ليش البنت تسكت لما احد يتحرش فيها ؟؟؟

الموضوع في ',, البُريمِي للِحِوار و النقَاشْ ,,' بواسطة ولد صحـــار, بتاريخ ‏7 جوان 2010.

  1. ولد صحـــار

    ولد صحـــار ¬°•| عضو مميز |•°¬

    لسلام عليكم ورحمة الله وبركاته



    لماذا تصمت الفتاة عند التحرش بها !!! ولا نتحدث عن المجموع ككل .

    هذا سؤال يحتاج لاجابة !! لماذا تصمت ؟

    قصص كثيرة , توضح صحة هذا الامر .

    ومهما كان نوع التحرش , فان الصمت يكون سيد الموقف .


    هل هو خوف ام ضعف .. بنات عندكن في الجامعه تصير يوميا تقريبا تحرشات ومضايقات من أشخاص من الجامعة !!ليش اخبار اهلها بالامر !! واخرى تاتيها مكالمات

    ورسائل من شخص لا تعرفه !! فرفضت اخبار احد بالامر !! فتاة تعرضت للاغتصاب ولم تخبر احد !! فضاع

    مستقبلها وضاعت حياتها ولجأت الى الانتحار !!

    لكن كل محاولاتها باءت بالفشل .



    السؤال هنا !!

    ما الذي يدفع الفتاة الى الصمت عند التحرش بها ؟؟

    هل هو الخوف !!

    الموضوع مفتوح للنقاش من كل جوانبه
     
  2. اشكي معاناتي لمن

    اشكي معاناتي لمن ¬°•| عضو مبتدى |•°¬

    صراحه موضوع رهيب بمعنى الكلمه
    وثانيا مب خوف عند الفتاه
    وثالثا عند الفتاه الصمت مب الكل الاغلبيه تدافع عن عمرها
     
  3. متغطية ببرقع امايه

    متغطية ببرقع امايه ¬°•| عضو مميز |•°¬

    اخوي انت عارف عن منو ترمس !!!!!!

    انت تتكلم عن كتلة من الحياء والعفة والحشمة !!!!!

    انت ترمس عن حواء التي خلقت من ضلع اعوج

    تباها ابكل بساطة اتقول ( فلان تحرش فيني فلان قالي )!!!!!!

    وقبل الحياء البنت دينها ودنياها شرفها فمن المستحيل انها ترضى بأي شي يدنسه وتعترف بهالشي
    صعبة جدا على البنت انها اتبوح ابكل شي .......

    وربي يعز شانك
     
  4. مجروحة المشاعر

    مجروحة المشاعر ¬°•| عضــو مــهــم|•°¬


    ما الذي يدفع الفتاة الى الصمت عند التحرش بها ؟؟


    لا مب الخوف

    لانها اذا تكلمت وقالت شي اهم بيتمادون

    واصلا اهي ما تبي تنزل مستواها لمستواهم

    لانه اهو ما يخاف ع سمعت بنات الناس مثل ما يخاف ع خواته

    بس الله يهديهم ويهدينا معاهم
     
  5. شيخة الغيد

    شيخة الغيد ¬°•| عضو مميز |•°¬

    لاتعليـــــــــــــــــــــق لو رمسنا ف هالموضوع من اليوم لحد سنين ما يايين نخلص وتسلم خيووووو عالطرح
     
  6. سِكًـآرِيُبِ

    سِكًـآرِيُبِ ¬°•| طالب مدرسي |•°¬

    لأن الشااب تعيــبه البنت اللي ترااد واللي تحااول تتشيطر وتسوي نفسها قويــه..

    والبنت الذكيه تعرف هالشي عشان جييه تسكت اذا كان مجرد تحرش عادي مثل الكلام والحركات..

    ولا تقول كلامي غلط لأني متأكده من صحته ..شفنا وااايد من هالمواقف..
     
  7. فخر الشحوح

    فخر الشحوح ¬°•| عضو فعّال |•°¬

    الصمت في بعض الأحيان حكمه

    والله على ها الوحوش الخبيثة ترا ربك يمهل ولا يهمل
     
  8. اثير

    اثير ¬°•| مشرفة سابقة |•°¬

    من الصدمه ودفااشه الريال وغباائه لازم الحرمه بتسكت وبتم فااجه حلجهااا
     
  9. غلآه اتعبنيً

    غلآه اتعبنيً ¬°•| عضو جديد |•°¬

    ثانكس ع الموضوع ..^^

    لآ مب ألخوف .. لكن ..........

    اذا تكلمت شو بتقول يعني ........! هذا تحرش فيني و بعدين ..!!!

    جيه تدمر شخصيتها و كرامتها .. >< و لومثلا تحرش بالكلام بس ما ردت عليه مب لآنها خايفه لآ لانها تفكر و ما تبا يتمادى اكثر ... ولو تكلمت و ردت جيه بتمادى و امكن يفهما غلط .......


    البنت وين ما كانت تحافظ على نفسها فكل شي .. و حتى الياهل لآزم تتعلم كيف تحافظ على نفسها ...... ^^

    نترقب الزود و شكرا
     
  10. |[ اليآزيهـ ]|

    |[ اليآزيهـ ]| :: إدارة الفريق التطويري :: إداري

    لا مب خووف
    اذا سكتت مش معناته خايفه او مب قادره اسوي شي ..!
    ولكن تقدر تقول
    مابضيع وقتي في امور مثل هذي
    لان الشباب محد يعطيهم بويه لا بخير ولا بشر..!

    واذا بالنت تمادت وردت عليهم راح يتمادون ويطولونها معاهم

    طبعا هذا اذا كان فقط مجرد تحشرات عاديه
    ولكن اذا كان الموضوع اكبر عن جذي
    اكيد راح اخبر اهلي
    لان كل شي وله حد
    واللي يباله ادب لازم يتأدب^^
     
  11. بنت محضه

    بنت محضه ¬°•| صاحبة التميز|•°¬

    انا عن نفسي اطنش وكأني ما سمعته...اذا كان مجرد كلام لا يودي ولا يجيب واقول لهالشخص الله يهديك ويصلح حالك..اما اذا زودها اناديله اهلي..
    اذكر في مره كنا رايحين رحله من المدرسه وجو مجموعة شباب كل واحد قعد يدفع ربيعه عالثاني صوبنا وكان وحده بنت تشرب عصير شاني ..واحد منهم عق ربيعه عليها والبنت ما قصرت كبت العصير كله ع ثوب الولد ورا وجدام ههههههههههههههههه كل الناس ضحكو عليه ونكس راسه تحت
     
  12. بنت محضه

    بنت محضه ¬°•| صاحبة التميز|•°¬

    انا عن نفسي اطنش وكأني ما سمعته...اذا كان مجرد كلام لا يودي ولا يجيب واقول لهالشخص الله يهديك ويصلح حالك..اما اذا زودها اناديله اهلي..
    اذكر في مره كنا رايحين رحله من المدرسه وجو مجموعة شباب كل واحد قعد يدفع ربيعه عالثاني صوبنا وكان وحده بنت تشرب عصير شاني ..واحد منهم عق ربيعه عليها والبنت ما قصرت كبت العصير كله ع ثوب الولد ورا وجدام ههههههههههههههههه كل الناس ضحكو عليه ونكس راسه تحت
     
  13. قيادة حرس الرئاسة

    قيادة حرس الرئاسة ¬°•| ђάсқεя~4έṽέя |•°¬

    ما الذي يدفع الفتاة الى الصمت عند التحرش بها ؟؟
    الخوف .... ... ...


    يسلمووو
     
  14. بن درع النعيمي

    بن درع النعيمي ¬°•| عضو مبتدى |•°¬

    هذا مب خوف

    البنات تعلمو شي واحد وخلاص هالشي استوا روتين يومي عايشه عليه البنت

    وكل البنات يقولن هالرمسه واتحدا بنت ماقالتها وهي عدت عبارات

    طنشيه - لاتسويله سالفه - لاتردين عليه- خليه يولي - لا ادزيله ويه- لا اطالعينه

    كلها عبارات وكلمات وفالاخير معناها واحد

    كأنه البنت امبرمجه على هالشي أكيد بتسكت دامها كل يوم تسمع هالكلام

    تحيااتي . .
     
  15. أحمد الشامسي

    أحمد الشامسي ¬°•| الفريق التطويري الأخباري |•°¬

    لنناقش متى يلوذ الانسان ـ أي أنسان ـ بالصمت ؟

    حقيقة ـ من وجهة نظري ـ يلوذ الانسان بالصمت اذا كان :

    1ـ مظلوما ... وهذا النوع لا يحدث الا للضعفاء والذين ليس لهم سند نجده يلتزم الصمت ظاهريا وهذا ما يهمنا .

    2ـ خائفا .... عندما يكون يتوقع ان مشكلته سوف تلتهم الأخضر واليابس في حال تكلمه . لذا يلتزم الصمت .

    3ـ في حال الوحده .... وهذا هو بيت القصيد ..

    فعندما تكون لوحدك من الطبيعي أن تلتزم الصمت ....

    وانا هنا لا اقصد الوحدة بمعناها المجرد

    وانما بمعناها المادي وهو ان يكون لك اهل واخوان ولكن في
    النائبات ... قليل ....

    لا أحد يلقي لك بالا او يكلف نفسه بالسؤال عنك .... وهذه هي الوحده بعينها .


    نعود للموضوع :


    تلك الحالات التي ذكرتها يتعامل بها .. حتى الرجال ..

    فما بالك وان كانت فتاة ؟؟


    فانها تعاني من كل تلك الحالات في لحظة واحدة ..

    نجدها مظلومة ولا احد ينصرها بعد الله ...

    ونجدها خائفة ولا نجد من يسألها مابك ..

    ونجدها وحيدة ... بغرفتها ... بزاويتها ...

    بكل مالها من خصوصية .. ولا احد يلاطفها ..

    لذا : فانها تجد نفسها قد جبلت على الصمت

    حتى بات أحد صفاتها التي لا يمكنها التخلي عنها ..


    وحتى في أصغر المشاكل التي تقابلها لا تجيد فن الحديث عنها



    لذا ... تجد الصمت هو المكان الأمن وربما يكون معه الحل الأمثل .

    تحيااتي
     
  16. بريمي دار عيني

    بريمي دار عيني ¬°•| عضو مميز |•°¬

    مشكور ع الطرح
     
  17. أسطورة بنفسي

    أسطورة بنفسي ¬°•| عضو مميز جدا |•°¬

    أكد أنها لو تكلمت بتنفهم غلط

    لأن مجتمعنا غير متفهم و "فبالهم فكره وحده انتوا ادرى فيها"

    الفتاة حقوقها مسلوبه دائما
     
  18. عذب القوافي

    عذب القوافي ¬°•| مجموعة تفاعل لأجل البريمي|•°¬

    موضوع حلو
    الشباب هالأيام إذا حد رد عليهم بيزودوها
    ف
    يا إما تسكت
    أو إذا قالوا شي قوي توصله لأهلها
    وإذا فالمؤسسات الحكوميه
    أكيد في قسم شؤون الطلاب أو شؤون الموظفين
    ع الأقل حد بيهتم إذا حد غلط ع البنت وما قدرت ترد عليه
    أنا عن نفسي أسكت مره
    إذا مصخها أعرف أتفاهم وياه ما أسكت عن حقي
    ويالي سويتها
    تموا يخبرون بعضهم البعض هالبنت خطيره لحد يقرب صوبها والا بتمشكلون
     
  19. غامضة المشاعر

    غامضة المشاعر ¬°•| عضو مميز |•°¬

    حلو الموضوع
    صدج
    اذا تكلمت ممكن يزيد التحرش فيها
    وهي لما تسكت
    ما يدل ع خوفها
    بس ها ذكاءها
    عادة هي وشطارتها
    لانها اذا تكلمت بتنزل م قيمتها
    وحياءها
    وشرفها
    عالعموم
    الله يحفظنا
    تسلم ع الطرح
    لا هنت
     
  20. رماد الشوق

    رماد الشوق ¬°•| فخر المنتدى |•°¬


    سمحلي ع المداخلة انت غلطااان :298b5a831e8a667c2ba
    مب خوووف ..
    كيية مب ملك الموت عسب تخاف .
     

مشاركة هذه الصفحة