حادث مروع في ولاية البريمي .. قبل قليل .. بالصور

الموضوع في 'مركز أخبَار وقَضَايَا مُحـَافَظة البـُريمِي' بواسطة قلب الأسد, بتاريخ ‏22 أبريل 2008.

حالة الموضوع:
مغلق
  1. قلب الأسد

    قلب الأسد ¬°•| عضــو شرف |•°¬

    السلام عليكم ورحمة الله وبركاته


    قبل قليل( 22/4 الساعه 11.30 ) حدث حادث بين ثلاث سيارات مقابل فندق البريمي وكان الحادث مروع

    حيث تصادمت سيارة مرسيدي وهوندى وباص معا

    ولا ندري اذا هل هناك اصابات ام لا

    وكان طام الشرطة والبلدية والصحفيين في موقع الحادث

    ولكم الصور التي تحكي عن الحادث

    ملاحظة : التصوير في الظلام

    [​IMG]


    اخوكم قلب الاسد كان يصور احداث الحادث
     
    آخر تعديل: ‏22 أبريل 2008
  2. الغــريب

    الغــريب ¬°•| نعم نعم |•°¬


    الحوادث كثرة هالايام


    بس الصوره الثانيه و الثالثه مب واضحات

    يمكن لانه التصوير بالليل


    مشكوور اخوي قلب الاسد ع نقل الخبر

    والله يسلم الجميع

    وإن شاء الله يكون الحادث بلا اصابات
     
  3. أبو قحطان

    أبو قحطان °•|كاتب وصحفي|•°

    شِكراً قلب الأسد على نقل الخبر ، وشكراً على جهدك في التصوير ، والله يسلم الجميع .
     
  4. قلب الأسد

    قلب الأسد ¬°•| عضــو شرف |•°¬

    تسلم اخوي

    لان التصوير ممنوع فما شغلت الفلاش

    كان التصوير بالسرقه خخخخخخخخخخخخخ


    باجر بينزلونة ف الجريدة او عقب باجر لان مجموعه صحفيين كانو موجودين في الحدث
     
  5. أبن الحميقاني

    أبن الحميقاني ¬°•| مشرف سابق |•°¬

    ياعمي صور لنا بالخفاء بالفلاش :: :)

    بس حسبي الله ونعم الوكيل ::

    ذكرتني بالحادث الي وقع أمس بمحور أكتوبر بمصر ::

    بين واحد مسئول بالدوله وواحد مواطن مسكين ::

    وعينك ماتشوف ألا النور ::

    ومشكوووووووووووووور أخوي على الصور الساخنه ::
     
  6. دايم الشوق

    دايم الشوق ¬°•| مُشرف سابق |•°¬

    الله يسلم جميع المسلمين من كل شر ..........

    تسلم اخوي قلب الأسد ....


    تحياااااااتي لك
     
  7. قلب الأسد

    قلب الأسد ¬°•| عضــو شرف |•°¬

    الله يسلمكم ع التواجد والمرور

    ابن الحميقاني .. حكم القوي ع الضعيف

    الله يكون في عونه

    دايم الشوق تسلم اخوي
     
  8. السَعيدي

    السَعيدي <font color="#ff0000">¬°•| إداري سابق|•°¬</span></

    في عندي صور واضحه للحادث
    راح انزلها انتظروني

    ما في اصابات خطيره الحمدلله مجرد كسر بسيط

    الباص 15 راكب اللون ابيض

    الهوندا سفك بابين اللون احمر

    المرسيدس واضح في الصور

    اما بالنسبه لباقي الاضرار فقط ليت واحد من الليتات الجدد وشي بسيط من الرصيف الايسر للشارع بأتجاه المستشفى
     
  9. السَعيدي

    السَعيدي <font color="#ff0000">¬°•| إداري سابق|•°¬</span></

    هذي بعض الصور اشبعواااا
    هههههههههه

    عاد اسمحولي ترا جهازي ما جوم بو عبود وتصويره تعبان لكن شوي واضحات الصور

    الريال اللي واجف عدال السياره صاحب الشعر الطويل هو صاحب المرسيدس


    [​IMG][/URL][/IMG]

    [​IMG][/URL][/IMG]

    [​IMG][/URL][/IMG]

    [​IMG][/URL][/IMG]

    عاد هنية يشحنوا السياركه وا يد تعبهم الشحن السياره يحليله المرسيدس متفدع


    [​IMG][/URL][/IMG]


    بعد شي صور صبروا شوي
     
    آخر تعديل: ‏22 أبريل 2008
  10. السَعيدي

    السَعيدي <font color="#ff0000">¬°•| إداري سابق|•°¬</span></

    هاي الدفعه الثانيه

    إذا تلاحظوا في الصوره ان الليتات اليدد فيهن ميزه حلوه
    وهي ان في حالة اصطدام السياره فيها تنجلع بسهوله من القاعده وهاذى وايد يساعد

    اما في الليتات الجديمات الليت يدخل داخل السياره والعياذ بالله


    يعني الليتات اليدد افضل من هاي الناحيه

    [​IMG][/URL][/IMG]


    الظاهر ان الليتات اليدد عمودهن وايد جوي شوفوا هنيه العمود بس فيه اعوجاج بسيط

    [​IMG][/URL][/IMG]

    اما اللمبه والزجاج ما منهم فايده تحطموااااااا

    [​IMG][/URL][/IMG]

    وما شاء الله الناس عندنا ما يجصروا في اقل من دقيقه الكل حاظر
    هههههههههههه

    رغم ان الوقت متأخر

    [​IMG][/URL][/IMG]



    الحمدلله على سلامة الاخوه والله يعوض عليهم

    السيارات تتعوض


    تحياتي لكم

    الأرجنتيني البار
     
  11. سهم الليل

    سهم الليل ¬°•| عضو مبتدى |•°¬

    للاسف هالشارع كل ليله تستوي فيه سباقات والشرطه حدث ولا حرج مركزه على الناس الي في حالها يعني واحد ناسي يربط الحزام والا حاط مخفي .. اما الشباب الفوضويه ماخذين راحتهم سباقات كل ليله ! ! !
     
  12. آرينا

    آرينا ¬°•| عضو مبتدى |•°¬

    الحمد لله على سلامة الجميع

    وربنا يحفظنا من تهورهم .. بس ممكن توضحون لنا كيف صار الحادث؟
     
  13. قلب الأسد

    قلب الأسد ¬°•| عضــو شرف |•°¬

    جزاك الله الف خير اخوي الارجنتين ع الصور والتوضيح

    لاني انا كنت حاضر في بدايت الحادث وكانت الشرطة والطاقم موود فما قدرت اصور براحتي


    ارينا الحادث حسب ما وصلني من اشخاص كانو في موقع الحادث اثناء وقوعه

    ان شاحنه وخلفها الباص كانو يمشون ع الخط وكان الباص يريد يتجاوز الشاحنه ولكن في نفس الوقت صاحب المرسدس اتيا بسرعه مذهله وتفاجا ان الباص يتجاوز امامه فحدث الاصطدام

    سهم الليل كلامك صحيح بس لو يخلون ع الاقل رادار يمكن يحلون هالمشكلة
     
    آخر تعديل: ‏22 أبريل 2008
  14. الأجتبي

    الأجتبي ¬°•| عضو مبتدى |•°¬

    مااجصرتوو


    مشكوورييين
     
  15. السَعيدي

    السَعيدي <font color="#ff0000">¬°•| إداري سابق|•°¬</span></

    السالفه مب سالفة سباقات يا خوي سهم الليل

    كان السبب السرعه الزايده من قبل صاحب المرسيدس
    والسبب الثاني بسبب اهمال صاحب الباص وعدم الانتباه اثناء التجاوز

    هو صح فيه سباقات ولكن مب دائما هي السبب


    يعني شو تريد الشرطة تسوي تريدهم يسون مطبات عشان الشباب ما يتسابقون

    تره معظم الاوقات يكون الرادار محطوط مقابل اسواق هدايا العين

    لكن التهور محد يقدر يمنعه الا صاحبه
     
  16. قلب الأسد

    قلب الأسد ¬°•| عضــو شرف |•°¬

    عسى الله يهدي الشباب ويعتبرون نفس هالمواقف

    تسلم اخوي الارجنتيني ع التواصل
     
  17. أم أحمـد

    أم أحمـد ¬°•| ~~سُوِيْرِهُ السَّعِيْدِيّ~~|•°¬

    السلام عليكم والرحمة

    اول شي يسلموو على التصوير من لحظة الحدث

    للأسف يا ريت لو يعتبروو شبابناا

    ولا الحين حتى البنات متهورات

    لا الة الا الله

    مدري شوو الفايدة يعني الحين هااييل نصهم في المقابر والمستشفياات

    والي راحت علية سياره والي والي .....

    الله يكون في العون

    تقبلووو مروري

    سويرة
     
  18. يسلموووووووووووووووووووووووووو


    والميزه وايد حلوه يا الارجنتيني البار
     
  19. قلب الأسد

    قلب الأسد ¬°•| عضــو شرف |•°¬

    تسلمون ع المرور

    وابصراحه الحين اشوف وايد يحطون رادار وخاصة بليل


    لا تسرعون خخخخخخخ
     
  20. غصن الريادي

    غصن الريادي ¬°•| الفريق العقاري التطويري للمحافظة |•°¬

    نسال الله السلامه والله يحفض شبابنا يارب

    وأشكر اخوي على التغطيه

    وبالتوفيق للجميع
     
حالة الموضوع:
مغلق

مشاركة هذه الصفحة