يشرفني اخواني بعرض محاولاتي الشعرية في منتداكم واتمنى ان تنول رضاكم
حبيت سهر الليالي بس لجل عينك
لي ضوى الليل اسمع همسة شجونك
على سيف البحر أيدي في يمينك
أتمتع بنظرات المحبة في عيونك
الله عليك يوم تكون رايق يا زينك
البحر ويا موجاته و النسيم يحسدونك
على ساعة صفا يا حبيبي حاسدينك
لا أكيد على حسنك و جمالك يغبطونك
تمشينا و فخاطري اقول للقمر وينك
تعال شوف اللي في الجمال يتحدونك
و اقول للنسيم و الله مهما يكون لينك
حبيبتي ارق منك يا النسيم لو يوزنونك
المعزة يا لي صايره ما بيني و بينك
ترى الدنيا ما لها طعم صدقني بدونك
سكنت الحشى جنب القلب شايلينك
كل ما تنادي باسمي اقولك يا عونك
تراك غالي علينا ابد ما مرخصينك
أتبرا من قلبي و المهجة لو يرخصونك
كل شي فيك دلع شوقك مع حنينك
اللي ما يعرفونك ترى بالصد يجرحونك
وانا كل الأحاسيس فيني مشترينك
غير عن اللي ما يقدرونك و لا يفهمونك
يا مخجل سنا الشمس بطلعت جبينك
يا شذى ورد القرنفل و الباقي ما يشبهونك
بقلمي \ حديث قبله ( الظفيري )