شوفو العجوز وش سوت با ابليس

الموضوع في ',, البُريمِي لِلقِصَص والرِوَايات ,,' بواسطة مردك لي, بتاريخ ‏8 ماي 2010.

  1. مردك لي

    مردك لي ¬°•| عضو مثالي |•°¬

    ‏العجوز الخطيرة** قصه اروع من رائعه

    كان يا ما كان في قديم الزمان ………كان فيه أمراة عجوز قاعدة بروحها وفجأة طلع لها ابليس ……… العجوز خافت وسمت بالرحمن
    قالها ابليس :أنتي يا عجوز هل تعتبرين نفسج داهيه؟؟؟؟
    العجوز: نعم أنا داهيه ……….. والنساء عموما كيدهن عظيم
    أبليس: أنا أتحداج……..وبنشوف مين كيده أعظم ….. ولا ابليس ؟؟
    العجوز :خلاص أنا بسوي مشكله وأنت راح تحلها واذا ما قدرت أنا راح أحلها وراح أفوز برهان.
    :أبليس Ok(( مثقف ))؟؟؟ ؟؟؟
    راحت العجوز حق واحد من هالبطاليه اللي ما عندهم شغل ويا كثرهم وقالت أنا بشغلك عندي فترة معينه بس……. اذا تبي فلوس لا تتدخل ولاتتكلم .
    (وافق الشاب لأنه طفش من البطاله ويبي فلوس ).
    راحت العجوز ومعاها الشاب لمحل قماش وقالت له أنتظرني عند باب المحل …دخلت المحل وخذت قماش غالي وراحت تكاسر تاجر القماش
    العجوز: رخص يا بن الحلال …
    التاجر :اذا أنتي ما عندج فلوس أخذي شيء أرخص .....
    العجوز : ما أقدر ….لازم ولا يصير شيء ما صار
    التاجر :ليش ؟؟ …..لهالدرجه …..شسالفه؟؟
    العجوز:شفت الشاب اللي واقف عند باب المحل ..هذا ولدي
    يحب له وحده متزوجه وهي تحبه ولما تتطلق من زوجها …ولدي بيتزوجها
    وهو قالي أن عارضتي الزواج بطردج من البيت وأمرني أني أشتري قماش
    غالي عشان يعطيها حبيبته ولا راح يطردني من البيت مع أن البيت بالأساس
    بيتي ولكني غلطت وكتبته بأسمه
    العجوز تبكي
    التاجر: خلاص هونيها وتهون والله **رتي خاطري ….خلاص أنا بأعطيج القماش ببلاش….وعسى الله يواجرني
    العجوز طلعت مستانسه وقالت حق الشاب روح البيت بعدها راحت العجوز لبيت زوجة تاجر القماش ودقت الباب وطلعت الزوجة
    العجوز:آه بابنيتي أنا تعبت بالطريق و ما أقدر أكمل ممكن أقعد عندج أرتاح خمس دقايق .
    رحبت الزوجة ودخلتها وأكرمتها وجابتلها شاي ....
    العجوز:مشكوووووورة ما تقصرين ان شاءالله أردها لج (تعمدت تنسى القماش ) وطلعت. ....
    الزوجة:حرام نست قطعة القماش …أكيد بترجع بعد شوي وتاخذها
    بروح أحطها بالدولاب.. ..
    تاجر القماش رد لبيته وتغدى هاك الغدا السنع ونام شوي . قام العصر وفتح الدولاب بغير ملابسه عشان يروح محله ……مفاجأة قطعة القماش وعرف أن اللي يبيها ولد العجوز هي زوجته يعني تخونه

    قام عليها وظربها وطردها بالشارع بالثياب اللي عليها.
    العجوز كانت تنتظر هاللحظه في أخر الشارع فراحت لها تركض
    العجوز: وش فيج يا بنيتي ليش تبكين؟؟؟
    الزوجه : زوجي طردني …وما عطاني فرصه أتكلم . ....
    العجوز: خلاص أنا بوديج بيتي وأنا بروح أحل المشكله ......
    راحت العجوز لبيتها ودخلت الزوجه في غرفة بينما الشاب كان في غرفه ثانيه وأمرته أنه ما يطلع منها ........
    راحت العجوز للشرطه تبكي وتقول :كنت قاعدة في بيتي وفجأة دخل
    رجل ومعه مرأة وقعدوا ببيتي حاولت أطلعهم ما قدرت (أحتلوا بيتي )
    راحت الشرطه وقبضت على الشاب والزوجه ….وحطوهم بالسجن.
    العجوز: ها ها شو رايك يا أبليس ؟؟ دورك اللحين حل المشكله
    أبليس : لا لا ما أقدر أحلها السالفه تشربكت مرررررررة
    العجوز: أنا راح أحلها وكأن شيء لم يكن . وراح أربح الرهان
    راحت العجوز تزور الزوجه بالسجن وقالت لها :أنتي ساعدتيني مرة وأنا اللحين بساعدج …..يلا ألبسي عباتي وغطي نفسج وأطلعي من السجن كأنج أنا وأنا بأقعد مكانج!!!!
    الزوجة:مشكووورة ….لكن أنتي ؟؟؟
    العجوز: مالج شغل مثل ما طلعتج بطلع نفسي. تمت عملية الهروب بنجاح….
    الوالي أمر الحراس يحضرون المسجونين عشان يحكم عليهم
    حضرت العجوز والشاب وقال لهم الوالي :ليش قابضين عليكم وشو مسوين؟؟
    ردت العجوز:احنا ما سوينا شيء كنا قاعدين ببيتنا أنا وولدي ولا الشرطه
    طابه علينا وماخذينا السجن .
    عصب الوالي وهزأ الشرطه وما عطاهم فرصه يتكلمون ويقول:غلطانين
    وتبون تتكلمون......؟؟؟شين و قوة عين ....؟؟؟
    طلعت العجوز من عند الوالي مستانسه وعطت الشاب فلوس وأنهت خدمته عندها.
    راحت العجوز لتاجر القماش وقالت له أنها تعبت بالطريق وأن زوجته أصيله وأكرمتها وهي من
    كثر التعب نست القماش عندها وأن زوجته بريئه
    وقالت خذ قماشتك لأن ولدي سافر هو و زوجته الجديدة.
    رجع التاجر زوجته وتأسف منها و راضاها بعد.
    العجوز : شو رايك يا أبليس أنا فككت السالفه سهله
    أبليس :أنتي ربحتي ….يما………يما أن كيدهن عظيم






    :356b1f227d4f29af2e1
     
  2. شووق قطر

    شووق قطر ¬°•| مراقبة عامة سابقة وصاحبة العطاء المميز |•°¬

    اي والله موب هينة اطلعت

    مشكووووووووووور يآلفآرس ع القصة الحلوة
     
  3. راعية بو شنب

    راعية بو شنب ¬°•| عضو مميز |•°¬

    يا ويل حااالي طلعنا مب هينات *_*
    مشكوووور يا خووي ع القصه الحلوووه
     
  4. غرور العزاني

    غرور العزاني ¬°•|مشٌرفةِ سابقة |•°¬

    طلعت مب سهلة هالعيوز

    يسلمووووو أخووووووي ع الطرح
     
  5. ALSH@MSI

    ALSH@MSI ¬°•| عضو مميز |•°¬

    يسلموووووووووووووووووو
     
  6. مردك لي

    مردك لي ¬°•| عضو مثالي |•°¬

    تسلمن ع المرور الكشوخي
    الله يعيطكن العافيه الشيخات
     
  7. القلب الدافئ

    القلب الدافئ ¬°•| كتلوني للأبد|•°¬

    يسلموووووووووووووووووووووووووو
     
  8. إنسآنـﮧ

    إنسآنـﮧ °• الفريق الأخباري التطويري للمحافظة •°

    هيه والله كيدهن عظيم!!!!


    تسلم يمناك الفارس
     
  9. روووووووعه يسلموووو
     
  10. صقر قريش

    صقر قريش ¬°•| فخر المنتدى |•°¬

  11. الجررريح

    الجررريح ¬°•| عضو مميز جدا |•°¬

    يسلمووووو رووووعه
     
  12. غالي الأثمان

    غالي الأثمان ¬°•| مراقب سابق|•°¬

    ثااانكس.. روووعه..
     

مشاركة هذه الصفحة