حركه جديده يقوم بها الشباب

الموضوع في ',, البُريمِي للِحِوار و النقَاشْ ,,' بواسطة نسيم الشوق, بتاريخ ‏26 أبريل 2010.

  1. نسيم الشوق

    نسيم الشوق ¬°•| مجموعة تفاعل لأجل البريمي |•°¬

    حركه جديده يقوم بها الشباب في عبايات البنات!!!!



    السلام عليكم
    كيفكم

    ندخل في الموضوع <<بدون مقدمآت






    تقول احدى الفتيات من احدى المنتديات :

    ذهبت الى السوق مع زوجي و هناك رأيت أربع بنات لابسين عبايات فاضحه ، يـبان حجم اليد والصدر والخصر ومن تحت فضفاض واثنان من الشباب يمشون ورائهم وشوي إلا واحد من الشباب طلع من جيبه أبره ورش عبايات البنات .


    جلسنا نمشي خلف البنات ، وشوي تغيرت لون عبايتهم طلع لها لون غريب يضحك / واضح إن منكب عليهم كلوركس !!
    وبعدها جلست أدور في عبايتي عسى مارشوني أنا بعد !>>>
    تقول سبحان الله بعد ماشريت لي ملابس رحنا الملاهي نلعب الاولاد التى داخل السوق ولقينا نفس الشباب وقلت لزوجي شوفهم هناك ورى البنات
    وراح لهم زوجي وبعد خمس دقايق رجع يضحك قلت له هاه وش السالفه ؟؟






    قال وهو يضحك :الإبرة اللي شفناها معهم هذي أنبوبات بدون أبره وفيها كلوركس يقولون اللي عجزت عنهم الهيئة تكافحهم إحنا نكافحهم !!
    تكافحهم إحنا نكافحهم !!



    يقول الشاب لزوجي : نجي بدري لأي سوق يسمحون لنا ندخله و نلبس بنطلون أبيض أو ثوب ونحط في الجيب الواحد 10 أنبوبات فيها كلوركس ونرش عبايات البنات المخصرة والفاتنة ويحلف بالله اللي محتشمة ما نرشها نرش بس العبايات المخصرة والفاضحة !! وسمو نفسهم شباب الكلوركس للتبيض... !!

    السؤال هنآ.....فما رأيك بما يفعله هؤلاء الاولاد ؟؟

    هل هذا يعد تدخل في الخصوصية؟؟
    بصراحه ياشباب وش رايكم بالحركه الي يفعلها الشباب
    هل هي ايجابيه ام سلبيه ؟؟؟؟؟؟؟؟؟؟؟؟
     
  2. جامعية

    جامعية ¬°•| عضو مميز |•°¬

    مرحبا....

    اختي الحرية الشخصية لكل فرد لازم تحترم ... اللبس احد هاي الحريات .... مب معناته اايدهن بس بعد ما اايد الشباب ... لو انهن عرفن باللي يسونه واشتكن عليه الحق معاهن ... الدين نصيحة واسلوب مب هالشكل .... وتسلمين ع الطرح
     
  3. الوحدانــي

    الوحدانــي ¬°•| عضو فعّال |•°¬

    الموضوع نص ونص

    وعليكم السلام

    اشكرج اختيه بقسوه وعنف حتى درحة الغليان

    ع الموضوع الحلوووووووووووو

    انا عندي منطق واحد وبس

    حب للناس ما تحبه للاهلكم

    فاذا كان احد هؤلاء شباب يمشي ومعه اهله

    بيعصب ع الحركة القبيحه ونسى انه ف السابق كان يفعلها:61:
     
  4. Ąℓŋ3αỉмỉ

    Ąℓŋ3αỉмỉ ¬°•| مُراقب سَابق ومطور |•°¬

    بصرراحه مالهم حق يسووون جيه

    وكما تدين تدان

    الحرريه لاي شخص..

    عندهم اهل ونااس يربوونهم مالكم حق تتدخلو في حرريتهن

    انت منو ومن عطااك الحق تتدخل فيهن ..

    .. ~_~
     
  5. بنت المقابيل

    بنت المقابيل ¬°•| مشرفة سابقة |•°¬

    صراحة مب من حق الشباب كي يتصرفون وياهم

    هذه حرية وبعدين هم راضين كي عن أشكالهم

    من رأى منكم منكر فليغيره بس مب هالطريقة

    أعتقد أنها حركة مب حلوووة طووووووول

    وجهة نظر فقط
     
  6. ايمان

    ايمان ¬°•| عضو مبتدى |•°¬

    حركة ما حلوه الاسلام علمنا اكثر عن طريقة للنصح والارشاد
     
  7. خافق احساس

    خافق احساس الفرَيق الإدِاري إداري

    بسم الله الرحمن الرحيم
    ـالسلام عليكم و رحمة الله و بركاتهـ"

    ^^"~ صراحة الموضوع وايد حلوو

    هذي الحركة هي حملة الكلوريكس ههههههههههه

    بيني و بينكم يستاهلن أكثر

    ههههههه انا خاطري اسوي حملة المقص ^^"~

    تسلمين خيتو على هيك طرح ^^"~ و انا من المؤيدين لهذي الحملة ههههههه

    بانتظار المزيد
     
  8. abdalluh_f

    abdalluh_f موقوف

    ههههههههههههه هاذول عيال السعوديه اذا اعرفم عشت معهم 18 سنه انولد هناك ودرست هناك وباقيلي شهرين وبروح جامعة السلطان قابوس
     
  9. abdalluh_f

    abdalluh_f موقوف

    نسيت اقول الموظوع حلو وفنفس الوقت يظحك
     
  10. المهاجر

    المهاجر ¬°•| عضو مميز |•°¬

    النصح و الحملات يجب ان تكون بطريقه حضاريه و ليست بهذه الطريقه
    فلا نعالج الخطاء بالخطاء
     
  11. غيثة السحايب

    غيثة السحايب ¬°•| مُشرفَة سابقة |•°¬


    حركات بعد

    بس حركه بايخه وهب جذا النصيحه

    ومش من حقهم يسون جذا عندهم اهل وناس وعمرها النصيحه ماتكون جذا
     
  12. واسع الصدر

    واسع الصدر ¬°•| عضــو شرف |•°¬

    انا لو مكان هالريال بمسح الارض فيهم

    لو عساهن متفسخان مول شو لهم

    لو الشباب في البلاد كلها جي

    جان اخترب النظام والامن

    بتستوي كل واحد يبا يسوي نظام بروحه

    البلاد فيها قانون ودستور

    ولي مخول له هو يسوي شغله

    ولا شو فايدة الشرطه وغيرها

    لو مثلا احد من اهل هالبنات شافهم وستوت مشكله كبيره

    وسارو الشرطه شو بيقولو للشرطه نحن اصحاب الكلوريكس

    انا اقول ياكلو تراب وييلسو في بيتهم ويشوفو عيوبهم وعيوب اهلهم احسن
     
  13. الــــ ع ــــنــــود

    الــــ ع ــــنــــود ¬°•| مُشرِفَة سابقة |•°¬

    شو هالتفكير والتصرررف الغير لائق


    والله الشخص الي مسوي هالحركه احسه نااقص عقل ومب متربي زين



    البنات وراهن اهل يعني يطلعن من البيت واهلهن عارفين ان جيه لابسات



    يعني انت شو يخصك تسوي جيه ف بنات الناااس


    والله لو انا مكانهن وواحد سوى فيه جيه ببهدله تبهديل


    بخليه يعرف كيف التربيه الصح

    اونه بعض الشباب يقولووون " نحن ما يعيبنا نشووف شي ع بنات بلادنا



    وهذيلا يايات يخربن سمعت بلادنا بلبسهن وتصرفاتهن "


    الله يهديهم بس هذيلا اطفال وتفكيرهم مقيد النصيحه افضل الطرق لهدايه مب


    بهالحركااات الي تدل ع ان هالشخص عجري


    السمووحه منج اختيه


    ويسلمووو ع الموووضووع


    تقبلي تحيااااتي
     
  14. البريميه

    البريميه ¬°•| عضو مبتدى |•°¬

    بالفعل احيانا ما يرد البنات اللي هالحركه

    بنات السعوديه اغلبهن و ليس الكل عنيدات و يحبن العناد و التحدي

    لكن يا ريت في شي حضاري او ديني و اللبس هذا يأثر في الشباب وايد و بامانه في خاطري اقول يستاهلن
     
  15. مردك لي

    مردك لي ¬°•| عضو مثالي |•°¬

    ههههههه مشكوره ع الموضوع النايس
    الله يهدي الشباب
     
  16. موت وميلاد

    موت وميلاد ¬°•| ما نشبه بعض|•°¬

    انا ما عيبني صراحة تصرفهم يعني بطريقتهم عيب

    لو الحرمة مهما كانت غير محترمة ما توصل لدرجة انة

    يوضخ عبايتهالو اشتكت عليهم بيروحون يمشاكل بسببهن

    الي تبا تصلح عمرها بتصلح شو يبونهن ينصحونهن والا ما تنصح
    عندها رب بيحاسبها ع تصرفها
    تسلمين اختى ع الموضوع
     

مشاركة هذه الصفحة