عاشق توتة
¬°•| عضو فعّال |•°¬
عاد الزمان وعاد لي فيديه قطعة من سما
حبّ السما لأجل امنحه أضيق مساحات الخفوق
رمى خفوقه في يدي وآه ليته مارمى
علمني الشوق وأنا أهديت له عذب الطروق
رمى خفوقه وارتخى مثل الأسير اليا ارتمى
كبّل يدينه بالعذر والقيد لعيوني عروق
وصار أجودي ولد اجودي الطيب بعيونه كما
نسى العناد وسالفة أنا الرجل واقدر أفوق
شوقي سطا في داخله وأورق عناقيد ونما
النخل يشرب فالقصيد اللي على شطره عذوق
تفطرت فيه اللهاه واستسهلت شرب الظما
وغدا برموشه هيجنة هوجاس في مضمار نوق
القيظ علمه القسا والعين تسعى للعمى
والجرح يسبح فالجفون اللي فبواطنها حروق
وأنا على حال الذي حللت له قتلي بما
يبغى يموتني قهر وإلا يموتني عقوق
له آخري لين أولي يعتق علشانه إما
وله أولي لين آخري يستعبد اللي مايتوق
قدرت أغيّر وجهته أرتاح لي ثم انتمى
لديار من لايعرفه جاهل بومضات البروق
ديار القتيل اللي يموت وطعنته تنزف دما
اللي ينازع شهقته وبدون مايشعر يفوق
ديار القصيد اللي لها في داخلي مثل الحمى
خدّامها دموع وعلى بيبانها حراس شوق
عجزت أدوّنها وأنا أعشق أنين المرسما
اللي إذا بريّتها صار لقسا ضلوعي شقوق
تكتب تعاويذي شعر أشهى من الشهد اللمى
شعر إن كتبته هزني من داخلي وبكل ذوق
تكتب أحاسيسي شعر أماري بشعري وما
أكتب أناضل به وهو يفوق وبربي يفوق
أحيان أدوّن به قصص فيها البري والمجرما
وأحيان أدندن به لحن هادي يخليني أروق
الروح إله والبوح إبه جنون مقدر أكتما
أهيم ايه وأضيم ايه من لايحس بسحر موق
يجي على شفاهي وقبل مااحس أصلاً انظما
يسرقني من نفسي وأنا ماأحس به لما يبوق
يعصمني عن فعل الردى لجل العظيم الأعظما
رب السما هو خالقي كلن لمرضاته سبوق
استلني سلّ الرياح لمثخن الغيم إن زما
وبدت تعافر فالغمام اللي إذا سارت يعوق
وخلاني أزعل به وإذا رضيت يصرخ بي لما؟
ترضين واحنا بالزعل نملك مفاتيح الحقوق
نقدر ننير ابه الطريق اللي يخوّف مظلما
يصبح علشان الشعر أوضح من حدود الشروق
وتعشب بيه حدود الفياض البائسات المعدم
وتقدر تطير قلوبنا وترقى على المشراف فوق
تقسّي خفوق اللي مشى بيه الزمان ولاهمي
ونرقق أقسى قلب ويصبح من قصايدنا شفوق
ويعود لي عود الزمان اللي لجل عيني سما
حب السما لأجل امنحه ذاك الذي يدعى خفوق
تهدتني هاذا الشعر الشاعره ونه حبيبتي وحبيت ان انقله لكم