ميادين الجزء الثاني

الموضوع في ',, البُريمِي للتُراثِ والحَضارات ,,' بواسطة خلف الكواليس, بتاريخ ‏29 جوان 2010.

حالة الموضوع:
مغلق
  1. خلف الكواليس

    خلف الكواليس ¬°•| عضو مميز |•°¬

    فلان في المزون شاع رعود وارابي صلاتي وتوحيدي
    تفضل يالوليد فنجاني فن البشر ولا فن جاني
    تراني في ميدان شاعر عود اتوحلك من الاشعار توح يدي


    ـــــــــــــــــــــــــــــــــــــــــــــــــــــــ

    انا اصارع الجن والشياطين
    ومن شوفتي يفزع الجني
    انا اصارع الالف والتسعين
    علامك يالوليد جاينّي


    ــــــــــــــــــــــــــــــــــــــــــــــــــــــ

    نقلد من الخوص حبل طي وشوفوا من الغرب المهلهل
    وان في الكرم مثل حاتم طي في المرجله الزير المهلهل


    ــــــــــــــــــــــــــــــــــــــــــــــــــــــ

    حالك من الدار يالبيدار
    تركض ورا العوس والذيبة
    الميدان ما حلك انت يالبيدار
    تسرق من الناس وتجيبه


    ــــــــــــــــــــــــــــــــــــــــــــــــــــــ

    سيفي غليته سبع قامات
    لي برت الشمس من الدنيا
    وناس يزلوا سبع مرات
    وما يعبر الزين من الدنيا


    ــــــــــــــــــــــــــــــــــــــــــــــــــــــ

    التاجر وزن عالموارد حل
    وحن يقلبي بلا جراح
    اشتاف طيركم عالموارد حل
    طير عجيب بلا جناح


    ــــــــــــــــــــــــــــــــــــــــــــــــــــــ

    لا تخلط الهيل في الفلفل ******راعي النظر يس يس يس
    ما حيدني زرعت بر بر بر*******ولا حيدني قطعت بر بر بر
    كانك تبي تبر بر بر بر *********مانرابي عليك بر بر بر
    وكانك تبي تفل فل فلفل********يوم مل تبي تفل يس يس يس


    ــــــــــــــــــــــــــــــــــــــــــــــــــــــ

    أحمر دوس وأخضر دوس
    وزرعك يابيدار بندوسه
    ولي يخلي الفار في المندوس
    يصبر علي ضياع مندوسه


    ــــــــــــــــــــــــــــــــــــــــــــــــــــــ

    طاح الحصن طاح في المنطاح
    وتحت الحصن شاه مربوطة
    قومي انطحي كان فيش منطاح
    ما تشتكي دوم مربوطة


    ـــــــــــــــــــــــــــــــــــــــــــــــــــــ

    رايح انا صحار اشري لبان**يوم البنيات يتمشن
    شي من اللبان ما ينبان** يوم البنيات يتغشن


    ــــــــــــــــــــــــــــــــــــــــــــــــــــ

    يا رايح السوق حلوى شري
    وزيد في الميزان قشاطه
    حق المحبين حلوى شري
    وحق المبغضين قشاطه


    ـــــــــــــــــــــــــــــــــــــــــــــــــــــ


    عوق ضربني بمرض الفواد ** وضح القمر ضح عالدنيا
    عب سيروا دوروا لي دوا الفواد**عن اعبر البر من الدنيا


    ــــــــــــــــــــــــــــــــــــــــــــــــــــ

    مرود هلي مرود عين
    وبنت البدو ذيك مزيونه
    يا ليتني كنت مرود عين
    أمشي في هدب كل مزيونه


    ـــــــــــــــــــــــــــــــــــــــــــــــــــ

    بارج م المغيب لض ولاح * وناسن بلوني ببلاويهم
    يوم عالاثنين ما ابي سلاح* بالخنصر والبنصر ألاويهم


    ـــــــــــــــــــــــــــــــــــــــــــــــــــ
    ما ضيفي لي شي حالك ضيف
    من علمك تاخذ علومه ؟
    نشكي الالم دوم سنتنا
    وحن ما نخلف لبر سنتنا
    ومن زارك وكان حالك ضيف
    واجب تراه تاخذ علومه


    ـــــــــــــــــــــــــــــــــــــــــــــــــــــ

    الصرم اللي محروق ماتن طف
    وحب ف لوزان ما حبوبي
    لمفصل الثوب ثيبوني
    الشيمة الأجاويد ثيبوني
    فجوفي أنا نار ماتنطف
    لين أفرح بشوف محبوبي


    ــــــــــــــــــــــــــــــــــــــــــــــــــــــ

    ساير اصلي ما بغاني حد-------------------وازقر من الغل عافوني
    انا يوم جاني الفقر ما بغاني حد----------حتى المودين عافوني


    ــــــــــــــــــــــــــــــــــــــــــــــــــــــ


    مجاور انا زهيروه جار بجار ومستبلي يو ناس بالجيره
    كل السبب شوية فزار وخلتني اهج عن الديره


    ــــــــــــــــــــــــــــــــــــــــــــــــــــــ

    شرب اللبن في البدن ما يبين ... وتيس البدو فاضح رعاته
    شي من العشق مختفي ما يبين ... وشي من العش فاضح رحاته


    ـــــــــــــــــــــــــــــــــــــــــــــــــــــ

    نزجر طوي الشيخ فيها قرون ... وداير فلكنا في ذي الدنيا
    ويوم الجعد عاد فيها قرون ... قارب حشرنا في ذي الدنيا


    ـــــــــــــــــــــــــــــــــــــــــــــــــــــ

    حطب الجلاده وليفه فيوم ... وشابك هغول وصبح يابس
    يمشي ولدنا على الفرقى ... ويحنوا الأجاويد على الفرقى
    وكل من يفارق وليفه فيوم ... يغلج فؤاده وصبح يابس


    ـــــــــــــــــــــــــــــــــــــــــــــــــــــ

    فشي من الخبر زاد بي الحيور ... وشك القطايع بطن ما شي
    وكان عاطي البوش يعطوهن ... وما حدتهم أيش يعطوهن
    عب وحدي عجبني ربى الحجور ... ورك وصدر وبطن ما شي


    ـــــــــــــــــــــــــــــــــــــــــــــــــــــ

    نرجز حنى بثور بو نطيح .... وشمس العصر دومها تسلم
    مالنا العرب دوم فينا تطيح .... وباقي البشر كلها تسلم


    ـــــــــــــــــــــــــــــــــــــــــــــــــــــ

    ساير انا السوق أشري حب .... و احلف هذا الحب من الحبي
    حد من الناس ما ينحب ... وحد من الناس ينحب


    ــــــــــــــــــــــــــــــــــــــــــــــــــــ

    لان الورد لان ورقه لان ... وشوكه في اليدين جرحني
    بسك زعل عاد يالزعلان ... زعلك في الفواد جرحني


    ــــــــــــــــــــــــــــــــــــــــــــــــــــ

    البوش بركت والهبوب شمال ***وميت من الجوع حاشيها
    الوقت ظلمة والهبوب شمال ***ونارك عن تموت حاشيها

    طرح: خلف الكواليس
    الملوك
     
  2. شووق قطر

    شووق قطر ¬°•| مراقبة عامة سابقة وصاحبة العطاء المميز |•°¬

    مشكوور اخوي ع الطرح الرآئع

    وآلله يعطيك الف عآفيه ع المجهوود
     
  3. رماد الشوق

    رماد الشوق ¬°•| فخر المنتدى |•°¬

    البوش بركت والهبوب شمال ***وميت من الجوع حاشيها
    الوقت ظلمة والهبوب شمال ***ونارك عن تموت حاشيها


    خلف الكواليس
    طرح راااااائع
    مشكور اخويه
     
  4. رماد الشوق

    رماد الشوق ¬°•| فخر المنتدى |•°¬

  5. خلف الكواليس

    خلف الكواليس ¬°•| عضو مميز |•°¬

    يسلمو المرور
    ربي لا هان قدركم
     
  6. بنت المقابيل

    بنت المقابيل ¬°•| مشرفة سابقة |•°¬

    يسلمووووووووووو

    ع الطــــــــــــــــرح
     
  7. حكاية روح

    حكاية روح ¬°•| سَحَابة صَيفْ |•°¬

    ربي يعطيـك العافيــه ..~
    فكـرة الموضوع وايد حـلوه ..

    التقيــم سيكون بنـاءاً على ..//
    1- فكرة الموضوع المطروح .. 5/5
    2- التنسيق والمظهر الخارجي .. 5/5
    3- مدى اقبال الأعضاء إليــه .. 2/5

    ودي وعبيـر وردي .
     
  8. عمانيه فالغربه

    عمانيه فالغربه ¬°•| عضو مميز جدا |•°¬

    مشكووووووووووو ع الطرح
    تسلم يمناك
     
  9. صقر الديرة

    صقر الديرة ¬°•| عضو مميز |•°¬

    ميدان جميل وممتاز ولك الشكر مني والعرفان
     
  10. شووق قطر

    شووق قطر ¬°•| مراقبة عامة سابقة وصاحبة العطاء المميز |•°¬

    كح كح اتشوووووووووووووووووووووو

    يمنع الرفع

    يغلق
     
حالة الموضوع:
مغلق

مشاركة هذه الصفحة