خوخ بيروت

الموضوع في ',, البُريمِي لِـ/ للشٌعرٍوالْقصِيْد,,' بواسطة خلفان الكعبي, بتاريخ ‏22 جوان 2010.

  1. خلفان الكعبي

    خلفان الكعبي ¬°•| عضو مميز |•°¬

    قالت ألوه وقلت ياحي هالصوت
    .......................صوت/ن يرجع كل شيب لشبابه
    قالت شحالك قلت مدرك على الموت
    ....................... والفكر متشتت وفاقد صوابه
    ما غير صوتك يا منى الروح منعوت
    ....................... هو طب لجروح الخفوق وعذابه
    لا من تسلل مسمعي صرت مبهوت
    ....................... واهيم به وانسى الحزن والكآبه
    وأسج في كون/ن به العالم سكوت
    ....................... من ذبذبة صوته كلحن الربابه
    واصير له جسم/ن مبرمج بريموت
    ....................... وأضيع لامن غاب حضرة جنابه
    لأنه تمكن فالحشى وأسس بيوت
    ....................... وأصبح أمير/ن والخلايا غلابه
    أدمنت حبه وأصبح الحب منحوت
    ....................... وسط الضلوع العوج محد/ن درابه
    يشرب ويتغذى بلا شرب/ن وقوت
    ....................... ما غير دم القلب قوته وشرابه
    ياللي وجناته كنهن خوخ بيروت
    ....................... عن وصفهن تعجز حروف الكتابه
    والا الشفايا توت في توت في توت
    ....................... ما بينهم تلقى كثير التشابه
    يفداه عمري قبل لا عمري يفوت
    ....................... ويفداه كل الكون شيب وشبابه
    لي هكذا حبه لو أدركني الموت
    ....................... وأمسيت جثه هامده في ترابه
    يبقى صدى صوته معي وسط تابوت
    ....................... ينعش بقايا وحشتي في غيابه

    خلفان الكعبي
     
    آخر تعديل: ‏22 جوان 2010
  2. لسعـۃ ع ـَـَذآب

    لسعـۃ ع ـَـَذآب ¬°•| عضو مميز |•°¬

    أول باااااااااااااااااااركن

    ياحيه رااعي القصااايد

    القصيدة وااايد حلووه
    ونرقب الزوود من جداك
    وربي يحفظك من كل شر

    تحياتي نصخ روحي
     
  3. آل يذوه

    آل يذوه ¬°•| ناقد شعري |•°¬

    صح لسانك يا الشاعر
    قصيدة مميزة
    والفكرة يمكن ما تكون جديدة
    بس الجديد في الفكرة نهايتها

    لو تجنبت الجبر في البيت

    واصير له جسم/ن مبرمج بريموت
    ....................... وأضيع لامن غاب حضرة جنابه


    كلمة " ريموت " تجبرك انك تجبر فيها
    وهذا حال اغلب الكلمات الغير عربية اذا دخلت في قافية اي قصيدة

    وعندك تكرار في بعض الابيات
    كنت قادر تتجنبه بعد

    ما غير صوتك يا منى الروح منعوت
    ....................... هو طب لجروح الخفوق وعذابه


    في هالبيت ممكن يكون في معنى قريب ومعنى بعيد لـ احد الكلمات
    شي مُلفت ورائع منك

    ربي يعطيك العافية
    وفي انتظار جديدك​
     
  4. بنت المقابيل

    بنت المقابيل ¬°•| مشرفة سابقة |•°¬

    يشرب ويتغذى بلا شرب/ن وقوت
    ....................... ما غير دم القلب قوته وشرابه

    صح لســــــــــانك مــــــلايييييييين


    تسلم
     
  5. خلفان الكعبي

    خلفان الكعبي ¬°•| عضو مميز |•°¬


    نصخ روحي .... شرفني مرورج اختي الكريمه
    وربي لا هانج ع المرور المتواصل​
     
  6. خلفان الكعبي

    خلفان الكعبي ¬°•| عضو مميز |•°¬

    صح بدنك طويل العمر ......ومنكم نتعلم ونستفيد
    وربي يحفظك وين ما كنت ولاخليت من مرورك اللطيف
    تقبل تحياتي // خلفان الكعبي
     
  7. خلفان الكعبي

    خلفان الكعبي ¬°•| عضو مميز |•°¬


    بنت المقابيل ..ز صح بدنج مليااااااااااار
    وتسلمين ع الخطفه الغاويه
     
  8. موت وميلاد

    موت وميلاد ¬°•| ما نشبه بعض|•°¬

    يا سلام ع هذي القصيدة هع هع

    تستاهل خوخة خخخخخ

    ما قصرت وننتظر المزيد من القصايد الحلوة 000
     
  9. Ąℓŋ3αỉмỉ

    Ąℓŋ3αỉмỉ ¬°•| مُراقب سَابق ومطور |•°¬


    الله الله ياخلفان

    ابدعت خوووي

    مااشااء الله عليك النهاايه رووعه

    ربي يحفظك
     
  10. بو جسيمـ

    بو جسيمـ ¬°•| شاعر |•°¬

    صح اللهـ لسانك يا خوي خلفان ~ دومـ تطربنـآ بغزل

    ياخوك كان بنتغزل ترا المزايين ما يخلصن ^^

    بس انت سير عليه وفالك التوفيق واليسر

    قصيده جزله من راعي جزل وسمت ,, ربي حافظك

    فـ داعة الله ,, تستاهل التقييمـ
     
  11. خلفان الكعبي

    خلفان الكعبي ¬°•| عضو مميز |•°¬


    اختي السديم ... بيض الله ويهج ... وما قصرتي ع الرد الحلو
    تحياتي لج اختيه ​
     
    أعجب بهذه المشاركة أˆأ­أœأ‡أ– أ‡أ،أ“أچأœأˆ
  12. خلفان الكعبي

    خلفان الكعبي ¬°•| عضو مميز |•°¬


    فديت خشمك يا وسمي البريمي ... وماعليك زود ع المرور الغاوي
    وفذمتي مرورك شرف وتاج ع راسي يا خويه​
     
  13. خلفان الكعبي

    خلفان الكعبي ¬°•| عضو مميز |•°¬


    أخوي مخاوي ...... صح الله بدنك ولاهان منطوقك ع الرد والمرور الحلو
    والمزايين وايدات مثل ما قلت ... وربك ييسر ههههههههه
     
  14. جوهرة البلوش

    جوهرة البلوش ¬°•| عضو مميز |•°¬

    الشعر هذا روووووووووووعة
     
  15. حشيمة القلب

    حشيمة القلب <font color="#DA0202"><b> ¬°•| إدارية سابقة |•°¬<


    ااااااااااالله اااااااالله عليييييك يا خلفان الكعبي




    وربي انك داهيه بصراحه ابيات قمة فالروعه


    بامانه البيت الاخير جميل جداااااا عيني عليك بارده


    شاعر متمكن ماشاء الله عليك


    الله يديمك ونشوف منك الزووود مثل ماتبرهنا دائما بجديدك

    ونحن نفتخر فيك بتواجدك مع كوكبة الشعراء في منتديات محافظة البريمي


    دمت متألق وتستحق التقييم ^^


     
  16. بيـاض السحـب

    بيـاض السحـب ¬°•| مُشْرِفَة سابقة |•°¬

    خلفان الكعبي

    الله عليك وعلى جمال وروعة قلمك

    صح لسانك وعلا وارتفع شانك

    أبيات بقمة الروعة الجمال والعذوبة

    أدهشني حرفك ونسجك وتعبيرك ووصفك

    سلم بوح قلمك وسلم نبض قلبك

    ودمت ودام تميزك


    تستحق التقييم بكل جدارة
     
  17. خلفان الكعبي

    خلفان الكعبي ¬°•| عضو مميز |•°¬

    مرورج الاروع اختي عسولة مسقط
     
  18. خلفان الكعبي

    خلفان الكعبي ¬°•| عضو مميز |•°¬


    اختي حشيمة القلب .... سلمج ربي ع المرور الحلو .. وبصراحه ردج هذا فخر لي واعتبره تاج ع راسي
    وتسلمين ع الكلام الجميل وعلى التقييم وما قصرتي
    تحياتي لج وخالص احترامي
     
  19. خلفان الكعبي

    خلفان الكعبي ¬°•| عضو مميز |•°¬

    بياض السحب ... سلمت يمينج على هالرد المتميز ... وربي لا هانج أختي
    تقبلي تحياتي وتقديري / خلفان الكعبي
     
  20. العنابي

    العنابي ¬°•| عضو جديد |•°¬

    لا تعليق ياااالغااالي
     

مشاركة هذه الصفحة