قصيدة حزن عن الوالدين

الموضوع في ',, البُريمِي لـ القَصائد المنقولة' بواسطة الريانه, بتاريخ ‏2 جوان 2010.

  1. الريانه

    الريانه ¬°•| عضو مبتدى |•°¬



    السلام عليكم ورحمة الله وبركاته

    المعذره القصيده محزنه نقلتها للعظه والعبرها جعلنا الله واياكم من البارين بالوالدين ..... الله يعين البنيات على الدموع . والرجال يمكن بعد!!!!!!

    وين انت ياحمدان امك تناديك

    وراك ما تسمع شكايا وندايا



    يامسندي قلبي على الدوم يطريك

    ماغبت عن عيني وطيفك سمايا


    هذي ثلاث سنين والعين تبكيك

    وماشفت زولك زاير ياضنايا


    تذكر حياتي يوم اشيلك وداريك

    ولاعبك دايم وتمشي ورايا



    ترقد على صوتي وحضني يدفيك

    ماغيرك احد ٍ ساكن في حشايا


    واليا مرضت اسهر بقربك واداريك

    ماذوق طعم النوم صبح ومسايا



    ياما عطيتك من حناني وبعطيك

    تكبر وتكبربالأمل يامنايا



    لكن خساره بعتني اليوم وشفيك

    واخلصت للزوجة وانا لي شقايا





    انا ادري انها قاسيه ما تخليك

    قالت عجوزك ماأبيها معايا




    خليتني وسط المصحه انا ارجيك

    هذا جزا المعروف هذا جزايا




    ياليتني خدامه بين اياديك

    من شان اشوفك كل يوم برضايا




    مشكور ياولدي وتشكر مساعيك

    وادعي لك الله دايم بالهدايا




    حمدان ياحمدان امك توصيك

    اخاف ما تلحق تشوف الوصايا



    اوصيت دكتور المصحه بيعطيك

    رسالتي واحروفها من بكايا




    وان مت لا تبخل علي بدعاويك

    واطلب لي الغفران وهذا رجايا

    وامطر تراب القبر بدموع عينك

    ما عاد ينفعك الندم و الدموع
     
  2. تـعـبـت اكـتـم الـحـزن

    تـعـبـت اكـتـم الـحـزن ¬°•| فخر المنتدى |•°¬

    ((أحم أحم أول باركن))

    الله يعطيج العافيه خيتوو وقصيده حلووو ((اللهم يا ذا الجلال و الإكرام يا حي يا قيوم ندعوك باسمك الأعظم الذي إذادعيت به أجبت,أن تبسط على والداي من بركاتك ورحمتك ورزقك))((آآآآآآآمين)).
     
  3. وافي وطبعي سنافي

    وافي وطبعي سنافي ¬°•| عضــو شرف |•°¬

    يعطيك العافية اختيار موفق
     
  4. شايع الصيت

    شايع الصيت ¬°•| عضو فعّال |•°¬

    قصيدة حلوة وايد
     

مشاركة هذه الصفحة