الفار ابو كلينكسه (نعي)

الموضوع في ',,البريمي لـ المواضيع العامة' بواسطة العاثرة, بتاريخ ‏6 جويليه 2010.

  1. العاثرة

    العاثرة ¬°•| عضــو مــهــم|•°¬



    اخط لكم احرفي و مخاخيطي وصلت ركبي من زوود حزني <<<تسمع عن الكناية فالعربي
    وعدساتي جفت من كثر ما صحت
    وغديت ينيه من ينانوة الزمن الغابر

    طبعاً انا سمعت بناس يحلّوون يوم يصيحون بس انا مابدني شي من هالجمال
    عموماً ما علينا

    الله يسلمكم كنت من كمن يوم سهرانه فالحجرة ويا خواتي وفجأه شفنا فار (صغيرووون) يركض فالحجره
    مر شرق مر غرب
    طبعاً ما اعرت الموضوع اهتمام ومع الايام صار الفار صديقنا
    ومسولنا اكشن فالحجره
    مر يطلع يركض شال كلينكس فحلجه
    ومره يطيح فالزباله (الله يعزكم) ويتم يخرخش
    ومر يطلع ويتم واقف ويطالعنا

    بعدها امي درت بالموضوع وطبعاً بما انه ذكر <<<عرفت انه ذكر من خفة دمه وهبله
    و داااش غرفة بنات ..حكم عليه بالموت

    قالت امي بتحطله سم ..قلنا : لا ..بيموت ورا الكبت وبيسويلنا ريحه
    اقترحت انا ناخذ واحد من الاقفاص (المصيده) ونحطه له بس امي قالت انه و بسبب حجمه الصغير بيظهر منه
    فالأخير كُلفت انا محدثتكم العاثرة بإن اشتريله لصق او قفاطه و انهي حياته
    المهم ما بطول عليكم ... خفت اخذ لصق لأنه ما بيجتله وبالعكس بيتعذب
    فخذتله قفاطه وجربتها ع صبعي <<<ام العباطه
    المهم بعد الالم اللي فصبعي قلت لاااا..هاي اكيد بتجتله بخبطه وحده
    المهم اننا نصبناها ويلسنا نشوف تايتانك <<<شدخل
    وشوي ولا تزخه .. رفعت راسي ولا اشوفه يلبط و يصااوي
    طبعاً هني قمت اصيح وحسيت بالذنب لانه ما مات مثل ما توقعت وتعذب مما اضطر اخوي انه يجتله <<لا تسألوني كيف


    احم احم
    هني ببدا الموضوع <<< عيل ذيج الهذره كلها شتطلع!

    بعد ما مات الفار و مات جاك فالفلم << ناعرت من الخاطر ذاك اليوم
    فكرت فهالموضوع ..ليش انا جي بسرعه ينكسر خاطري واحس بالذنب ومادري شوه ..
    تمنيت لو اني قاسيه وشديده وما اعرف اصيح <<<من كثر ما عايبوا عليها
    عقب تذكرت فلسطين ..اليهودي يجتل ام و طفل رضيع وشايب ضعيف بدون ما يرمش بعينه
    هذي هي القسوة
    اخوا يضرب اخوه ويسبه و يسرقه ويطرده ويقاطعه بالسنين
    هذي هي القسوة
    يار يرمس على ياره ويتهمه فشرفه ويطعنه فظهره ويشوفه ينكسر جدامه ويخسر هيبته
    هذي هي القسوة
    اولاد رابطين كلب فسدره وما خلوا غرشه ولا حصاه الا وفروها عليه وهم يضحكون كل ما عوا الجلب
    هذي هي القسوة

    انا مب جذي ولا ابا اكون جذي ..لاني بشر ولاني ابا الناس ترحمني مثل ما ارحمها
    والاهم من هذا هو اني مسلمه ... ما اقو اني مطوعه ..او عالمه بالدين
    لكني اعرف ان الله تعالى قال :
    " وَمِنْ آَيَاتِهِ أَنْ خَلَقَ لَكُمْ مِنْ أَنْفُسِكُمْ أَزْوَاجًا لِتَسْكُنُوا إِلَيْهَا وَجَعَلَ بَيْنَكُمْ مَوَدَّةً وَرَحْمَةً "
    واعرف ان الدين وصانا بالرحمه وان ربنا سمى عمره (رحيم)
    وان الرسول عليه الصلاة والسلام قال : ( لا تنـزع الرحمة إلا من شقي )
    دينا وصانا بالرحمه ..حتى رحمة الحيوانات ما نساها ولا استثناها
    :
    القسوة دخلت بلادنا ودخلت بيوتنا .. و دخلت قلوبنا
    وبصراحه صرت اشوف اليهودي رحيم اكثر من المسلم اللي يقسي على اهله ويرانه وناسه
    على الاقل اليهودي سمى المسلمين اعدائه وقسى عليهم لكنه رحيم باهله
    والمسلم يقسى على اهله اللي هم من دمه ولحمه
    السموحه طولت عليكم
    سلاماتي لكم واحد واحد
    اثنين اثنين
    ثلاثه ثلاثه
    <<<وصلت الفكره ولا اكمل!!

    :hai-there:
    العـــــــــــــاثرة
     
    آخر تعديل: ‏11 جويليه 2010
  2. أم أحمـد

    أم أحمـد ¬°•| ~~سُوِيْرِهُ السَّعِيْدِيّ~~|•°¬

    هههههههههه
    لا وصلت كامله مكمله ..
    تمثلت في تعريف حياه مجتمع ..
    وحاال شعب ..
    وفقتي الطرح.. ونعشتي عقوول باتت
    في سبااات ..
    الا الفار كيف صرفه اخووج هع القاسي القلب هع
    تستحقيين التقييم
    تقبلي مروري
    احتراماتي
    سويره
     
  3. العاثرة

    العاثرة ¬°•| عضــو مــهــم|•°¬

    مشكووره على المرور اختي ام احمد
    نورتي الموضوع بحضورج

    :)

    مادريبه شقايل جتله هع
    اقولج كنت يالسه اباغم هههههه


    عساااج ع القوة اختي
     
  4. SaD G!Rl

    SaD G!Rl ¬°•| عضو مميز |•°¬

    ،،،

    يا الشيطونة يا العاثرة ،،،

    ما أدري أضحك عليج ولا أتضايج

    لموت الفار ؟!

    هذا الموضوع الثاني أقراه حقج وربي إنتي

    مبدعة ولذيذة الطرح ،،،

    بديت أقرأ وأنا متشوقة ومتوقعة بيطلع

    شيء مهم ،،، سبحان الله،،،

    ،،،

    نرجع للـــ main point

    غاليتي ،،،

    أين الرحمة ؟

    نحن بتنا لا نعلم مفهوم الرحمة الآن!

    المشكلة نحن لا نفكر بأن من "لا يَرحم.. لا يٌرحم"

    نحن نعرف الظلم على فلسطين من سنين

    وكما ذكرتي ربما اليهود أرحم منا نحن المسلمين

    على الأقل اليهود رحماء على بعضهم ،،،

    كل يوم نسمع الأخبار أن أسيوي مسلم إعتدى على طفل

    أو طفلة أو إمرأة ،،، هذا كان مسلماً !

    الجار لا يساعد جاره ولا يعرفه ،،، نحن مسلمين،،،

    الأم تفرق بين أولادها ،،، هي مسلمة

    الأخ الصغير لا يحترم الكبير ويشتمه،،، هو مسلم

    الزوج يكذب على زوجته ويخونها وهي لا تعلم الفقيرة

    ، أعطت الثقة لزوجها ،،، هو مسلم ، أين الرحمة والصدق؟

    أخيتي

    أين نحن وفي أي عالم نعيش ؟

    نعم أصدق نحن مسلمين بالإسم فقط

    لا نتبع كتاب الله وسنته نبيه عليه الصلاة والسلام،،،

    ربي يهدينا جميعاً ،،،


    ،،،

    لكن في ناس في قلوبهم رحمة ولله الحمد

    شراتج انتي أو شرات الكثيرين اهني

    وبره ،،،

    عندي قطوة ،، دشت المطبخ وأنا ما شفتها

    فدست على ذيلها وحليلها صرخت :cute:

    والله اني تضايجت لدرجة شليتها ويالسة

    أرمسها ، حبيبتي سامحيني ،،،

    وأمايه ضحكت عليّ وقالت لي

    إنتي مينونة ، أحين هاذي شو تفهم :boggled:

    never mind المهم أنا أذيتها وتعورت ،،،

    ،،،

    في وايدين بعدهم عندهم رحمة في قلوبهم ،،،

    ولله الحمد ،،،

    يزاج الله ألف خير يا العاثرة "" ربي يسهل حياتج،،،

    ،،،
     
  5. العاثرة

    العاثرة ¬°•| عضــو مــهــم|•°¬

    مادري اقوم انعش الحين ولا أسطر اختي طراق من الفرحه <<<متغيظه منها

    لأول مره ومنذ زمن حسيت ان صدق في حد يقرا

    وصدق في حد يبا يفيد ويستفيد


    تسلمين اختيه على هالمرور اللي برد فوادي ورفع معنوياتي

    دام في هالمتدى لو شخص واحد يقرا مواضيعي يسدني

    :)

    لاعدمتلج هالطله يالغلا

    عساااج ع القوة
     
  6. سنيوريتا

    سنيوريتا ¬°•| مُشرِفة سابقة |•°¬

    الصراحه ما اعرف اكتب مثلج بس بقول

    طرحج وايد حلو ما شا الله عليج

    استمري فديتج
     
  7. العاثرة

    العاثرة ¬°•| عضــو مــهــم|•°¬

    :)
    مشكووورة على رفع المعنويات يالغلا
    من ذوقج تقولين هالكلا
    نورتي الموضوع بحضورج
    عساج ع القوة
     
  8. العاثرة

    العاثرة ¬°•| عضــو مــهــم|•°¬

    أعزائــــي الـ33 مشاااهــد
    اللي ماردوا على الموضوع











    ايي ارد عنكم مثلاً!!
     
  9. فنتكـ

    فنتكـ موقوف

    كالعاده يالغابره

    في البدايه تدخلي البسمه
    وتغري الفار قصدي القارء
    لمتابعت الروايه او المقاله
    مثل امفترس الي يستدرج ضحيته
    ههههههههه
    وبعدها تعرضي عليه كل الحقائق المولمه الي اتخليه يمسك راسه
    ..
    كلامج صحيح 100% (( تووبه اعارضج ))
    لا صدج كلامج صح
    حسبي الله عليهم رابطين جلب في سمره ويشوتوه ويشاوتوه
    للاسف شهدت هاذا الموقف
    اذا الانسان طارت من قلبه الرحمه
    خلاص ما عاد انسان

    ربي يحفضج
    وزيدينا من خبرتج
    فمهما بلغنا من العمر نضل تلاميذ في مدرسة العاثره

    تعالي انتي ليش ما تفتحي مدرسه
    :)

    تقبلي مروري
     
    آخر تعديل: ‏12 جويليه 2010
  10. فنتكـ

    فنتكـ موقوف

    خخخخخخخخخخخخخخخخخخخخخخخخخخ

    لا يالسين نقرا
    شو ما تعطي حد يتالق برده ولا يقرا
    خخخخخخخخخخ
     
  11. QUEEN.B

    QUEEN.B ¬°•| عضو مميز جدا |•°¬

    هاي العاثره

    قصه نااايس ...

    انزين تاكدتو من الفار يمكن يطلع " هامستر "

    يا حليله والله

    لو كان عندي كنت

    ربيته

    ونظفته

    وسبحته

    واكلته


    وشربته


    ولبسته


    ورزيته


    وسنعته ....


    بس العبره في الاخير كانت رائعه

    يسلمووو


    بس بعدها " بيونسي " مالي

    احسن من الدويخه مالتج ههههههه


    ثانكس
     
  12. جسووم

    جسووم ¬°•| مراقب سابق |•°¬


    أُخْتِي الْعـاثَرَة مُقَدِّمَة وَلَا أَرْوَع !

    وَيُعَيِّن قَلْبِج يَا رَبِّي !

    كُل الْقَضِيَّة هِي فِي مَدَى اسْتِجَابَة الْتَّأْوِيْل الَّذِي يَرْتَضِيْه كُل مُسْلِم عَلَى أخَيَيْه الْمُسْلِم !

    قُلْت جُذَّة قَضِيَّة الْقُدُس بِتَمْر عَلَيْهَا 60 عَام
    !

    وَنَحْن بَّنارْض الَرَآَي شـطـار
    !

    وَجَنَّه الْجِتَل صَار فُرْجَة وَنَحْن الْمُسْلِمِيْن نَتَسَلَّى بِشَوَفَتِه

    عِشـان نَكْتُب الْخَبَر بِالْجَرَايِد !

    وَعَلَى قَوْلَة الْشَّاعِر :

    بَاهُمَالِكُم بَدَّلْتُم الْثَّأْر بِالْعَار ... بُعْتُم تُرَاب الْقُدُس وَانْتُم تَشِوفَوَن


    دُمْتِي ع الْخَيْر !

    وَد

    ابْيَض

    جسووِم
     
  13. العاثرة

    العاثرة ¬°•| عضــو مــهــم|•°¬



    مشكووور على المرور اخوي

    نورت الموضوع بحضوركـ

    :) خلنا نتعلم قبل نعلم

    عساكت ع القوة
     
  14. العاثرة

    العاثرة ¬°•| عضــو مــهــم|•°¬



    حشى حشى
    مب فار ها اللي بتدلعينه كل هالدلع
    لو ولدج مادري شبتسويبه ظنتي بتحطينه ع راسج
    وبتدوريبه فالحواري

    :)

    هو لو كان متبتب جان قلت همسترر بس ضعيفون وحليله



    مشكوره على هالطله المميزه يالغلا
    نورتي بحضورج



    بنسبه للدويخه مالتي
    خليها تعدل المزاااج هالزمن يباله شي يفر الرااس
    :approved:
    <<< حشاشه
     
  15. العاثرة

    العاثرة ¬°•| عضــو مــهــم|•°¬


    :61:

    هذا حلهم العرب

    بس دام فيه ناس يحسون بكبر الغلط وبعده ضميرهم حي

    يعني للحين في امل بتغيير فالمستقبل

    سبحان الله يمكن يطلعلنا جيل واعد او على الاقل خلنا نحلم بهالجيل


    مشكوور على المررو اخويه

    نورت الموضوع بحضورك

    لاهنت
     
  16. QUEEN.B

    QUEEN.B ¬°•| عضو مميز جدا |•°¬


    هي هي عيل شوو

    لو عندي ولد مب بس بدوربه فالحواير

    الا بخليه موديل عارض ازياء !!

    وهي والله خليها تعدل المزاج : مدام ام دوخه !!

    بس شو نوع زجارتها ؟؟

    اكيد نوع راهي هاه

    يليق فيها طبعا


    وثانكس ولا تحرمينا من طلاتج ...
     
  17. العاثرة

    العاثرة ¬°•| عضــو مــهــم|•°¬

    ههههههههههههههه
    عز الله اخترب الولد لو على تجلاج
    عسى يطلع ابوه بدوي ويتلاحقبه قبل لا تدمرينه
    البزا حق البنات مب الريايل


    زجارتها كووبيه مثل زجاير المافياا
    هق هق هق بشوي وشوياات
     
    أعجب بهذه المشاركة أ‌أ¤أٹأںأœ
  18. خافق احساس

    خافق احساس الفرَيق الإدِاري إداري

    ^^"~ العاثرة لج اسلوب // يختلف عن البقية

    حبيت الطرح و الهدف من الموضوع ههه

    دومتي مبدعة // متابعتج عن قرب

    تستحقي التقييم + 5 ستار

    احترامي لج
     
  19. العاثرة

    العاثرة ¬°•| عضــو مــهــم|•°¬

    :)
    مشكورة على المرور يالغلا
    من ذوقج تقولين هالكلام
    نورتي الموضوع بحضورج
    :)
    لاعدم ولا خلا
     
  20. ترحال

    ترحال ¬°•| عضو مميز جدا |•°¬

    يسلموووو ع الموضوع الاكثر م رائع ...

    لج طابع مميز انفرد ع غيره وهذا ثالث موضوع م مواضيعج الي قريتها وحازت ع اعجابي ...

    الله يسعدج ويحقق الي فبالج .....


    تقبلي مروري....
     

مشاركة هذه الصفحة