لعيون منهو ما يحاتي رصيده

الموضوع في ',, البُريمِي لِـ/ للشٌعرٍوالْقصِيْد,,' بواسطة خلفان الكعبي, بتاريخ ‏7 جوان 2010.

  1. خلفان الكعبي

    خلفان الكعبي ¬°•| عضو مميز |•°¬

    السلام عليكم
    يسعدني أن أشارك في هذا المنتدى بأول قصيده واللي راح تكون أول مشاركه لي طبعا
    هذي القصيده كتبتها لما كنت مشترك في برنامج نجم الشله هذي السنه على قناة حواس وكانت القصيده إهداء لكل من رشحني ووقف وياي أثناء فترة الترشيح
    اقول فيها

    تكفون يا طاقم حواس امهلوني
    ............................. بضعة دقايق لجل أعد القصيده
    وأشل شله من خفايا شجوني
    ............................. لعيون منهو ما يحاتي رصيده
    جمهوري اللي كلما رشحوني
    ............................. اتشب في شاشة حواس الوقيده
    والجات يصرخ بس لا تذبجوني
    ............................. ما عدت أتحمل أصوات ن جديده
    زادت ضغوطاتي الا ترحموني
    ............................. يالكعبي جمهورك أنفاسه عنيده
    صرخت له يالجات هذول عوني
    ............................. وهذول ربعي وعزوتي فالشديده
    وقت الشدايد لا حشى ما نسوني
    ............................. يالله عساهم ما يذوقوا النكيده
    ويارب جملني بهم مثل ما جملوني
    ............................. لاني عجزت أثني كلامي وأعيده
    لو قلت تشكر يا جمهوري وعوني
    ............................. لا ما وفيت حقوقك المستزيده
    وأدري مقصر لو هديتك عيوني
    ............................. وأدري مقصر لو هديتك قصيده
    جمهوري الوافي أبي تعذروني
    ............................. ما بيدي إلا أقول كلمه وحيده
    كلمة جزاكم ربي الخير دوني
    ............................. وينعم عليكم بالحياة السعيده
    ]
    والسموحه على الفصور ​
     
    أعجب بهذه المشاركة أڑأگأˆ أ‡أ،أ‍أ¦أ‡أ‌أ­
  2. مجروحة المشاعر

    مجروحة المشاعر ¬°•| عضــو مــهــم|•°¬

    صح لسانك اخويه ولا هان شانك

    كلمات غاية ف الروعه

    وبالتوفيق
     
  3. نسايم ريف

    نسايم ريف ¬°•| شاعرة |•°¬

    صح الله لسانك وربي لاهانك يالشاعر

    قصيده في قمة الروعه والذوق وتستاهل وزود يالشاعر

    ومرحبابك ملايين في منتدى البريمي وفي قسم القصيد بالذات يالشيخ

    نورت القسم ولاتحرمنا من جديدك
     
  4. شيخة الغيد

    شيخة الغيد ¬°•| عضو مميز |•°¬

    صح لســـــــــــــــانك خيووووووووو خلفان وربي فنجم الشله ابداع فـــــــ ابداع وماعليك اي قصور وكنا نتمنى انك تاخذ اللقب والمركزالاول بس كان هذا نصيبك
    وانت فايز فقلب جمهورك اللي وقف وياك لآخر يوم وربي تستاهل كل خير شاعرنا
    ونتريا يديدك ع شاشة حواس
    ويامرحبابك فبيتنا الثاني منتدى البريمي ونورتنا
     
    آخر تعديل: ‏7 جوان 2010
  5. يوسف الكعبي

    يوسف الكعبي ¬°•| شـــاعر|•°¬

    جميل جدا لاهنت على الابيات الطيبه ويستاهلوا الجمهور

    عاد ليش ماحطيتها بصوتك نطرب آذاناشوي

    شرفتنا بمشاركتك ونتمنى دايم تمتعنا بجديدك

    تحياتي اخوك يوسف الكعبي
     
  6. فخر الشحوح

    فخر الشحوح ¬°•| عضو فعّال |•°¬

    صح لسانك يا الشاااعر
    وربي يوفجك
     
  7. قڵبيـﮱْ خَـقـأإقْ ❥'¬.

    قڵبيـﮱْ خَـقـأإقْ ❥'¬. ¬°•| عضو مثالي |•°¬

    حلوه القصيده..صح لسانك
     
  8. الجرناس

    الجرناس ¬°•| شـــاعر|•°¬

    مساء خير ورضى

    هلابك منور هذا الصرح الشامخ

    وما عليك زود

    وعساك دوم على القوة

    تقبل تحياتي

    أخوك الجرناس
     
  9. خلفان الكعبي

    خلفان الكعبي ¬°•| عضو مميز |•°¬

    اختي مجروحة المشاعر .... صح الله بدنج ولا هان قدرج
    وتسلمي على المرور اللطيف
    تقبلي تحياتي // خلفان الكعبي ​
     
  10. خلفان الكعبي

    خلفان الكعبي ¬°•| عضو مميز |•°¬


    نسايم م م ريف ف ف ... لاهان قدرج ومنطوقج على مرورج العذب
    والنور نورج أختي ونور كل الأعضاء في هذا المنتدى الراقي بأصحابه
    وانشاء الله كل يديد بنزله على صفحات هذا المنتدى
     
  11. خلفان الكعبي

    خلفان الكعبي ¬°•| عضو مميز |•°¬


    هلا وغلا بشيخة الغيد .... وصح الله بدنج وما عليج زود يالوافيه
    ومثل ما قلتي الواححد ما يآخذ غير نصيبه ... وأنا راضي باللي حصلته وفعلا احس نفسي فايز لاني كسبت قلوب جماهير ما كنت أعرفهم ولا يعرفوني
    ومن ضمنهم (( شيخة الغيد )) وشرفني جدا متابعتج لي فالبرنامج
    وانشاء الله كل جديد راح يكون على هذا المنتدى
    تقبلي تحياتي وخالص ودي // خلفان الكعبي
     
  12. المفنود-00

    المفنود-00 ¬°•| عضو مميز جدا |•°¬

    -00

    احب من حبك ردود المراسيل
    منشود لك مني على رد منشود
    صح الله لسانك ياخووي وبالتوفيق
     
  13. دانه

    دانه ¬°•| عضو مثالي |•°¬

    صح لسانك وتسلم على القصيده
     
  14. Ąℓŋ3αỉмỉ

    Ąℓŋ3αỉмỉ ¬°•| مُراقب سَابق ومطور |•°¬

    هلابك زوود خوووي خلفاان

    ماشااء الله عليك ماافيك حيله

    شلاتك ابدااع واشعارك هم ابدااع

    صح لساانك

    ويسلم عليك عوووض النقبي ويقوولك تستاااهل زووود ِ

    والسموووحه ع القصور


     
    آخر تعديل: ‏8 جوان 2010
  15. شيخة الغيد

    شيخة الغيد ¬°•| عضو مميز |•°¬

    ثانكس خيوووووووو وهذا من طيب اصلك وربي يوفقك
     
  16. خلفان الكعبي

    خلفان الكعبي ¬°•| عضو مميز |•°¬


    بن عمي أسعدني جدا مرورك الخفيف
    وبالنسبه للشلات بنزلهن قريب باذن الله فالمنتدى ... فالك طيب
    تقبل تحياتي وخالص ودي
     
  17. خلفان الكعبي

    خلفان الكعبي ¬°•| عضو مميز |•°¬


    فخر الشحوح صح الله بدنج على المرور الخفيف
    وربي يوفق الجميع
     
  18. خلفان الكعبي

    خلفان الكعبي ¬°•| عضو مميز |•°¬

    ملاك الروح ... شكراااا على المروووور الحلووو .. ولاهان منطوقج
     
  19. خلفان الكعبي

    خلفان الكعبي ¬°•| عضو مميز |•°¬


    الجرناس .. مساك الله بالنعيم شيخي ...سلم على المرور المتواضع
    تقبل تحياتي وخالص ودي (( خلفان الكعبي ))​
     
  20. خلفان الكعبي

    خلفان الكعبي ¬°•| عضو مميز |•°¬


    يا مرحبا ويا حي قول الرجاجيل
    حي الذي رده عن الغير مفنود

    تحياتي لك أخي المفنود ... وأسعدني مرورك ​
     

مشاركة هذه الصفحة