1. تـعـبـت اكـتـم الـحـزن

    تـعـبـت اكـتـم الـحـزن ¬°•| فخر المنتدى |•°¬

    (((بسم الله الرحمن الرحيم))


    طبعا هاي اغاني كانوا الصغار قبل يغنونها

    يلا ردو زمان اول

    مش اغاني هالايام؟؟؟

    [​IMG]













    ====

    حمامه نودي نودي .. سلمي على سعودي
    سعودي ساير مكه .. بيب ثياب بو العكه
    بحطه في صندوقي .. صندوقي ماله مفتاح
    والمفتاح عند الحداد .. والحداد يبغي فلوس
    والفلوس عند العروس .. والعروس تبغي عيال
    والعيال يبغون حليب ... والحليب عند البقر
    والبقر يبغون حشيش .. والحشيش فوق اليبل
    واليبل يبغي مطر ... والمطر عند الله

    ====

    خوصه بوصه يا النبوصه كلاج الدود من حندود
    ليلى ليلى عطينا سيفج بنلاجي به عبدالله بن سلطان
    لادغتنه عقربيه شقربيه دوسة خيل ولا مطيه

    ====

    عمتي مرت ابويه ... الله يسلط عليها
    يوم يتها الهديه .. دستها في الزويه
    تتحسبني طلاّبه .. اطلب على البيبان
    ما جن ابويه تاجر ..بيصوغ لي الذهبان

    ====

    طاحت عليه نفه .. قوموا اشترولي دفه
    طاح المطر برعوده .. ********ر حوي سعوده
    طاح المطر بيد الله ... ********ر حوي عبدالله
    طاح المطر من فوق .. ********ر حوي بن طوق

    ====

    يا عليا بنت ابوها ... والخطاب اخطبوها
    سبعة ورا البيت .. والثامن عند ابوها
    واحد يدق الزعفران ... والثاني يقول يا ليتني خادم ابوها

    ====

    يا بنية ما دريتي ... عن خطار لفوج
    قالت لفوني غبشة .. على خيول وبوش
    مصلين الجمعه ..صقر ولد الشيوخ
    يالس على الدجيجه .. يالس ويعد فلوس
    يا الطاسه يا المخبوقه .. ما ضمتها الفلوس

    ====

    يا بنيه موتي غصه ... اذا انا مريت
    انا سلبت فوادج ... في السكه واتليت
    يالغرفة يا الشرجيه ... بناها بو علي
    حق عاشه البدويه .. بنت محمد علي

    ====

    من اليوع لو متّي .. ما يوزج شتّي
    بيوزج تاير .. لو بالحجي جاير
    يا بنيتي يالزينه ... صبي لبوج دهينه
    جان ما رضى ولد عمج.. صبي واجلعي عينه

    ====

    يرقد وليدي رقده هنيه
    رقدة الغزلان في البريه
    يرقد وليدي طيب الله نومه
    وعدو وليدى ما هنا بمنام

    ====

    عيال عمي سبعة .. خلوني باتنقى
    نقيت بو طاقية .... بو يوخه ما رضى
    زامط عليه بخشمه .. يا خشم اليوحره
    خشمي طويل وغاوي ..شفته في المنظره .
    حيا الله اللي يباني .... يسلم العشره

    ====


    يامي يامي ياماية ...راعي البحر ما ابااه
    يشل مزمات العومة...وتصل على علباه
    ابا وليد عمي من خنيره ورداه..
    .ما هد خطام الصفرا ولا ضيع عصاه

    ((وسووالم ))
     
  2. صقر قريش

    صقر قريش ¬°•| فخر المنتدى |•°¬

    اووووووووول باركن


    يعطيج العافيه
     
  3. no one like me

    no one like me ¬°•| عضو مبتدى |•°¬

    thanks

    am just new here
     
  4. محمد المرزوقي

    محمد المرزوقي ¬°•| مجموعة تفاعل لأجل البريمي|•°¬

    تسلمين أختي ع الطرح الرائع و الجديم



    ايام زمان كانت حلووه




    وسموحه
     
  5. تـعـبـت اكـتـم الـحـزن

    تـعـبـت اكـتـم الـحـزن ¬°•| فخر المنتدى |•°¬

    تسلموووو حبايبي على رد الله يعطيكم العافيه...
     
  6. حشيمة القلب

    حشيمة القلب <font color="#DA0202"><b> ¬°•| إدارية سابقة |•°¬<

    اول اغنيه والاخيرة كنا وايد انرددها ونحن صغار




    ذكرتينا بايام اول ^^

    يعطيج العافيه غناتي
     
  7. تـعـبـت اكـتـم الـحـزن

    تـعـبـت اكـتـم الـحـزن ¬°•| فخر المنتدى |•°¬

    [​IMG]
     

مشاركة هذه الصفحة