ملك زمانه

الموضوع في ',, البُريمِي لِـ/ للشٌعرٍوالْقصِيْد,,' بواسطة المـــــهآ, بتاريخ ‏4 جوان 2010.

  1. المـــــهآ

    المـــــهآ ¬°•| عضو مميز جدا |•°¬

    بسم الله الرحمن الرحيم

    سلام الله ع خلق الله
    رجعت بقصيده بسيطه

    والسموحه منكم ترا ما منسقه الموضوع لان داشه بالفون
    واقول فيها:-


    هاض الفكر بحسه وألحانه
    ترنم بأنواع الشوق وتلاحينه
    تونست الروح وغنت طربانه
    كتبتها أبيات وبالقاف مستعينه
    مره عشق ومره همس ريانه
    ومره شذى شوق ومروج رياحينه
    أشكال وخطاوي الحب و أغصانه
    تيتم وهو بأول خطوة سنينه
    دموعن سكبها بهمال أمزانه
    تعلم ان الفطيم يشتد لينه
    يبكي أيام و ينجبر نسيانه
    يذوق حلاوة الدنيا وبيبتدي عناوينه
    يمشي وبمشيته العمر هانه
    مثل الحب اللي حنا نهيينه
    ويلي على وقتن يصعب نسيانه
    وويلي على قلبن تجرح بأديينه
    من يقول ان العيب في زمانه
    تراه ماشي وعيوبه تشيينه
    مايشوف ولا يعوف إلا ميانه
    يسلب الحق وبالباطل يهيينه
    الله عليك ياعيبن مالك خانه
    نعز نفسنا عن عيوبن تهتوينه
    ومن هوا عيوبه ملكه شيطانه
    ومن عافها تولفت عليه شياطينه


    وسوالم
     
  2. بو جسيمـ

    بو جسيمـ ¬°•| شاعر |•°¬

    عليج السلامـ والرحمهـ )

    صح اللهـ لسانج يالمهــآ " ابياتج حلوه

    بس لا هان ربي مقدارج اهمتي بالوزن حبتين

    نتريـآ الزود من يداج يالغاليهـ

    ربي حافظج ,, فـ داعة الله
     
  3. طلال الشامسي

    طلال الشامسي ¬°•| مُشْرِفْ سابق |•°¬

    تسلمي يا الشيخه والله يحفظج
     
  4. يوسف الكعبي

    يوسف الكعبي ¬°•| شـــاعر|•°¬

    صح الله لسانج شاعرتنا

    ابيات وايد حلوه منج

    الله لايحرمنا يديدج
     
  5. حديث قبله

    حديث قبله ¬°•| عضو مبتدى |•°¬

    صح لسانج يا الشاعره

    كلمات في قمة الروعه

    يعطيج العافيه و المزيد و جداج

    تقبلي مروري المتواضع
     
  6. نسايم ريف

    نسايم ريف ¬°•| شاعرة |•°¬

    احساس جميييل جداً يالغلا

    صح الله لسانج ونتريا الجديد فديتج


    بس مثل ماقالج مخاوي شوووويه عندج الوزن يبيله ضبط
     
  7. مشـــ كوول ـــاغب

    مشـــ كوول ـــاغب ¬°•| عضو فعّال |•°¬

    صح لسانج ولا هان

    تاملي خير ان شاء اللله دووم الى الامام والافظل عنوانج وختام اهدافج
     
  8. غامضة المشاعر

    غامضة المشاعر ¬°•| عضو مميز |•°¬

    صح لسانج
    ربي يحفظج
     

مشاركة هذه الصفحة