عيال اخر زمن

الموضوع في ',,البريمي لـ المواضيع العامة' بواسطة العاثرة, بتاريخ ‏4 ماي 2010.

حالة الموضوع:
مغلق
  1. العاثرة

    العاثرة ¬°•| عضــو مــهــم|•°¬


    اسعد الله مسائاتكم بكل خير

    والله اني تنفست الصعداء وانا اجد نفسي في احضان لابتوبي
    مادري هو اللي فحضني ولا انا اللي فحضنه المهم اننا فحضن بعض
    واناملي تتنقز بين فصافص الكيبورد<<راااح العربي

    تنفست وتنفست وانا مستمتعه ع الاخير اني قادره اتنفس بعد الكم الهائل من الشتيم والصريخ على اليهال
    اللي بدا بكل طيبه ورقه : حبيبي انزل من على الكنب ، ماما عيب تصارخين ، فديتكم ركدوا شوي...
    وبعد ساعتين من الضغط المتواصل ضربت بالصبر عرض اليدار
    و تفلت آخر ذرات التماسك فيني
    فزجرتهم بكل حده : يالعنبوو هالويووه انثبروا عاااااد فكوناا خلوا روسنا تبرد ،
    يا ولد هد اختك ..
    انتي يا آآآآيه ردي الفازلين محله..
    ..تباً لكم .... قسم بالله ان ما يزتوا لا ايي العن خامسكم
    :
    :
    :
    تُرى..!!

    كم منا نحن العزابيه الموظفين والطلبه اللي تونا نبصبص فهالحياة
    نرجع مكروفين من برا بعد ساعات متعبه وطويله
    و اول ما نشوف البيت يلوح فالأفق نبتسم ونمني النفس بالراحه والريلاكسيشن اللي بنحصله
    لكن سرعان ماتتبدل الحقائق اول ما نفتح الباب ونتفاجأ بأفواج من اليهال
    اللي يركض ويعطيك بكوعه فبطنك واللي يدورون حولك واللي كان متعلق فالباب ويطيح من فوق على جتفك واللي يركض بين ريولك واللي.. واللي............

    بسسسسسسسسسسس كفاااااااااايه
    .......................
    ...............
    ......

    [​IMG]

    فالسابق ..كنا نشوف عيال الاجانب ونتضييق من طفاسهم وبزاهم
    دلع زااايد عن الحد ولا عندهم احترام للكبير ..و كنا نحمد الله الف مره اننا عرب
    ومسلمين بس الحين اختلفت الاية غدوا عيالنا اردى من عيال الاجانب
    والسبب ..من وجهة نظري
    السبب هو التربيه الحديثه اللي تعتمد على مبادئ علم نفس النمو وعلى هالمدخلات الاجنبيه
    كلم ولدك بالطريقه الفلانيه و عاقبه بالشي الفلاني..!! لا تشد عليه عن يصيع ، عطوها حريتها فكل شي عشان ما تدور راحتها عند اللي برا ...الخ

    ليش دايم نتجه للغرب ونحن دينا مان علينا بكل شي؟!
    التربية لها مكانة عظيمه فالاسلام ومذكورة فعدد من الايات والاحاديث
    اما بشكل مباشر او بالمعنى وعندنا ايات تدل على فضل التربية الصالحه
    قال تعالى :( يأيها الذين امنوا قوا انفسكم واهليكم ناراَ وقدها الناس والحجارة ) صدق الله العظيم .
    وعن ابن عمر رضي الله عنهما قال رسول الله صلى الله عليه وسلم : " كلكم راعي وكلكم مسول عن رعيته .."
    عندنا اسس ومبادئ للتربيه وعندنا كتب يااااكثرهن فهالموضوع
    شمعنى كل كتاب كثتِب بأيدي ورديه صار هو الصح وكتبنا صارت كوخه؟

    انا اهلي علموني اني احترم الكبير مهما كان واياً كان
    حتى لو هو عدوي
    علمني اني احشم نفسي حتى لو ماحد يراقبني
    علموني وااايد واهلكم علموكم وعلموهم
    بس وين هالتعاليم الحين ؟
    اقصى شي ممكن يقوله الياهل : الله مابيحب الكزاب
    وترا مب من اهلهم من التلفزيون متعلمينها

    ياما شفت حولي مواقف وسمعت
    الا بنت شردت ولا هذا سرق ابوه هذي تصرخ على امها
    هذا يضرب المدرس وذاك.....

    شفنا وايد
    وبعدنا بنشوف وايد
    بس السؤال
    هل تبون عيالكم يطلعون جذي؟!
    ما اتريا اجابه لسؤالي واقصــــــــــــى ما اتمنى انكم تستفيدون
    طبعاً موضوعي مجرد (a wake up call) ..اللي يبا يستفيد
    لازم يدور واللي يبا يتعلم لازم يقرا

    والسمووحه على اسلوب الكتابه الركيك
    طــحيااطي ..!!
    العاثــرة
     
  2. شيخة الغيد

    شيخة الغيد ¬°•| عضو مميز |•°¬

    يسلمووووووووووووووووو ختيه الغاليه بس صج كلامج
    عيال هالزمن خبال فخبال الله يعيناوانا مب مفكره
    اتزوج مب ناقصني ويع رأس جذيه مرتاحه
     
    آخر تعديل: ‏4 ماي 2010
  3. العاثرة

    العاثرة ¬°•| عضــو مــهــم|•°¬

    هههههههههههههه
    بالضبط ياختي عقودنا من كل شي
    قالوا عرسوا وشفنا الرياييل والله انهم
    قلنا مانبا قالوا انزين ماتبون عيال؟؟
    بس دام هالعيال جذا يابوي مانبا خلاااص عوووع
     
  4. ملكه جمال عمان

    ملكه جمال عمان ¬°•| عضو مميز |•°¬

    مشكوره ياختي ,,
    يساك الله خير,,
    كفيتي ووفيتي,,

    السموحه,,
     
  5. عليا العلوي

    عليا العلوي ¬°•| منظمة تفاعل لأجل البريمي|•°¬

    والنعم كفيتي ووفيتي .... من يتزوج الواحد ويجيب عيال يحتار كيف يربيهم الطريقه الجديمه ولا مالت هالزمن...عذااااب ولو ما تزوجنا يفولوا ليش ما تزوجت ولو ما ما يبنا عيال يقولوا هاذي ما فيها عيال والريال يتزوج علينا نجيب عيال ونربيهم قالوا ويع شو ذي التربيه ليش عيالج جذي ولو ما ربيناهم بيصيروا ف السجون ..............محتااااااااااااااااااااااااره يا نلس يا عالم ياهو:027:
     
  6. Bo 3li

    Bo 3li ¬°•| عضو مميز |•°¬

    يسلمووووو خيتووو صح كلامج

    يعطيج العافيه
    ^_^
     
  7. غيثة السحايب

    غيثة السحايب ¬°•| مُشرفَة سابقة |•°¬


    دومج فنانه ف كتاباتج وتستاهلين تقيم

    الله يخلي هالتلفزون ونحن مانقولهم شئ كله متااثرين بالغرب ياحافظ ع الاوليين

    ماضرهم الضرب طلعوا جيل فنان والله

    ونحن دايما نفكر بالغرب ماادري ليش خلونا نتجه شرقا ع قولة احمد الشقيري

    شوفوا اليابان كيف عيالهم يحافظ ادب واخلاق وتواضع

    والمفروض نحن جيه عيال المسلمين بس شو اقول عيال هالايام عادي يرد عليج

    ويغلط ولا جنه صاير شئ والدنيا بخير

    يسلموو الغلا
     
  8. العاثرة

    العاثرة ¬°•| عضــو مــهــم|•°¬


    نورتي بحضورج اختي الملكه
    لاعدمتلج هالطله
     
  9. العاثرة

    العاثرة ¬°•| عضــو مــهــم|•°¬


    :bounce:

    هههههه لاااا شكلج متعقده
    يبوج خذيها ببساطه وحبه حبه
    اول شي تزوجي بس لا تيبين عيال شوفي حظج
    جان صااب كملي جان لا ترحمي ع عمرج
    ماعنجنا بنات يتطلقن <<<بعيد الشر
    مادري صراحه حالي من حالج
     
  10. العاثرة

    العاثرة ¬°•| عضــو مــهــم|•°¬


    مشكوره على المرور يالغلا
    لاعدمتلج هالطله
     
  11. العاثرة

    العاثرة ¬°•| عضــو مــهــم|•°¬

    سكتي عاد لا تذكريني
    يابووج عندي طلاب كورين يقولج حتى اسلوب كلامهم ويا الكبار غير
    بس وين نحن عنهم
    قهررر ياختي

    مشكوره على المرور
    لاعدمتلج هالطله
     
  12. صقر قريش

    صقر قريش ¬°•| فخر المنتدى |•°¬

    يعطيج العافيه اختي ع الطرح
     
  13. روح الشبلي

    روح الشبلي ¬°•| عضو مميز جدا |•°¬

    صح كلامج
    يسلموووو
     
  14. جسووم

    جسووم ¬°•| مراقب سابق |•°¬




    من بـ ع ـدج ينعدم النقاش
    وسطورج توضح المعنى بأحلى صورة !
    وعلى قولتهم انتي محطة تتقن أبجديات حتى النهاية !
    العاثرة اشكرج !
    واصلي هذا التألق الرائع |
    بارك الله فيج ترا والله وايد ناس مستفيدة من مواضيعج الهادفة !
    كثري منها !
    ودمتي على الخير والطاعة |~
    ود!
    جسسوم
     
  15. ALSH@MSI

    ALSH@MSI ¬°•| عضو مميز |•°¬

    يسلمممممووووووووووووو
     
  16. العاثرة

    العاثرة ¬°•| عضــو مــهــم|•°¬


    مشكور على المرور
    لاعدمتلك هالطله
    :)
     
  17. العاثرة

    العاثرة ¬°•| عضــو مــهــم|•°¬



    مشكووره على المرور خيتوو
    لاعدمتلج هالطله
     
  18. العاثرة

    العاثرة ¬°•| عضــو مــهــم|•°¬

    الله يسلمك
    مشكور على المرور
     
  19. العاثرة

    العاثرة ¬°•| عضــو مــهــم|•°¬

    :9lam:
    مشكوور على المرور خيوو
    نورت الموضوع بحضورك
    لاعدمتلك هالطله
     
  20. مجروحة المشاعر

    مجروحة المشاعر ¬°•| عضــو مــهــم|•°¬

    تسلمين خيتي ع هالطرح الغاوي

    ربي لا حرمنا مواضيعج
     
حالة الموضوع:
مغلق

مشاركة هذه الصفحة