مقالب الليلة الاولى من الزواج

الموضوع في ',, البُريمِي لِـ الصُــور و الطّرائف ,,' بواسطة خلف الكواليس, بتاريخ ‏4 جوان 2010.

حالة الموضوع:
مغلق
  1. خلف الكواليس

    خلف الكواليس ¬°•| عضو مميز |•°¬

    هذا ايميل وصلني وحبيت انقله لكم علشان نضحك مع بعض




    الموقف الأول : بوكيه ورد

    هذا الله يسلمكم .. ليلة زواج العريس ,, كان مجتمع مع اخوياه بالاستراحة ... تعرفون بكره زواجه وقال آخر ليلة ابيها مع الشباب بالاستراحة ... عاد من ضمن السوالف ، قالوا هاه وش تبي نسوي لك مقلب ؟؟ قال لا هين ما تقدرون ..قالوا شف المقلب مسوينه مسوينه .. مير تبيه بالقصر والا قبل لا تروح والا بالفندق
    الرجال مسكت معه وقال أبد تحدي .. ماتقدرون تسوون فيني مقلب
    تزوج الرجال وتوجه للفندق مع عروسته .. وتوهم داخلين الفندق وجالسين أول ليلة ،، والفندق مرتب ومتكتك .. رن جرس الغرفة .. فتح واثره العامل اللي يشتغل بالفندق ومعاه سلة فواكه .. هدية من الفندق للعرسان
    اخذها وحطها عند العروس .. جلس شوي ورنّ الجرس مرة ثانية ، راح فتح الباب واثره العامل معه بوكيه ورد وفيه كرت
    أخذ البوكيه وحطه بالغرفة .. على أساس إن البوكيه هدية من الفندق لهم ، استأذن زوجته بيدخل دورة المياه - الله يعزكم - فزوجته كانت تبي تشوف الكرت اللي في البوكيه .. وش مكتوب فيه .. وكانت الصدمة :
    ألف ألف مبروك الزواج .. وأتمنى لك التوفيق في حياتك الجديدة
    ..أموله..

    انهارت الزوجة !! منهي أموله ؟؟؟ وفي ليلتي .. تبارك لزوجي وبكل وساعة وجه !! طلع زوجها من دورة المياه واثر زوجته تصيح وتشاااهق .. وش فيك يابنت الحلال ؟؟ وش صاير .. عطته الكرت اللي بالبوكيه .. الرجال انهبل .. قسم بالله ما اعرفها ولا ادري منهي .. والبنت مسيكينة الدموع اربع اربع !!! شوي ويرنّ الجرس مرة ثانية .. واثره العامل معه بوكيه ورد ثاني ومعه كرت
    مكتوب فيه :
    ألف ألف مبروك زواجك .. ونتمنى لك التوفيق في حياتك الجديدة
    أخوياك بالاستراحة ( أموله )
    والرجال يوريها زوجته .. شوفي قسم بالله انهم اخوياي .. هم اللي مسوين المقلب .. وبالأخير اقتنعت البنت !!!

    يعني خربوا عليه أول ليلة في حياتهم .. بسبب هالتصرف !!!!!

    [​IMG]

    الموقف الثاني : خمسين ألف ريال​


    هذا الله يسلمكم واحد تزوج وكانت اموره كل شي زي اللوز ، وكل شي عدا على خير
    أخذ زوجته وراحوا لبيتهم الجديد ... وبينما هم جالسين ( ركزوا على بينما ) المهم .. دق جوال الرجال واثره واحد من اخوياه
    سلام عليكم .. عليكم السلام ,, ألف مبروك يابو فلان .. والله يوفقك يارب .. واعذرنا ماقدرنا نبارك لك بالقصر .. لأن حنا جايين من الديرة .. وضيعنا الطريق شوي .. ويوم وصلنا واثر المعازيم ماشين ولا قدرنا نبارك لك .. بس قلنا نبارك لك لو بالتلفون
    قال انتم وصلتوا يعني ؟؟ قالوا ايه .. قال تعشيتوا ؟؟ قالوا لا والله بس كنا نبي نبارك لك .. قال ابد والله ان تمروني تتعشون عندي .. دامكم جيتوا وتعنيتوا من الديرة .. الا تجون تتعشون عندي
    يا ابن الحلال ... عدل بدل ،، الرجاااال مصرّ الا يجون
    البنت طبعا طااايرتن عيونها !! وش اللي تعالوا تعشوا عندي ..!! وش هالزوج اللي توهقت فيه خخخخخخخخخ المهم أول ماسكر السماعه قال لزوجته هذولا أخوياي جايين من الديرة ولا لحقوا على العرس بالقصر .. وفشيلة إني ما أستقبلهم ،، أنا بروح اجيب اغراض العشاء وأبيك تطبخين لنا !! الحاصل راح وجاب رز وبصل وطماط وملح وكل شي .. وحطها بالمطبخ قال اطبخي لنا .. اخوياي بيجون الحين
    البنت تطبخ وتصيح وتقول في نفسها .. بكره أنا في بيت أهلي .. وش هالعييييييشة
    يوم تعشوا وخلصوا .. دخل الزوج على زوجته بالصالة .. وعطاها مبلغ 50.000 ريال قال تفضلي
    قالت وش ذولي ؟؟ قال هدية لك .. بمناسبة هالموقف اللي صار اليوم !! قالت شلون وش السالفة ؟؟

    قال السالفة ومافيها ان الموضوع تحدي كان بيني وبين الشباب قبل الزواج .. قايلين لي اتحداااك تخلي زوجتك بأول ليلة من زواجها تطبخ لنا !! والتحدي كان من خمسين ألف ريال .. واخوياي ما جو من الديرة ولاهم يحزنون .. الموضوع ومافيه تحدي ,, والمبلغ هذا من حقك انتي

    البنت بلعتها .. وانبسطت لسبب واحد .. قالت اشوى ان هالطبع فيه مب صدق !! والا كان علوم ,, وأخذت الدراهم .. بس وش الفايدة لا خربوا أول ليلة في حياتك الجديدة !!

    [​IMG]

    الموقف الثالث : بخاري

    هذا واحد قرر يتزوج ،، ومشت أموره تمام .. وقالوا له أخوياه .. ترى لازم حنا نسوي لك شي في يوم عرسك .. وترى حنا اللي راح نجيب لك العشاء اذا رحت مع زوجتك للفندق .. بنتكفل فيه وبنجيب لكم شي مرررتب
    الرجال قال أبد ياشباب ماتقصرون ويكفي شعوركم .. ومن هالكلام
    واحد من الشباب قال للباقين .. تكفون خلوا العشاء علي انا لحالي ،، الرجال هذا من أعز الناس عندي .. وودي يوم عرسه أجيب له أنا عشاه .. وخلونا حنا مرة ثانية نجيب له شي يصير مننا كلنا .. قالوا دام كذا أجل خلاص
    تزوج اخونا في الله وراح مع زوجته على أساس إن خويه هو اللي بيجيب له العشاء ويوصله للفندق بنفسه
    بعد ماجلسوا فترة بالفندق .. رنّ الجرس وفتح العريس الباب وأثره خويه
    والمصيبة إنه جايب له العشاء كيسة رز بخاري وبصل وجرجير
    ويمدها له وهو ميت ضحك
    وش موقف الزوج ؟؟؟؟؟؟؟؟؟؟ أترك لكم التعليق

    [​IMG]

    الموقف الرابع : النور

    هذا واحد تزوج وراح مع زوجته لبيتهم الجديد والمعاريس جالسين ومستحين .. وصحن فواكه .. وعصيرات وكل واحد يسترق النظرات .. وطاقتهم أم الركب وحالتهم صعبة !! شوي الا يطفى النور
    يااااوك وش السالفة .. طلع الزوج وفتح الطبلون حق الكهرب واشتغل النور
    رجع مرة ثانية .. وطفى النور .. وراح مرة ثانية وشغله
    ومرة ثالثه ورابعه وخامسه !!! وجلس على هالحالة من 12 بالليل لين أذن الفجر خخخخخخ .. والسبب ؟؟ أخوياه يبون يسوون فيه مقلب .. يعني يالله خربوا أم أم الليلة عشان ضحك واستهباااال

    [​IMG]

    الموقف الخامس : مقلب عكسي​


    هذا واحد قرر يتزوج .. وقرر أنه هو اللي يسوي بأخوياه مقلب ،، يعني يتغدا بهم قبل يتعشون فيه
    قال لأخوياه انه نوى يتزوج وكذا .. وجلس يستعد للزواج ،، ومن ضمن الاستعدادات .. طباعة كروت الدعوة
    طبع كروت دعوة للأقارب والأهل بمكان القصر وموعد الزواج وكل شي .. وطبع كروت زواج خاصة لأخوياه .. وكتب فيها موعد الزواج يختلف عن موعد زواجه الفعلي بيوم ... وكتب فيها ان الزواج بيكون في البيت
    الشباب اخذوا البطاقات .. وشكلهم كانوا ناوين يسوون فيه مقلب يوم زواجه
    طبعا الرجال تزوج وعدت ليلته الأولى من أروع مايكون .. لا مقالب ولا هم يحزنون
    يوم صار من بكره .. اللي هو موعد الزواج الوهمي لاخوياه خخخخخخخخخخخ لبسوا الشباب واللي راح الحلاق يكشخ .. وراحوا لبيت المعرس !! وش السالفة .. غريبة وين المعازيم ؟؟ مافيه الا سيارتين او ثلاث عند الباب
    دخلوا .. ويسلمون على اخوان المعرس .. ويجلسون شوي بالمجلس .. ماش مافيه احد .. مب جو عرس !!
    ويروح واحد يسأل اخو العريس .. وين فلان ؟؟
    قال .. سافر
    قالوا وش اللي سافر ؟؟ عسى ماشر بس ؟؟ وزواجه اليوم ؟؟؟؟
    قال .. زواجه امس ... وسافر اليوم الصبح هو وزوجته

    وتراه قايل لأهلي انكم بتجون عقب عرسي بيوم .. وترانا مسوين لكم عشاء وشغل مرتب .. والله يحييكم

    والسموحة منكم اذا طولت عليكم
     
  2. مجروحة المشاعر

    مجروحة المشاعر ¬°•| عضــو مــهــم|•°¬

    هههههههههههههههههههههههاي

    بموت من الضحك

    اسمنها كشخه

    طررررررررر

    ويستاهل التقييم
     
  3. خلف الكواليس

    خلف الكواليس ¬°•| عضو مميز |•°¬

    مشكورة مجروحة المشاعر على مرورك وتقييمك:blush2:
     
  4. قطوة البريمي

    قطوة البريمي ¬°•| مُشرِفَة سابقة |•°¬

    هههههههههههههههه والله اني فاطسه ضحك وانا اقراهن

    عاد اخر وحده طرر حرام والله سواها فيهم هع

    يسلمو ع الموضوع

    بصراحه اشكر فنك

    كثر منهن هالمواضيع
     
  5. خلف الكواليس

    خلف الكواليس ¬°•| عضو مميز |•°¬


    الله يديم الضحكة فوجوهكم

    بنكثر ولا يهمك بس كل شي فوقته حلو
    ومشكورة على مرورك
     
  6. جرووح دفينه

    جرووح دفينه ¬°•|مُشْرٍٍفة سابقة |•°¬

    خخخخخخخخخخخخخخخخخخ حلوه

    يسلمووووو ع الطرح
     
  7. يديدة^^

    يديدة^^ ¬°•| عضو فعّال |•°¬

    هههههههههههههههههههههههههههههههههههههههههـ

    هالسعودين عجب
     
    أعجب بهذه المشاركة أ•أ‍أ‘ أ‍أ‘أ­أ”
  8. صقر قريش

    صقر قريش ¬°•| فخر المنتدى |•°¬

    ههههههههههههه حلوين ومنك احلى

    يعطيك العافيه على الطرح المميز
     
  9. يوسف الكعبي

    يوسف الكعبي ¬°•| شـــاعر|•°¬

    الحمدلله حنا مب فالسعودية
     
  10. خلف الكواليس

    خلف الكواليس ¬°•| عضو مميز |•°¬

    مشكورين على مروركم حبايبي
    ويسعدني انها نالت اعجابكم
     
  11. أم أحمـد

    أم أحمـد ¬°•| ~~سُوِيْرِهُ السَّعِيْدِيّ~~|•°¬

    اخر وحده حبيتها ههههههههه


    يستاااهلووون


    يسلموووووووووووووزن


    احتراماتي


    سويرة
     
  12. Ąℓŋ3αỉмỉ

    Ąℓŋ3αỉмỉ ¬°•| مُراقب سَابق ومطور |•°¬

  13. دمار شااااامل

    دمار شااااامل ¬°•| عضو مميز |•°¬

    هههههههههههههههههههههههه والله اني فطست من الضحك .

    شكراااااااااااااا على الموضوع الفنان
     
  14. الــــ ع ــــنــــود

    الــــ ع ــــنــــود ¬°•| مُشرِفَة سابقة |•°¬

    طماااااااااااااااااشه ع الاخر


    خخخخخ

    يسلمووووو
     
  15. سقوط المطر

    سقوط المطر ¬°•| مشٌرٍفةِ سابقة |•°¬

    ههههههههههههههههههههه والله اني مت من الضحك:99::99::99::99::99:
     
  16. شووق قطر

    شووق قطر ¬°•| مراقبة عامة سابقة وصاحبة العطاء المميز |•°¬

    ههههههههههههههههههههههههه مآلك حل اخوي


    مشكوووووووووووور ع السدح الفرفوشي النعنووشي
     
  17. CR7

    CR7 ¬°•| βu βşɱą |•°¬

    عيبتني اخر وحده
    يبالي اسويها هع هع
    ميرسي ع الطرح الغاوي
     
  18. موت وميلاد

    موت وميلاد ¬°•| ما نشبه بعض|•°¬

    هههههههههههههه قصص حلوة

    تسلم ما قصرت 000
     
  19. قيادة حرس الرئاسة

    قيادة حرس الرئاسة ¬°•| ђάсқεя~4έṽέя |•°¬

    وهاهاهاهاهاهاها..... :356b1f227d4f29af2e1


    ناااااااااااااايس ...
     
حالة الموضوع:
مغلق

مشاركة هذه الصفحة