دانة الآداب

خلفان الكعبي

¬°•| عضو مميز |•°¬
إنضم
1 يونيو 2010
المشاركات
243
العمر
38
الإقامة
دار بني كعب
قصيدتي بعنوان ((دانة الآداب )) كتبتها في طالبه من طالبات كلية الآداب بجامعة السلطان قابوس ... أيااااام الدراسه طبعا
وأتمنى أن تنال على إعجابكم

يا بنت لو طالعت غيرج ملايـين
..........................ووزعت نظراتي يمين ويساري
ولفيت كل الجامعة يسار ويمين
........................ ما ريت مثلج يا طوير الحباري
ويا بنت لو بلف وأدور كـل حين
........................ وأسلك من الآداب للإي مساري
ما هو بقصـد إني أطالع مزايين
......................... بس أتفـقدلج يا مـزيون داري
لأني بدونج فـاقد العلم والـدين
.......................... ولا ما أفرق بين ليلي ونـهاري
انتي شرات الشمس يا بنت تـزهين
........................... وانتي تنيري الجامعة يا عـذاري
يا دانة الآداب تكــفين تكــفين
............................. طلي عليه لا تزيدي انــتظاري
لاني بغيابج تــنقلبي الــموازين
............................ وتهاجم أفكاري وحوش وضواري
ويقولوا الكعبي شرات المـــجانين
............................ يهيم في وسط الفلا والبراري
شرات قيس بن الملوح مــن سنين
............................ لي هام في محبوبته بالصحاري
يا بنت حبج ســاكن (ن) بالشرايين
.......................... متحكم (ن) فيني ولا هو بـداري
ماسك زمـام القلب مسكة شياطين
............... .......... وكل الحواس الخمس تحته جواري
يــآمر وينــهي والخلايا مطيعين
........................... وتنفذ أحكــامه بدون اختياري
تقول كسرى في زمــان السلاطين
............. ...........معلن على كل الشعوب الطواري
ويا بنت لولا خوفتي م الـمواشين
.......................... وأقوال عذال (ن) سعوا للدماري
لاعلنت اسمج في سطور الدواوين
.......................... وعلقته بصدري وسام وشعاري
وقلب (ن) أبرسم فيه يا بنت حرفين
............... .......... حرفي على يمينه وحرفج يساري
وأقــول للعالم وكل المــحبين
.......................... لي يآخذون الحب لعب وهزاري
بأن المحبة شمعة (ن) بين الاثنين
............. ............ وإذا انطفت هذاك يوم انتحاري
خلفان الكعبي
 

تـعـبـت اكـتـم الـحـزن

¬°•| فخر المنتدى |•°¬
إنضم
30 مايو 2010
المشاركات
2,498
الإقامة
الامارات
7933.gif
 

لسعـۃ ع ـَـَذآب

¬°•| عضو مميز |•°¬
إنضم
9 يونيو 2010
المشاركات
311
الإقامة
دار بني كعب
واااو القصيده مره
حلوووه
ويعطيك الف عافيه اخوي
خلفان الكعبي
 
التعديل الأخير:

خلفان الكعبي

¬°•| عضو مميز |•°¬
إنضم
1 يونيو 2010
المشاركات
243
العمر
38
الإقامة
دار بني كعب

منوره المكان

¬°•| عضو فعّال |•°¬
إنضم
16 يونيو 2010
المشاركات
181
غاويه القصيده
صح لسانك
 

بيـاض السحـب

¬°•| مُشْرِفَة سابقة |•°¬
إنضم
2 يناير 2009
المشاركات
2,367
خلفان الكعبي

صح لسانك وعلا وارتفع شانك

بين روعة الحب وجمال المشاعر وعظمة الاحاسيس

بين العفوية وعنفوان الشباب وطيشه وجماله

شاء قلمك أن يسطر من الروعة أجملها ومن الجمال أروعه

كلمات حلقت عالياً في سماء الحب السامي

نسجت لحناً عزفته طيور المحبة

طرزت كلمات بحروف جديدة لم نعهدها

أبدعت بما جاد به قلمك وتألقت بما باح به فكرك

فدمت بهذا التميز وبهذا الابداع

ودام الابداع عنوانك


تستحق التقييم والنجوم الخمس بجدارة

 
التعديل الأخير:

خلفان الكعبي

¬°•| عضو مميز |•°¬
إنضم
1 يونيو 2010
المشاركات
243
العمر
38
الإقامة
دار بني كعب
صح لسانك وأعتلى شانك
قصيدة ابداع وشاعرها متمكن
يعطيك العافية وتسلم.

محمود الدرعي ......... صح الله بدنك يا خوي
شرفني مرورك اللطيف على ابيات قصيدتي
خالص ودي
 

خلفان الكعبي

¬°•| عضو مميز |•°¬
إنضم
1 يونيو 2010
المشاركات
243
العمر
38
الإقامة
دار بني كعب
خلفان الكعبي

صح لسان كاتبتها وسلمت يمناك على نقلها

سلمت على روعة اختيارك وانتقائك

فلك تحيتي ومودتي


تنقل لقسم القصائد المنقوله لانه الانسب لها


مرحبا اختي بياض السحب
حبيت أخبرج ان القصيده أنا اللي كاتبها ومن كلماتي
كيف تكتبين (( صح لسان كاتبتها ))
وليش القصيده تنقلونها قسم القصائد المنقوله ؟؟؟
 

بيـاض السحـب

¬°•| مُشْرِفَة سابقة |•°¬
إنضم
2 يناير 2009
المشاركات
2,367
خلفان الكعبي

اعتذار لك بحجم السماء على سوء الفهم الذي حصل

وصح لسانك وعلا وارتفع شانك

وربي يعطيك ألف عافية

احترامي واعتذاري وتقديري



تم تعديل الرد على القصيدة
 

حشيمة القلب

<font color="#DA0202"><b> ¬°•| إدارية سابقة |•°¬<
إنضم
29 يوليو 2008
المشاركات
24,489
العمر
37
الإقامة
°• مِنْ رَحِمْ الحُزنْ أتيتْ .. وسأبقىْ ..! °•
القصيده وكل حروفها ذوووق

صح لسانك ياخوي واعتلا شانك
بصراحه وايد عيبتني القصيده


لاهنت ياخوي ونتريا يديدك

وعساك ع القوة
 

خلفان الكعبي

¬°•| عضو مميز |•°¬
إنضم
1 يونيو 2010
المشاركات
243
العمر
38
الإقامة
دار بني كعب
تسلم اخوي ع القصيدة الحلوة

هع هع وتستاهل دانه هذي القصيدة 000

أختي السديم .... تسلمين على مرورج الحلو
وأشهد انها تستاهل قصايد​
 
أعلى