منافقين...] بكل ماتحتوي الكلمة من [ حرف]....!

الموضوع في ',, البُريمِي للِحِوار و النقَاشْ ,,' بواسطة |[ اليآزيهـ ]|, بتاريخ ‏24 أبريل 2010.

  1. |[ اليآزيهـ ]|

    |[ اليآزيهـ ]| :: إدارة الفريق التطويري :: إداري


    السلام عليكم ورحمة الله وبركاته ||
    ادري العنوان يزيغ :29:

    بس شو اسوي هذا حآل الدنيا...!

    منافق[1]

    في المنتدى محد احسن عنه ومستوي داعيه للخير ونصوح ومحد احسن عنه في هالدنيا
    قمة في الاخلاق....!
    وفي الحقيقه انه شخص تآفه وسخيف وما مخلي بنت الا ومأذنها بالرسايل الخاصه..
    ولا بعد يحاول يقردنها....!


    منافقين...] بكل ماتحتوي الكلمة من [ حرف]....!

    منافق[2]

    في المنتدى يقول:
    بصراحه انا انسان ما احب الف وادور واحب الصرحه وما احب اني العب في مشاعر بنات الناس
    وفي الحقيقه هو انسان ما مخلي بنت الا وقاص عليها ومستوي فيها حسن السيره والسلوك...!:a054:

    منافق[3]
    في المنتدى مستوي ينصح الشباب ويدعيلهم بالهدايه...
    وفي الحقيقه يقردن هذي.. ويغازل هذي .. و يوم حد ينصحه يقول: يآخي انت ليش حاسد؟ خلني اعيش حياتي....!

    :huh-:
    منافقين...] بكل ماتحتوي الكلمة من [ حرف]....!

    منافق[4]
    في المنتدى يبين انه هو انسان مظلوم وكل الحزن في حياته وانه عمره ماشاف يوم فيه فرح << ليش هذا كله محد يعرف؟
    وفيا لحقيقه هو انسان عايش كل بحظه بلحظتها.....!

    منافق[5]
    في المنتدى يمدح فيك وفي نشاط وفي اسلوبك وكل رد تلقى له [ مبدع يا عضو]
    وفي الحقيقه يقول: يووه شوهالعضو الخربان .. او شو هالعضو الطفره .....ّ


    يا سبحآن الله..

    شو رايكم في هذي الناس..
    هل هيه صاحبة وجهين او.. اربع وجوه.. ولا تدرون حتى لو عشره
    ماتفرق معاها:19:

    جدامكم بويه ومن وراكم بويه

    وخاصه في عالم المنتديات...!

    الله يكفينا شرهم

    بالنسبة لي اعتبرهم منافقين وناس مريضه..!

    انتوا شو تعتبرونهم؟

    تحياتي: يزووووويه..

    [ خارج نطاق الخدمه حاليآ]:imuae55:
     
  2. !الـغ ـروب!

    !الـغ ـروب! ¬°•| مُراقِبة سَابقَه |•°¬

    يرهههههههههههههههه
    هاي قنبلة ذريه ههههههه
    >> خارج الموضوع


    يزوي
    موضوع رائع ولكن لو تم نسبه للواقع لكان الرد صريح ومقنع لأن تلك الوجوه موجوده في كل مكان
    اما في عالم المنتديات فشخصيا لا انجرف وراء اي مقوله او فعل او مدح لاني مدركه لمعنى عالم المنتديات او الشبكه الوهميه .. و ليس كل ما يقال خلف الشبكه نقدسه سواء اكان الشخص له معزه في قلوبنا او لا .. فالاقنعه اليوم تفوق الوصف وتحتاج لأبجدية أخرى للترجمه ..

    من خلال قراتي شدني الطرح فأنكِ تقصدين جنس معين .. رغم انني ارى النفاق في كلا منهما .. وشخصيا قد لامست من الجنس اللطيف او مانسمية اليوم ( الحية الرقطاء ) ... مايجعل النفس تيتسم عجبا

    اما عن مسألة ( التقردين ) فمتأكده كما اسمي بأن الرجل مهما كان أخلاقياته ومهما وضع العزيمة والحقد والعزم لــ لاسقاط فتاه ما لن يقترب من الفتاة المحترمه في جميع تصرفاتها البته ... التجارب كثيره كونه لا يعرف ماهية الشخص الآخر .. ولكن بعد ان يتيقن منها لن يقترب قيد انملة



    هذه رأيي الشخصي
    والاختلاف في الرأي لا يفسد الود ^_^
    دمتم سالمين
     
    آخر تعديل: ‏24 أبريل 2010
  3. اثير

    اثير ¬°•| مشرفة سابقة |•°¬

    اشكرج اختي اليازيه ع الموضووع الفنتك

    وبصراحه مب كل الاعضااء هااي فئه فيهم مرض نفسي .. فئه يحبون عماارهم انانين يتصرفون بتصرفات غبيه توصلهم للي يبونه بكل سهوله ولان البنت حسااسه وتميل للعواطف اكثر فهم مستغلين هالشي وعايشين حياتهم بوهم وجذب والبنت ياغفلين لكم الله ..
    اما بالنسبه اللي مسووي عنره مثقف ويهدي وينصح ومن ورا الكواليس يلعب بالحبلين هذا انسان بلا ضمير وماعنده شخصيه ..
     
  4. واسع الصدر

    واسع الصدر ¬°•| عضــو شرف |•°¬

    ذا ماسك يمكن مب بويهين

    يمكن لابس قناع
     
  5. مروض الكهان

    مروض الكهان ¬°•| مَشْرف سابق|•°¬





    كل ما سطرته .. حروفج ... بصيغه .. ( هو ) .. وكأن ( هي )


    هي أحسن حالا ... من هو


    قد يكون بعض ما قلتيه يحمل نوع من الصحه ... وجهة نظـــر :huh-:


    ولكن البعض الأخر .. أرى فيه تكبير لحجم المشكله ..


    هو ... يغازل ... :imuae55:

    وهي لا تغازل ... سمحيلي .. الايه انقلبت وصارت ( هي ) تغازل .. مع احترامي الشديد .. لفئة كبيره ... فالتعميم غاليا مب من صفاتي ..


    هو ... يظهر نفسه دائما بيرفكتــ

    وهي .. هل كل شيء تكتبه صحيح .. هل كل شيء تقوله يعبر عن شخصيته ..

    الشبكه العنكبوتيه .. عباره عن أرقام .. أي شخص يبى يستفيد منها يقدر

    والي ما يبى هم بعد يقدر

    يمكن يكون خلق له شخصيه جديده لكن الناس تستفيد من هذي الشخصيه أكثـــر من شخصيته الحقيقيه ( الي هي اصلا بلا معنى )

    غالبا ..

    كقارى ما تهمني شخصية الشخص الي اقراله كثــر ما اهتم لشيء الي اقراه

    لانه في غالب الوقت الشيء العاقل .. يكتب شيء مفهوم .. :hehe2:



    هو .. يبين انه حياته حزينه

    للأسف هذا الشيء الوحيد الي ما تقدري تعرفيه
    ناس كله مطيحه في المولات .. عايشه حياتها لحظه بلحظه بس مب شرط انها تكون سعيده

    السعاده أو الحزن شيء ما نقدر نعطيه شخص من معرفه سطحيه ولا عميقه في اغلب الاحيان


    السمووحه على الإطاله
     
  6. |[ اليآزيهـ ]|

    |[ اليآزيهـ ]| :: إدارة الفريق التطويري :: إداري

    ردي الحال
    حطمتني
    وكل كلمة ع راسي من فوق

    ولي عوده للتعقيب.عليك وع البقية.^.^
     
  7. Ąℓŋ3αỉмỉ

    Ąℓŋ3αỉмỉ ¬°•| مُراقب سَابق ومطور |•°¬

    اليازيه ورربي مووضووع قمه ربي لاهاان قدررج

    ..

    شي واحد عممتي انه الشباب هم المناافقين >> اختي الياازيه اصاابعج مو سوووى .. الحين الشباب اللي تناافق >> والبنات وين رراحو معليش خلينا نتكلم بصرراحه

    الشباب هم اللي يقردنو الشباب بس هم يضحكو ع مشاعر الاخرين الشباب هم وهم وهم >> مع احتررامي لج الا انا الطررفين يشترركوون في شي اسمه نفاااق

    اسباب كثيييره توودي الى الناافق

    منها ماافي وواززع ديني ..
     
    آخر تعديل: ‏25 أبريل 2010
  8. قطوة البريمي

    قطوة البريمي ¬°•| مُشرِفَة سابقة |•°¬

    ف عالم المنتديات والنت ما اعتبرهم منافقين بصراحه

    لانه وايد مواقف تحتايين تبينين العكس

    يعني لو موضوع هب حلو بتروحين تقولين هب شي؟؟

    ف هالحاله ما احس انه نفاق ..
     
  9. غيثة السحايب

    غيثة السحايب ¬°•| مُشرفَة سابقة |•°¬


    صح كلامج وانا كنت حاطه موضوع من قبل عن النفاق ف المنتديات

    وياما قلت انا مااحب اجامل حد

    وخاصه الي مخلي عمره شريف مكه عاد هني القهر

    واذا حد قالهم الصدق كلوه بقشوره ويطلعونه هو الغلطان

    ويسلمووو
     
  10. موت وميلاد

    موت وميلاد ¬°•| ما نشبه بعض|•°¬

    والله ما اعرف شو اقولج

    بس الله يهدي من يشاء وبطنش لانه يمكن الشخص يتغير

    والله يهدية ويهدينا محد منا معصوم عن الغلط

    واشكرج اختى ع الموضوع 000
     
  11. نملة متحنية

    نملة متحنية ¬°•| مُشرِفَة سابقة |•°¬

    صح والله كل لي قلتية يابنت ياقووت ..

    كل هشي فالمنتدى وبرى المنتدى <<<
     
  12. أمير بطبعي

    أمير بطبعي ¬°•| عضو مبتدى |•°¬

    رد ممتاز الـغ ـروب
    قريت الموضوع والرد منك كفا ووفا وكان التركيز في الموضوع على فئة الشباب مع العلم ان هذي الفئه فيها من الشباب وفيها من البنات
    وشكرا لطرحك الموووضوع اليازية بس التعميم مب زين لان مو كل اصابع يدك متساويه
    وترا مثل ما في فئات ومرضا قلوب في الشات هم في الواقع الي احن نعيشة وقد يكون صديقتك او حتا انتي والي مسويه نفسها شريفة مكاه ( وعذروني على التعبير ) بس للتوضيح لا غير ) تكونين في الواقع بوجه وانتي لك وجه غير في الخفا او مثل ما تقولي اربع وجوه يعني عندي بوجه وعند غيري بوجه وعند الثالث بوجه ..والخ
    وترا نسبة البنات الي من هذي الفئه تساوي نسبة الاولاد او تزيد
    يعني الحين في هزمن مو شرط ان الولد يقص على البنت صار الحين العكس



    تقبلو مروري : أمير
     
  13. أمير بطبعي

    أمير بطبعي ¬°•| عضو مبتدى |•°¬


    البنت الي شاطره لا بيقص عليها ولد ولا تلد :approved:
    الرجا عدمم التعميم
    ترا حالكم من حالنا مافي فرق

    تحياتي : أمير
     
  14. أمير بطبعي

    أمير بطبعي ¬°•| عضو مبتدى |•°¬

    لا تعليق أخي ردي الحال
    كفيت ووفيت
    تسلم على الطلة

    تحياتي : أمير
     
  15. |[ اليآزيهـ ]|

    |[ اليآزيهـ ]| :: إدارة الفريق التطويري :: إداري

    امبر بطعبي. شكلك استلمت الموضوع بدالي..^.^

    سبحآن الله
    الواحد في هالزمن مايفرق..~
    يمكن تسطر الف كلمة تمدح فيها نفسك وبالاخير تطلع ولا شي..~
    وانا ما عممت انا ذكرت البعض ومايحتاي اقول هالشي
    وذكرت بصيغة المذكر لان غالبا ما نعبر عن الجنسين بصيغة المذكر...~

    ولو ان في موضوعي قصدت الذكور.
    ولا انكر وجود هذه الفئه في ا لبنات..~
     

مشاركة هذه الصفحة