لحظة شقا (جديدي)

الموضوع في ',, البُريمِي لِلقِصَص والرِوَايات ,,' بواسطة لسعـۃ ع ـَـَذآب, بتاريخ ‏4 جويليه 2010.

  1. لسعـۃ ع ـَـَذآب

    لسعـۃ ع ـَـَذآب ¬°•| عضو مميز |•°¬

    بسم لله الرحمن الرحيم
    السلام عليكم ورحمة الله وبركاته

    هااي ثاني قصه لي اكتبها بالمنتدى


    :2ef0feb6691ddf055e6

    بداية قصتي من هنا وهناك يبدأ الألم والحزن وع صوت الحزن والآسي هناك فتاة بقمة الجمال والروعة وهي تبلغ من العمر 20 سنه بعدين بعرفكم عليها عقب من منا لم يذق طعم الم والفراق . في تلك الليلة تجلس ريم في غرفتها تذكر احلى الذكريات اللي عاشت من ثلاث سنوات من الهم والغم والتعب.

    الشخصيات:
    جاسم: الأب العصبي الدايم حق عياله وزجته ولكنه امقصر اشوي في حق عياله وزجته اللي ما قصرت معاه طول هاي السينين.
    مريم: الآم الحنونة واتحب عياله واااايد واجتماعيه وقضت حياته بين الحزن والسعادة
    خالد: أخو ريم الأكبر وهو ما شاالله عليه وسيم وامعضل اشوي واحلي شي فيه عيونه الذابحة وشعره طويل وعمره 22سنه ويدرس في كلية الشرطة
    هزاع: إنسان عصبي مثل ابوه وما يحب حد يغلط عليه او يصرخ عليه وعمره 23 سنه
    فيصل: إنسان حبوب وكشيخ من الدرجة الأولى و ماشاالله عليه رشيق ويحافظ على رشاقته واحلي شي فيه عيونه الوسيعه وشعر الطويل و عمره 18 سنه ويدرس في الصف الثاني عشر .
    خلود: بنت حبوووبه واتحب أخوها خالد وااايد وهي مشا الله عليها حلوه والحلو فيها عيونها وعمرها 14 سنه وتدرس في الصف التاسع ومشاكسة بشكل فضيع كله أتخبل في آخوها خالد​
     
  2. لسعـۃ ع ـَـَذآب

    لسعـۃ ع ـَـَذآب ¬°•| عضو مميز |•°¬

    الجزء الاول
    ريم: إنسانه حبوبه والكل يحبها وماشاالله عليه بنت بقمة الجمال والروعة من شدة جمالها وهي ما تشبه إخوانها ولكنها حزينة بنفس الوقت وعمرها 20 سنه وتدرس طب في جامعة الإمارات
    الجزء الاول
    ريم توها ناشه من الرقاد سايره الباث روم تتغسل وتتجهز عسب أتروح الجامعة . وخلصت الانسه ريم من الباث ولبست وحطت قلوز وردي وحطت كحال ولابسة تنوره وقميص لونه وردي طالع عليها كيووت. يوم يت بتنزل من ع الدرج يتها صرخة محترمه من اخوها خالد هي يحليها زاغت واتيبست مكانها مارا مت ترمس وخالد ميت من الضحك عليها وع شكلها .

    ريم: خالد يعلك يالهرم شوها ما اتعرف أتسلم أنت بس فالح أتصرخ
    خالد: لا ماعرف اسلم عندج مانع وي راااسج يلاه طوفي خلينا أنسير نتريق عشان اوصلج
    ريم: يلاه انزين طوف حدامي . وساروا هم الاثنين وسلموا ع ابوهم وامهم ويلسوا يتريقون مع بعض عسب يروحون الجامعه
    خالد: عيل وين خلود وفيصل لا يكون بعدهم راقدين
    ام خالد: لا هب راااقدين ناشين هم بس يلبسون بعدهم يقولون سايرين عرس هايل الاثنين هب سايرين مدرسه.
    ريم : ابوي ابا بيزات عشان اسير المكتبه اخذ لي كتب ودفاتر حق الجامعه
    أبوخالد بعصبيه: ماعندي بيزات انا وخلي المكتبه اتولي
    ريم في خاطرها بس ملينا من كثر ما نسمع هاي الكلمه: ماردت عليه سكتت وكملت ريوقها ويوم خلصت سلمت على امها وابوها وطلعت عنهم بسرعه وجان يحلقها خالد.
    خالد : ركب السياره وشغلها وتم ساكت ولا رمس عرف انه ريم شاله بخاطرها على ابوي .
    ريم: أتكلم اربيعاتها نواري واتقول انها احينه يايه انا بالسياره احيينه
    نواري: خلاص تمام بترياج برع عند الموقف انا اوكيه لا تتاخرين علي
    ريم: خلاص اوكي ما بتاخر عليج يلاه باي
    نواري :باي
    خالد: ريم كم تبين فلوس حق المكتبه عشان تاخذين الاغراض اللي تبينها
    ريم: خلاص برايه مابروح ماريد اشتري شي لا كتب ولا غيره
    حالد: ريم انا اعرف انج ماخذه بخاطرج ع ابوي بس شو انسوي لازم نرضي بالامر الواقع انه ابوي خلاص نسانا من حياته واحيينه قولي كم تبين.
    ريم : انا صح ماخذه بخاطري ع ابوي لكن نحن عياله لين متى نحن بنتم نسمع هاي الكلمة ماعندى وماعندي .ابي 30 درهم بس
    خالد: ماعليه لازم نتحمل شو انسوي بعد .بس 30 هايل شو بيسون لج
    ريم: يكفوني بس ماريد وايد انا
    خالد: ها خذي هايل 200 درهم وخليهم عندج اذا احجتي شي اخذي منهم
    ريم: شكرت اخوها وفي عيونها دموع بس تحملت ما اتصيح يدام اخوها
    خالد : لا تشكرين انا اخو ج وانا حاضر باللي تبينه.

    وصلت ريم الجامعة وشاافت ربيعتها نواري واقفه تترياه وراحت صوووبها وخالد وقف يترياه لين ما وصلت وعقب راح عنها .
    ريم: السلام عليكم اشحالج نواري اسمحيلي تاخرت عليج
    نواري: وعليكم السلام والرحمه الحمدلله زينه انتي اخبارج لا عادي افا عليج ماتاخرتي
    ريم: انا الحمدلله زينه عاشين. يلاه خلينا انروح الكلاس عن يعصب علينا السير الغبي
    نواري : ههههههه طوفي يلاه عن ياكلنا ويسوي لنا سالفه بعد ها السير
    راحوا هم الاثنين الكلاس وسلموا ع الموجودين والسير ماقال لهم شي يعرف انهن متاخرات بس ما قال لهن شي
    في كلية الشرطه عند خالد كان يتريا ولد عمته منصور يشرف والحبيب لين احينه ما وصل وخالد امعصب على الاخير , منصور دش الكليه ياي طاير زين ما دعم الريال .
    خالد: سلم على منصور هو امعصب جان يقول له جان ما يت احسن وخليتني اخيس بالشمس
    منصور:وهو يخاشم خالد السموحه منك والله هاي اختي الهبله اخرتني سنه لين ما تلبس اتقول سايره عرس هب جامعه خخخ
    خالد: هو يضحك يلاه ماعليه بسامحك هاي المره ويلاه طوف متاخرين ع الكلاس احينه بيطردنا ها السير
    وراحوا هم الاثنين طبعا الحبايب متاخرين عن الكلاس يوم بغوا يدشون الكلاس جان يقول لهم السير ليش متاخرين حضراتكم.
    خالد ومنصور : ساكتيتن ماردوا على السير يعرفون انه ما بيسكت بيتم يتحرطم عليهم وبيسوي لهم يوله بالكلاس
    ويلسوا الحبايب ولا نطقوا بكلمه وعقب السير بدا شرح الدرس.

    مر الوقت بسرعه ع ريم ونواري اللي كانوا ملا نين من كلاس سحب الدم والارف
    ريم: اااوووف بس لاه لاعت جبدي من ها الكلاس وها السير كله يتحرطم عنبوه ما يعرف يسكت دقيقه
    نواري وهي تضحك بصوت خفيف عشان السير ما يسمعها يلاه تحملي باقي اشوي وبنظهر من الكلاس
    ريم: يلاه بصبر وامري لله
    نواري : هههه صبري وامرج لله
    واشوي جان يظهر السير من الكلاس وتموا البنات يالسات بالكلاس يسولفون وي بعض .ومره وحده جان تصرخ عنود ع ريم ونواري لانه في الكلاس كله يرمسون . عنود تكره ريم بشكل فضيع عشان هي احلى منها والبنات كله متخبلات عليهن

    عنود: يلست صوب قوم ريم ونواري وتمت تقرص ريم واتقول لها انها بتراويها
    ونواري سمعت عنود يوم اتقول حق ريم براويج وهي على اعصابها
    ريم: بدت اتعصب وتتنرفز من عنود اللي من الصبح يالسه تقرصها وملت من تهدداتها حقها ومره وحده جان تصرخ ريم ع عنود سوي اللي بتسوينه موب خايفه منج
    عنود: تمت تطالعها من فوق لين تحت وهي طبعا موب خايفه منها .
    ريم ونواري شلوا اغراضهم من الكلاس وطلعوا وهم مقهورين منها وريم يالسه تنزف دم من يدها من كثر ما شمختها بنت الذين.
    عنود: تمت بالكلاس ادق حق ربيعها وحبيب قلبها واتخبره عن ريم انه تبا تتخلص منها واتسوي لها فضيحه كبيره
    ويلست اتخطط وياه تموا تقريبا نص ساعه وهي اتخطط

    خلص دوام ريم ونواري وتموا يتريون اخوانهم ايون ياخذونهم
    منصور: يتصل حق اخته نواري انه تظهر له برع
    وخالد سوا نفس الحركه اتصل بريم وقال لها انا برع اترياج ويطلع لسانه بشقاوه
    ريم: ان شاالله احيينه يايه بس اغسل ايدي وبي
    خالد: اوكيه تيك يور تايم وتم يترياه
    ظهرت ريم ونواري من الباث روم سايرين صووب السيارات وطبعا نواري بنت عمتها ريم وهي دايم وياه واتحبها وايد وكل اسرارها عندها
    ريم : اتودع نواري واقولج اليوم تعالي بيتنا اوكيه وسلمي ع الاهل
    نواري :اوكيه انشاالله بيج اليوم بعد صلاة العشاء اوكي بباي
    وبالسياره منصور يالس يطالع ريم وفي خاطرها يتفداه مليون مره وجان تركب نواري وشافت اخوها سرحان بس ماحبت اتسوي له حشره .عقب نص ساعه انتبه انه اخته ركبت السياره وسلمت وهو يضحك ع عمره

    بيت ابو خالد
    أم خالد: ابوخالد انا ابا اسير عندي هلى ابا اشوف امي من زمان موب شايفتنها
    أبوخالد بعصبيه: انا ما اروم اصك عمان وارد احينه عقب سيري لهم بالاجازه ويلسي عندهم وشبعي منهم
    ويوم بسكم تعالوا
    خلود: تسمع اللي اسمعه يا فيصل ها صوت أبوي يصرخ على امايه
    فيصل : هي اسمع وابوي شو مستوي وياه ها كله يعصب ياربي لين متى نحن بنتم تحت الذل والضرب والعصبيه
    خلود انا بتصل في خالد بخليهم ايون ابسرعه عن يسوي شي بامايه والله خايفه عليها

    كــــــــــــــــــــــــــــــــــــــــــــــــــــــــــــــــــــــــــــــت
    شو تتوقعون بيصير حق ام خالد ؟
    وشوبيصر لريم مع عنود وشو بيكون موقفهم؟
    وابو خالد بيوافق يودي ام خالد عند اهلها؟

    كل هاي الاسئله بنعرفها في الجزء الثاني
    نهااااااااااااااااااااااية البارت الاول
     
  3. لسعـۃ ع ـَـَذآب

    لسعـۃ ع ـَـَذآب ¬°•| عضو مميز |•°¬

    الجزء الثاني
    في غرفة أم خالد اللي يالسه اتحاول وي بو خالد عسب يوديها بيت اهلها . و هو موب راضي ويوديها أم خالد سكتت عنه ولا قالت له شي.

    أم خالد: تتصل في ريم : هلا ريم . انتوا وين ؟
    ريم: أهلين أمايه نحن ياين احينه بندش البيت أمايه فيج شي
    أم خالد: لا ما فييني شي بس يلاه نترياكم تعالوا
    ريم: اوكيه يلاه مع السلامه
    خالد هو يرمس منصور : هلا بو الشباب اشحالكم ها بيتي اليوم عندنا ولا
    منصور: هلا فيك زود الحمدلله تمام هي أكيييد بي هاي الدبه اختي بتي عند اختك
    خالد: حياكم الله في اي وقت يابو الشباب . واحيينه اجلب فيسك بنزل من السياره
    وفجــــــــــــــــــــــــــــــــــأه سمع منصور ضحكة بنت وياه كانت تضحك بصووت علي
    منصور انصدم ومره وحده جان يساله امنو ها اللي يضحك جي
    خالد:هاي ريم اللي تضحك جي خسها الله روعتك ها عبالك وحده وي رااسك
    منصور: خيبه ضحكة شر هاي عنبوه خخخخخخخخخخخخخ يلاه باي وسكر الخط سديه
    وخالد: ميت ضحك ع خبال ها الولد صدق انك خريش
    ريم : دشت الصاله وشافتهم كلهم يالسين يتريون وسلمت عليهم ورحت الغرفه سيديه بدلت ملابسها ونزلت تحت عسب يتغدون
    فيصل هو يرمس أمه انه بيظهر وي ربعه اليوم بيسرون المول بياخذون لهم كمن شغله
    أم خالد : اوكيه برايك سير بس لا تتاخر
    فيصل : لا ما بنتاخر بناخذ الاغراض وبنظهر من المول وسيده بنروح صوب البحر بنتعشا وبنرد البيت
    أبو خالد: يرمس فيصل بعصبيه ما عندك مذاكره انته كل برع انت
    فيصل: ابوي انا من متى ما ظهرت وي ربعي احو ط وياهم وبعدين نحن امخلصين الدراسه والامتحانات و عاطيينا اجازه نستانس فيها.
    ابو خالد بعصبيه: ماشي سيره وي ربعك هايل اللوث
    فيصل سكت عنه ابوه وسوا له طاف والعصر بيظهر وي ربعه بدون ما يقول حق ابووه
    في بيت بو منصور
    بعرفكم على عائلة بو منصور
    سعيد: بو منصوور يحب عياله وااايد ويموت ع زوجته ام منصور وعمره ما قصر وياهم بشي
    غلا: ام منصور اتموت في عياله وايد واتحب ريلها وايد وهي اجتماعيه واتحب تخلط بالناس
    منصور:أخو نواري الاكبر وهو ما شاالله عليه وسيم وامعضل اشوي واحلي شي فيه عيونه الذابحة وشعره طويل وعمره 22 ويدرس في كلية الشرطة ويشبه خالد ولد عمته
    نواري: البنت الدلوعة والوحيدة بالبيت وعمرها 20 سنه وتدرس في جامعة الأمارات وي بنت عمتها ريموه واحلى شي فيها الغمازات وعيونها العسليه
    سعود: أحلى واحد فيهم ويحب الكشخه شرات ولد عمته فيصل وعمره 18 سنه ويدرس في الصف الثاني عشر وماشالله ع عيونه الوسيعه والشعر الطويل .
    حمـدان:اخو نواري الصغير وعمره 4 سنوات ويموت في اخو منصور ويحب ريم بنت عمته وايد

    بعد مرووور سااعه تقريبا نواري لبست وكشخه واتريت اخوها لين ينزل من فووق عسب يوديها
    وصلت نوااري بيت عمها جاسم
    نواري السلام عليكم ورحمة الله وبركاته
    الكل وعليكم السلام والرحمة
    نورااري سلمت عليهم ويلست وياهم اشوي
    ريم:نورااي يلاه انروح فوق بنيلس ع لاب اشووي وعقب بنظهر برع ع المريحانه
    نوراي:يلاه انسير بس ع شرط اتراويني احدث تصاميمج وقصاايدج
    ريم : يلاه اوكي برااويج خلينا انسير
    ومنصوور: مخترش وي خالد كل ساعه يحط عليه
    خالد: بسك يابوي ما خليت شي وما قلته حقي دب ووااحد
    ابو خالد يايه اتصال من شخص يوصل له كل اخبار عن بنته ريم وشو سوايها
    ابوخالد: مرحبا ملايين ولا يسدن اشحالك الغالي؟
    ابو يوسف: هلا والله مرحبا فيك الحمدلله تمام والله
    ابو خالد: شعندك اخبار علوم مني ولا مناك
    ابو يوسف: هي نعم عندي اخباار عن بنتك المستريله
    ابوخالد: خير انشاالله شو مستوي خبرني
    ابووو يووسف: شفتها يالسه وي وااحد في الكووفي شوووب وما سكه ايده وهو يطالعها بنظره حب
    ابو خالد : منصدم وامفووول ع الاخير وده احيينه سير يذبحها
    ابو يوسف: يكمل السوالف له عن بنته
    ابو خالد : سكر من عند ابو يوووسف وطلع سيده صار صووب غرفة ريم وهو امعصب ويصرخ
    ريم ريم ريم بطلي الباب احسن لج
    ريم ونواري مفزوووعات ما يعرفوون شو مستوي وليش يصرخ جي , قامت ريم بتفتح الباب والا اتيها ضربه محترمه ع ويها ويمط شعرها
    ريم : ابوووي شوفيك هدني عورتني شو سويت انا عسب اتسوي فييني كل هذا
    نواري اتصيح وتر كض تحت عندهم واتخبرهم باللي يستوي فوق والكل نصدم منصور وخالد وامها وحمدان وفيصل علامات الاستفهام ع ويهم.
    ريم: هدني عورتني
    ابووخالد: انتي ما تستحين تظهرين وي وااحد م اتعرفينه ويضربها
    ريم: انا ما طلعت وي حد واتصيح بالقوو
    ابوو خالد: شلي اغرااضج وظهري برع البيت مابا اشوف رقعة ويهج يالحقيره يالنذله
    ريم: وين اروح قولي وين اروح خبرني وين اروح
    ابوو خالد : وين في ستين الف داهيه يعلج ما ترجعين ان شاالله
    ريم وهي اتصيح والكل يسمع الرمسه ومنصدم وامها اتصيح عليها
    ابو خالد : عندج نص ساعه اتجهزين اغرااض ومن بعدها مابا اشوف رقعت ويهج
    ريم وهي اتصيح وابوها نزل تحت عندهم وهو يضحك ع اللي سواه وامها اتكلم ابو خالد
    واشووي تنزل ريم من فوووق والدموووع في عيوونها
    ابووخالد : يلاه اشووف ظهري برع البيت
    خالد : ابووي انا ما بسمح لك هااي اختي
    ريم: خالد خلاص انا بطلع دامه هو يبا ها الشي واتمني انكم تنسون انه عندكم اخت اسمها ريم
    خالد: خبريني وين بتروحين في الليل احيينه
    ريم: سكتت وطلعت بدون اي كلمه والدموع ف عيونها والدم اللي ينزل منها بغزااااره حاول خالد يرووح عندها بس ابوه ما خالها
    وبعد مرووور ست سااعات ع الحادث هالي صارت لهم ريم ما تدري وين الله ودها وفي خاطرها اتقوول ها ابووي يسوي في عيالها جي و سكتت فجاه طاحت في نص الشارع .
    وفي نفس الوقت كان وااحد مسرع ياي صااروخ ويوم شااف حد طايح ع الارض دح بريك بقوووة مما عنده ونزل من السياره يشووف شو مستوي
    سيف : منصدم امنو هاي البنيه وامنو امسوويه فيها جي من الصدمه اللي فيها ع طوول وداها المستشفي وشاف الاغرااض اللي طايحه بصووب
    دكتور خلفان : هلا سيف خير ان شاالله شووفيك
    سيف:دخيلك سااعد البنت بتمووت واايد نازفه دم
    خلفان : ان شاالله بساعدها هي احينه غايبه عن الوعي بس الصراحه الضرب واايد قووي لازم انبلغ الشرطه
    سيف: لا اتبلغ لين ما انعرف منها شو صااير لها
    خلفان: خلاص تمام وتراني عرفت اسمها
    سيف: وش اسمها
    خلفان: ريم الكعبي

    في اليوم الثاني
    نشت ريم من الرقاد وما حصلت حد ويااها وصااحت بدوون صووت واشوووي اندق الباب
    دخل الدكتور خلفان .
    خلفان : السلام عليكم . اشحالك ريم انشالله احسن احييينه
    ريم: وعليكم السلام والرحمه . الحمدلله ع كل حال
    واشوي يدش سيف وهو خاايفه عليها .
    سيف: اشحالج ريم ان شاالله احسن
    ريم: الحمدلله بخير
    دكتور خلفان: ريم ابيج اتخبريني شو اللي صاار لج بالظبط لانه حالتج كانت واايد خطيره
    ريم: وهي اتخبرهم بالسالفه من اولها لين اخرها وهي اتصيح ورمستها كانت متقطعه من الصياح.
    سيف والدكتور خلفان كانوا منصدمين من اللي يسويه ابوها فيها.
    سيف : ريم سمعيني اذا ما تبين اتردين بيتكم باخذ لج غرفه ف دبا
    ريم: وهي منصدمه ما توقعت انها اتكون بدبا واشوي اتقول حق سيف ابا اظهر من المستشفي
    مابي اتم اهني .
    سيف: ماوحالج توج الا يايه المستشفي واحيينه تبين تظهرين منه
    ريم: ههه تضحك ع حركات سيف واتقول له انه هي ملت ماتبا تقعد اهني ابا اشم هواء
    سيف : ان شاالله احيينه برمس الدكتور وبخليه يعطيج اذن خروج
    ريم: مشكور وما اتقصر سيف والله ماعرف كيف اطلع من يزاك لولاك جان انا مت احيينه
    سيف: لا تشكرين يالغلا واحيينه بسير اشوف الدكتور وبرجع لج
    نهاااية البارت الثاني
     
  4. لسعـۃ ع ـَـَذآب

    لسعـۃ ع ـَـَذآب ¬°•| عضو مميز |•°¬

    اتريوا البارت الثالث
     
  5. فـيـ الـكـعـبـي ـصـل

    فـيـ الـكـعـبـي ـصـل ¬°•|شاعر الشلّة |•°¬

    ابداع......... ويعطيك العافيه
     

مشاركة هذه الصفحة