوصا ان نحن مسلمين وعرب ولنا عادات وتقاليد.ومن وجهة نظري البسيطه اطلب الزواج بطريقه التقليديه يعني كلم احد من اهلك يشوفلك بنت الحلال الي تناسبك يكون افضل.

والسموحه



تسلم شيخي وأخوي الغالي صقر قريش على مرورك ع الموضوع
وعلى ترك بصمتك ف الموضوع ..
بخصوص الزواج التقليدي ..
حتى أنا أفضل الزواج التقليدي وبالطريقة المتعارف عليها
وانا سجلت ف عالموقع بس من باب الفضول .. ولكن فالواقع
أنا أرفض الزواج بهذه الطريقه .. ومن أشد المعارضين
أيضا لهم .
 

Smoooya

¬°•| عضو فعّال |•°¬
إنضم
9 فبراير 2010
المشاركات
164
الإقامة
البريمي
!!!!

انا سمعت عن مواقع الزواج بس ماتصورت لهادرجه الموضوع .!

امم بالصراحه هالظاهره ماصارت الا لسباب وظواهر اخرى >>انا اشوف انتشار موضوع العواااانس او العنوسه عند البنات ادى الى رغبه الفتاه بالارتباط الفتاة باي طريقه ..!

يعني ظاهر ه تؤدي الى ظواهر ...


هل ترغبون بالزواج بهذه الطريقه ؟

طبعا لا ..!
شو رايكم فالمواقع والقنوات اللي تعرض طلبات الزواج ؟!

بالصراحه انا اشوف هالموااقع مب غلطانه هدفها واضح الارتباط والزواج بس الغلط اللي يدشون ويلعبون ..لاني اشوف الكثير ماخذ الموضوع بجد .!

وتسلم اناملك اخوي ع الطرح القيم ..!
 

الشامسية

¬°•| شيف ملكي |•°¬
إنضم
15 يونيو 2010
المشاركات
5,136
الله الموفق
الواحد ونصبه في الدنيا

خل اهلك يدورون لك واهم شي تكون انت راضي ومقتنع
والمكتوب بيد الله
 

خفوق القلب

¬°•| عضو مميز جدا |•°¬
إنضم
28 ديسمبر 2009
المشاركات
503
الإقامة
فوق السماء
انا عن نفسي اقضل الزواج التقليدي وهالمواقع ما منهن فايده ياغير عوار الراس والتسليه فقط وبعدين ف الموقع ايحطون صفات حتى مب لهم انا وانا ومناك ماشي منه كله خريط يوم تتعرف عليه اكثر تنصدم انه انسان عكس الي قاله

اما زواج حقيقي بيصير شرات زواج العالم مستحيل يمكن تدوم فترة الزواج من بينهم بس فتره قصيره وبعدين اذا مل منها بيروح يدور غيرها من هالمواقع والا بيتم يعيارها حتى لو كانت بنت ناس محترمين بيقول لها الا انا متزوجنج من النت انتي الي بغيتي هالشي وتحملي ما يصيبج والله يوفقهم
يسلموو اخويه ع الطرح الطيب ربي يعطيك العافيه
الصراحه طرح كشوخي ابدعت وتستاهل التقيم عليه ^^
 

فنتكـ

موقوف
إنضم
9 يوليو 2010
المشاركات
351
الإقامة
في الواقع للاسف
الله يهديك يا خوي
ويهدي الجميع

اعذرني على الكلام الي بقوله مقدما
ياخوي المواقع الي تتكلم عنها
الي تساعد للربط بين الاشخاص
لا تصدق انها صدق للزواج
ههههههههههههه
هيه يمكن 3% للزواج و 5% لنقل الامراض الخبيثه اعوذ بالله
و 92% للتعارف هاذي نسب تقريبيه

اعتذر مره ثانيه

بس لو راسلتك بنت وقالت لك انا ابي اتزوجك
شو اول فكره تاخذها عنها
انها فالتوه صح
:)
يعني هل تتوقع البنت الحشيمه الي مربينها اهلها بتقولك
انا ابي اتزوجك
تتمصخر انت
يالله
ربي ايوفقكـ ويمكن اكون على غلط
البشر بطبعهم خطائون

والسموووحه على اي شي بدر مني زعلك او زعل اي قارى
 

العاثرة

¬°•| عضــو مــهــم|•°¬
إنضم
11 مارس 2009
المشاركات
615
الإقامة
عنـــد الكفــيل
السلام عليك ورحمة الله وبركاته
اول شي مشكور اخوي على اختياركـ لهالموضوع
و يعطيكـ العافيه ع المجهود اللي بذلته

بصراحه عيبني فضولكـ وحسستني انكـ تشبهني من هالناحيه(نوعاً ما)
انا ياما شفت هالمواقع وكم مرره بغيت ادش اسجل اختي فيها<<تبا الفكه
ههههههه مب سالفة اني ابا افتكـ بس اني ابا حجرتها وهي ما تبا تظهر

المهم ماعلينا
نرجع للمهم واعطيكـ المفيد <<كلامي كله فايده

اولاً الزواج بهالطريقة ..نظرتي له حيادية لا اني ضده ولا اني اوافقه
بس بصراحه ما اشوف فيه شي غلط ... خصوصاً اني سمعت عن ناس فعلاً تزوجوا بهالطريقة وكل شي مشا عادي

يمكن فكرته غريبه فمجتمعنا والكل بيشوفها (عيب و فضيحه) لأن البنت اشكره فالويه تقول ابا اتزوج ...

بس محد يعرف شو معنى ان البنت تكون خليجيه وعانس ..انا نفسي كنت اتمصخر ع الموضوع وغيره لين تعرفت على مجموعة بنات اللي دشت الثلاثين واللي تخطتها وهن للحين يعانن فبيوت اهلهن تعليقات ، اضطهاد، تحقير...الخ
كسر شخصيه وتحطيم معنوي ... طبعاً في منهن اللي صاعت وقالت اللي طز فالعيشه دام ما يابلنا الشرف شي شو نباه... غلط ..ادري انه غلط بس مب كل انسان قوي بما فيه الكفايه عشان يقول لاااا للغلط ..

فهالحاله اشوف هالمواقع الحل الانسب ..سبحان الله ..يمكن تلقى نصيبها بهالطريقه
وحتى لو ما لقت بتم عندها امل انها فيوم بتلقاه ..لانها تسمع عن فلانه وفلانتانه اللي عرسوا بهالطريقه


الموضوع خطير!!!

ممكن

فهالزمن صار الحذر شي أساسي ... لأن المسلم ما صار يعرف شو هو الاسلام
والأخوا ما عاد يخاف على خواته واليار مايحترم الجيره

الأمان صار شي نادر

عشان جي هالمواقع ينخاف منها ولازم الوحده او حتى الواحد يتحذر منها

بس فالأخير دايم اللي كاتبه ربكـ بيصير


مب شرط نكره فكره معينه بس لمجرد انها تختلف عن اللي تربينا عليه
نحن تعلمنا ان البنت تكبر وتتعلم السنع وتنثبر فبيت ابوها لين اييها النصيب
وانها عيب تطري الزواج او حتى تحلم به..

بس الحين كل شي ثاني تغير ليش بنوقف عند هالمسأله وبنقول منقود؟؟



 

امير الحب

¬°•| حلم وانتهى |•°¬
إنضم
3 أكتوبر 2009
المشاركات
544
لك جزيل الشكر على هذا الموضوع


الذي حاز على اعجااابي ( وبلأخص استغربت )


هل ترغبون بالزواج بهذه الطريقه ؟

لا والف لا لا اريد هذي اطريقه بل بطريقة التقليديه .. ( معااارض )


شو رايكم فالمواقع والقنوات اللي تعرض طلبات الزواج ؟!

لاتعليق ..

واللي عنده شي يضيفه ..


الي عندي ياطويل العمر ( تستاهل التقيم )



احترامي وتقديري,,


امير الحب ,,
 

العاثرة

¬°•| عضــو مــهــم|•°¬
إنضم
11 مارس 2009
المشاركات
615
الإقامة
عنـــد الكفــيل
فنتكـ


كنت بظهر و جذبني ردكـ

الحين البنت صارت فالتوه عشان قالت بتزوجك؟؟


ما اريد اناقش وايد فهالنقطة

بس تذكر ان السيدة خديجة رضي الله عنها هي اللي عرضت ع الرسول انه يتزوجها

وما اظن انه عدل ..انكـ تحكم على بنت وتشككـ فشرفها لمجرد انها قالت الصدق


السموحه على ردي
وادري انه مالي خص
بس جوابكـ استفزني شوي


:)


ربي يحفظكـ اخوي
وانشالله الموضوع يكون واضح
ومايصير اي سوء فهم
 

مشاغب

¬°•| <font color="#040000"> زçـــيم </font><font
إنضم
24 فبراير 2009
المشاركات
2,474
ومن هذه المينونه الي بزوجك
 

فنتكـ

موقوف
إنضم
9 يوليو 2010
المشاركات
351
الإقامة
في الواقع للاسف
اممممممممممممممم
اتوقع انه نزل في موضوع نقاش صح
يعني ايصير اتناقش في هذا الموضوع
يعني لا حرج في اضافت رد ثاني

العاثرة

تابعت كم موضوع لج على السريع وما شاء الله عندج حجة اقناع فضيعه
ولسانج اينقط عسل وما انكر ان مواضيعج ساهمت في جعلي عضو في اسرتكم الكبيره

الحلم شي والواقع شي ثاني
..
فيه الزين وفيه الشين
فيه الدكتاتوري وفيه الديمقراطي
..
البيئه والناس الي عشتي وياهم لهم دور كبير في تغيير افكارك
مثلا عندج في الخليج بشكل عام العباه ضروريه
بس فيه ناس ما اتطبقها .. ما نقدر انقول عنهم انهم مش ملتزمات ولا ولا
ولا مش مسلمات عندج في مصر وغيرها مسلمات وملتزمات بس يلبسن بناطريل
ومايلبسن عبي :D (( هههههه عشان جيه انسافر هناك خخخخخ ))
نرجع للموضوع

فيه مثل قديم يقولوه عندنا
(( حلاة الثوب قطعته منه وفيه ))
يعني اذا عادي اختك تعر نفسها للزواج في مواقع على الانتر نت
فمافيها شي اذا اتزوجت عن طريق النت
واذا عادي اختك تفر العباه وتفر الشيله
فعادي حرمتك اتفر لعباه وتفر الشيله او الي بتاخذها
اممم واذا عرضت نفسها للزواج واهلها ما يرضون او بدون علم اهلها
فعرف ان السالفه فيها شي
اما انت يكون العيب فيها او العيب في اهلها

احاول اوصلها بطريقه ثانيه
يعني المتمسك بدينه اذا شاف اليهوديه اتروح عند اكثر من شخص
يطلق عليها اسم ( العاهره )
بس اليهود عندهم شي عادي وهيه مجرد علاقه عابره
..
وينطبق الحال علينا نحن ما ادري عنكم بس عني انا والي اتربيت عليه
اذا شفنا وحده فاره العباه وهيه من بنات البلاد
انسميها فالتوه يعني اتسوي الي تبيه محد يردها لان توقعنا انه مستحيل اهلها يدرون عنها ويسكتون
اما اذا كانت اجنبيه فنسكت لانها تربت على هاه الشي
انشاء الله اتكون وجهت نضري وصلت
والسمووحه اذا خربطت اشوي هاذيل اليهال ايصارخو
ما خلوني اعرف اكتب شي الله ايعقلهم
 
التعديل الأخير:

Ąℓŋ3αỉмỉ

¬°•| مُراقب سَابق ومطور |•°¬
إنضم
19 يوليو 2008
المشاركات
8,398
العمر
33
الإقامة
[البريمي دآري ومربآي] « ™
لاهنت خووي ع الطرررح

..

الله يوفقك وتحصل بنت الحلال

..

والله في موواقع للزوواج

ويااحظ من وفق رراسين بالحلال

..

بس امبيني وامبينك الزوواج عن طرريق النت اكبر غلط ..
 

العاثرة

¬°•| عضــو مــهــم|•°¬
إنضم
11 مارس 2009
المشاركات
615
الإقامة
عنـــد الكفــيل
احم احم

مثل ما قلت اخوي موضوع للنقـــاش


ما اشوف انكـ تقدر تقارن العباه بالزواج

يعني انا فاهمه الفكره اللي بتوصلها وصدقني اني وياكـ فيها

انا فيه اشياء وايد تربيت على انها غلط وصعب اتقبلها بس بعد اهلي علموني اني

انا تربيت بهالطريقه وغيري تربا بطريقة ثانيه ولازم احترم تفكيرهم.

يعني اذا شفنا سالفة العباة و للحظ الموقف صار لي

وحده من البنات اللي تشتغل وياي بنت عرب واصل وقبايل وقررت تفصخ عباتها لأنها ماتشوفها ضروريه ولا انها من الدين (على حد قولها)وانها مجرد عادات ..دامها بتستر عمرها بلبس محترم مايهم الباقي ..نست المسكينه ان هااي هي نظرتها بس بينما المجتمع بيشوفونها بطريقه مختلفه تماماً وبيحكمون عليها بالصياعه وغيره..


عموماً نرجع للموضوع

الزواج

<<<عن يزعل علينا راعي الموضوع


انت تعرف واكيد توافقني بأنه كل انسان عنده حاجه فطريه لشريكـ فحياته

محد فهالدنيا يتمنى يموت وحيد ..بدون شخص يشاركه كل لحظه فهالحياه

والاهم مافي شخص ما يحلم بياهل من صلبه

بس الزواج نصيب ... يا يكون مكتوب لك او لا

طبعاً كل ما يزيد عمر البنت وتزيد هرموناتها وتزيد حاجتها للشريكـ

يبدا العذاب النفسي ربيعتي فلانه تزوجت ..هي شفيها احسن مني..اختي الصغيره

انخطبت ..فلانه العرجا ياها فلان الفلاني .. حتى شغالتنا بترجع بلادها تتزوج

طيب وانا؟؟!! شفيني ...شو ناقصني ؟

هذا غير كلام الاهل وكلام الناس وغيرهم بيقولون انها صايعه ولا ان الناس شافوا

عليها شي...الخ

فبيكون شي طبيعي فالأخير انها تحاول تلقاه بنفسها

طببعاً اذا هي ماتشتغل ولا تشوف حد غير فلانه اللي ما عندها اولاد وفلانه اللي كل عيالها متزوجين .. ما تتوقع ان حد بيخطبها

فتقول بدور المعرس او بصيدلي معرس والأجر على الله

فهالحاله اشوف انها تدور على النت اسلم بألف مره من انها تحاول تلقاه بطرق ملتويه

وانت عارف قصدي

صعب نتقبل المنقود من مجتمعنا واللي انزرع فينا على انه فضيحه بس الناس

فحالاة اليأس آخر همهم العيب والفضيحه .. كل تفكيرهم يكون منصب على وين المخرج؟

اتمنى انه فكرتي تكون واضحه

:)
 

صقر قريش

¬°•| فخر المنتدى |•°¬
إنضم
13 أبريل 2010
المشاركات
2,391
الإقامة
في كل مكان
عندي مداخله بسيطه

مثلا لو انا تزوجت عن طريق الانتر نت ياترى شو بيقولو الناس عني وعن البنت الي تزوجتها

شو بتكون فكرتهم عن البنت؟؟

اكيد بيقولون لا قطنها من الانترنت والبنت......الخ

وبصراحه انا اشوف بنات الحلال الموجودات ف البلاد مب قليلات

والبنت لما اكون سائل عنها وعارف اصلها وفصلها اكيد بكون مرتاحلها

بصراحه ما اعتقد ان الواحد بيضطر يتزوج من الانتر نت
 

فنتكـ

موقوف
إنضم
9 يوليو 2010
المشاركات
351
الإقامة
في الواقع للاسف
اوب اوووب
احييك يا
صقر قريش
ونت يا وسمي البريمي
على الاتفاق في وجهة النضر
هيه العاثره يبيلها تجمع قبائل عشان
تسحبو البساط منها هع
يعني لو قالو للبنات حطو انتو القوانين
وقولو لنا الي ايصير والي ما ايصير
المنقود والعادي
جان بتشوفو عجب العجاب
بس الحمد لله على نعمه اللتي لا تعد ولا تحصى
 
التعديل الأخير:

~ ذيـــب بوظبـــي ~

¬°•| عضو فعّال |•°¬
إنضم
16 فبراير 2010
المشاركات
120
الإقامة
’’ღ..الله يادار زايد كيف محلاها ღ‘‘
!!!!

انا سمعت عن مواقع الزواج بس ماتصورت لهادرجه الموضوع .!

امم بالصراحه هالظاهره ماصارت الا لسباب وظواهر اخرى >>انا اشوف انتشار موضوع العواااانس او العنوسه عند البنات ادى الى رغبه الفتاه بالارتباط الفتاة باي طريقه ..!

يعني ظاهر ه تؤدي الى ظواهر ...


هل ترغبون بالزواج بهذه الطريقه ؟

طبعا لا ..!
شو رايكم فالمواقع والقنوات اللي تعرض طلبات الزواج ؟!

بالصراحه انا اشوف هالموااقع مب غلطانه هدفها واضح الارتباط والزواج بس الغلط اللي يدشون ويلعبون ..لاني اشوف الكثير ماخذ الموضوع بجد .!

وتسلم اناملك اخوي ع الطرح القيم ..!



Smoooya

أشكرج على مشاركتج وعلى ردج على الموضوع

وتسلم اناملك اخوي ع ردج المميز ..
 

~ ذيـــب بوظبـــي ~

¬°•| عضو فعّال |•°¬
إنضم
16 فبراير 2010
المشاركات
120
الإقامة
’’ღ..الله يادار زايد كيف محلاها ღ‘‘
الله الموفق
الواحد ونصبه في الدنيا

خل اهلك يدورون لك واهم شي تكون انت راضي ومقتنع
والمكتوب بيد الله


تسلمين أختيه الشامسيه على ردج الجميل ..

الحمدالله أنا بعدني ما فكرت فالزواج يوم بعزم أكيد

بتزوج على الطريقة اللي متعارف عليها ألا وهي

الزواج التقليدي ..​
 
الحالة
مغلق و غير مفتوح للمزيد من الردود.
أعلى