قصيدة كتبها واحد متعقد من المكياج تقول

الموضوع في ',, البُريمِي لـ القَصائد المنقولة' بواسطة غزلان البريمي, بتاريخ ‏3 جوان 2010.

  1. غزلان البريمي

    غزلان البريمي ¬°•| عضو مثالي |•°¬

    قصيدة كتبها واحد متعقد من المكياج تقول :
    :banned:
    يا صانع المكياج الله يجازيك
    خليتني مخدوع في شكل خلي

    الله يحرق مصنعك مع مبانيك
    والمعرض الموجود في بيكاديلي

    ادعي عسى تعمى وتنشل رجليك
    هذا دعائي دوم لا جيت أصلي

    خليتني اركض ورا البنت هاذيك
    واشوفها أجمل غرام ٍ حصل لي

    قلبي عشقها يا(جيفنشي) توماتيك
    وان شافها قلبي يرحب يهلي

    هي رحبت بي وقالت الله يحييك
    وقالت هلا باللي عشق زين شكلي

    وقالت أنا أجمل بنت في اللي حواليك
    شف حسني الأخاذ وروجي العسلّي

    طالعتها ثم قلت هالقلب يبغيك
    ومن شاف حسنك خلى غيرك يولي

    ابغي اشوفك دون مكياج يكسيك
    وابغي اشوفك بالجمال المحلي

    قالت تبيني افرك الوجه تفريك
    واشيل هالبودر وروجي وكحلي

    قلت أي نعم قومي عسى الروح تفديك
    ابغي جمالك هالطبيعي يهلّي

    قالت دقايق راجعه لك واراويك
    ذاك الجمال اللي لعينك يسلّي

    ويوم رجعت لي شربكتني الشرابيك
    وحسيت الأرض تدور وأنا بمحلي

    الخد كنه يا(جيفنشي) سيراميك
    والوجه شارع مثل شارع حولي

    الوجه كنه بيت كله شبابيك
    من هالحفر في وجهها اللي يعلّي

    كله سبب مكياجك الله يجازيك
    خليتني مخدوع في شكل خلي

    ونصيحتي لكل شاب من غير تشكيك
    لا لا اتسرع ثم تنغش مثلي
    :afkr:
    اللي بلا مكياج خلها حواليك
    واللي تحط مكياج ...خلها تولي
     
  2. غزلان البريمي

    غزلان البريمي ¬°•| عضو مثالي |•°¬

    اتمنى انها تعيبكم
     
  3. صقر قريش

    صقر قريش ¬°•| فخر المنتدى |•°¬

    نااااااااااااااااايس يسلمووووووووووووووووو
     
  4. غزلان البريمي

    غزلان البريمي ¬°•| عضو مثالي |•°¬

    الله يسلمك
     

مشاركة هذه الصفحة