ام براطم حمر جزاها الله خير

الموضوع في ',,البريمي لـ المواضيع العامة' بواسطة العاثرة, بتاريخ ‏30 جوان 2010.

  1. العاثرة

    العاثرة ¬°•| عضــو مــهــم|•°¬

    يامرحبا مليوون والله
    بكل من زار موضوعي وكثر
    ما بقول زار وخفف لان التكثير مطلوب فموضوعاتي
    لأني احب الهذره

    تصدقون عاد اني احبكم فالله
    كحب اصابع الطفل لفتحات خشمه
    كحب الهندي للدهنه
    كحب الرجل لبطنه

    قحم قحم
    لن اطيل عليكم بالمقدمه <<ادري ماتحبون القرايه
    لذا بدخلكم فالموضوع دغري

    امسات كنت اتشمس فحوي بيتنا واذا بجرس الباب يدق
    (طين طووون ..طيييين طووون)
    هرعوا اليهال يتصافقون من بيفتح الباب اول ، فصرخ احدهم : حرمه عند الباب<<ما عطاني مجال اشرد
    عدلت شيلتي ع راسي و قلتله : خليها تقرب ، طبعا البنت كانت كاشفه حاطه الشيله اي كلام و ضروري يكون في (بف) على الراس ..بس هذا كله مب مشكله..
    والله عادي البف مايخصني فيها والعبايه المخصره حريه شخصيه والعطر اللي شال البقعه لزوم الكشخه بس ودي اعرف هي ليش حاطه المناكير فبراطمها؟

    انا اخر مره شييكت ع الموضه كان المناكير ينحط ع الاظافر بس شكلي لازم اسويلي رفريش
    عموماً مب شغلي .. كيفها تسوي اللي تباه. لو تبا تصبغ عمرها بملمع الجواتي ..هي حره
    وانا مالي وملها..
    المهم
    سلمت عادي وانا اترياها تفصح عن شخصها او عن سبب وجودها هني واذا بها تتحدث:

    اتوني فلوس الله يأتيكم ..انا فكير والله كبير <<< واضح انها تعبانه ع القافيه

    ضربت شرق اللغه بعرضها .. تصدقون عاد ان حرقاتي اللغويه ماتيي اي شي عدالها!!:clap:

    لما رمست حسستني اني وحده من عباقرة اللغه .. والله اني حمدت ربي ع حرقاتي البسيطه :3ash:

    عاد

    كل الحكايه انها شحاته ويايه تطلب كالعاده ...

    :
    /
    :

    بعد ما راحت ام مناكير البراطم ، يلست افكر فمستوانا المادي ، يعني ممكن اهل الملايين يصنفونا على اننا فقارا
    وبنسبة لنا بنقول حالنا متوسط وبالنسبة للفقارا بيشوفونا من الاغنياء

    ركزوا وياي فهالنقطه..

    نحن نشوف اصحاب الالوف اللي اغنياء بينما اصحاب الملايين يشوفون اصحاب الالوف فقارا ، وبالعكس نحن نشوف العامل اللي يدوب راتبه يوصل 1200 درهم وعنده عيال وبيت لازم يدفع اجاره بأنه فقير ومحتاي بينما ناس افقر منه ممكن يتمنون يحصولن هالفليسات اللي عنده..

    يعني مهما كان الغني غني فهالدنيا ومهما كان الفقير فقير
    مستحيل حد يقول انا افقر من خلق ربي لأن دايم اذا قارنت نفسك بغيرك بتلقى حد فوقك وحد بمستواك وحد دونك

    عموماً انا ما يايه اتفلسف عليكم
    بس الفكره اللي ابا اوصلها هي ان الانسان مهما كان فقير الا مايلقى حد افقر منه ويقدر يساعده لو بخبزه
    ولا ايي فبالكم انه هالخبزه او العشر دراهم او حتى الدرهم بتروح بلا قيمه
    لا بالعكس انتوا بتحصلون من وراها اضعاف مضاعفه
    قال تعالى : ( كَمَثَلِ حَبَّةٍ أَنْبَتَتْ سَبْعَ سَنَابِلَ فِي كُلِّ سُنْبُلَةٍ مِّائَةُ حَبَّةٍ وهناك زيادات تبلغ ضعف الربح وَاللَّهُ يُضَاعِفُ لِمَن يَشَاءُ )

    هالصدقات اللي بتطلعونها منها بركه ومنها تفريج للكرب ومنها تداوي (للمرضى وغير المرضى) ... الخ

    كل لقمه زدة عن حاجتنا ، كل لبس صغر علينا او ما صرنا نلبسه ذاق الزود ، لازم نتذكر دايم انه في ناس محتايين هالاشياء لازم ندورهم ونعطيهم اياهن

    ونوصل لأبسط وأسهل وأقل الصدقات تكلفاً
    الأبتســـــــــــــــــــــــــــــــــامه

    :32:

    ريحوا حواجبكم شوي من هالتكشيره وفردوا ويهكم ببتسامه
    صدقوني انتوا بترتاحون قبل لا الناس ترتاح

    :
    /
    :
    بديت موضوعي بأنتقاد لبرطم احمر
    وهذا ما يهم بس انشالله ان اللي فتحت عيوني عليه
    راعية البرطم يكون مفيد للجميع

    :
    /
    :

    تحياااتي للجميع
    العـــــــاثرة
     
  2. حلاتي غلاتي

    حلاتي غلاتي ¬°•| عضو مميز جدا |•°¬

    يسلمووووووو ع الطرح
     
  3. حكاية روح

    حكاية روح ¬°•| سَحَابة صَيفْ |•°¬

    العاثره ختيــه ..~
    أقف اعجابـاً لطـرحك الرائـع .. ^^
    وكل كلمــه طرحــت هنــا لها بصمـه في قلوب الجميــع ..~
    ورب العالميــن يجازي عبده مهمـا كان الأمر إذا ما تجازى بالدنيـا يتجازى بالآخـره .. ~
    بكل ما تحمـله الكلمه من معنى ..~ أحييكي ..~ على التفاتتك لهذه النقطـه .. ^^
    ربي يعطيـج ألف عافيــه تستاهليــن التقيــم +5 ستارز ..~
    ودي وعبيـر وردي ..~
     
  4. SaD G!Rl

    SaD G!Rl ¬°•| عضو مميز |•°¬

    ،،،

    أسلوب جميل في الطرح ،،،

    ونقطة مهمة ذكرتيها عزيزتي العاثرة

    فالصدقة تفعل المستحيلات فهي لا تذهب سدا ،،،

    فهي تُذهب البلاء والحزن

    وتقي من الأمراض ،،،

    تُذهب السيئات و تضاعف الحسنات ...الخ

    قال رسول الله صلى الله عليه وسلم :

    " ما نقصت صدقة من مال ، وما زاد الله عبداً بعفو إلا عزاً ، وما تواضع أحد لله إلا رفعه "


    ولا ننسى أهم دعامتين للصدقة : الإخلاص وإستحضار النية،،،

    جــزاكِِ الله خيراً عزيزتي العاثرة


    وجعلنا الله وإياكم ممن يكثرون الصدقات،،،

    بارك الله فيكِ ،،،

    أسلوب شيق في إبلاغ المعلومة ،،،

    وفقكِ الله ،،،

    ،،،
     
  5. العاثرة

    العاثرة ¬°•| عضــو مــهــم|•°¬


    الله يسلمج يالغلا
    ومشكوورة على المرور
    :)
     
  6. العاثرة

    العاثرة ¬°•| عضــو مــهــم|•°¬


    :bounce:
    آآآيغووو

    اختي السفيرة
    نورتي الصفحه بحضورج
    واسعدني ردج
    لاعدمتلج هالطله
     
  7. العاثرة

    العاثرة ¬°•| عضــو مــهــم|•°¬


    :imuae38:
    صح كلامج يالغلا
    يسعدني ان الموضوع حاز على اعجابج
    والاهم هو انج حسيتي بأهمية
    مشكووره على هالطله
    عساااج ع القوة اختيه
     
  8. بنت محضه

    بنت محضه ¬°•| صاحبة التميز|•°¬

    [​IMG]
     
  9. رواضي

    رواضي ¬°•| عضو مميز جدا |•°¬

    صح كلامج يا لغلا
     
  10. رحآيل

    رحآيل ¬°•| مُشْرِفة سابقة |•°¬

    أختي أسلوبج وكلماتج وموضوعج وهدفه ..
    كلهن روووووعة وحلووووة ..
    تقبلي مروري أختي ..
    ومشكووورة ..

    الله السلام ..
     
  11. Silent heart

    Silent heart ¬°•| عضو مميز |•°¬

    ابدعتي خيتوووووو ف طرحج للموضووع

    وف ميزان حسناتج ان شاء الله

    وربي يعطيج الصحه والعافيه

    وعسااج ع القووووووووووه
     
  12. غيثة السحايب

    غيثة السحايب ¬°•| مُشرفَة سابقة |•°¬


    انا لما اقرا اي شئ من كتاباتج اتيني ضحكه

    ماادري ليش هههههه

    حلوه هاي ام براطم وتشحت خخخخ

    بس الواحد يقول الحمدالله ع كل شئ

    يسلموو الغلا ع الموضوع
     
  13. أم أحمـد

    أم أحمـد ¬°•| ~~سُوِيْرِهُ السَّعِيْدِيّ~~|•°¬

    لطالماا سجلت اعجاابي بطرح هاا القلم
    ولكن اليووم .. اقف وارفع القبعه
    ربي يعافيج على هيك طرح ..
    وصدق من قاال الحيااه الي تعلم
    مب المداارس والجامعاات
    يسلمووووووووووزن
    احتراماتي
    سويره
     
  14. العاثرة

    العاثرة ¬°•| عضــو مــهــم|•°¬


    ربي يحفظج اختيه
    عسااج ع القوة
    :)
     
  15. العاثرة

    العاثرة ¬°•| عضــو مــهــم|•°¬


    :approved:

    مشكووره على المرور يا غلاهم
     
  16. العاثرة

    العاثرة ¬°•| عضــو مــهــم|•°¬

    :Frshah1: قحم قحم
    من ذووقج اختي
    تسلمين على هالمرور
    :)
     
  17. العاثرة

    العاثرة ¬°•| عضــو مــهــم|•°¬

    تسلمين يالغلا :Frshah1:
    عسااج ع القوة
     
  18. العاثرة

    العاثرة ¬°•| عضــو مــهــم|•°¬


    يعلها دووم الضحكه ما تفارج ويهج يالغلا
    ضحكي ونقزي وصفقي اللي عدالج بس المهم انه الفايده والمغزى يوصلن
    :)

    لا عدمتلج هالطله المميزة
     
  19. العاثرة

    العاثرة ¬°•| عضــو مــهــم|•°¬


    :MercI:
    مشكووره على هالمرور الغاوي يالغلا
    لاخلا ولا عدم
     
  20. ندى الصباح

    ندى الصباح ¬°•| مُشرفة سابقة |•°¬

    ما شاء الله عليج أختي أسلوبج رائع
    عيشتينا جو القصة
    تسلم يمينج
     

مشاركة هذه الصفحة