هل تخجل من لهجتك العاميه!!!...

[شيخة الكل]

السلاااام عليكم

شخبااركم؟؟


فكرت اسوي هذاا الموضوع لانه محيرني ..



ليش نغير لهجتناا ..؟!

حد يستحي من لهجته الاصليه ..؟!

كل وااحد حر ف نفسه اذاا يباا يغير لهجته
بس كل منطقه معروفه بلهجتهم الخااصه عندناا ف عماان ..


ماا ضروري انه نغير لهجتناا ولكن ضروري نتخلص من الكلماات المحليه الغير مفهومه
والصعبه على الاخرين فهمهاا اللي نتوقع انه يسأالوناا عن معاانيهاا ..

بس هذاا ماا يعني انه نغير كل كلااامناا ..

في بعض الكلماات محد يعرفهاا غير شعبناا يعني الدول ماا يعرفون معنااهاا وهذي خااصه مناا ..


من المفروض انه نفتخر بلهجتناا ..



فماالسبب ؟؟


لماذا يخجل البعض من لهجته ؟؟

هل علينا التوجه الى لهجات اخرى ؟؟









​

 

[عليا العلوي]

اي شخص يفتخر بلهجته يا جماعه هذي شراه الهويه ونا ما استحي ادخل مصطلحات مابين كلامي عادي...المهم كلنا عرب...وعلق على الموضوع صح فيه ناس تغير لهجتها كمستحى او خوف...احتمال السبب عشان ما يضطر الشخص يشرح المعنى..

 

[شيخة الكل]

شكرآاا أختي ع مرورك الطيب...نورتي

 

[الــــ ع ــــنــــود]

عدم الثقة بالنفس نوع من انواع الشخصيات هذا ليس مقياس

كل واحد واسلوبة او حسب الشخص المقابل له

وكما قال الرسول عليه الصلاة والسلام و خاطبوا الناس على عقولهم

يعني احيانا الانساان يغير لهجته حتى يفهمه الطرف الاخر ...واحيانا البيئه

الذي هو محيط بهااا ساعدته ع ذلك.... والدليل اغلبيه المناطق الي تفصل

بينهم حدود سوف ترين انا اغلبيه النااس تتكلم بلهجه البلده المجاوره لهااا

تقبلي تحياااتي

 

[جامعية]

مرحبا...
حلو الطرح

اختي يوم كنت ف الجامعة كانت طبعا لهجات عمان كلها حاضرة كنت القى صعوبة ف فهم البعض منها خصوصا اول الايام ماكنت القط شي مول من الرمسة ... بس مع الوقت تعودت ... وانا بعد وايد بنات كانن يقولن مانفهمج وكنت احاول قد ما اقدر ابسط اللهجة ..

اللي لاحظته تقليد البعض للهجة بعض المناطق الثانية ... خصوصا المناطق الحضرية تقلد المناطق البدوية ... مب مستحى بس لان الاعلام مركز بشكل كبير عليها من خلال المسلسلات الخليجية والاشعار والاغاني ... يعني ف الاخير اظنه تقليد للدارج اعتقادا منهم ان هاللهجة تعطي الناس فكرة احسن عنهم ...

اللي واثق من نفسه مايحتاي يغير لهجته او مظره او اسلوبه ف الاخير "" واثق الخطوة يمشي ملكا""

 

[شيخة الكل]

يعطيكم ألف عافية ع مرووووووركم الطيب...نورتوا

 

[شيخة الغيد]

لاااااااااااااااه والله هذا اللي يستحي من لهجته احسن له ييلس فبيته وما له حايه
وثانكس عالموضوع النايس

 

[الـكـاسـر]

تسلمي ع الموضوع
والله في ناس كثير كذا ليش أنا بروحي ما أعرف

بس يمكن صح ما عنده ثقه في لهجته
بس بعض الناس تقول الموضه تراه الحين كل شي صاار موضه
الله يعين بس

ثااااااااااااانكس

 

[لحن غجري]

خخخخخخخ حد يستحي من لهجته

يسلموووووووو ع الطرح

 

[مردك لي]

ههههه
امنوه يستحي من لهجته

تدرين وين المشكله
الحينه المشكله الموووووووووضه
من يسمعو موووضه يديده صايحه فالسوق لهجه يديده
خلاص بينسوووو لهجتهم



تسلمو ع الموضوع خيتيه

 

[القلب الأبيض]

ليش أخجل؟؟؟؟؟

بالعكس أنا واحد أفتخر بلهجتي..!! أهم شي تكووون مفهووومة..

يسلمووو ع الطرح... ألف شكر لك..!!!

 

[عذب القوافي]

انا من النوع اللي يغير لهجته
بس مضطره
عسب الناس تفهمني
والبنات دوم يتسألن شو يعني وشو يعني
تأذيت
فحاولت اعلم اللهجه المتداوله
تبع الحضر إذا ما خاب ظني
بس يبين علي إني اصطنعها
لكن غصبن عني في بنات يسبن لهجة البريمي وااااااايد
ما يعيبهن ليش ع قولتهن نقلد الإمارات
فالنهايه إرضاء الناس غاية لا تدرك
وأنا تعبت وانا أتصنع لهجة غيري
بتم ع لهجتي احسلي كل واحد حر فنفسه

 

[متغطية ببرقع امايه]

انزين بتخبركم شو هي اللهجة اليديدة <<<<<<< ابا اجربها خخخخخخخخ

 

[شيخة الكل]

أولآ...أشكركم أخواني/أخواتي ع التفاعل ...

معفويييييييييييين...

أيوا أهم شي تكون اللهجه مفهوووووووووووومه وبدون تعليق...لزمن كل واحد يتبع عاداته وتقاليده وكل واحد يتكلم ع اللهجة المتبعه ف الحي إلي عايش فيه...

تسلموووووووون الغوالي...

 

[قيادة حرس الرئاسة]

يسلموو ع الموضوع ..

 

[آلـَـچـٌہــۆٍرْيِ]

بلعكس لي الفخر والله
ومستحيل اتخلى عن الهجة
ولو بغيت اغيرها مابتركب
طبعا كل شخص والبيئة الي عايش فيها
ليش استحي

ثانكس علموضوع

 

[جرووح دفينه]

يسلمووووووووووووو ع الطرح النااايس

انا عن نفسي احب لهجتي وااايد وما ابي اغيرهااا ابدا واكيد ما اخجل منهاا...

 

[badwya]

بيض الله وجهك يا ياشيخة البنات...موضوع في الصميم...هذا صراحه ما يثير اشمئزازي بعض الاحيان...و اعتبره شعور نقص او كلام فاضي من الاشخاص الذين يغيرون لهجاتهم...ماهو العيب في لهجتنا و تراثنا الاصيل ...م الاحظ ان فيه تنكر من بعض الاشخاص لعاداتهم و تقاليدهم بلا مبرر... و انا هنا لا اعني الاخوه و الاخوات الذين يعيشون او مولودين في بلدان اخرى فهؤلاء لديهم مبرراتهم و يمكن تكون لهجتهم الاصليه و انما اقصد الاشخاص الذين لا ناقه لهم ولا جمل في ذلك..

ليس عيباً في لهجتنا وليس عيباً ان تغير لهجتك وتنصهر مع المجتمعات ولكن العيب فينا
العيب فينا اذا لم نتمسك باللغه العربيه

وسلامتكم

 

[شيخة الكل]

شكرآاا ع مروووووووووووووووركم منورين والله...يعطيكم العافية...

 

[SHOOTER]

عن نفسي افتخر بلهجتي